ТОШКЕНТ, 21 фев — Sputnik. Россиянинг БМТдаги доимий вакили Виталий Чуркин 64 ёшида Нью Йоркда вафот этди. Дипломат иш жойида, юрак билан боғлиқ муаммолар туфайли вафот этган.
«Россия ТИВ катта афсус билан маълум қиладики, 20 февраль куни 65 ёшга ўтишига 1 кун қолган кунда, Россиянинг БМТдаги доимий вакили Виталий Чуркин Нью-Йоркда тўсатдан вафот этди», — дейилган вазирлик хабарида.
Россия президенти Владимир Путин дипломатнинг оила аъзоларига ўз ҳамдардлигини билдирди. Песков айтишига қараганда Путин Чуркиннинг профессионал хусусиятларини ва дипломатик талантини жуда юқори баҳолаган.
Виталий Чуркин 1952 йилда Москвада туғилган. Дипломатик фаолиятини 1974 йилда бошлаган, 1992-1994 йилларда РФ ТИВ раҳбарининг ўринбосари сифатида ишлаган. 1994-1998 йилларда Россиянинг Бельгия қироллигида элчиси, 1998-2003 йилларда Россиянинг Канададаги элчиси бўлган.
Чуркин 2006 йилнинг 8 апрелидан Россиянинг БМТ ва Хавфсизлик Кенгашидаги махсус вакили сифатида фаолият кўрсатиб келаётганди.
