Хавфсизлик йўлида: Россия ва Ўзбекистон ўртасида ҳарбий ҳамкорлик қандай ривожланмоқда?

© Пресс-служба Минобороны РУзВоенослужащие РФ и РУз
Военослужащие РФ и РУз - Sputnik Ўзбекистон
Oбуна бўлиш
Ўзбекистон—Россия ўртасидаги сўнгги ўқув машғулотлари Фориш полигонида 2005 йилда ташкил этилган эди. 12 йиллик танаффусдан кейин ўтган йилнинг октябрида ўтказилган қўшма машғулотда икки мамлакатдан жами 400 нафарга яқин ҳарбий хизматчи иштирок этди

ТОШКЕНТ, 17 окт - Sputnik. Ҳарбий соҳадаги ҳамкорлик бугунги кунда Ўзбекистон ва Россия муносабатларида муҳим аҳамият касб этмоқда. Ўзбекистон Мудофаа вазирлиги матбуот хизмати икки давлат қуролли кучлари ҳамкорлиги бўйича таҳлилий мақолани эълон қилди.

Визит Министра обороны РФ Сергея Шойгу в Узбекистан - Sputnik Ўзбекистон
Ўзбекистон мудофаа вазири Қозоғистон ва Россия ҳарбий делегацияларини қабул қилди

Ҳарбий ҳамкорлик режаси

2000 йилдан бошлаб Ўзбекистон ва Россия ўртасидаги ҳарбий ҳамкорлик икки давлат мудофаа вазирликлари ўртасида ҳар йили имзоланадиган Ҳарбий ҳамкорлик режаси асосида амалга оширилади.

Мазкур келишувларни амалга ошириш йўлида томонлар тезкор ва жанговар тайёргарлик, таълим, ҳарбий хизматчиларнинг малакасини ошириш, ҳарбий кадрларни тайёрлаш, замонавий ахборот коммуникация технологиялари, ҳаво кемалари ҳаракатини бошқариш ва парвозлар хавфсизлигини таъминлаш, ҳарбий-техник ҳамкорликни ривожлантириш каби йўналишларда кўплаб тадбирларни ташкил этиб келмоқда.

Ўтган давр мобайнида икки мамлакат ҳудудида 300 га яқинҳамкорлик тадбирлари ўтказилгани, бунинг исботи.

Бундан ташқари икки томонлама ҳарбий ва ҳарбий-техник ҳамкорлик йўлида норматив-ҳуқуқий база ҳам яратилган. Бу эса давлатлараро, ҳукуматлар ва идоралараро имзоланган ўттиздан ортиқ ҳужжатда ўз аксини топган.

Муносабатлардаги янги саҳифа

Мудофаа вазирлиги матбуот хизмати таъкидига кўра, айниқса, сўнгги икки йил икки давлат алоҳида аҳамиятга эга бўлди.

Начались узбекско-российские военные учения - Sputnik Ўзбекистон
Форишда Ўзбекистон-Россия ҳарбий машқлари бошланди

2017 йилнинг октябрида Жиззах вилоятидаги "Фориш" тоғ дала ўқув майдонида 12 йил деганда биринчи маротаба Россия ҳамда Ўзбекистон кучлари бўлинмалари ўртасида қўшма машғулот ўтказилди.

Бундан олдин Ўзбекистон—Россия ўртасидаги сўнгги ўқув машғулотлари айнан мана шу полигонда 2005 йилда ташкил этилган эди. 12 йиллик танаффусдан кейин қўшма машғулотда икки мамлакатдан жами 400 нафарга яқин ҳарбий хизматчи иштирок этди.

Қўшма машғулот давомида ҳарбийлар шартли террорчилар гуруҳини қидириб топиш ва уларни йўқ қилиш, шунингдек, мураккаб тоғли ҳудудларда махсус операцияларни ўтказиш бўйича ўзаро тажрибалари билан алмашдилар.

2017 йилнинг ўзида яна иккита диққатга сазовор ҳодиса рўй берди. Биринчидан, Ўзбекистоннинг Россиядаги элчихонаси қошида ҳарбий атташе лавозими жорий этилди.

Иккинчидан, минтақада хавфсизликни таъминлаш масалаларига бағишланган Ўзбекистон–Россия маслаҳатлашувларининг 5-босқичи Тошкентда бўлиб ўтди.

Шойгу попросил коллег из СНГ помочь в создании мультимедийного музея ВОВ - Sputnik Ўзбекистон
Сергей Шойгу МДҲ мудофаа вазирлари нималарга келишишгани хусусида

2018 йилнинг 21 май санасида Россия мудофаа вазири армия генерали Сергей Шойгу бошчилигидаги ҳарбий делегация расмий ташриф билан Ўзбекистонга келган эди. Олий мартабали меҳмонни Ўзбекистон мудофаа вазири генерал-майор Абдусалом Азизов кутиб олди.

Томонлар мудофаа соҳасидаги ҳамкорлик ва унинг истиқболларини муҳокама қилиб, ҳарбий-техника йўналишида ўзаро алоқаларни мустаҳкамлаш бўйича фикр алмашган эдилар.

Шу йилнинг 12 октябрь куни Ўзбекистон ва Россия мудофаа идоралари раҳбарлари яна бир бор Тошкентда учрашди. Томонлар икки мамлакатнинг мудофаа соҳасига оид масалаларини ҳамда ўзаро ҳамкорликни ривожлантириш истиқболларини муҳокама қилдилар.

Абдусалом Азизов Россия мудофаа вазири билан суҳбатда россиялик ҳарбий мутахассислар билан қўшма тадбирларни ўрказиш муҳим аҳамиятга эга эканлигини қайд этиб ўтди.

Учрашув якунида Ўзбекистонва Россия мудофаавазирлари томонидан 2019 йилги икки томонлама ҳарбий ҳамкорлик режасиҳамда Ўзбекистон Республикаси ва Россия Федерациясининг ҳарбий ҳаво кемалари томонидан икки мамлакат ҳаво маконидан фойдаланиш бўйича келишувлар имзоланди.

Янгиликлар лентаси
0