РФ президенти В. Путиннинг Тожикистонга расмий ташрифи

Россияда тожикистонликлар учун имтиёзлар бисёр, деди Путин Раҳмонга

825
(Янгиланган 20:15 27.02.2017)
Россия ўз ҳудудида меҳнат қилаётган Тожикистон фуқароларини муносиб меҳнат шароити билан таъминлаш учун учун барча чораларни яратаяпти, деб таъкидлади Владимир Путин Тожикистон раҳбари Эмомали Раҳмон билан ўтказган музокаралари давомида

ТОШКЕНТ, 27 фев — Sputnik. Россия президенти Владимир Путин Тожикистон раҳбари Эмомали Раҳмонга Россияда Тожикистон фуқаролари учун муносиб меҳнат шароитлари яратилаётгани ҳақида айтди, деб хабар қилмоқда РИА Новости.

"Россияда меҳнат қилиб, ўз ватанига пул жўнатмаларини амалга ошираётган мигрантлар ҳам Тожикистон иқтисодиёти учун жиддий кўмак бўлиб хизмат қилмоқда. Уларнинг сони бизнинг ҳисобимиз бўйича 876 минг нафарни ташкил қилади. Биргина ўтган йилнинг ўзида бундай жўнатмалар миқдори 1,9 миллиард долларни ташкил қилган, бу эса Тожикистон ЯИМининг учдан бир қисми деганидир. Таъкидлаб ўтаманки, Тожикистон фуқаролари учун Россияда имкон қадар имтиёзлар тақдим этилмоқда: улар рўйхатда турмасдан Россияда 15 кун бўла оладилар, меҳнат қилиш ҳуқуқини берувчи патентни эса бирданига уч йиллик қилиб расмийлаштиришлари мумкин", — деди Путин.

Тожикистон фуқароларини муносиб ҳаёт ва меҳнат шаоитлари билан таъминлаш, уларни ижтимоий ҳимоя ва тиббий ёрдам билан  кафолатлаш  учун барча лозим чоралар кўриляпти. Мана бугун икки томонлама имзоланган келишув ҳам мана шу йўналишга қаратилган", — деб қўшимча қилган Россия президенти.

825