ТОШКЕНТ, 14 ноя — Sputnik. Одилхон Бакиевич Рустамов Тошкент вилояти ҳокимининг Саноатни ривожлантириш, иқтисодиёт ва тадбиркорлик масалалари бўйича биринчи ўринбосари этиб тайинланди, деб хабар қилинди вилоят ҳокимлигининг расмий сайтида.
Одилхон Рустамов 2001-2005 йилларда Тошкент шаҳар Чилонзор, Учтепа туманлари давлат солиқ инспекцияси бошлиғи, 2005-2009 йилларда Тошкент шаҳар давлат солиқ бошқармаси бошлиғи ўринбосари, Хоразм ва Жиззах вилояти давлат солиқ бошқармалари бошлиғи, 2009 йилнинг мартидан 2016 йил мартига қадар Давлат солиқ қўмитаси раиси ўринбосари лавозимида ишлаган.
2016 —2017 йилларда "Ўзбекозиқовқатхолдинг" холдинг компаниясига раислик қилган. Жорий йилнинг июль ойидан Тошкент шаҳар Шайхонтоҳур тумани ҳокими лавозимида иш бошлаган.
