Москвадаги "Проспект мира" метро бекати яқинида жойлашган Жоме масжидига мусулмонлар ярим тунда оқиб кела бошлади. ТОнг соат 06:30 да нафақат масжид ичи, балким унинг атрофида 500 метргача бўлган ҳудуд ҳайит намози ўқишга келганлар билан лиқ тўла эди.
Шунингдек, бу ерда намоз ўқишга келган мусулмонлардан ташқари минглаб, полиция ва бошқа ҳуқуқни сақлаш органлари ходимлари ҳам бор эди. Масжид томонидан тайинланган махсус кўнгиллилар эса келганларни масжид томон йўналтириб туришар, металл излагичдан ўтишга ёрдан берар эди.
Имом Қурбон ҳайити, қурбонлик ҳақида, Ислом динининг тинчлик, эзгулик дини эканлиги ҳақида маъруза қилганидан сўнг ҳайит намози адо этилди. Намоз адо этилганидан сўнг миллати ва ёшидан қатъи назар барча бир-бирини муборак айём билан қутлади.
