Knife

Чўнтакдаги пичоқ нимага керак?

841
(Янгиланган 11:05 13.09.2019)
Sputnik Ўзбекистон колумнисти Дилшода Раҳматова одамларни ҳамиша ўйлантириб келган: чўнтакдаги пичоқ нимага керак, деган саволга жавоб топишга ҳаракат қилди

Ўзбекистонда кейинги вақтларда айниқса, ёшлар орасида агрессия ҳолатлари - муаммоларни муомала, мулоқот билан эмас, пичоқбозлик билан ҳал этишга интилиш ҳолатлари сони кўпаяётганини кузатиш мумкин. Ҳар ҳолда охирги вақтларда ҳали Ватанга хизмати сингмаган ёки Ўзбекистон байроғини халқаро саҳналарда баланд кўтаришга улгурган таниқли спортчилар билан шундай ҳолатлар содир этилмоқда.

...Бурунги замонларда йигитнинг ҳамроҳи от, нон ва пичоқ бўлган. Булар ҳаётий заруратлар эди: автомобил йўқ, замон нотинч, ҳали ҳар қадамда сомсахоналар қурилмаган. Зарур бўлган-да!

Бугун айримлар учун ўша қоидалар ҳамон амалда… Кейинги бўлаётган воқеаларга, пичоқбозликларга қараганда қадриятга ҳам айланиб улгурганда ўхшайди. Ўзи шундай ахир, ҳар қандай аҳмоқона одат ҳам бир авлод ўтиб, қадриятга айланиб қолиши мумкин.

Ёдингизда, бир-икки спортчилар пичоқланган эди. Яқинда яша шундай ҳолат бўлди – 23 ёшли Муслимбек Омоновни пичоқлаб қўйишди.

Қизиқ томони, ушбу жанжалларни содир этганларнинг қўлига пичоқ ўтсатдан тушиб қолмаган. Уни йигитлар ўзи билан олиб келган. Нима, улар қасддан шундай қилишганми?  Аслини сўрасангиз, улар пичоқни шунчаки ҳар эҳтимолга қарши чўнтагига солиб келган бўлади. Бироқ бунинг ҳуқуқий баҳоси бошқача: жиноятга тайёргарлик кўриш ва уни қасддан содир этиш!

Шу ҳолатда Чеховнинг театр ҳақидаги гапи ёдга тушади: биринчи саҳнада милтиқ деворда осиқлик турган бўлса, охирги кўринишгача у отилиши керак.

Пичоқ масаласида ҳам шундай – пичоқни чўнтакка солиб чиқдингми, у барибир ишга тушади. Буни ўзинг хоҳламассан, лекин бу сенинг инон-ихтиёрингдаги нарса эмас, энди.

Инсон ўзига керак бўлмаган матоҳни кўтариб юрмайди, кўтариб юрибдим, демак ишлатади. Онгли-онгсиз равишда ўзи билан пичоқ оволдими бу унинг кўнгли бузуқлига ишора эмасми?

Албатта, йигитлар ҳар доим қуролга ишқибоз бўлган. Қуролни ёқтиришади, гўзаллик, мукаммаллик тимсоли деб билишади уни. Бу минглаб йиллар давомида уларнинг қонига сингиб кетган. Бироқ инсоннинг қонидан ташқари, онги ҳам бор. Ўйлаши керак эмасми?

Кўп эшитамиз, АҚШда бесабабдан бесабаб фуқаролар ёппасига отилади, ўлдирилади. Бунинг ҳар хил сабабларини айтишади – эси жойида эмас, ҳаётдан тўйиб кетган, кимдандир хафа бўлган. Бўлиши мумкин. Лекин бу ҳолатларни бирлаштириб турган сабаб – одамларда қурол бор, уни ишлатишни исташади. Камига эса кинолар, телевидения жозибали, чиройли қилиб унинг ишлатилишини намойиш этиб турибди. Одам фалон пулга қурол олиб, уни ишлатиш лозим бўлган ҳолатни бир йил кутади, икки йил,ана, борингки, ўн йил кутади Ҳолат эса юз беравермайди. Оқибатда кутиш жонига теккан қуролбардорнинг ўзи ҳолатни яратишни истаб қолади...

Пичоқ масаласида ҳам шундай.

Кўпни кўрганлар "қуролнинг деви бўлади, одамни кўтаради", дейишади. Кечки пайт ўзи билан пичоқ олиб чиққан одам уни ишлатишни истайди-да ва у юзага келган энг қулай ҳолатдан фойдаланиб қолмоқчи бўлади.

Албатта, одамлар уни "ўзимни ҳимоя қилишга олдим" деб ўзини ҳам бошқаларни ҳам алдайди. Пичоқдан қанақа ҳимоячи чиқиши мумкин? У ҳужум воситаси.

Албатта, ҳамма ҳам “бугун бу билан бировни пичоқлайман”, деб хаёл қилмайди, бу билан ўзи дуч келиши мумкин муаммоларни енгил ҳал қилмоқчи бўлади. Аслида эса, кўряпмизки, ҳаётда пичоқ эгасини ўн, юз баробар каттароқ муаммоларга дучор қилмоқда. Бир бегуноҳ ҳаётдан кўз юмиб, иккинчиси узоқ йилларга қамалишига сабаб бўлади. Ҳаммаси эса оддий бошланган эди – шунчаки муаммога дуч келса, осон ҳал қилмоқчи эди…

Ниҳоят тушунишимиз керак, замонлар ўзгаряпти, эркаклар учун қурол гўзал, мукаммал нарса саналадиган замонлар ортда қолди. Бу борадаги қадриятларни ўзгартириш замони келди.

Қурол билан кўчага чиқиб, мамонт овлайдиган, душманларни ер тишлатадиган замонлар ўтган.

Аллақачон ҳуқуқий давлат, ҳуқуқий жамият қурилган. Энди ҳаммасини қурол эмас, ҳуқуқ ҳал қилмоқда. Энди қурол сизнинг ҳимоянгизни таъминламайди, аксинча, муамоингизни кўпайтиради, холос!

841

Ташвиқот янгиликка қарши: Ғарб матбуоти нима сабабдан ютқазмоқда

280
(Янгиланган 18:47 08.07.2020)
Бир пайтлари сўзсиз етакчи ва бошқалар учун ўрнак бўлган ғарб ОАВлари бугунги кунда инқирозга юз тутмоқда. Коронавирус мавзуси буни яққол намойиш этди.

“Россия сегодня” Халқаро ахборот агентлиги “Саккизоёқ 2.0. Коронавирус Россияда” номли изланишни тақдим этди. У Россиянинг Ғарб ва бошқа давлатлар ОАВларида тасвирланишига бағишланган.

Бу сафар тадқиқотчилар диққат марказига пандемия тушди ва нафақат “Катта еттилик” давлатлари, балки касаллик биринчи авж олган Хитой йирик оммавий ахборот воситалари ҳам қамраб олинди. РИА Новости хабарига асосан.

Бу каби тўлдирилиш жуда муваффақиятли бўлди, чунки Хитой ОАВлари бўйича статистика Ғарб нашрлари томонидан эфирга узатилаётган дунё манзараси учун жуда кутилмаган фонни яратди.

Умуман олганда, “Саккизоёқ 2.0” ҳеч қандай кутилмаган ҳодисаларни келтириб чиқармади: COVID-19 Ғарб ОАВлари томонидан Россияга қарши ташвиқотни давом эттириш учун яна бир сабаб сифатида ишлатилди.

Америкаликлар бунда шубҳасиз етакчига айландилар - Америка ОАВларининг энг муҳим бешлигидаги (аудитория қамрови бўйича) мавзу бўйича нашрларнинг 58% салбий тус олган. Улардан кейинги немис ОАВларида бу кўрсаткич 44%, канадаликларга - 41% ва британияликларда - 38%.

Шу билан бирга, “Еттиликнинг” қолган учта давлатларида бу масалада Россияга нисбатан салбий муносабат сезиларли даражада паст: Япония - 33%, Италия - 28% ва Франция - умуман 21%.

Аммо уларнинг барчасида позитив кўрсаткичлари унча катта эмас  1– 5 %. Истисно фақатгина Италияда бўлиб, у ерда Россия ва коронавирус ҳақида тилга олишларнинг 9 % ижобий тусда бўлди. Эпидемияга қарши курашда Россия томонидан Италияга кўрсатилган ёрдам буни таъминлади десак муболаға бўлмайди.

Аммо бу рақамларда, эҳтимол, бошқа бир жиҳат қизиқроқ: улар жорий вазиятнинг энг муҳим геосиёсий трендларини яққол намойиш этади. Бир томондан, англосакслар (ҳам Эски дунёдагилар, ҳам океан ортидагилар ҳам) аксил-Россия ҳужумининг авжида, унинг ҳаракатлантирувчи кучи бўлиб қолмоқда. Аммо бошқа томондан, улар янада нейтрал ёндашувни сақлаб қолиш ва русофобияда ҳаддан ошиб кетмасликка ҳаракат қилаётган энг яқин иттифоқчиларининг қўллаб-қувватлашини аниқ йўқотмоқдалар, бу жуда мантиқан тўғри ҳам: замон ўзгарди ва амалда 2014 йил эмас.

Шу билан бирга, рақамлар шуни кўрсатадики Германия, авваламбор ўзи учун қанчалар қийин ҳолатда қолиб кетди. Етакчи немис ОАВларининг Россияга қарши фаол позицияси давлат-сиёсий йўналишига мутлақо зид бўлиб қолмоқда, унга асосан нафақат Берлиннинг Москва билан қўшма лойиҳалар қўллаб-қувватланяпти, балки АҚШга ярим-окупацион қарамликдан изчил ҳалос бўляпти. Аммо медиа-маконда асосий нашрларнинг қатъий бўйсуниши ва сўзсиз содиқлиги - миллий манфаатларга эмас, балки Вашингтондаги ҳўжайинга сақланиб қолмоқда.

Россияга қарши ва ковид ташвиқотидаги аниқ мавзуларга келсак, улар ўзига хослиги билан ажралмаса-да, бариси иккита узоқ вақтдан бери яхши таниш асосий мантиққа келтирилмоқда: мана Россия энди хароб бўлмоқда, аммо у ҳамон бутун дунёга катта таҳдид солмоқда.

Хусусан, бу мамлакатдаги умумий вазиятни ва мамлакат соғлиқни сақлаш тизимининг ҳолатини ва Россия ҳукуматининг COVID-19 га қарши курашини танқид қилди - вазият қил устида тургани ва ҳар онда қулаши мумкин каби башоратлар билан бирга. Сайёрамизнинг қолган қисмига нисбатан таҳдидларга келсак, бу ҳолатда ҳеч қандай янгилик ихтиро қилинмади: асосий айбловлар Москва томонидан пандемия тўғрисида дезинформация кампанияси, ҳатто Россия одамларга қўлларни ювиш фойдасизлигини сингдираётгани ҳақидаги даъволар.

Албатта, Хитой ОАВларида муаммонинг ёритилиши манзараси тубдан фарқланади ва гап коронавирусга қарши кураш нуқтаи назаридан Россия ҳақида 20% ижобий нашрлар ва салбийларнинг йўқлигида ҳам эмас. Асосий хусусият - бу мавзуга оид мақолаларнинг жуда кўплигида. Кўриб чиқилган даврда - мартдан июнгача - Хитойнинг энг катта бешта ОАВларида Россиянинг эпидемияга қарши курашига оид 1200 дан ортиқ мақолалар чоп этилди. Таққослаш учун: худди шу давр ичида, нашрларнинг энг минимал сони Канадада чоп этилди - 238 дона, қолган олтита мамлакат кўрсаткичлари қуйидаги оралиқда: 371 (Италия) ва 470 (Япония). Айтганча, америкаликлар ўзларининг 428 та мақоласи билан рўйхатда бешинчи ўринда.

Демак, уч ой ичида Хитой ОАВдари “Коронавирус Россияда” мавзусида дунёдаги энг кучли Америка ОАВларидан кўра деярли уч баравар кўпроқ материалларни нашр этди. Шу билан бирга, таъкидлаш жоизки, хитойликларда нашрларнинг 80% нейтрал-информацион ҳусусиятга эга, яъни асосан шунчаки янгиликлар.

Бундай улкан фарқни Хитойнинг Россия ишларига алоҳида эътибор ва қизиқиш билан боғлаш хато бўларди. Кўринишидан, ҳаммаси нарса анча содда ва бир ҳилда: гап Ғарблик рақобатчи ҳамкасбларига қараганда анча катта ҳажмдаги ахборот оқимини қайта ишлашда Хитой ОАВларининг ғайратли меҳнати ва юқори самарадорлигидадир.

Аслида, бу Ғарбнинг ахборот маконида етакчиликни йўқотиш борасида қўрқувини тасдиқлайди. Албатта, аудиторияга етказилгунича, улар кулгили шаклларгача иширилади, аммо аслида битта негизга эга.

Бир пайтлари Ғарбнинг ўзи оммавий ахборот воситаларини замонавий талқинда яратиб, бошқалар учун сўзсиз етакчи ва ўрнак бўлган эди. Сўз эркинлиги ва ахборотни тарқатиш, мафкуравий ва геосиёсий рақибларга қарши курашда унинг асосий воситаларидан бирига айланди ва муваффақиятли фойдаланган эди.

Аммо ҳозир биз, яқингача тебранмас бўлиб туюлган ушбу тизимнинг тобора кучайиб бораётган инқирозига гувоҳ бўлмоқдамиз.

Вақт ўтгани сари, Ғарб ОАВларига “эркин бўлмаган дунё” мамлакатлари, хоҳ Хитой, хоҳ Россия ОАВлари билан рақобатлашиш қийинлашиб бормоқда. Америка ва Европа сиёсатчилари томонидан Кремлнинг медиа-чангалларини қувиш ҳаракатлари қанчалик кулгили туйилмасин, RT ва Sputnik хабарларига ижтимоий тармоқларда Европанинг энг машҳур ва таъсирли янгиликлар манбаларига қараганда кўпроқ муносабат билдирилмоқда. Атиги битта унча қайноқ бўлмаган ва тор бўлган мавзу бўйича Хитой ОАВларининг 1200 дан ортиқ хабарига қарши равишда америкаликларнинг 450 дан кам хабари – ҳудди шу жараённи намоён қилади.

Ғарб ОАВлар ўзларининг асосий функцияларини – маълумот йиғиб аудиторияга кенг ва турли хил маълумотларни етказишни - (улғайган рақобатчиларига қараганда) бажариши ёмонлашмоқда. Бу материалнинг ҳам мазмуни ҳам узатилишига тегишли.

Тўғри, Ғарб ҳамон “энг эркин, ҳалол ва профессионал матбуот” ёрлиғини сақлаб келмоқда. Аммо бу ердаги вазият худди эртакдаги яланғоч шоҳнинг кийими каби - бир кун келиб “иш бермай” қўяди.

280
Шахзод Шаймарданов (в центре) на вручении краевой именной стипендии в губернатором Красноярского края Александром Уссом (слева) и председателем Законодательного собрания края Дмитрием Свиридовым (справа)

Илм излаб Россия сари: пандемия университетда ўқишга тўсқинлик қилмайди

97
Россия университетлари масофавий шаклда ишлашни давом эттирмоқда ва чет эллик абитуриентлар ўз эшигини очмоқда. Бугунги кунда Ўзбекистон фуқароси Россия университетига интернет орқали ҳужжат топшириши мумкин.

ТОШКЕНТ, 8 июл - Sputnik. Сибир федерал университети (СФУ) - Россиянинг Осиё қисмидаги энг йирик университети бўлиб, у мамлакатнинг энг яхши университетлари йигирматалигидан ўрин олган. СФУ юзлаб рус ва чет эл компаниялари билан ҳамкорлик қилиб, иш берувчилар томонидан битирувчиларга бўлган талаб бўйича Россиянинг ўнта энг яхши университетларидан бири ҳисобланади.

Бугунги кунда университетда 30 мингдан ортиқ талаба таҳсил олмоқда, шу жумладан, дунёнинг 52 мамлакатидан (МДҲ, Яқин Шарқ, Африка, Европа, Лотин Америкаси, Осиё, Океания) мингдан ортиқ чет эллик талабалар, тингловчи ва стажёрлар.

Хорижий талабаларнинг 35 нафари ўзбекистонликлар: 27 нафари бакалавр ёки мутахассислик бўйича асосий ўқув дастурларини эгалламоқда, 7 нафари магистратурада ва бир нафари аспирантурада. Иқтисодиёт, менежмент ва нефт-газ иши каби йўналишлар ўзбекистонлик талабалар орасида катта қизиқиш уйғотмоқда.

Хорижий фуқароларни қабул қилиш тафсилотлари билан университет сайтида батафсил танишиш мумкин.

Ватандошлар тоифасига кирувчи (ота-оналари СССРда туғилган) Ўзбекистон фуқаролари Россия фуқаролари билан бир қаторда бюджет ўрни учун танловда қатнашишлари мумкин. Бундан ташқари, чет эллик абитуриентлар пуллик таълимни танлаб исталган йўналишга киришлари мумкин. Чет элликларни қабул қилиш тафсилотлари - университет порталида.

Қабул пайтида ва ўқиш мобайнида қўллаб-қувватлаш

Чет эллик абитуриентлар ўқишга киришда имтиёзларга эга: университет уларга ўқиш жойига етиб бориш харажатларини қоплаб беради ва тиббий суғурта олиб беради, юқори балл тўплаганлар учун эса ўқиш нархларида чегирмалар тақдим этилади. Бу ҳақда СФУ Халқаро ҳамкорлик бўлими раҳбари Анна Мезит маълум қилди.

“Бизнинг фахримиз бу университет инфратузилмаси: 24 та ўқув биноси, кўркам замонавий кутубхона, конгресс зали, кўп тармоқли спорт мажмуаси, тиббиёт маркази. Сўнгги беш йил ичида кампусда тўққизта ётоқҳона биноси қурилди. Бугунги кунда СФУ ётоқ фонди 11,5 минг талабани қабул қилишга қодир 30 та ётоқхонани ўз ичига олади, бу бошқа шаҳарлик ва чет эллик талабаларнинг уй-жойга эҳтиёжларини тўлиқ қоплайди”, - деди у.

Анна Мезитнинг таъкидлашича, СФУ хорижий талабаларни қўллаб-қувватлаш билан фаол шуғулланади. Ходимлар уларга кўп масалаларни ҳал қилишда ёрдам беришади, масалан, қиш учун иссиқ кийимларни танлаш, банкка ёки шифокорга биргаликда бориш.

“СФУ кўнгиллилар маркази чет эллик талабалар учун экскурсиялар ўтказади, уларни рус маданияти билан таништиради, суҳбатлар клубини ташкил қилади. Бизнинг ўз Халқлар дўстлик марказимиз бор - бу чет эл фуқароларининг талабалар уюшмаси бўлиб, у барча мослашув тадбирларини ўтказади. Аммо асосийси - дўстлик ва бир-бирига ғамхўрлик. Баъзан менга талабаларимиз уюшмалари бир оила каби яшаётганга ўхшайди”, - деди у.

СФУда чет эллик талабалар учун тайёрлов бўлими мавжуд бўлиб, унда талабалар рус тилини ўрганишлари мумкин. Ҳар йили СФУнинг Филология ва тил коммуникациялари институтига турли мамлакатлардан кўплаб талабалар тил амалиётини ўташ учун келишади. Бу ерда “лингвистика” ва “филология” йўналишлари бўйича бакалавр ва магистратура дастурларида тилни профессионал равишда ўрганиш мумкин.

“Барча чет эллик биринчи курс талабалари учун университетда рус тилида бепул мослашув курси ташкиллаштирилган: талабалар илмий нутқ услубини мустаҳкамлайдилар, грамматикани такрорлайдилар”, - деб қўшимча қилди Анна Мезит.

Унинг сўзларига кўра, СФУнинг барча чет эллик битирувчилари ўз ватанларида осонгина иш топишади: улар таржимон, муҳандис, иқтисодчи ва бошқа мутахассисликларда ишлайди.

“Кўпинча собиқ талабаларимиз бизнинг мамлакат ва ўз мамлакатлари ўртасидага ўзаро ҳамкорлик ўрнатиш билан шуғулланадилар. Уларни кўп йиллардан кейин улғайган, муваффақиятли бўлганларида кўриш жуда ёқимли”, - деди у.

Тажрибада синалган

Тошкент давлат иқтисодиёт университети бакалавр дастурини тамомлаган Шаҳзод Шоймардонов СФУга “саноат мажмуалари молиясини бошқариш” мутахассислиги бўйича магистратурага ўқишга келган ва у биринчи йилини муваффақиятли якунлади.

“Мактаб йилларидаёқ мен иқтисодиёт ва унинг таркибидаги жараёнлар билан қизиқиб қолдим. Бу соҳа шунчалар ўзгарувчан ва қизиқарлики, у мени ҳар доим ҳушёр туришга ва вақтдан олдин ўйлашга ундайди. Илмий муҳитда ривожланишни ўз олдимга мақсад қилиб қўйдим, шунинг учун ўқишни Россияда давом эттиришга қарор қилдим. Айнан Россия юқори малакали кадрларни шакллантирадиган илм маскани деб ҳисоблайман”, - деди у.

Ўқишдан ташқари Шаҳзод илмий ва жамоат лойиҳаларида фаол иштирок этади. Россияда ўқиши мобайнида иқтисодиёт ва бошқарув соҳасидаги ютуқлари учун у Гадаловлар сулоласи номидаги Ўлка стипендияси совриндори бўлди, Красноярск шаҳар халқ депутатлари Кенгаши Ёшлар мажлисига сайланиб, “СФУ йил талабаси” унвонига сазовор бўлди.

“Менга университетда дўстлар орттириш жуда осон кечди, курсдошларим ажойиб, меҳрибон, ақлли ва кўп қиррали шахслардир. Бизнинг машғулотлардаги илмий мунозараларимиз шунчалар қизиқарлики, дарсда вақтимиз тез ўтганини сезмай ҳам қоламиз. Эҳтимол, менга омад кулиб боқди ва мен улар билан келажакда ҳам алоқада бўлишни хоҳлайман. Мен бу ерда ҳар бир талабага нисбатан алоҳида муносабат ва индивидуал ёндашувни кузатаман. Мен таълимни Россияда танлаганимдан ҳеч афсусланмайман,” - деди у.

Шаҳзод Шоймардонов Росфинмониторинг ва Ўзбекистон Бош прокуратураси ўртасидаги давлат шартномаси асосида таҳсил олмоқда ва ўқишни тугатгандан сўнг Россия ва Ўзбекистон ўртасидаги икки томонлама ҳамкорлик соҳасида ишлашни режалаштирмоқда.

Университетга сиртдан назар

СФУ кенг қамровли таълим йўналишларига эга бўлган кўп тармоқли университетдир. Бу ерда 90 бакалавр ва мутахассислик дастурлари, шунингдек, 144 магистрлик дастурлари бўйича ўқиш мумкин. Университетда ўқув дастурлари рус ва инглиз тилларида олиб борилади.

СФУда икки мингдан ортиқ малакали ўқитувчилар ишлайди, улардан 1833 нафари фан докторлари ва номзодларидир. Ҳар йили университетга 400 дан ортиқ таклиф этилган профессорлар, шу қаторда Англия, Германия, Испания, Хитой, АҚШ ва бошқа мамлакатларнинг етакчи олимлари ташриф буюришади.

Университет юқори малакали кадрларни тайёрлайди ва инновацион технологияларни яратади. ОТМ илмий лойиҳалари саноат технологиялари, йўлдош тизимлари, нанотехнология ва кенг кўламли инвестицион лойиҳаларини экологик таъминлаш билан боғлиқ.

СФУ - Россиядаги дунёдаги энг таниқли ихтисослаштирилган ўқув муассасаси - Institut Paul Bocuse билан келишув асосида "Гастрономия олий мактаби" ноёб дастурини амалга оширадиган ягона олий ўқув юрти. Бўлажак битирувчилар – уста ошпазлар, менежмент бўйича Россия дипломини ва Institut Paul Bocuse халқаро дипломини олишади.

Ҳозирги вақтда СФУ Ўзбекистоннинг олтита университети билан ҳамкорлик қилмоқда, икки томонлама илмий тадбирларда қатнашмоқда. Университетга Ўзбекистон Республикасининг элчихонаси ва консулликлари делегациялари ташриф буюришади.

СФУ Times Higher Education (THE) ва Quacquarelli Symonds (QS) рейтинг агентликларининг дунёнинг энг яхши 1000 та университети қаторига киради, шу жумладан физика ва муҳандислик фанлари бўйича 801+ ўринини эгаллайди. Шунингдек, СФУ бешта етакчи миллий рейтинг агентликларининг Россиянинг энг яхши 20 университети қаторига киради.

97
Теглар:
талабалар, олий таълим муассасалари, Ўзбекистон, Россия
Президент Узбекистана Шавкат Мирзиёев

Мирзиёев аҳолини ишга жойлашда фаол бўлмаган 6 раҳбарни ишдан олди

358
(Янгиланган 22:53 08.07.2020)
Фарғона тумани ҳокими, Яккабоғ тумани прокурори, Ғузор ва Чортоқ туманлари ички ишлар бошқармалари бошлиқлари, Муборак тумани ва Қўқон шаҳар солиқ инспекциялари бошлиқлари эгаллаб турган лавозимларидан озод этилди.

ТОШКЕНТ, 8 июл - Sputnik. Ўзбекистон президенти Шавкат Мирзиёев тадбиркорликни ривожлантириш ҳамда бюджет тушумларини таъминлаш масалалари бўйича йиғилиш давомида эҳтиёжманд аҳолини ишга жойламаган 6 раҳбарни ишдан олди. Бу ҳақда АОКА тегерам-каналида хабар берилди.

Президент камида 257 минг нафар муҳтож оилалар вакилларини ишга жойлаштириш, 37 мингта хонадонга оилавий тадбиркорлик дастурлари доирасида кредитлар ажратиш зарурлигини қайд этди.

Эҳтиёжманд аҳолини ишга жойлаштириш кўрсаткичи энг паст секторларнинг 6 нафар раҳбарлари эгаллаб турган лавозимларидан озод этилди. Булар – Фарғона тумани ҳокими Носиров, Яккабоғ тумани прокурори Мустафаев, Ғузор ва Чортоқ туманлари ички ишлар бошқармалари бошлиқлари Рахмонов ва Абдурайимов, Муборак тумани ва Қўқон шаҳар солиқ инспекциялари бошлиқлари Темиров ва Турдиқулов.

Етти нафар раҳбарга нисбатан охирги огоҳлантириш сифатида "ҳайфсан" эълон қилинди. Булар – Шўрчи тумани ҳокими Худайберганов, Каттақўрғон, Косон ва Пайариқ туманлари ички ишлар бошқармалари бошлиқлари Отамуродов, Отакулов ва Шермухамедов, Нарпай, Ғаллаорол туманлари ва Гулистон шаҳар солиқ инспекциялари бошлиқлари Деҳқонов, Мамаев ва Раджабов.

358