ТОШКЕНТ, 16 янв – Sputnik. “Ислом давлати” террорчи гуруҳи жангарилари Суриянинг Дейр-эз-Зор вилоятида, Ал-Багилия қишлоғида 280 кишини қатл қилишди. Қурбонлар орасида аёллар, болалар ва қариялар бор, хабар бермоқда Sputnik агентлиги маҳаллий аҳоли маълумотига асосан.
“Бугун жангарилар Дейр-эз-Зорнинг Ал-Багилия қишлоғида даҳшали қотиллик уюштиришди. 280 киши ўлдирилди, улар орасида аёллар, болалар ва қариялар бор. Сабаб — гўёки, улар Сурия армияси билан ҳамкорлик қилишган эмиш”, — деб хабар бермоқда маҳаллий аҳоли.
Яқинда, 10 январ куни ИД жангарилари Ироқнинг Мосул шаҳрида 80 кишини қатл қилгани ҳақида хабар бергандик.
