Янги дастур: Ўзбекистон ёшларига яна қатор имтиёзлар белгиланди

© Sputnik / Алексей ВитвицкийҲужжатлар
Ҳужжатлар - Sputnik Ўзбекистон
Oбуна бўлиш
Дастурда ёшларни масъулиятли лавозимлар захирасига киритиш, олий таълим муассасаларига имтиёз билан қабул қилиш, имконияти чекланган ёшларни ҳар томонлама қўллаб-қувватлаш, Олий Мажлис Қонунчилик палатасида "Ёшлар клуби"ни ташкил қилиш сингари ғоят муҳим ташкилий-ҳуқуқий тадбирларни амалга ошириш белгиланган

ТОШКЕНТ, 19 июл — Sputnik. Шавкат Мирзиёев 18 июль куни "Ўзбекистон ёшлар иттифоқи фаолиятини такомиллаштиришга доир комплекс чора-тадбирлар тўғрисида"ги Қарорни имзолади, деб хабар қилди Ўзбекистон президенти матбуот-хизмати.

Ўзбекистон президенти Шавкат Мирзиёев - Sputnik Ўзбекистон
Ёшлар - улкан куч: Мирзиёев ёшларга Ҳукумат эшикларини очди
Ушбу муҳим ҳужжат ёшларга оид давлат сиёсатини изчил ва самарали амалга ошириш, ёшларни ҳар томонлама қўллаб-қувватлаш, уларнинг ҳуқуқ ва қонуний манфаатларини ҳимоя қилиш, юрт истиқболи учун масъулиятни ўз зиммасига олишга қодир бўлган ташаббускор ва шижоатли ёш авлодни вояга етказиш каби эзгу мақсадларга йўналтирилган бўлиб, Ёшлар иттифоқи фаолиятини такомиллаштиришга доир кенг кўламли чора-тадбирлар дастурини ўз ичига олган.

Қарорда кўзда тутилганидек, Дастур ижроси юзасидан Республика ишчи гуруҳи тузилиб, унинг зиммасига Ёшлар иттифоқи фаолияти самарадорлигини ошириш, ёшлар тадбиркорлигини қўллаб-қувватлаш, битирувчи ёшлар бандлигини таъминлаш, шу билан бирга, ёшларда китобхонлик маданиятини юксалтириш, мафкуравий таҳдидларга қарши иммунитет шакллантириш каби маънавий-маърифий ишларни янада фаоллаштириш, айни пайтда истеъдодли ёшларнинг ижодий ва интеллектуал салоҳиятини рўёбга чиқариш каби қатор вазифалар юкланади.

Дастурда ёшларни масъулиятли лавозимлар захирасига киритиш, олий таълим муассасаларига имтиёз билан қабул қилиш, имконияти чекланган ёшларни ҳар томонлама қўллаб-қувватлаш, Олий Мажлис Қонунчилик палатасида "Ёшлар клуби"ни ташкил қилиш сингари ғоят муҳим ташкилий-ҳуқуқий тадбирларни амалга ошириш белгиланган.

Книжная ярмарка - Sputnik Ўзбекистон
Ўзбекистонда "Ёшлар нашриёти уйи" ташкил этилади

Шунингдек, Дастурга биноан Ёшлар иттифоқи фаолияти самарадорлигини ошириш мақсадида унинг ёшларга оид оммавий ахборот воситалари, фуқаролар йиғинлари, хориждаги турдош ташкилотлар билан ҳамкорлигини ривожлантириш, Иттифоқнинг моддий-техник базасини мустаҳкамлаш ва кенгайтириш, жумладан, "Ёшлар нашриёт уйи", "Ёшлар пресс-клуби" ва "Ёшлар қурилиш инвест" компаниясини ташкил этиш, таълим олиш ва уй-жой эгаси бўлишда, ўз бизнесини ташкил қилишда илғор ва намунали ёшларга кўмаклашиш бўйича кўплаб чора-тадбирларни амалга ошириш кўзда тутилмоқда.

Янгиликлар лентаси
0