Россия капитализм туфайли ароқдан воз кечмоқда  

1366
(Янгиланган 12:12 11.10.2019)
Россия йиллар давомида миллий анъанаси бўлган ароқдан воз кечмоқда - ҳаммасига "лаънати" капитализм айбдор!

ТОШКЕНТ, 10 окт - Sputnik. Жаҳон соғлиқни сақлаш ташкилоти статистикасига кўра, охири 15 йил ичида Россияда алкоголли ичимликлар истеъмол қилиш 43%га камайган. Айнан ушбу сабаб Россияда эркаклар орасида ўлим миқдори 39 %га аёллар орасида 36 %га камайган, ҳаёт давомийлиги эса эркаклар учун ўртача 68 ёш ва аёллар учун – 78 ёшга етган

Ушбу маълумотларга асосланган ҳолда ЖСТ Россия илдам қадамлар билан алкоголдан воз кечмоқда, деган қарорга келган.

Ҳолливуд фильмларида кўрсатилган ароқни бутилкаси билан ичадиган руслар образини бугунги ёш россияликлар умуман тушунмайди. Ахир сўнгги вақтда ароқ ичадиганлар сони сезиларли даражада камайиб кетди.

Россиянинг энг йирик алкоголли ичимликлар ишлаб чиқариш корхонаси бош директори айтишига қараганда Россия жанубида узумзорлар майдони кўпайиб бормоқда. Компания у ерда вино, жин ва виски ичимликлари ишлаб чиқаришни режалаштирмоқда. Чунки ароқ арзон ва сифатли бўлишига қармасдан – уни сотиб олмай қўйишган.

Нега бундай бўлди, ахир Россия халқи азалдан кўп ароқ ичиб келган-ку?- деган саволга қуйидагича жавоб бериш мумкин:

- Ҳаммасига “лаънати” капитализм айбдор!  

Маълумки олдинги замонларда киши гоҳида ароқ ичиб, ишга келмаса ҳам, гоҳида маст ҳолда ишласа ҳам корхоналар бунги панжа ортидан қарашган, ичувчи ходим йиллар давомида ишлаб юраверган.  

Ҳозир эса, аксарият иш берувчилар тижорат ва хусусйи корхоналар. Ичувчи ва ўз ишини бажармайдиган ходим ҳеч кимга керак эмас. Буни ишчилар ҳам яхши тушуниб олишган.

Иккинчидан, Россия ҳукумати алкоголга қарши курашга қатъий бел боғлаган. Бунга 2003 йилдан буён акцизлар тинимсиз ошириб келинаётгани ҳамда магазинларда алкогол сотиш соат 22:00 да чеклангани ҳам ўз ҳиссасини қўшган.

Учинчидан, олдинги замонларда кичик шаҳарларда ишсизлик даражаси ўта юқори бўлган, одамлар бекорчиликдан ҳам кўп ичишган. Ҳозир эса – иқтисод, қишлоқ хўжалиги секин-аста тикланиб бормоқда. Кўчада бекор санғиб юрган одамлар деярли қолмаган. Ҳатто узоқ қишлоқларда ҳам ичувчилар сони кескин камайиб кетган.

Тўртинчидан, олдин ичиб йўлга чиққан ҳайдовчи жарима билан қутилиш имкони бор эди. Энди эса – у бир неча йилга ҳайдовчилик гувоҳномасидан маҳрум бўлиши аниқ. Устига-устак гаи ходимлари ҳам пора олмай қўйган...  Буни ҳам ўзига хос тарбия десак бўлади.

Бугунги кунда оммавий маст ҳолатдаги русларни фақат бир жойда кўриш мумкин – Туркиянинг all-inclusive меҳмонхоналарида. Эртага ишга чиқиш ёки автомобил бошқариш керак эмаслигини билган дам олувчилар ўзларини эркин тутади. Лекин бу ҳолат албатта ЖСТ статистикасига кирмаган. Ким билсин, балким энди турклар кўпроқ “ичаётгандир”...   

Яна бир сабаб – собиқ СССРда турли кўнгилочар дам олиш услублари кам бўлган ва ароқ муҳим  ижтимоий, коммуникацион дам олиш восита вазифасини бажарган. Одамлар тез-тез учрашиб ўз дўстлари билан алкогол истеъмол қилишар эди.

Сўнгги йилларда эса, ароқдан бошқа кўплаб кўнгилочар воситалар пайдо бўлди. Масалан, интернет, компьютер ўйинлари ва ҳоказо. Бундай дам олиш жуда қулай, албатта. Ҳеч қаерга бориш, пул харажат қилиш талаб этилмайди. Лекин бунинг оқибатида одамлар ўзаро мулоқоти кескин камайди. Бир ўзи бўлганидан кейин кишининг ароқ ичгиси ҳам келмайди...  

1366

Ташвиқот янгиликка қарши: Ғарб матбуоти нима сабабдан ютқазмоқда

27
(Янгиланган 18:47 08.07.2020)
Бир пайтлари сўзсиз етакчи ва бошқалар учун ўрнак бўлган ғарб ОАВлари бугунги кунда инқирозга юз тутмоқда. Коронавирус мавзуси буни яққол намойиш этди.

“Россия сегодня” Халқаро ахборот агентлиги “Саккизоёқ 2.0. Коронавирус Россияда” номли изланишни тақдим этди. У Россиянинг Ғарб ва бошқа давлатлар ОАВларида тасвирланишига бағишланган.

Бу сафар тадқиқотчилар диққат марказига пандемия тушди ва нафақат “Катта еттилик” давлатлари, балки касаллик биринчи авж олган Хитой йирик оммавий ахборот воситалари ҳам қамраб олинди. РИА Новости хабарига асосан.

Бу каби тўлдирилиш жуда муваффақиятли бўлди, чунки Хитой ОАВлари бўйича статистика Ғарб нашрлари томонидан эфирга узатилаётган дунё манзараси учун жуда кутилмаган фонни яратди.

Умуман олганда, “Саккизоёқ 2.0” ҳеч қандай кутилмаган ҳодисаларни келтириб чиқармади: COVID-19 Ғарб ОАВлари томонидан Россияга қарши ташвиқотни давом эттириш учун яна бир сабаб сифатида ишлатилди.

Америкаликлар бунда шубҳасиз етакчига айландилар - Америка ОАВларининг энг муҳим бешлигидаги (аудитория қамрови бўйича) мавзу бўйича нашрларнинг 58% салбий тус олган. Улардан кейинги немис ОАВларида бу кўрсаткич 44%, канадаликларга - 41% ва британияликларда - 38%.

Шу билан бирга, “Еттиликнинг” қолган учта давлатларида бу масалада Россияга нисбатан салбий муносабат сезиларли даражада паст: Япония - 33%, Италия - 28% ва Франция - умуман 21%.

Аммо уларнинг барчасида позитив кўрсаткичлари унча катта эмас  1– 5 %. Истисно фақатгина Италияда бўлиб, у ерда Россия ва коронавирус ҳақида тилга олишларнинг 9 % ижобий тусда бўлди. Эпидемияга қарши курашда Россия томонидан Италияга кўрсатилган ёрдам буни таъминлади десак муболаға бўлмайди.

Аммо бу рақамларда, эҳтимол, бошқа бир жиҳат қизиқроқ: улар жорий вазиятнинг энг муҳим геосиёсий трендларини яққол намойиш этади. Бир томондан, англосакслар (ҳам Эски дунёдагилар, ҳам океан ортидагилар ҳам) аксил-Россия ҳужумининг авжида, унинг ҳаракатлантирувчи кучи бўлиб қолмоқда. Аммо бошқа томондан, улар янада нейтрал ёндашувни сақлаб қолиш ва русофобияда ҳаддан ошиб кетмасликка ҳаракат қилаётган энг яқин иттифоқчиларининг қўллаб-қувватлашини аниқ йўқотмоқдалар, бу жуда мантиқан тўғри ҳам: замон ўзгарди ва амалда 2014 йил эмас.

Шу билан бирга, рақамлар шуни кўрсатадики Германия, авваламбор ўзи учун қанчалар қийин ҳолатда қолиб кетди. Етакчи немис ОАВларининг Россияга қарши фаол позицияси давлат-сиёсий йўналишига мутлақо зид бўлиб қолмоқда, унга асосан нафақат Берлиннинг Москва билан қўшма лойиҳалар қўллаб-қувватланяпти, балки АҚШга ярим-окупацион қарамликдан изчил ҳалос бўляпти. Аммо медиа-маконда асосий нашрларнинг қатъий бўйсуниши ва сўзсиз содиқлиги - миллий манфаатларга эмас, балки Вашингтондаги ҳўжайинга сақланиб қолмоқда.

Россияга қарши ва ковид ташвиқотидаги аниқ мавзуларга келсак, улар ўзига хослиги билан ажралмаса-да, бариси иккита узоқ вақтдан бери яхши таниш асосий мантиққа келтирилмоқда: мана Россия энди хароб бўлмоқда, аммо у ҳамон бутун дунёга катта таҳдид солмоқда.

Хусусан, бу мамлакатдаги умумий вазиятни ва мамлакат соғлиқни сақлаш тизимининг ҳолатини ва Россия ҳукуматининг COVID-19 га қарши курашини танқид қилди - вазият қил устида тургани ва ҳар онда қулаши мумкин каби башоратлар билан бирга. Сайёрамизнинг қолган қисмига нисбатан таҳдидларга келсак, бу ҳолатда ҳеч қандай янгилик ихтиро қилинмади: асосий айбловлар Москва томонидан пандемия тўғрисида дезинформация кампанияси, ҳатто Россия одамларга қўлларни ювиш фойдасизлигини сингдираётгани ҳақидаги даъволар.

Албатта, Хитой ОАВларида муаммонинг ёритилиши манзараси тубдан фарқланади ва гап коронавирусга қарши кураш нуқтаи назаридан Россия ҳақида 20% ижобий нашрлар ва салбийларнинг йўқлигида ҳам эмас. Асосий хусусият - бу мавзуга оид мақолаларнинг жуда кўплигида. Кўриб чиқилган даврда - мартдан июнгача - Хитойнинг энг катта бешта ОАВларида Россиянинг эпидемияга қарши курашига оид 1200 дан ортиқ мақолалар чоп этилди. Таққослаш учун: худди шу давр ичида, нашрларнинг энг минимал сони Канадада чоп этилди - 238 дона, қолган олтита мамлакат кўрсаткичлари қуйидаги оралиқда: 371 (Италия) ва 470 (Япония). Айтганча, америкаликлар ўзларининг 428 та мақоласи билан рўйхатда бешинчи ўринда.

Демак, уч ой ичида Хитой ОАВдари “Коронавирус Россияда” мавзусида дунёдаги энг кучли Америка ОАВларидан кўра деярли уч баравар кўпроқ материалларни нашр этди. Шу билан бирга, таъкидлаш жоизки, хитойликларда нашрларнинг 80% нейтрал-информацион ҳусусиятга эга, яъни асосан шунчаки янгиликлар.

Бундай улкан фарқни Хитойнинг Россия ишларига алоҳида эътибор ва қизиқиш билан боғлаш хато бўларди. Кўринишидан, ҳаммаси нарса анча содда ва бир ҳилда: гап Ғарблик рақобатчи ҳамкасбларига қараганда анча катта ҳажмдаги ахборот оқимини қайта ишлашда Хитой ОАВларининг ғайратли меҳнати ва юқори самарадорлигидадир.

Аслида, бу Ғарбнинг ахборот маконида етакчиликни йўқотиш борасида қўрқувини тасдиқлайди. Албатта, аудиторияга етказилгунича, улар кулгили шаклларгача иширилади, аммо аслида битта негизга эга.

Бир пайтлари Ғарбнинг ўзи оммавий ахборот воситаларини замонавий талқинда яратиб, бошқалар учун сўзсиз етакчи ва ўрнак бўлган эди. Сўз эркинлиги ва ахборотни тарқатиш, мафкуравий ва геосиёсий рақибларга қарши курашда унинг асосий воситаларидан бирига айланди ва муваффақиятли фойдаланган эди.

Аммо ҳозир биз, яқингача тебранмас бўлиб туюлган ушбу тизимнинг тобора кучайиб бораётган инқирозига гувоҳ бўлмоқдамиз.

Вақт ўтгани сари, Ғарб ОАВларига “эркин бўлмаган дунё” мамлакатлари, хоҳ Хитой, хоҳ Россия ОАВлари билан рақобатлашиш қийинлашиб бормоқда. Америка ва Европа сиёсатчилари томонидан Кремлнинг медиа-чангалларини қувиш ҳаракатлари қанчалик кулгили туйилмасин, RT ва Sputnik хабарларига ижтимоий тармоқларда Европанинг энг машҳур ва таъсирли янгиликлар манбаларига қараганда кўпроқ муносабат билдирилмоқда. Атиги битта унча қайноқ бўлмаган ва тор бўлган мавзу бўйича Хитой ОАВларининг 1200 дан ортиқ хабарига қарши равишда америкаликларнинг 450 дан кам хабари – ҳудди шу жараённи намоён қилади.

Ғарб ОАВлар ўзларининг асосий функцияларини – маълумот йиғиб аудиторияга кенг ва турли хил маълумотларни етказишни - (улғайган рақобатчиларига қараганда) бажариши ёмонлашмоқда. Бу материалнинг ҳам мазмуни ҳам узатилишига тегишли.

Тўғри, Ғарб ҳамон “энг эркин, ҳалол ва профессионал матбуот” ёрлиғини сақлаб келмоқда. Аммо бу ердаги вазият худди эртакдаги яланғоч шоҳнинг кийими каби - бир кун келиб “иш бермай” қўяди.

27
Шахзод Шаймарданов (в центре) на вручении краевой именной стипендии в губернатором Красноярского края Александром Уссом (слева) и председателем Законодательного собрания края Дмитрием Свиридовым (справа)

Илм излаб Россия сари: пандемия университетда ўқишга тўсқинлик қилмайди

80
Россия университетлари масофавий шаклда ишлашни давом эттирмоқда ва чет эллик абитуриентлар ўз эшигини очмоқда. Бугунги кунда Ўзбекистон фуқароси Россия университетига интернет орқали ҳужжат топшириши мумкин.

ТОШКЕНТ, 8 июл - Sputnik. Сибир федерал университети (СФУ) - Россиянинг Осиё қисмидаги энг йирик университети бўлиб, у мамлакатнинг энг яхши университетлари йигирматалигидан ўрин олган. СФУ юзлаб рус ва чет эл компаниялари билан ҳамкорлик қилиб, иш берувчилар томонидан битирувчиларга бўлган талаб бўйича Россиянинг ўнта энг яхши университетларидан бири ҳисобланади.

Бугунги кунда университетда 30 мингдан ортиқ талаба таҳсил олмоқда, шу жумладан, дунёнинг 52 мамлакатидан (МДҲ, Яқин Шарқ, Африка, Европа, Лотин Америкаси, Осиё, Океания) мингдан ортиқ чет эллик талабалар, тингловчи ва стажёрлар.

Хорижий талабаларнинг 35 нафари ўзбекистонликлар: 27 нафари бакалавр ёки мутахассислик бўйича асосий ўқув дастурларини эгалламоқда, 7 нафари магистратурада ва бир нафари аспирантурада. Иқтисодиёт, менежмент ва нефт-газ иши каби йўналишлар ўзбекистонлик талабалар орасида катта қизиқиш уйғотмоқда.

Хорижий фуқароларни қабул қилиш тафсилотлари билан университет сайтида батафсил танишиш мумкин.

Ватандошлар тоифасига кирувчи (ота-оналари СССРда туғилган) Ўзбекистон фуқаролари Россия фуқаролари билан бир қаторда бюджет ўрни учун танловда қатнашишлари мумкин. Бундан ташқари, чет эллик абитуриентлар пуллик таълимни танлаб исталган йўналишга киришлари мумкин. Чет элликларни қабул қилиш тафсилотлари - университет порталида.

Қабул пайтида ва ўқиш мобайнида қўллаб-қувватлаш

Чет эллик абитуриентлар ўқишга киришда имтиёзларга эга: университет уларга ўқиш жойига етиб бориш харажатларини қоплаб беради ва тиббий суғурта олиб беради, юқори балл тўплаганлар учун эса ўқиш нархларида чегирмалар тақдим этилади. Бу ҳақда СФУ Халқаро ҳамкорлик бўлими раҳбари Анна Мезит маълум қилди.

“Бизнинг фахримиз бу университет инфратузилмаси: 24 та ўқув биноси, кўркам замонавий кутубхона, конгресс зали, кўп тармоқли спорт мажмуаси, тиббиёт маркази. Сўнгги беш йил ичида кампусда тўққизта ётоқҳона биноси қурилди. Бугунги кунда СФУ ётоқ фонди 11,5 минг талабани қабул қилишга қодир 30 та ётоқхонани ўз ичига олади, бу бошқа шаҳарлик ва чет эллик талабаларнинг уй-жойга эҳтиёжларини тўлиқ қоплайди”, - деди у.

Анна Мезитнинг таъкидлашича, СФУ хорижий талабаларни қўллаб-қувватлаш билан фаол шуғулланади. Ходимлар уларга кўп масалаларни ҳал қилишда ёрдам беришади, масалан, қиш учун иссиқ кийимларни танлаш, банкка ёки шифокорга биргаликда бориш.

“СФУ кўнгиллилар маркази чет эллик талабалар учун экскурсиялар ўтказади, уларни рус маданияти билан таништиради, суҳбатлар клубини ташкил қилади. Бизнинг ўз Халқлар дўстлик марказимиз бор - бу чет эл фуқароларининг талабалар уюшмаси бўлиб, у барча мослашув тадбирларини ўтказади. Аммо асосийси - дўстлик ва бир-бирига ғамхўрлик. Баъзан менга талабаларимиз уюшмалари бир оила каби яшаётганга ўхшайди”, - деди у.

СФУда чет эллик талабалар учун тайёрлов бўлими мавжуд бўлиб, унда талабалар рус тилини ўрганишлари мумкин. Ҳар йили СФУнинг Филология ва тил коммуникациялари институтига турли мамлакатлардан кўплаб талабалар тил амалиётини ўташ учун келишади. Бу ерда “лингвистика” ва “филология” йўналишлари бўйича бакалавр ва магистратура дастурларида тилни профессионал равишда ўрганиш мумкин.

“Барча чет эллик биринчи курс талабалари учун университетда рус тилида бепул мослашув курси ташкиллаштирилган: талабалар илмий нутқ услубини мустаҳкамлайдилар, грамматикани такрорлайдилар”, - деб қўшимча қилди Анна Мезит.

Унинг сўзларига кўра, СФУнинг барча чет эллик битирувчилари ўз ватанларида осонгина иш топишади: улар таржимон, муҳандис, иқтисодчи ва бошқа мутахассисликларда ишлайди.

“Кўпинча собиқ талабаларимиз бизнинг мамлакат ва ўз мамлакатлари ўртасидага ўзаро ҳамкорлик ўрнатиш билан шуғулланадилар. Уларни кўп йиллардан кейин улғайган, муваффақиятли бўлганларида кўриш жуда ёқимли”, - деди у.

Тажрибада синалган

Тошкент давлат иқтисодиёт университети бакалавр дастурини тамомлаган Шаҳзод Шоймардонов СФУга “саноат мажмуалари молиясини бошқариш” мутахассислиги бўйича магистратурага ўқишга келган ва у биринчи йилини муваффақиятли якунлади.

“Мактаб йилларидаёқ мен иқтисодиёт ва унинг таркибидаги жараёнлар билан қизиқиб қолдим. Бу соҳа шунчалар ўзгарувчан ва қизиқарлики, у мени ҳар доим ҳушёр туришга ва вақтдан олдин ўйлашга ундайди. Илмий муҳитда ривожланишни ўз олдимга мақсад қилиб қўйдим, шунинг учун ўқишни Россияда давом эттиришга қарор қилдим. Айнан Россия юқори малакали кадрларни шакллантирадиган илм маскани деб ҳисоблайман”, - деди у.

Ўқишдан ташқари Шаҳзод илмий ва жамоат лойиҳаларида фаол иштирок этади. Россияда ўқиши мобайнида иқтисодиёт ва бошқарув соҳасидаги ютуқлари учун у Гадаловлар сулоласи номидаги Ўлка стипендияси совриндори бўлди, Красноярск шаҳар халқ депутатлари Кенгаши Ёшлар мажлисига сайланиб, “СФУ йил талабаси” унвонига сазовор бўлди.

“Менга университетда дўстлар орттириш жуда осон кечди, курсдошларим ажойиб, меҳрибон, ақлли ва кўп қиррали шахслардир. Бизнинг машғулотлардаги илмий мунозараларимиз шунчалар қизиқарлики, дарсда вақтимиз тез ўтганини сезмай ҳам қоламиз. Эҳтимол, менга омад кулиб боқди ва мен улар билан келажакда ҳам алоқада бўлишни хоҳлайман. Мен бу ерда ҳар бир талабага нисбатан алоҳида муносабат ва индивидуал ёндашувни кузатаман. Мен таълимни Россияда танлаганимдан ҳеч афсусланмайман,” - деди у.

Шаҳзод Шоймардонов Росфинмониторинг ва Ўзбекистон Бош прокуратураси ўртасидаги давлат шартномаси асосида таҳсил олмоқда ва ўқишни тугатгандан сўнг Россия ва Ўзбекистон ўртасидаги икки томонлама ҳамкорлик соҳасида ишлашни режалаштирмоқда.

Университетга сиртдан назар

СФУ кенг қамровли таълим йўналишларига эга бўлган кўп тармоқли университетдир. Бу ерда 90 бакалавр ва мутахассислик дастурлари, шунингдек, 144 магистрлик дастурлари бўйича ўқиш мумкин. Университетда ўқув дастурлари рус ва инглиз тилларида олиб борилади.

СФУда икки мингдан ортиқ малакали ўқитувчилар ишлайди, улардан 1833 нафари фан докторлари ва номзодларидир. Ҳар йили университетга 400 дан ортиқ таклиф этилган профессорлар, шу қаторда Англия, Германия, Испания, Хитой, АҚШ ва бошқа мамлакатларнинг етакчи олимлари ташриф буюришади.

Университет юқори малакали кадрларни тайёрлайди ва инновацион технологияларни яратади. ОТМ илмий лойиҳалари саноат технологиялари, йўлдош тизимлари, нанотехнология ва кенг кўламли инвестицион лойиҳаларини экологик таъминлаш билан боғлиқ.

СФУ - Россиядаги дунёдаги энг таниқли ихтисослаштирилган ўқув муассасаси - Institut Paul Bocuse билан келишув асосида "Гастрономия олий мактаби" ноёб дастурини амалга оширадиган ягона олий ўқув юрти. Бўлажак битирувчилар – уста ошпазлар, менежмент бўйича Россия дипломини ва Institut Paul Bocuse халқаро дипломини олишади.

Ҳозирги вақтда СФУ Ўзбекистоннинг олтита университети билан ҳамкорлик қилмоқда, икки томонлама илмий тадбирларда қатнашмоқда. Университетга Ўзбекистон Республикасининг элчихонаси ва консулликлари делегациялари ташриф буюришади.

СФУ Times Higher Education (THE) ва Quacquarelli Symonds (QS) рейтинг агентликларининг дунёнинг энг яхши 1000 та университети қаторига киради, шу жумладан физика ва муҳандислик фанлари бўйича 801+ ўринини эгаллайди. Шунингдек, СФУ бешта етакчи миллий рейтинг агентликларининг Россиянинг энг яхши 20 университети қаторига киради.

80
Теглар:
талабалар, олий таълим муассасалари, Ўзбекистон, Россия
Сборная Узбекистана по футболу

Ўзбекистон ва Эрон терма жамоалари Тошкентда ўртоқлик ўйинини ўтказади

0
Ўзбекистон ва Эрон футбол бўйича терма жамоалари 7 сентябрь куни “Бунёдкор” стадионида ўртоқлик ўйинини ўтказади.

ТОШКЕНТ, 8 июл — Sputnik. Вадим Абрамов мураббийлиги остидаги Ўзбекистон миллий терма жамоаси Тошкентда Эронга қарши ўртоқлик учрашувида майдонга тушади. Бу ҳақда Ўзбекистон футбол ассоциацияси хабар қилмоқда.

“Эрон Ислом Республикаси футбол федерацияси билан келишган ҳолда, ушбу учрашув 7 сентябрь куни “Бунёдкор” стадионида бўлиб ўтиши белгиланди”, - дейилган хабарда.

Ўзбекистон миллий терма жамоаси ЖЧ-2022 ва Осиё кубоги-2023 қўшма саралаш босқичидаги қолдирилган учрашувларни октябрь ва ноябрь ойларида ўтказади. Ушбу баҳслар олдидан МТЖ учун сентябрь ойида Тошкентда ўқув-машғулот йиғини ташкил этилади.

Эслатиб ўтамиз, аввалроқ Тошкентда 4 сентябрь куни Ўзбекистон ва Тожикистон миллий терма жамоаларининг ўртоқлик ўйини режалаштирилгани хабар қилинган эди.

0