Ректор НИЯУ МИФИ Михаил Стриханов

Ўзбекистонга ядро соҳасида янги йўналишлар қизиқ МИФИ ректори

235
(Янгиланган 20:34 03.09.2019)
Тошкентда Россия Миллий ядровий изланишлар университетининг (НИЯУ МИФИ) филиали очилди. Бу ерда бўлажак атом электростанция учун мутахассислар тайёрланади.

Университет ректор Михаил Стриханов Sputnikга берган интерьюда – талабларни қабул қилиш, таълим йўналишлари, Ўзбекистонда олийгоҳнинг истиқболлари ҳақида сўзлаб берди.

Биринчи босқичда МИФИ филиали ядро энергетикаси, физика ва технология билан боғлиқ бўлган тўрт йўналиш бўйича мутахассисларни тайёрлайди. Бироқ яқин келажакда мутахассисликлар сони кўпайиши мумкин.   

“Биз мамлакат раҳбарияти, энергетика вазирлиги ва Ўзбекистон ҳукумати раиси билан тайёргарлик йўналишларини кўпайтириш имкониятлари ҳақида суҳбатлашдик. Эҳтимол, яқин орада ахборот технологиялари, биотиббиёт ва ядровий тиббиёт мутахассисликлари пайдо бўлади. Қизиқиш бор”, - деб таъкидлади Стриханов.

Москва муҳандислик физикаси институти ректори таъкидлашича, бу йил бутун республикадан талабалар қабул қилинди ва талабалар билимларини текшириш тўғридан-тўғри бош университет мутахассислари томонидан амалга оширилди. Биринчи навбатда физика ва математикадан имтиҳон натижаларига эътибор қаратилди.

Стриханов абитуриентларнинг билим даражасига юқори баҳо берди, бироқ келгусида талабаларнинг тайёргарлигини ошириш учун зарур бўлган соҳалар мавжудлигини таъкидлади.

“Иккита нарсага алоҳида эътибор бериш керак. Биринчиси, рус тилини билиш. Агар Ўзбекистондаги ёши катталар рус тилини яхши билса, ёшлар, афсуски, ҳар доим ҳам эркин сўзлаша олмайди. Иккинчиси – мактаблардаги тайёргарлик. Физика-математика синфларда юқори даражада билим беришни таъминлаш керак. Умуман олганда, йигитлар кучли, улар жуда катта салоҳиятга эга”, - деб таъкидлади МИФИ ректори.

Мутахассисларни тайёрлаш хусусида гапирганда, Стриханов ушбу йўналишда Россиянинг етакчи университетларида бўлгани каби ўтказилишини тушунтирди.

"Биринчи курсда фундаментал фанлар - математика, физика, кимё, ахборот технологиялари ва чет тилларни ўрганишни кўзда тутади. Шундай қилиб, талабалар учта тилни – она тили – ўзбек, рус ва инглиз тилларини билишлари шарт. Юқори курсларда замонавий жиҳозлар билан жиҳозланган лабораторияларда касбий тайёргарлик ўтилади. Атом саноатида ишлайдиган амалиётчилар жалб қилинади. Уларни Тошкентга таклиф қиламиз, ўқув-семинарлар ташкил қиламиз. Яъни эътибор амалиётга қаратилади”, - деб тушунтирди Стриханов.

Ректорнинг таъкидлашича, университет учта йўналиш бўйича мутахассисларни тайёрлайди: бевосита атом электр станцияси ходимлари, ядровий физика ва ядровий технологиялар соҳасидаги илмий-техник элитаси, шунингдек, турли давлат идораларида ишлайдиган ва атом соҳасини тартибга солувчи ҳужжатларни қабул қилиш билан шуғулланадиган етакчи мутахассисларни тайёрлайди.

Ректор МИФИ: Узбекистан заинтересован в новых направлениях подготовки кадров
235
Протесты в Беларуси после выборов

"Айбдорни топишди: Польша Беларусдаги протестларда "Москва қўлини" кўрди

655
(Янгиланган 17:07 13.08.2020)
Польша Беларусда юз бераётган ҳодисалар туфайли Россияга қарши санкциялар киритилишини талаб қилди. Sputnik радиоси эфирида МДҲ мамлакатлари институти Беларусь бўлими катта илмий ходими Юрий Баранчик ушбу таклиф билан польшалик сиёсатчилар ўзларини фош қилганини айтди

Польшада Беларусда президент сайловларидан кейин тинмаётган норозилик намойишлари туфайли Россияга қарши санкциялар киритиш таклиф қилинди. Ушбу ташаббус мамлакатнинг Европа парламенти депутати Яцек Сариуш-Вольский томонидан илгари сурилди.

Сал олдин ЕИ томонидан Беларусда содир бўлаётган воқеалар муносабати билан Минскка қарши санкциялар қўллаш имконини кўриб чиқиш ҳақида фикрлар билдирилган эди.

"Европа Иттифоқи амалга ошириши мумкин бўлган ишни Польша таклиф қилиши мумкин эди, – бу санкцияларни Беларусга эмас, Россияга йўналтириш таклифи. Чунки бу қўлни эмас, қилични жазолашга ўхшаяпти. Агар Россия аралашуви ва ҳатто аннексияси ролини нейтраллаштирсак, фикримча, беларуслар демократия қуриш масаласини ўзлари эплайдилар", деб баёнот қилган Сариуш-Вольский Польша радиоси эфирида.

У шунингдек, Беларусдаги ҳодисаларга Европа Иттифоқи унчалик кескин муносабат билдирмаганидан таассуфдалигини айтган.

"Агар Европа Иттифоқида ҳокимиятга эга бўлганлар қайсидир маънода бу Россия таъсиридаги ҳудуд, дея Беларусдаги демократик ҳаракатларни, қўллаб-қувватлашдан устун қўймаганида эди, Беларусда юз бераётган ҳодисаларга муносабат мутлақо бошқача бўларди", - деган депутат.

Унинг фикрича, Европа Иттифоқининг Беларусдаги воқеаларга муносабати "етарли эмас, маълум маънода шармандали ва кутилган даражада дадил эмас".

Сариуш-Вольский билдирган фикрларни Польша миллий мудофаа вазири Мариуш Блашчак қўллаб-қувватлаган. Блашчак Беларусдаги воқеалар Германияни "Шимолий оқим-2" газ қувури қурилишига бўлган муносабатни қайта кўриб чиқишга ундашини истамоқда.

"Умид қиламанки, Россия билан бизнес озод дунё манфаатларига мос келмаслигини улар яна бир марта ўйлаб кўради, айниқса, Германия", – деб баёнот қилган Блашчак.

Sputnik радиоси эфирида МДҲ мамлакатлари институти Беларус бўлими катта илмий ходими Юрий Баранчик польшалик сиёсатчилар ушбу таклиф билан Беларусдаги оммавий тартибсизликлар ортида аслида ким турганини фош қилишганини айтди.

"Ушбу таклиф - жиноятчи ўз ҳаракатлари ўзини тутиб бериши туркумидан бўлади. Ахир, Беларусдаги протестлар Ғарб, хусусан Польша томонидан уюштирилгани аллақачон аён. Агар Беларус президентлигига номзод бўлолган ва бўлолмаган шахсларнинг қаерга қочаётганига эътибор берадиган бўлсак, улар Ғарбга кетаётганини кўриш мумкин. (Светлана) Тихановская, мисол учун, Литвага кетди. Буларнинг ҳаммасини Польша мувофиқлаштирмоқда. Варшавада жойлашган Nexta канали жуда катта ахборот фаолиятини амалга оширмоқда. Бунинг учун махсус тайёргарликдан ўтган, контентни яхши тушунадиган ва уни тарқатиш услубларини биладиган катта жамоа зарур. Шундай қилиб, кимнинг телпаги ёнаётгани аён", - деди Юрий Баранчик.

Беларусьда 9 августда бўлиб ўтган президент сайловида амалдаги раҳбар Александр Лукашенко ғолиб бўлгач, бутун мамлакат бўйлаб кўп сонли норозилик намойишлари бошланди. МСК маълумотларига кўра, Лукашенко 80,08 фоиз овоз олган. Якшанба кунидан бери норозилик акциялари давом этмоқда, аммо кучишлатар идоралар томонидан улар қатъиян бостирилмоқда.    

655
Денежные купюры: евро и доллары

Эксперт Ўзбекистондан валюта олиб чиқишнинг янги лимити ҳақида: буни олқишлаш керак

155
МДУ Иқтисод факультети Иқтисодий сиёсат тадқиқотлари маркази директори, иқтисод фанлари номзоди Олег Буклемишев Ўзбекистондан олиб чиқиб кетилиши мумкин бўлган валюта миқдори оширилиши юзасидан фикр билдирди.

Ўзбекистонда 1 сентябрдан бошлаб хорижга олиб чиқиб кетиш мумкин бўлган нақд валюта миқдори ошади. Киритилган ўзгартиришларга кўра,   жисмоний шахслар томонидан олиб кирилаётган ва олиб чиқиб кетилаётган 70 млн сўм эквивалентидан ортиқ Ўзбекистон нақд валютаси ва (ёки) нақд чет эл валютаси учун декларация тўлдирилади (амалда 2 минг АҚШ доллари). Шунингдек, 100 млн сўмга тенг ёки ундан ошмайдиган нақд валютани Ўзбекистондан ташқарига божхона назорати қоидаларига амал қилган ҳолда чекловларсиз олиб чиқилади (амалда 5 минг доллар).

Москва давлат университети Иқтисод факультети, Иқтисодий сиёсат тадқиқотлари маркази директори, иқтисод фанлари номзоди Олег Буклемишев Ўзбекистондан олиб чиқилиши мумкин бўлган миқдорни аҳоли даромадларига нисбатан номутаносиб деб атади.

"У бизнес юритаётган ёки маиший мақсадлар учун бирор бир операцияларни амалга оширмоқчи бўлган аксарият одамларнинг эҳтиёжларини қоплайди. <...> Нақд валютани чегарадан олиб чиқиб кетиш, замонавий банк хизматларидан фойдалана олмайдиган одамлар учун мантиқий усуллардан бири бўлиб туюлади", деди у Sputnik Ўзбекистонга берган интервьюсида.

Мутахассиснинг фикрига кўра, трансчегаравий савдо янада фаол ривожлана бошлайди, шунинг учун Ўзбекистон ҳукуматининг қарорини олқишлаш керак.

"Оддий одамлар томонидан оз миқдордаги маблағларни олиб чиқиб кетилиши инқирозли вазиятни яратади деб ҳисобламайман. Буларнинг барчаси чакана савдода эмас, балки аҳолидан фарқли ўлароқ, йирик агентлар ишлайдиган улгуржи савдода, яъни катта миқдордаги валютага эга бўлган экспортчилар ва молиявий ташкилотларда шаклланади", - дея хулоса қилди Буклемишев.

155

Энди шимол томондан: Россия қирувчиси АҚШ самолётини тўхтатди

521
(Янгиланган 22:20 13.08.2020)
Россия МиГ-31бм қирувчи самолёти Баренц денгизи устида чегарага яқинлашиб келаётган АҚШ разведка самолётини тўхтатиб қолди.

ТОШКЕНТ, 13 авг — Sputnik. Россия қирувчилари Баренц денгизи осмонидан АҚШ самолётини тўхтатди. Бу ҳақда РИА Новости Россия Федерациясининг Миллий мудофаа назорати марказига асосан хабар қилди.

13 август куни Россиянинг Баренц денгизидаги нейтрал сувлар устидан фазовий назорат қилиш мосламалари Россия Федерациясининг давлат чегарасига яқинлашаётган нишонни пайқаб қолди. Нишонни аниқлаш учун Шимолий флотнинг ҳаво мудофаа кучлари навбатчиликда бўлган МиГ-31бм қирувчи самолёт ҳавога кўтарилди.

Россия қирувчи экипажи хавфсиз масофада АҚШнинг Р-8А "Посейдон" самолётини аниқлади.

Америка самолёти Россия Федерациясининг давлат чегарасидан бурилгандан сўнг, Россия қирувчиси аэродромга қайтди. Россиянинг МиГ-31бм қирувчи самолётининг парвози ҳаво майдонларидан фойдаланиш бўйича халқаро қоидаларга қатъий мувофиқ амалга оширилди.

Америка ҳарбий самолётига Россия Федерациясининг давлат чегарасини бузишга йўл қўйилмади.

АҚШ ва НАТО самолётлари Россия чегараси яқинида мунтазам равишда разведкани амалга оширадилар. Улар кўпинча Қрим ва Краснодар ҳудуди яқинида, Болтиқ денгизи устида ва Суриядаги Россия Мудофаа вазирлигининг базалар атрофида қайд этилган.

521