Хўжандда бўлиб ўтаётган ярмаркада ўзбек тадбиркорларига омад кулиб боқмоқда

© Sputnik Етвеш СтаниславТожикистоннинг Хўжандида халқаро иқтисодий кўргазма-ярмаркаси иш бошлади
Тожикистоннинг Хўжандида халқаро иқтисодий кўргазма-ярмаркаси иш бошлади - Sputnik Ўзбекистон
Oбуна бўлиш
Тожикистоннинг Хўжандида бўлиб ўтаётган "Сўғд-2017" кўргазма-ярмаркасига илк маротаба Ўзбекистондан ва Латвиядан бизнесменлар ташриф буюришди, деб хабар қилмоқда Спутник Тожикистон нашри

ТОШКЕНТ, 16 июн — Sputnik, Анастасия Лебедева. Хўжандда "Сўғд-2017" халқаро иқтисодий кўргазма-ярмаркасининг очилиш маросими бўлиб ўтди, деб хабар қилди Спутник Тожикистон нашри.

Тожикистонда Ўзбекистон саноат маҳсулотлари кўргазмаси ўтказилди - Sputnik Ўзбекистон
Тожикистон матбуоти: тожиклар ва ўзбеклар дўстлиги абадий!
Хабарга кўра, ярмаркага Тожикистоннинг турли вилоятларидан 200дан ортиқ тадбиркорлар ҳамда 10 та давлатдан бизнесменлар ташриф буюришган. Бундан ташқари, "Сўғд-2017" кўргазма-ярмаркасида 23та халқаро ташкилот вакиллари ҳам иштирок этганлар.

"Бугун иқтисодий алоқаларни мустаҳкамлаш мақсадида Хўжандга Ўзбекистоннинг 30дан зиёд компаниялари вакиллари ташриф буюришди. Ишончим комилки, бу кўргазма мамлакатларимиз ўртасидаги муносабатларни янада юқори даражага кўтаради", — деган Ўзбекистон томондан ташриф буюрган савдо-саноат палатасининг Тошкент вилояти бўйича бошқармаси раҳбари Файзулло Мамонов.

Ўзбекистондан ташриф буюрган ўзбек тадбиркорлари ҳам ўз хурсандчилигини яширишмади, деб ёзади нашр.

© Sputnik Стас Етвеш Тожикистоннинг Хўжандида халқаро иқтисодий кўргазма-ярмаркаси иш бошлади
В Худжанде открылась международная экономическая выставка-ярмарка Сугд-2017 - Sputnik Ўзбекистон
Тожикистоннинг Хўжандида халқаро иқтисодий кўргазма-ярмаркаси иш бошлади

"Бизни таклиф этишганидан чексиз хурсандмиз. Душанбеда ўтказилган кўргазмада иштирок этиш насиб қилмаганди, бу ерга ҳам зўрға улгурдик. Чунки 200та компания ариза берган бўлса, фақат 30таси қатнашиши мумкин эди", — деб айтган ўзбекистонлик тадбиркорлардан бири.

Бугун бу тадбиркорнинг омади чопди, икки соат ичида у тожикистонлик ҳамкасблари билан учта шартнома имзолашга муваффақ бўлди, деб хабар қилган нашр.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0