Эшитдингизми, Корея ўзбекистонликлар учун виза беришни осонлаштиради

© Sputnik / Александр Кряжев / Медиабанкка ўтишЖанубий Корея
Жанубий Корея - Sputnik Ўзбекистон
Oбуна бўлиш
Сўнгги хабарларга кўра, Жанубий Корея ўзбекистонлик меҳнат мигрантлари учун квоталар сонини оширишга қарор қилган

ТОШКЕНТ, 25 апр — Sputnik. Ўзбекистон Меҳнат вазири Азиз Абдуҳакимов ва Корея Республикаси элчиси Квон Ён 22 апрел куни Корея республикасида меҳнат фаолиятини амалга ошириш учун Ўзбекистон фуқароларини танлаб олиш механизмларини такомиллаштириш масалаларини муҳокама қилдилар.

Улуғбек Назаров - Sputnik Ўзбекистон
Ташқи меҳнат миграцияси агентлиги раҳбари ўз лавозимини тарк этди
Ўзбекистон Меҳнат вазирлиги матбуот-хизмати хабарига кўра, Ўзбекистон вакиллари учун квоталар сонини кўпайтириш, рухсатномалар берилиши жараёнини соддалаштириш, танлаб олиш жараёни объектив, шаффоф ва адолатли кечиши масалалари муҳокама қилинган.

Ўзбекистон Меҳнат вазири Корея томонни яқинда Жанубий Кореяга ишга бориш учун талабгорлар орасида тест жараёни муваффақиятсиз ўтказилгани ва шу боис, ташқи миграция масалалари агентлиги раҳбари ишдан олингани ҳақида хабардор этган.

Ишчиларни ёллаш бўйича регионал квоталарга асосланган янги механизмларни жорий қилиш лозимлиги борасида таклифлар билдирилган. Шунингдек, аҳоли ўртасида Корея республикасида қонуний меҳнат фаолиятини олиб бориш борасида тушунтириш ишлари ўказилиши кераклиги айтиб ўтилган.

Томонлар меҳнат миграцияси соҳасидаги ҳамкорликни "сифат жиҳатдан янги босқичга" кўтаришга келишиб олганлар.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0