Новые вертолеты Ми-35М ВВС Узбекистана на стоянке в международном аэропорту имени Ислама Каримова

Ўзбекистон армияни қандай кучайтирмоқда ва Россия нима билан ёрдам беради

2501
(Янгиланган 22:32 17.02.2020)
Мудофаа ва хавфсизлик соҳасида республиканинг мустаҳкам позициялари асосан Россия Федерацияси ва МДҲнинг бошқа мамлакатлари билан ҳарбий ва ҳарбий-техникавий ҳамкорлик туфайли яратилди.

Ўзбекистон Мудофаа вазирлиги Ислом Каримов халқаро аэропортидаги тураргоҳда Россия томонидан ишлаб чиқарилган сўнгги Ми-35М вертолётларини намойиш этди. Икки йил ичида Москва Тошкентга 12 та шундай машинани етказиб беради (2017 йилда Ўзбекистон ҳукуматига берилган давлат экспорт кредити ҳисобига) - бу жанг майдонида жуда жиддий куч. Эслатиб ўтаман, ўтган йили миллий армия Россиянинг "Тайфун" ва "Тигр" зирҳли автомобилларини ҳам қабул қилди. Ва яқин орада юқори маневрли Су-30СМ қирувчи самолётлари, БТР-82А бронетранспортёрларини ва замонавий радар тизимларини олади.

Ўзбекистоннинг ҳарбий қурилиш соҳасидаги тажрибаси диққатга сазовордир. Қисқа вақт ичида Тошкент 50 минг кишилик ҳаракатчан ва самарали армия ташкил қилди. Таркибий модернизация қилиш, қўшинларни энг янги қурол ва техника намуналари билан қайта жиҳозлаш ўз маблағлари ва иттифоқчилар - Россия ва МДҲнинг бошқа давлатлари ёрдами билан давом этмоқда.

Миллий мудофаа хусусиятлари

Ўзбекистон президенти Шавкат Мирзиёев армия замонавий чақириқ  ва таҳдидларга тўла жавоб бера олмаслиги аниқ бўлгач, 2017 йилда ҳарбий ислоҳотлар ҳақида эълон қилганди. Лойиҳанинг устувор йўналишлари - шахсий таркиб, молиялаштириш, қўшинларни таркибий такомиллаштириш ва қайта қуроллантириш.

Модернизация, авваламбор, юқори ва ўрта қўмондонлик таркибига таъсир қилди (Бош штаб бошлиғи ва округ қўшинларининг барча қўмондонлари алмаштирилди). Олий ҳарбий таълим тизимида катта ўзгаришлар рўй берди. Армия замонавий техник стандартларга эга бўлди. Ҳарбий бюджет ЯИМнинг 4 фоизига етди (тахминан 1,4 миллиард доллар). Бугунги кунга келиб ҳарбий хизматни ўташ тартиби, ҳарбий хизматчилар ва уларнинг оилалари ижтимоий ва тиббий қўллаб-қувватлаш тизимига ўзгартиришлар киритилди.

Янгиланган Ўзбекистон мудофаа доктринасида (2018) армияни модернизация қилишнинг асосий йўналишлари тизимлаштирилди: қуролли кучларнинг ҳудудий ташкил этилишини ислоҳ қилиш, кенг кўламли қуролланиш дастури ва ўз ҳарбий-саноат комплексини яратиш. Ушбу доктрина мудофаа хусусиятига эга бўлиб, мамлакатнинг ҳарбий-сиёсий иттифоқларда қатнашиш ва Ўзбекистон ҳудудида хорижий ҳарбий базаларининг жойлаштиришни истисно қилади. Шу билан бирга, бошқа давлатлар билан самарали мудофаа муносабатлари бўйича ҳамкорлик курси эълон қилинади.

Уриш кетаётган қўшни Афғонистон Ўзбекистон ва бутун Марказий Осиёга жиддий таҳдид солмоқда. Аввалроқ президент Шавкат Мирзиёев расмий Кобул ва "Толибон"* ҳаракати ўртасида тўғридан-тўғри музокаралар ўтказиш учун платформани тақдим этишга тайёрлигини маълум қилган эди. Ушбу ташаббус Россия, Европа Иттифоқи, АҚШ ва бошқа давлатлар томонидан қўллаб-қувватланди.

Қуролларни модернизация қилиш

Global Firepower ҳарбий рейтингига кўра, Ўзбекистон Қуролли кучлари 420 дона танк, 1215 дона зирҳли машина, 137 дона ўзиюрар артиллерия ускуналари ва 98 дона кўп зарбали реактив тизимларига эга. 90 дан ортиқ хужум самолёт ва вертолётлари (жами - 185) ҳаво кучларининг асосини ташкил этади.

Армия тизимини ислоҳ қилиш жараёнида Ўзбекистон дунёнинг кўплаб мамлакатлари билан ҳарбий-техникавий ҳамкорликни ривожлантирмоқда. Сўнгги йилларда Тошкент Болгариядан гранатомётларнинг катта партиясини, Испаниядан 4 дона S-295W транспорт самолётларини, Франциядан 14 дона ҳарбий транспорт вертолётларини, Хитойдан Yilong учувчисиз учар воситаларини ва FD‑2000 зенит-ракета тизимларини (C-300 ҳаво мудофаа тизимини модификацияси), АҚШдан RQ‑11B Raven енгил дронлари партиясини сотиб олди.

Шунга қарамай, Россия Ўзбекистонга барча мудофаа маҳсулотларини ички Россия нархларида (МДҲда ягона давлат – ОДКБдан ташқарида бўлган) сотадиган энг катта қурол ва ҳарбий техника етказиб берувчисидир. Россия-Ўзбекистон ҳарбий ва ҳарбий-техник ҳамкорлиги йилдан-йилга кенгайиб бормоқда. Тошкент зарба самолётлари ва ҳаводан мудофаа тизимларини афзал кўрмоқда. Юқорида айтиб ўтилгандан ташқари,  Ми-35М ва Су-30СМ билан бир қаторда, Ўзбекистон келажакда Россиянинг Як-130 русумидаги жанговар ўқув-машғулот самолётига сотиб олиши мумкин, улар бироз такомиллаштирилса зарба бериш имкониятларига эга бўлиши мумкин.

2017 йил кузида "Фориш" ўқув полигонида ўн икки йиллик танаффусдан сўнг Россия ва Ўзбекистон қуролли кучларининг қўшма машқлари бўлиб ўтди. Бундай ҳамкорлик КХШТ (ОДКБ) мамлакатлари билан яқинлашишга олиб келади. "Марказ-2019" Россия стратегик машқларида Ўзбекистон ҳарбийлари ҳам иштирок этишди.

Президент Шавкат Мирзиёев ташаббуси билан амалга оширилган ҳарбий ислоҳот аста-секин бутун Ўзбекистонни модернизация қилишга айланмоқда ва Марказий Осиёда минтақавий барқарорлик ва хавфсизликни мустаҳкамлаш орқали геосиёсатга йўналтирилмоқда.

* Россия Федерациясида тақиқланган террорчилик ташкилоти

2501
Драка

"Арматуралар жанги": Бухорода ёш йигит кекса отахонни уриб ўлдирди

487
Спиртли ичимлик истеъмол қилиш оқибатида отахон ва ёш йигит ўртасида жанжал юзага келган. Йигит отахоннинг қўлидан арматура бўлагини тортиб олиб, уни бош, кўкрак, қорин соҳаларига бир неча маротаба уриб, тан жароҳати етказган

ТОШКЕНТ, 4 июл - Sputnik. Бухорода кекса ва ёш йигит бир-бирини дўппослади, деб хабар бермоқда Ўзбекистон ИИВ ҳузуридаги Тергов департаменти матбуот-хизмати.

Хабарда таъкидланишича, 2 июль куни эрта тонгда Шофиркон тумани ИИБга туман касалхонаси томонидан 24 ёшли М.Ф. ва 65 ёшли Я.Н., лар тан жароҳатлари олиб, мурожаат қилганликлари тўғрисида хабар берилган.

Мазкур хабар асосида ҳодиса содир бўлган жойга тергов-тезкор гуруҳи юборилган.

Олиб борилган терговга қадар текширув ҳаракатлари давомида аниқланишича отахон ўз уйида ёш йигит билан спиртли ичимлик истеъмол қилгач, ўрталарида келишмовчилик ва жанжал келиб чиққан. Чол жанжал давомида темир арматура бўлаги билан М.Ф., ни бош қисмига бир неча маротаба уриб тан жароҳати етказган. 

Шундан сўнг М.Ф. Я.Н., нинг қўлидан темир арматура бўлагини тортиб олиб, уни ҳам  танасининг бош, кўкрак, қорин соҳаларига бир неча маротаба қасддан уриб, тан жароҳати етказган, Я.Н. туман тиббиёт бирлашмасига олиб келиниб, кўрсатилган тиббий муолажаларга қарамасдан жонлантириш бўлимида вафот этган. 

Ҳолат юзасидан Шофиркон тумани ИИБ ҳузуридаги Тергов бўлими томонидан М.Ф., га нисбатан Ўзбекистон Республикаси Жиноят кодексининг 104-моддаси 3-қисми “д” банди (жабрланувчининг ўлимига сабаб бўлган қасддан баданга оғир шикаст етказиш) билан жиноят иши қўзғатилган.

Ҳозирда дастлабки тергов ҳаракатлари олиб борилмоқда.

487

"Буни дарҳол амалга ошириш керак": АҚШ Россияни аслида нима учун жазоламоқчи

941
(Янгиланган 21:21 03.07.2020)
АҚШ конгресси спикери Ненси Пелосининг Россияга қарши янги санкцияларни дарҳол киритиш зарурлиги тўғрисидаги баёноти ҳамда америкаликлар орасида коронавирусга чалинган беморларнинг кун сайин рекорд даражада кўпайиши ўтган куннинг асосий вокеалари бўлди.

Эслатиб ўтамиз, Пелоси санкция киритиш ҳақидаги даъватини "Россиянинг америкаликларга қарши толиблар билан тил бириктириши" сингари мутлақо ақл бовар қилмас воқеа доирасида билдирган эди. Умуман олганда, воқеа Америка махсус хизматларининг ўз манбаларидан олган маълумотлари асосида эмас, балки аллақандай таҳлилчиларнинг толибларни сўроққа тутганидан кейинги хулосалардан келиб чиққан - гўёки Россия қандайдир тушунарсиз сабабларга кўра шундоқ ҳам бир неча йиллардан бери америкалик ҳарбийларни ўлдириб келаётган толибларга яна АҚШ ҳарбийларини ўлдиргани учун пул тўлаган эмиш (Россия бу кетишда шундай муваффақият билан африкаликлар туғилиш даражасини кўтариш учун пул тикиши мумкин).

Пентагон ва миллий хавфсизлик бўйича маслаҳатчи О'Брайен баёнотига кўра, бу кучли хулоса ўз тасдиғини топмаган - шу сабаб ҳам улар бу ҳақда АҚШ президентига ўз вақтида хабар беришмаган. Кўриниб турибдики, у қатори, кўплаб тасдиқланмаган уйдирма ва тахминлар ҳақида ҳам, уларнинг ўрганилиши аслида бевосита махсус хизматларнинг ишига киради.

Аммо эътиборли жиҳати шундаки, бугунги Америка энди оддий давлатнинг одатий қонунлари бўйича яшамайди (Ушбу вазиятга изоҳ берган Дмитрий Песков: "Вашингтонда ҳозирда жуда кўплаб тушунарсиз нарсалар рўй бермоқда", деган эди). У хайпларнинг ҳалокатли ички жанглари қонуни бўйича яшамоқда ва бу қонунни "Ҳеч қандай қонун йўқ", қабилида ифодалаш мумкин.

Шунинг учун, одил суд ва адолатни ўзининг мафкураси деб эълон қилган ядровий давлат вакиллар палатасининг раҳбари, давлатда биринчи шахслардан бири, ҳеч ким томонидан тасдиқланмаган аллақандай "оператив маълумот"га тушунарсиз ва деярли сиёсий хулоса билдирмоқда: бошқа ядровий давлатга қарши санкциялар қўллаш даркор ва буни ҳозироқ амалга ошириш лозим.

Ушбу маълумотни унинг ишончлилигига амин бўлмасдан туриб жамоатчиликка етказган ОАВлар эса аллақачон мамлакатнинг амалдаги президентини "унга Россия тўғрисида номақбул маълумот берилишини ёқтирмасликда" айбламоқда. Бу билан олдин бир неча бор муваффаққиятсиз якунланган "Трамп-рус жосуси" деб номланган эски иддаосини қўллашни давом эттиришмоқда.

"Куннинг иккинчи янгилигига" келсак, АҚШда ҳар куни янги аниқланган COVID-19 ҳолатлари сони рекорд даражага кўтарилиб, 50000 дан ошмоқда, бу ерда Америка ОАВлари бу хабарни қай тарзда бераётгани ҳайратланарли.

Масалан, нуфузли Huffington Post нашри шундай ёзади:

"Сўнгги авж олишнинг баъзи сабабларини май ойининг охирида нишонланган Хотира кунигача кузатиш мумкин"

CNN: 

"Трампнинг анти-ниқоб хоч юриши, унинг ўзини чақиш учун қайтиб келди".

The New York Times:

"Сўровлар шуни кўрсатадики, кўплаб америкалик эркаклар ниқоб тақишни заифлик белгиси деб билишади ва президент Трампнинг ниқоб тақишдан бош тортиши, бу масалани қўрқоқлар иши деб билишидан далолат беради".

Агар сизга таҳлилнинг ушбу кучли мисолларда бирон нарса етишмаётгандай туюлса, демак, йўқ, сизга тўғри туюлди. Бу мисолларда май ойининг охиридан то шу кунгача бутун Америка бўйлаб, ижтимоий масофага, уйда қолиш чақириғига ва бошқа барчасига тупуриб инкор қилиб минглаб прогрессив ва тўғри Black Lives Matter ҳаракати тарафдорлари жуда кўп ижтимоийлаштирилган ҳаракатларни амалга ошириб юриптилар: дўконларни вайрон қилишмоқда, биноларни ёқиб юбормоқдалар, машиналарни уришмоқда, одамларни ўлдирмоқда (ҳозирги пайтда, энг консерватив ва камтар ҳисоб-китобларга кўра, BLM ҳисобида 25 дан ортиқ жасадлар мавжуд), озчиликларга тиз чўкиб оёқларини ювишмоқда.

Юз минглар, ҳатто миллионлаб америкаликлар эҳтиёткорлик чораларига мутлақо бефарқ бўлиб, ўзларини ҳеч қандай коронавирус йўқдек тута бошладилар. Барча ташқи кузатувчиларнинг таъкидлашича, бу фақатгина мисли кўрилмаган авж олиш билан тугаши мумкин, аммо бу авжланиш юз берганида, бу ҳақда ҳақиқатни гапириш мумкин эмаслиги аён бўлди.

Шу сабабли, прогрессив таҳлилчилар одамларнинг токсик ботирлигини, Трампнинг масъулиятсизлиги ва майдаги Ҳотира кунини танқид қилмоқдалар, аммо ўжарлик билан тутаб ёнаётган катта гулхан каби яққол сабабни кўришни истамаяптилар.

Бу ерда нимани таъкидлашни истардим.

Ушбу иккита мисол битта - янада миқёсли ва қўрқинчли ҳодисанинг аломатлари эканлигига ишонишга сабаблар бор.

Уни қисқача қилиб "ҳиссий хавфсизлик мафкураси" деб аташ мумкин. Ушбу мафкурага кўра, мақсадли аудиториянинг ҳиссий қулайликка путур етказмайдиган, унинг қарашларига зид бўлмаган мантиқ ва далилларгина мавжуд бўлишга ҳақлидир.

Мақсадли аудитория учун ахир "Америкаликларнинг шилинган териси учун рус тўлови” ҳақидаги ахмоқона уйдирмасининг аҳамияти йўқ. Ва Америкада аслида коронавируснинг янги авжланиши рўй берганлиги ҳақидаги савол ҳам муҳим эмас.

Биз Оккам устарасининг қандайдир даҳшатли эмо-талқинига дуч келдик, ва унга кўра ҳар қандай ҳодисанинг асли сабабини излагандан кўра маъқул ва тўғри деб топилганини қабул қилиш яхшироқ.

Шунинг учун – "ҳар қандай қийин вазиятда Россия ва Трампни айбла".

Албатта, бу Америка аслида дуч келаётган муаммоларни - дунёнинг таниқли етакчилигини йўқотилиши ва пандемияга қарши курашишда қобилиятсизлигини ҳал қилмайди.

Аммо бу Америка жамияти ичидаги прогрессив кучларнинг жанговар активларини қондиради ва ҳозирги Америка президентининг муҳолифларига уни ковлашга имкон беради.

Дарвоқе, буларнинг барчаси баъзилар ҳали ҳам бизга ўрнак қилиб қўрсатаётган мамлакатда содир бўлмоқда. Бироқ, умумҳалқ овоз бериш натижаларига кўра, "Америкада бўлгани сингари" иборасининг сеҳрли кучи аллақачон Россияга нисбатан кучини йўқотди.

941
Двое задержаны при приготовлении наркотическо средства

Қабристон ёнида гиёҳванд моддасини тайёрлаган икки йигит қўлга тушди

352
Икки йигит Юқори Чирчиқ туманидаги қабристон ёнида наша ўсимлигига ўхшаш гиёҳвандлик моддасини қозонда қовураётган вақтда ушланди.

ТОШКЕНТ, 5 июл — Sputnik. Тошкент вилоятида гиёҳванд моддасини тайёрлаган икки йигит қўлга тушди.

ИИВ ҳузуридаги Тергов департаменти хабарига кўра, 27 июнь куни Юқори Чирчиқ тумани ИИБ ходимлари “Қора дори-2020” тадбирини ўтказган. Унда 22 ёшли Б.Ш. ва С.И.лар Юқори Чирчиқ тумани Балиқчи маҳалласидаги қабристон ёнида жойлашган дала майдонида наша ўсимлигига ўхшаш гиёҳвандлик моддасини қозонда қовураётгани аниқланган.

Судга оид кимёвий экспертизаси хулосасига кўра, олинган  модда гиёҳвандлик воситаси. У вазни 1506 грамм бўлган марихуана. 

Тергов ҳаракатлари давомида Б.Ш. ва С.И.лар ушбу  гиёҳвандлик воситасини ўзлари бир ҳафта давомида истеъмол қилишлари учун тайёрлаётганликлари аниқланган.

Жиноят кодексининг 276-моддаси 2-қисми “а” банди билан жиноят иши қўзғатилган.

Тергов ҳаракатлари олиб борилмоқда.

352
Теглар:
гиёҳванд моддалар, Тошкент вилояти