Турк ОАВлари: ИҲТ давлатлари Исроилга қарши санкция қабул қилиши мумкин

© REUTERS / Mohamed Abd El GhanyПротестующие кричат лозунги и сжигают израильский флаг во время антиизраильского протеста в Каире, Египет, 10 декабря 2017 года
Протестующие кричат лозунги и сжигают израильский флаг во время антиизраильского протеста в Каире, Египет, 10 декабря 2017 года - Sputnik Ўзбекистон
Oбуна бўлиш
Истанбулда ўтказилаётган Ислом ҳамкорлик ташкилотининг фавқулодда саммитида Қуддус бўйича махсус комиссия ташкил этилиши мумкин

ТОШКЕНТ, 13 дек — Sputnik. Ислом ҳамкорлик ташкилотининг фавқулодда саммитида Қуддуснинг Исроил пойтахти деб эълон қилинишига қарши чоралар кўриш масаласи кўриб чиқилади, деб хабар қилди Sputnik Озарбайжон Туркия ОАВларида тарқатилган хабарларга таянган ҳолда.

Бугун, 13 декабр куни Истанбул шаҳрида ИҲТнинг фавқулодда саммити ўтказилмоқда.

Саммит ОИС - Sputnik Ўзбекистон
Фавқулодда саммит: Ўзбекистон делегацияси Туркияга отланди
Йиғилишда АҚШ Қуддусни Исроил пойтахти деб тан олганлиги, шунингдек ўз элчихонасини Тел-Авивдан ушбу шаҳарга кўчириб ўтказганлиги масаласи муҳокама қилинади.

Озарбайжон президенти Илхом Алиев ҳам ушбу саммитда иштирок этмоқда.

Турк ОАВларида ёзилишича, саммитда Қуддус масаласи бўйича махсус комиссия тузилиши режалаштирилган. Шунингдек, ИҲТга аъзо мамлакатлар, бордию, Қуддусни Исроил пойтахти деб тан оладиганлар сони кўпайгудек бўлса, давлалар билан муносабатларни қайта кўриб чиқишлари мумкинлиги айтилмоқда.

Қуддуснинг Исроил пойтахти деб тан олинишига қарши ИҲТ қабул қиладиган чоралар сифатида АҚШдан элчиларни чақириб олиш, шунингдек, Исроил давлатига қарши санкциялар қабул қилиниши мумкинлиги санаб ўтилган.

Эслатиб ўтамиз, АҚШ президенти Дональд Трамп илгарироқ Қуддусни Исроил пойтахти деб расман тан олгани ҳақида эълон қилган эди. Шундан сўнг Трамп Исроилдаги АҚШ элчихонасини Тел-Авив шаҳридан Қуддусга кўчиришни буюрди. Америка етакчисининг ушбу қарори кўплаб давлатларнинг, биринчи навбатда, Яқин Шарқ ва Фаластиннинг кескин норозилигини келтириб чиқарди.

Бутун мусулмон дунёсида, шу жумладан Исроилнинг ўзида ҳам норозилик намойишлари бошланди ва бунинг оқибатида юзлаб одамлар жабрланди.

Янгиликлар лентаси
0