ТОШКЕНТ, 7 ноя — Sputnik. Ўзбекистон президенти Шавкат Мирзиёев Туркия Миллий мажлисининг Анталия вилоятидан собиқ депутати Содиқ Бадак Ўзбекистон Туризмни ривожлантириш давлат қўмитаси раиси маслаҳатчиси этиб тайинлади. Унинг номзоди Шавкат Мирзиёевнинг Туркияга ташрифи чоғида турк ҳукумати томонидан таклиф қилинган эди.
Ўзбекистон Республикаси ҳукумат порталида хабар қилинишича, маслаҳатчи ўзбекистонлик мутахассислар билан республиканинг сайёҳлик салоҳиятини ривожлантириш бўйича стратегик режа ишлаб чиқиш билан шуғулланади.
Бадак шунингдек, мамлакатнинг туристик салоҳияти юқори вилоятларида инфратузилмаларни ривожлантириш лойиҳалари режаларини ишлаб чиқади.
Бундан ташқари, у Ўзбекистоннинг туризм соҳасидаги қонунчилигини такомиллаштириш бўйича таклифлар беради.
