ТОШКЕНТ, 24 дек — Sputnik. Яқинда Шавкат Мирзиёев қарори билан эълон қилинган армияга чақирув янги қоидалар асосида ўтади, деб хабар қилган Ўзбекистон Мудофаа вазирлиги вакили Спутник Ўзбекистон мухбирига бўлиб ўтган матбуот-анжумани давомида.
2016 йилнинг май ойида Мудофаа вазирлиги ҳамда Вазирлар Маҳкамаси ҳузуридаги Давлат тест маркази ҳамкорлигида Муддатли ҳарбий хизматга чақирилаётган чақирилувчилар танловини ўтказиш тартиби тўғрисидаги низомни тайёрлаган эдилар. Мазкур Низом тегишли идоралар билан келишилган ҳолда, июл ойида Адлия вазирлигида рўйхатга олинган.
"Танлов иштирокчилари тест топшириқларини бажариб бўлишгач, Давлат тест маркази уларнинг жавоблари асосида ўртача баллни чиқаради, ва бу армия сафидан ўрин олишнинг ўзига хос планкаси сифатида хизмат қилади. Ўрта баллдан юқори балл олганлар хизматга рўйхатдан ўтказилади", — деб таъкидлаган суҳбатдош.
Хабарга кўра, чақирилувчи ўз хизмат жойи ва қўшин турини мустақил танлаш ҳуқуқига эга бўлмайди. Бу масалани Чақирув комиссияси ҳал қилади. Таъкидланишича, комиссия ҳарбий хизматга чақирилувчининг тестлардан олган баллари, соғлиғи ҳолати, жисмоний кўрсаткичлари ва оилавий аҳволидан келиб чиққан ҳолда қарор қабул қилади.
