"Ўзстандарт" агентлиги истеъмолчиларни огоҳликка чақирмоқда

CC BY-SA 2.0 / Dan Lundberg / 20141002_Uzbekistan_0774 SamarkandАлкогольная продукция в магазине в Узбекистане
Алкогольная продукция в магазине в Узбекистане - Sputnik Ўзбекистон
Oбуна бўлиш
"Урганч шароб" акциядорлик жамияти томонидан ишлаб чиқарилган ароқ, вино ва ликёр маҳсулотлари сифатсиз эканлиги аниқланди

TOШКЕНТ, 21 июл — Sputnik. "Урганч шароб" акциядорлик жамияти томонидан ишлаб чиқарилган алкоголли маҳсулотлар давлат стандарти талабларига жавоб бермаслиги аниқланди. Бу ҳақда "Ўзстандарт" агентлиги матбуот хизмати хабар бермоқда.

Хабарга кўра, "Ўзстандарт" агентлиги ҳузуридаги Алкоголли маҳсулотлар сифати бўйича давлат инспекцияси томонидан Қорақалпоғистон Республикасида жойлашган "Беруний шароб савдо" ихтисослаштирилган шароб савдо базасида алкогол маҳсулотлари сифати текширилди.

Спиртли ичимликлар - Sputnik Ўзбекистон
Ўзбекистонда ароқ нархи 7 йилда уч бараварга қимматлашди

Таҳлиллар натижасида база омборхонасида мавжуд "Урганч шароб" акциядорлик жамияти томонидан ишлаб чиқарилган 6995 дона "Бизнинг ором" виноси, 4305 дона "Фазан" ва 9757 дона "Қора Байир" ароқ маҳсулотлари давлат стандартлари талабларига мувофиқ эмаслиги аниқланди.

Бундан ташқари, савдо дўконларида аҳолига сотилаётган алкогол маҳсулотлари текширилганида, мазкур акциядорлик жамияти томонидан ишлаб чиқарилган "Урганч" оддий ароғи, "Золотая марка" ва "Голд Бранд" ликёрароқ маҳсулотлари давлат стандартлари талабларига мувофиқ эмаслиги маълум бўлди.

Аниқланган сифатсиз алкогол маҳсулотлари савдо тармоғидан олиниб, қайта ишлаш учун ишлаб чиқарувчига қайтарилди. "Урганч шароб" акциядорлик жамияти фаолиятини қайта кўриб чиқиш ва масъулларга нисбатан чора кўриш юзасидан тегишли ваколатли идораларга натижалари бўйича хулосалар юборилди.

Агентлик мазкур масала юзасидан расмий веб сайти орқали тизимли янгиликлар бериб боришини билдирган.

Янгиликлар лентаси
0