"Мен ўзимни кечиролмайман": Ислом Тўлагановнинг сўнгги сўзи - видео

Менга жазо тайинлашда, Жасурбекка нисбатан қасдим бўлмаганини, фожиа бўлишини ўйламаганим, ёшимни, илгари судланмаганимни инобатга олиб, адолатли жазо тайинлашларингизга ишонаман", — деди сўнгги сўз ўрнида Жасур Иброҳимов ўлимида айбланаётган Исломбек Тўлаганов.

"Агар Жасурбекка нисбатан қасдим бўлганида, мен унга ўқишнинг ичидаёқ қўл кўтарган бўлардим. Мен унга жавоб қайтарардим. Мени ота-онам "ҳеч кимни ҳафа қилма, урушма" деб, "катталарга иззатда, кичкиналарга ҳурматда бўл", деб тарбия берган.

Мен уларнинг маслаҳатларига қулоқ солганман. Иккинчи сонли касалхона врачлари тўғри ташхис қўйиб, сифатли тиббий ёрдам кўрсатганида, Жасурбек вафот этмаган бўларди. Жасурбек мард инсон эди. У билан салом-алигимиз яхши эди. У ерда 2-сонли (касалхона) врачларининг ҳам айби жуда кўп.

Ҳурматли раислик этувчи, халқ маслаҳатчилари!

Менга жазо тайинлашда, Жасурбекка нисбатан қасдим бўлмаганини, фожиа бўлишини ўйламагандим, ёшимни, илгари судланмаганимни инобатга олиб, адолатли жазо тайинлашларингизга ишонаман", — деб ўз сўзига якун ясади Тўлаганов.