Ўзбекистонда қайси соҳа ходимлари маоши энг тез суръатларда ортганлиги маълум қилинди

© SputnikУзбекская валюта - сум
Узбекская валюта - сум - Sputnik Ўзбекистон
Oбуна бўлиш
Ўзбекистонда ўртача ойлик номинал ҳисобланган иш ҳақи 1 609,1 минг сўмни ташкил этган

ТОШКЕНТ, 15 июл – Sputnik. Ўзбекистонда ахборотлаштириш ва алоқа соҳаси ходимларининг ойлиги энг тез суръатларда ортмоқда. Бу ҳақда Статистика қўмитаси ҳисоботида маълум қилинди.

Таҳлилга кўра, 2018 йил январ-июн ойларида Ўзбекистонда ўртача ойлик номинал ҳисобланган иш ҳақи 1 609,1 минг сўмни ташкил этган. Бунда иш ҳақига устама, мукофот, рағбатлантириш хусусиятига эга тўловлар, компенсация ва ишланмаган вақт учун ҳақ каби тўловлар киритилган, шунингдек унинг таркибида жисмоний шахслар даромад солиғи, ижтимоий суғурта ва касаба уюшмасига тўловлар ҳам мавжуд.

“2018 йил январ-июн ойларида республикадаги ўртача ойлик иш ҳақига нисбатан молиявий ва суғурта фаолиятида 89,9 % га, ахборот ва алоқада 88,3 % га, саноатда 51,9 % га, ташиш ва сақлашда 33,5 % га юқорини ташкил этган бўлса, аксинча соғлиқни сақлаш ва ижтимоий хизматлар кўрсатишда 34,2 % га, яшаш ва овқатланиш бўйича хизматларда 28,8 % га, таълимда 22,3 % га камни ташкил этмоқда”, - дейилади ҳисоботда.

Министр народного образования Шерзод Шерматов - Sputnik Ўзбекистон
Мажбурий ушланмалар, ўта паст ойлик – вазир халқ таълимидаги муаммолар сабабини айтди

Ҳисоботда айтилишича, 2018 йилнинг биринчи ярмида ахборотлаштириш ва алоқа соҳаси ходимларининг ўртача иш ҳақи 3,03 миллион сўмни ташкил қилди. Ўтган йилнинг мос даврига солиштирганда ўсиш суръати 32,9 фоизга тенг.

Таълим соҳасида ишловчиларга ҳисобланган ўртача ойлик номинал ҳисобланган иш ҳақи 1 250,4 минг сўмни ташкил этган ва 2017 йилнинг мос даврига нисбатан 15,2 % га ўсган.

Саноат соҳасида ишловчиларга ҳисобланган ўртача ойлик номинал ҳисобланган иш ҳақи 2 443,6 минг сўмни ташкил этиб, 2017 йилнинг мос даврига нисбатан 30,2 %га ўсганлиги айтилмоқда.

Соғлиқни сақлаш ва ижтимоий хизматлар кўрсатиш соҳасида ишловчиларга ҳисобланган ўртача ойлик номинал ҳисобланган иш ҳақи 1 058,5 минг сўмни ташкил этиб, 2017 йилнинг мос даврига нисбатан 16,8 %га, ташиш ва сақлаш соҳасида ишловчиларга ҳисобланган ўртача ойлик номинал ҳисобланган иш ҳақи 2 148,3 минг сўмни ташкил этиб, 2017 йилнинг мос даврига нисбатан 22,1 %га ўсган.

Молиявий ва суғурта фаолияти соҳасида ишловчиларга ҳисобланган ўртача ойлик номинал ҳисобланган иш ҳақи 3 054,9 минг сўмни ташкил этиб, 2017 йилнинг даврига нисбатан 25,4 %га ўсган.

Янгиликлар лентаси
0