Баходир Джалолов принимает поздравления от президента Узбекистана Шавката Мирзиёева

Ўзбекистон байроғи, оғир нокаут ва тўй: чемпион Баҳодир Жалолов билан эксклюзив интервью

1384
(Янгиланган 17:57 26.12.2019)
Оғир вазнли, профессионал-боксчиси Баҳодир Жалолов - 2016 йил Олимпия ўйинлари ярим финалига чиққан, икки карра Осиё чемпиони бўлган, 2015 йилда жаҳон чемпионатида бронза медалини қўлга киритган.

Баҳодир профессионал рингда ўтказган барча жангларини нокаут билан якунлаган.

Эслатиб ўтамиз, шу йили Екатеринбургда ўтказилган бокс бўйича жаҳон чемпионатида энг оғир 91+ кг вазн тоифасида иштирок этган Баҳодир Жалолов жаҳон чемпиони бўлди.

Жалолов жанглардан бирида америкалик боксчи Ричард Торресни нокаутга учратган эди. Торрес жангдан сўнг шифохонага тушган эди. Жалолов шифохонада америкалик боксчи ҳолидан хабар олганди. Бу ҳолатни акс этган видео интернет фойдаланувчилари эътиборига тушганди.

Ҳаваскор боксда жаҳон чемпионати совриндори оғир вазнли чарм қўлқоп устаси Баҳодир Жалолов Sputnik Ўзбекистон нашрига берган интерьюсида ҳаёти, эришган ютуқлари ва келгуси режалари ҳақида сўзлаб берди.

Торжественный прием узбекский боксеров после ЧМ в РФ
Министерство спорта Узбекистана
Торжественный прием узбекский боксеров после ЧМ в РФ

- Баҳодир, сиз учун бугунги кунда нима муҳимроқ – Токиодаги Олимпия ўйинларида қатнашиш учун саралаш босқичидан ўтиш ва иштирок этиш ёки навбатдаги профессионал жангми?

- Ҳозир мени биринчи мақсадим – Олимпия ўйинлари. Олимпия ўйинларида ғолиб чиқсам, кейин профессионалга тўлиқ ўтиш ниятим бор. Ҳозирча камар ҳақида умуман ўйламаяпман. Фақат Олимпияда ўйинларини ўйлаяпман.

- Профессионал рингдаги кейинги жанг қачон бўлади ва рақибингиз ким бўлади?

- Ҳозир ҳаваскор боксдамиз. Феврал ойида Хитойда Олимпиадага йўлланма берадиган турнир бўлиб ўтади – Осиё-океания турнири. Ўша турнирда қатнашаман, ким билан тушишим ҳозирча аниқ эмас: қозоғистонлик, кореялик, эронлик боксчилар бор. Ўша боксчилар билан тушамиз, деб ўйлайман.

- Рио шаҳридаги олимпия ўйинларида сиз Ўзбекистон жамоаси байроқдори бўлган эдингиз. Стадионда байроқ билан ўтганизда хис туйғуларингиз эсингиздами?

Баходир Джалолов (Узбекистан), завоевавший золотую медаль в весовой категории свыше 91 кг на ХХ чемпионате мира по боксу в Екатеринбурге.
© Sputnik / Александр Кряжев
Баходир Джалолов (Узбекистан), завоевавший золотую медаль в весовой категории свыше 91 кг на ХХ чемпионате мира по боксу в Екатеринбурге.

- Нима десам бўлади? Жамоа сардори бўлгандан кейин, масъулият жуда ҳам оғир бўлади. Ўшанда, олимпиада пайти 21 ёшда бўлганман. Жуда ёш эдим. Жуда хурсанд бўлганман, чексиз фахрланганман Ўзбекистон байроғини кўтариб чиққанимга. Яъни Ўзбекистон байроғи байроқдори вазифасини менга ишониб топширганлари учун. Лекин ишончларини оқлолмаганман. Худо хоҳласа, ваъда бераман, халқимизни ишончни оқлаб, Олимпияда ўйинларида олтин медални қўлга киритиб, иншооллоҳ Ўзбекистонга ёруғ юз билан қайтаман.

- Ўзингизни ватанпарвар деб биласизми, ёшларга ўрнак бўлишни хоҳлайсизми?

- Бу мақтаниш эмас, лекин агар ёшларимиз бизлардан ўзларига нимадир олаётган бўлса, биз, спортчиларни кўриб ўзларига озгина бўлса ҳам мотивация олаётган бўлса мен жуда ҳам хурсандман. Лекин мен ҳали ҳеч нарса қилмадим бу учун. Ватаним учун амалга оширадиган ишларим кўп. Дейлик, Осиё жаҳон чемпионати, Олимпияда курашлари, кўплаб жаҳон чемпионатлари бор олдинда. Ўшаларда ғалабани қўлга киритсам, озгина бўлсада ватан учун нимадир қилган бўламан.

Баходир Джалолов (Узбекистан), завоевавший золотую медаль в весовой категории свыше 91 кг на ХХ чемпионате мира по боксу в Екатеринбурге.
© Sputnik / Александр Кряжев
Баходир Джалолов (Узбекистан), завоевавший золотую медаль в весовой категории свыше 91 кг на ХХ чемпионате мира по боксу в Екатеринбурге.

- Жаҳон чемпионатида мағлуб бўлган рақибингиз холидан хабар олиш мақсадида унинг олдига ташриф буюришингиз интернетда катта муҳокамаларга сабаб бўлди, айтингчи, бу сизнинг фикрингиз бўлганми ёки ташкилотчиларни?  

- Очиғи, бу ҳақда хаёлдан ўтказганман, аммо махсус видео суратга олиб, уни чиқариш режада йўқ эди. Айтмоқчиманки, бу иш олдиндан режалаштирилмаган. Мен билан бирга борган ўртоғим ортимда туриб шу видеони олган экан. Кейин устозим кўриб қолиб, ижтимойи тармоққа қўйинглар, дея маслаҳат берди. Шу билан шу видео машҳур бўлиб кетди. Агар бу бошқа спортчиларга ўрнак бўлган бўлса, мен жуда ҳам хурсандман.

- Бокс – бу  агрессив спорт тури ҳисобланади, сиз кундалик ҳаётда қандайсиз? Фильм кўриб йиғлашингизми ёки кичик мушук боласини кўрганизда қандай хиссиётларни хис қиласиз?

- Тўғри, ҳаётда жуда жаҳлдор инсонман. Жаҳлим тез. Мен буни яширмайман. Оилада битта ўғилман. Сингилларим ҳатто мендан жуда қўрқишади. Қараб ўтирмайман, қаттиқ гапириб юборишим мумкин. Ўшани учун ҳам ўйланаман, қанақа қилиб уйланарканман деб (ўзи ҳам кулади). Лекин ота-она ҳақидаги фильмларни кўрсам, ёки аёл кишини ҳаётда қийналиб қолганини кўрсам, йиғлаворгим келади. Кўпинча кечки пайт кўчада бўлганимда қизларни официантлик қилиб юрганини кўрсам чидолмайман, ичимдан эзиламан, уларга раҳмим келади.

Баходир Джалолов (Узбекистан), одержавший победу в  поединке 1/2 финала в весовой категории свыше 91 кг против Максима Бабанина (Россия) на ХХ чемпионате мира по боксу в Екатеринбурге.
© Sputnik / Павел Лисицын
Баходир Джалолов (Узбекистан), одержавший победу в поединке 1/2 финала в весовой категории свыше 91 кг против Максима Бабанина (Россия) на ХХ чемпионате мира по боксу в Екатеринбурге.

- Жаҳон чемпионатидаги муваффақиятинингиз кенг нишонланди ва давлат томонида сизга уй совға қилишишганди, шу уйга кўчиб ўтдингизми?

- Ҳали ремонт қилмадим, чунки тадбирлардан бўшаганим йўқ. Худо хоҳласа энди ремонт қилиб, кейин халқга ош берамиз. Уй тўй қиламиз, насиб қилса.

- Сиз учун нима кўпроқ фаҳрли - Олимпия ўйнларида чемпионлик ёки мутлақ профессионал ғолиб боксчи?

- Олимпияда, юқорида айтганимдек, ҳамманинг орзуси. Лекин профессионал боксда “Доктор железный кулак” лақабига эга Кличкодай ёки “темир” Майк Тайсондай боксчи бўлганга етмайди, деб ўйлайман, тўғриси. Профессионалда енгилмас бўлсангиз, олимпиада ҳам эсдан чиқиб кетади (кулади).

Баходир Джалолов (Узбекистан) в перерыве между раундами поединка 1/2 финала в весовой категории свыше 91 кг против Максима Бабанина (Россия) на ХХ чемпионате мира по боксу в Екатеринбурге.
© Sputnik / Павел Лисицын
Баходир Джалолов (Узбекистан) в перерыве между раундами поединка 1/2 финала в весовой категории свыше 91 кг против Максима Бабанина (Россия) на ХХ чемпионате мира по боксу в Екатеринбурге.

- Рақибларингиз сиз ва бокс мактабингиз ҳақида ҳурмат билан гапиришади. Бошқа давлатлардан жаҳон спортидан дўстларингиз борми? Ёки биринчи навбатда сиз ҳаммани рақиб деб биласизми?  

- Албатта, дўстларим кўп. Кореядан яқин дўстим бор Хон Кью, 91 Осиё чемпиони бўлди. Тайланддан дўстларимиз бор. Россиядан ҳам дўстим бор – профессионал боксчи – Дмитрий Бивол, жаҳон чемпиони. Сергей Кузьмин бор. Мени профессионалдаги тренерим ҳам россиялик – Геннадий Юрьевич Машьянов. Улар мени жаҳон чемпионатидан олдин икки ой тренировка қилдирган ва улардан кўп нарсани ўргандим. Геннадий Юрьевич жуда ақлли мураббий.

Дўстларим орасида бири кичик вазнда, бири оғир вазнда. Шу боис улар билан рингда учрашиб қолиш эҳтимоли ҳатто йўқ.

- Шубҳасиз, спорт ҳаётингизнинг катта қисмини эгаллайди. Оила, болалар ҳақидаги фикрлар ҳақида ўртоқлашсангиз?

- Албатта, шундай хаёллар келиб туради. Ниятда бу. Худо хоҳласа Олимпиада ўйинларида олтин медал олиб, кейин уйланаман, деб ният қилганман. Иншооллоҳ шу кунларга етказсин.

Баходир Джалолов несет кубок победителя
Министерство спорта Узбекистана
Баходир Джалолов несет кубок победителя
1384
Микросхема

Инсониятни қутқариш ёки йўқ қилиш керакми? Оммавий чипизация остонасида

284
(Янгиланган 17:20 25.05.2020)
Ичимизда чиплар олиб юрадиган вақт қачон келади? Бу борада ягона тўҳтам йўқ. Баъзи экспертларнинг таъкидлашича, бу 5-7 йил ичида амалга ошади.

Қабул қилинг: эртами-кечми барчамиз оз бўлсада киборг бўламиз. Экзоскелетлар бизга ҳаракат қилишимизга ёрдам беради, сунъий органлар - узоқ умр кўриш, бошдаги микросхемалар эса – яхшироқ ўйлашга. Аммо бундан қўрқиш керакми? Бундай технологияларни яратувчиларнинг мақсадлари нима?

Киберпанк бостириб келмоқда: Илон Маск 2020 йил охирига қадар инсон миясига жойлаштириладиган чиплар ишлаб чиқаришни ваъда қилмоқда. Бу одам ҳақиқатан карантинда вақтини беҳуда сарфламаяпти. Ихтирочи ўзининг Neuralink лойиҳасида одамларни Альцгеймер ёки Паркинсон касаллигидан ҳалос этадиган, шунингдек эшитиш ва кўриш қобилиятини қайтарадиган микросхемалар ишлаб чиқаришни ваъда қилмоқда. Ва шунингдек, одамларда тўлиқ ёки қисман фалаж бўлган ҳаракатланиш қобилиятини тиклашни. Бир сўз билан айтганда, бу мия фаолияти ва нейронларнинг иши билан боғлиқ барча муаммолар учун ўта кичик панацеядир. Ёқимли бонуслар - турли хил гаджетлар билан ишлаш (фақатгина фикр кучи билан) ва соғлом одамнинг ақлий қобилиятини яхшилаш имкони.

Аммо келажакнинг бу гўзал ҳақиқати бир қошиқ антиутопиясисиз тўлиқ бўлмасди. Россиялик режиссёр Никита Михалков ўз дастурида миллиардер ва Microsoft  корпорациясининг асосчиси Билл Гейтсни ҳамма устидан назорат ўрнатиш ва одамлар сонини камайтириш мақсадида инсониятга чип ўрантиш истагида айблади. Усул - гўё коронавирусга қарши эмлаш орқали. Ва Билл Гейтс олган патент рақами ҳам даҳшатли - "060606" (666- иблис рақами – таҳр.). Турли мамлакатларнинг бой ва обрўли одамлари аъзо бўлган махфий дунё ҳукуматининг ғоялари ҳам бунга қўшилди. Назариялар очиқчасига фитна назариялардир. "ИнфорУс" консорциуми президенти Андрей Масалович, Билл Гейтс аслида кандай патент олганлигини тушунтирди.

"Microsoft'нинг "Мен 060606 патенти"ни  ўқидим. Бундай рақам компания учун аҳмоқона омадсизликдир. Бу шунчаки аҳмоқона патент, ўзига хос "винегрет", аммо ичида чиплаш ҳақида битта ҳам сўз йўқ, таъкидлайман - битта ҳам сўз йўқ. Патентда ёзилишича: агар одам ёнида ҳар қандай сенсорни олиб юрган бўлса – у аллақачон фитнесс билагузуги ёки смартфонни олиб юрипти – унга бирон бир вазифани топшириш мумкин, масалан кун давомида беш километр юриш вазифаси берилиши мумкин, кейин эса вазифа бажарилдими-йўқми ушбу сенсор ёрдамида текширилиши мумкин, шу сенсор ёрдамида пул топиш имконини бериш мумкин, масалан биткойнни икки тийинини топишига. Яъни Microsoft'нинг патенти ғалатироқ, аммо мутлақо зарарсиз: биз шундоқ ҳам ушбу сенсорларни ёнимизда олиб юрсак, улар бизни шундоқ ҳам бошқарса, нега бу назоратни ижобий ҳулқ кванти билан боғламаймиз (ижобий фикр ёки хулқ-атвор йўналишини тарғиб қилиш - таҳр.)".

Хўш, қайси сценарий эҳтимоли юқорироқ – фойдани кўзлаган ҳолда совуққон ҳисоб-китоб ёки умумий кузатув ёки юқори технологияли гуманизм ва инсониятнинг нажотими? Эҳтимол иккаласи ҳам, дейди Андрей Масалович. Аммо анонимликдан хавотирланишнинг ҳожати йўқ, деди у Sputnik радиосига берган интервьюсида.

"Рақамли бокираликни йўқотишдан қўрқадиган ҳар ким энди бундан қўрқмаса ҳам бўлади. Сиз ёнизда олиб юрадиган гаджетингиз ҳар қандай чипдан яхшироқдир. Яъни, ҳар биримиз биз ҳақимизда ҳамма нарсани биладиган шахсий Интернет-жосусимиз бор. Буни ҳамма билади, шу қатори асосий тижорат фирмалари. Даҳлсизликни йўқотишдан қўрққан ҳар бир киши, қўрқмасин - сиз уни аллақачон йўқотиб бўлгансиз. Махсус хизматлар ва давлатлар назоратидан қўрққан ҳар бир киши, қўрқмасин - корпорациялар томонидан назорат анча кучлироқ. Яъни махсус хизматлар, уларга етмаган маълумотларни корпорациялардан олишади. Корпорациялар сизга тааллуқли ҳамма нарсага эга".

Кибержиноятчиликка келсак, бу ерда у ўзини жуда ноқулай ҳис қилади. Аммо одамни бошқариш учун гипотетик чипни очиб ташлаш орқали мияни "бузиб кириш"нинг энди кераги йўқ - бу қизиқилаётган одам ҳақида барча маълумотларни олиш кифоя, дея тушунтиради Андрей Масалович.

"Рақамли шаҳсиятни йўқотиш ҳақиқатан ҳам даҳшатли нарса. Бизда бу у ёки бу шаклда аллақачон мавжуд: банк картасининг ўзи анчагина маълумотни ўзида мужассам қилган, давлат хизматлари портали ҳам кўп нарсани билади, ҳозир Россияда ягона биометрик идентификациялаш стандарти мавжуд бўлиб, у ҳам овозимизни ҳамда юзимиз тасвирини ёзиб олади ва уларни биргаликда сақлайди. Бундай маълумотларнинг йўқолиши инсон учун ҳалокат эканлиги аён. Агар тажовузкор уни қўлга киритса ёки уни қалбакилаштиришни ўрганиб олса, у ҳолда сизнинг рақамли имзингизни қўлга киритиб, сизнинг борлигингизни ўз назоратига олади".

Ҳаммамиз ичимизда чиплар олиб юрадиган вақт қачон келади? Бу борада ягона тўҳтам йўқ. Баъзи экспертларнинг таъкидлашича, бу 5-7 йил ичида амалга ошади. Бошқалар айтишича, уч йилдан кейин биз ҳақиқатга айланган жуда ақлли ва маълумот алмашиш мосламалари - дазмолдан тортиб учувчисиз автомобилгача, Интернетга уланган буюмлар  ҳақиқати тўғрисида кўпроқ қайғурамиз.

Муаллиф Мария Меркулова, Sputnik Радиоси

284

Россияга янги қитъалараро баллистик ракета нима учун керак

427
(Янгиланган 10:53 25.05.2020)
Россиянинг стратегик ядро кучлари янада ривожланмоқда ва самаралироқ бўлмоқда. Янги "Сармат" оғир қитъалараро баллистик ракетаси армия сафига киришдан олдин якуний синовлардан ўтмоқда.

ТОШКЕНТ, 25 мар - Sputnik. Россия ҳукумати бош вазирининг ўринбосари Юрий Борисов 21 май куни " COVID-19" пандемияси "Сармат" қитъалараро баллистик ракетасининг (ҚБР) учиш синовларига тайёргарлик кўришига таъсир қилмаганлигини ва синовлар бош конструктор ва Россия Мудофаа вазирлиги томонидан белгиланган муддатларда амалга оширилишини таъкидлади.

Давлат қуролланиш дастури доирасида Россия саноат кооперацияси томонидан шахтада жойлаштирилиган суюқ ёқилғили РС-28 "Сармат" ракетаси яратилишини якунламоқда. Янги ракетанинг отилиб чиқиш синовлари 2018 йилда якунланди. Ушбу мажмуа ўз ичига турли хил жанговар блокларни, шу жумладан янги авлод гипертовушлиларини олади ва Стратегик ракета кучларига (СРК) ҳизматни ўташга 2021 йилда топширилади. Эслатиб ўтамиз, "Сармат" учун мўлжалланган "Авангард" гипертовуш мажмуаси Домбаровск ракета дивизиясида ҳизматни ўтамоқда.

Янги ҚБР дунёдаги энг кучли Р-36М2 "Воевода" ракетасининг ўрнини эгаллайди (НАТО таснифига кўра - SS-18 Satana ("Иблис"). "Сармат"нинг имкониятлари ракетага қарши мудофаа ҳудудларини четлаб, таҳмин қилиб бўлмайдиган траекториялар бўйлаб парвоз қилиш имконини беради, бу эса потенциал душманнинг барча мавжуд ва истиқболли мудофаа тизимлари томонидан гипертовуш индивидуал бошқарув блоклари томонидан ушланиш имконини йўққа чиқаради.

"Сармат"нинг "Воевода"дан асосий фарқи: Ю-71 типидаги гипертовуш блоки билан жиҳозланган янги ҚБРни ноядровий қурол билан жиҳозланган юқори аниқликдаги қурол сифатида ишлатилиши мумкин. Тахминан атмосферадаги 15 Мах (7 км/сек) тезликда, блокнинг кинетик энергияси ядровий зарбага ўҳшаш бўлади, аммо ҳудудни радиоактив ифлосланиши бўлмаслигини кафолатлайди. Маневрли гипертовуш жанговар каллачаларнинг муҳим афзаллиги шундаки, траекторияни аниқ тўғирлаб, ҚБРларни учириш нуқтасидан минглаб километр масофада нишонинг "дарчасига" тегиш.

Янги ракетани Красноярск ўлкаси ва Оренбург вилоятида жойлаштириладиган серияли ишлаб чиқариш учун саноат корҳоналаринитакомиллиаштириш якунланди. Россия шу тариқа, ўзининг таҳдидлардан огоҳлантириш потенциалини ривожлантирмоқда.

Икки қутбни кечиб

Дунёнинг барча технологик жиҳатдан ривожланган давлатлари оғир қитъалараро ракеталарни ишлаб чиқиб, рақобатчиларни мағлуб этишга ҳаракат қилмоқда, аммо Россия анча олдинда. РС-28 "Сармат" оғир суюқ орбитал қитъалараро баллистик ракетага эга ерда шахтада жойлаштирилган ракета тизими ҳар жиҳатдан устунликни намойиш этмоқда.

Дунёда узоқ масофалилиги, тезлиги ва зарба қудрати бўйича унга ўхшаши йўқ. Учиш масофаси бўйича - 18000 кмгача бўлган масофада - "Сармат" Воиводдан бир ярим маротаба ошиб кетди, бу эса хорижий рақобатчилар учун очиқ бўлмаган. Юк ташиш қобилияти 10 тоннага оширилди. Бош қисми 10 индивидуал нишонга олиш блоклардан иборат. Янги ракетанинг стартдаги массаси 208 тоннани ташкил этади (шундан 178 тоннаси ёқилғи). Ракетанинг умумий узунлиги 35,5 метр, диаметри 3 метр.

Жанг кучи жиҳатидан "Воевода" ва "Сармат" деярли тенг ва янги ҚБРнинг Aegis, THAA ва тизимларни енгиб ўтиш қобилияти ва тезлашиш қисми жуда  қизиқдир. Қитъалараро баллистик ракета ҳаво ҳужумидан ва ракетага қарши  мудофаа тизимларини муваффақиятли енгиб, нишонга ўз вақтида ва аниқ зарба бериши керак. "Воевода"нинг жанговар блоклари ҳам сохта элементлар булутида нишонга учади (ракетанинг учи ҳар бирининг қуввати 800 килотон бўлган 10 та жанговар блокдан ва ПРО (ракеталарга қарши мудофаа) тизимларини ёриб ўтиишнинг ривожланган мажмуасидан иборат). "Сармат" парвоз пайтида мутлақо янги ҳимоя ва пардаланиш воситаларига эга деб тахмин қилиш мантиқан тўғри бўлади. Турли хил қувват ва мақсадлар блоклари қаторида душманнинг радиолокацион станциялари ва бошқа инновацион таркибий қисмларига қарши курашнинг кучли воситалари мавжуд. У қандай ишлайди?

Ажралганидан сўнг маневр қилувчи блок тахминан 15 Мах тезликда (7 км/сек) 100 км баландликда ҳаракатланади ва атмосферанинг зич қатламларига киришдан (нишоннинг тўғридан-тўғри тепасида) олдин душманнинг ракетага қарши мудофаасини енгиб ўтиш учун мураккаб маневрни амалга оширади. Юқорида таъкидлаб ўтилганидек, шунга ўхшаш жанговар блоклар билан дунёнинг ҳар қандай жойида маҳаллий можаролар пайтида ядровий бўлмаган зарбалар бериш мумкин.

Янги оғир "Сармат" ҚБРни яратишда иккита асосий мақсад - ракетага қарши мудофаа тизимига заивсизлиги ва парвознинг минимал вақти - рекорд тезлик, масофа, ташиш қобилияти ва 60-секундда жанговар тайёргарликка (душман ядровий зарбаси пайтида тез реакция) эришишга имкон берди. Янги ҚБРга киритилган Жанубий қутб орқали (мавжуд ва истиқболли ракеталарга қарши мудофаа тизимларини четлаб), эҳтимолий душман ҳудудининг суборбитал траекторияси бўйлаб эҳтимолий душман ҳудудини "орбитал бомбардимон қилиш" технологияси фуқаро космик кемаларини учиришга имкон беради (фойдаланиш охирида ҳар бир "Сармат" инвестицияларнинг катта қисмини қайтариши мумкин).

Асосий параметрлар

Россия стратегик ракета кучлари қанча янги ракеталарни ҳизматга қабул қилади? Аввалроқ, Американинг CNBC канали АҚШ разведка ҳамжамиятига асосланиб, 60 га яқин "Сармат"лар ҳақида гапирди, бу "Воевода"ларнинг икки дивизиясига (Красноярск ўлкаси ва Оренбург вилоятида) тўғри келади. Бироқ, РФ Мудофаа вазирлигининг режалари бошқа бўлиши ҳам мумкин. Фақат Россиянинг стратегик ядровий кучлари (СЯС) ва АҚШ стратегик ҳужум қилувчи кучлари (СНС) гуруҳлари учун СНВ-3 томонидан белгиланган ҚБР ва жанговар блокларнинг максимал чегараси ҳақида расмий маълумот бор ҳолос. Россия Федерацияси учун бу 700 та учириш мосламаси ва 1550 та жанговар қурол. Стратегик ракета кучлари умумий стратегик ядро қуроллари ва жанговар қуролларнинг 60 фоизига эгалик қилади ва 2024 йилга келиб фақат замонавий намуналардан фойдаланишини режалаштирмоқда. Хизматни ўтаётган "Тополь-М" ва "Ярс" комплексларини ҳисобга олган ҳолда, кўп қиррали истиқбол пайдо бўлади.

Россиянинг стратегик ракета кучларини ривожлантириш истиқболларини белгилашда АҚШнинг ядровий ракета потенциалидаги ўзгаришларни ва ташқи сиёсатининг хусусиятларини, Вашингтоннинг РСМД шартномасидан чиқиб кетишини ва Европада Америка ўрта масофали ракеталарининг Россия Федерациясига яқин жойлаштирилишини ҳисобга олишга тўғри келмоқда. Мисол учун, Польша ва Руминияда Пентагоннинг Мк-41 универсал учириш ускуналари билан жиҳозланган турли даражадаги тайёргарликка эга ракетага қарши мудофаа тизимлари ўрнатилган. Бу жойдан "Стандарт-3" ракеталарга қарши ракеталарни ва ўрта масофага мўлжалланган "Томагавк" қанотли ракеталарини учириш мумкин. Бундан ташқари, АҚШнинг Полша ва Руминияда жойлашган учувчисиз дронларини ядровий жанговар қуроллар билан жиҳозлаш мумкин. Албатта, ўрта масофадаги зарба таркибий қисмларидан РФга қарши фойдаланган тақдира, АҚШ ва учириш майдони сифатида ҳизмат қилган бошқа давлатлар ҳам ўч олиш ҳудудида бўлади. Бу ҳақда "Красная звезда"га берган интервьюсида Россия стратегик ракета кучлари қўмондони Сергей Каракаев маълум қилди.

Стратегик Ракета Кучлари 2020 йилга турли даражадаги 200 дан ортиқ машқларни ва ҚБРнинг олтита учирилишини режалаштирмоқда (уларнинг бештаси Плесецк космодромидан). Ўтган йили таҳминан шу миқдорда ҳарбий машғулотлар бўлиб ўтди ва бешта стратегик ракета учирилиши амалга оширилди, бу ракета тизимларининг юқори ишончлилиги ва қўшинларнинг усусан самарадорлигини тасдиқлади.

Замонавий стратегик ракета кучлари – бу учта ракета армияси, 12 ракета тузилмалари (шу жумладан шахта учирилиш мосламаларидан иборат тўртта стационар дивизия ва саккизта ерда ҳаракатланувчи ракета мажмуалари). Ўйлайманки, ракеталар барча тажовузкорларга етади. Эҳтимолий душман огоҳлантирувчи (қуролсизлантирувчи) зарба беришга умид қилмаса ҳам бўлади. Стратегик Ракета Кучлари объектлари ҳаво ҳужумидан ишончли тарзда замонавий С-300ПМ ва С-400, "Мозырь" фаол ҳимоя тизими ва турли жисмоний ишлаш принципларига асосланган истиқболли ҳаво мудофаа тизимлари билан ишончли ҳимояланган. Роботлашган бошқарув тизимлари жорий этилмоқда. Россиядаги ядровий қуроллари ташувчилари умумий сонининг учдан икки қисмига эгалик қила туриб, стратегик ракета кучлари ядро триадасида катта рол ўйнамоқда. Янги оғир "Сармат" ҚБР стратегик ракета кучлари ва ядровий қурол билан ушлаб туриш тизимида муҳим ўринларни эгаллайди.

427

АҚШ яна бир муҳим шартномадан чиқмоқда - бу дунёга қандай хавф солади

0
(Янгиланган 22:28 25.05.2020)
АҚШ 1987 йилда имзоланган очиқ осмон шартномасидан чиқишини маълум қилди. Бу ҳақда президент Дональд Трамп эълон қилди.

Москвада Вашингтон бу айбловларни рад этди ва Россия томони ўз навбатида шартномадан чиқиб кетиш нияти йўқлигини билдирди.

Видеомизда Дональд Трамп халқаро хавфсизлик соҳасидаги яна бир муҳим келишувни қандай қилиб ўлдиргани ҳақида маълумот берамиз.

0