Тошкент шаҳридаги Яккасарой масжидининг таъмирлаш ишларидан сўнг очилиш маросимидан олинган сурат

Тошкентдаги "Яккасарой" жоме масжидининг янги биносида илк жума намози адо этилди

110
(Янгиланган 11:53 19.09.2016)
Қайта таъмирланган масжид бир вақтнинг ўзида мингга яқин диндорларни ўз ичига сиғдира олади.

ТОШКЕНТ, 19 сен — Sputnik. Ўзбекистон мусулмонлари идораси раиси, муфтий Усмонхон Алимов 2014 йилнинг 27 август куни Тошкент шаҳридаги "Яккасарой" жоме масжидига биринчи ғиштини қўйиб берган эди. Шу йилнинг 16 сентябрь куни эса ушбу масжиднинг  янги биносининг очилишига ташриф буюрдилар, деб хабар қилади muslim.uz.

Усмонхон Алимов бу хайрли ишда кўмакчи бўлган барча инсонларга ўз миннатдорчилик билдирдилар ва шундан сўнг жума намозини ўқиб бердилар.

Тошкент шаҳридаги  "Яккасарой" жоме масжиди қарийб 100 йиллик тарихга эга. 23 метрга бўй чўзган гумбазли хонақоҳ деворлари, меҳроб ўзига хос нақшлар билан безатилган. Бино гумбазининг ташқари томондан баландлиги юқорисидаги ой рамзи бўйи билан 28 метрга, миноранинг баландлиги эса 31.5 метрни ташкил этади. Моҳир хаттотлар томонидан меҳроб усти ва деворига Қуръони карим оятларидан ҳамда ҳадиси шарифларда ворид бўлган дуолар муҳрланган.

Қайта таъмирланган масжид бир вақтнинг ўзида мингга яқин диндорларни ўз ичига сиғдира олади.

Жума намози охирида тўпланганлар масжид қурилишида иштирок этган барча ҳашарчиларга ва шу каби хайрли ишларда доимо бош-қош бўлган Ўзбекистоннинг биринчи Президенти марҳум Ислом Каримов ҳақига хайрли дуолар қилдилар.

1 / 6
Тошкент шаҳридаги "Яккасарой" масжидининг таъмирлаш ишларидан сўнг очилиш маросими
110