Станок-качалка

Нефт уруши: Вашингтон асосий тақиқни бузди

1908
(Янгиланган 22:05 23.03.2020)
АҚШ нефть бозорларидаги инқироз ва сланец компанияларининг муаммолари америкалик сиёсатчиларни ҳам, мамлакатдаги нефт компанияларни ҳам ғайриоддий ечимларни излашга мажбур қилмоқда.

АҚШ нефть бозорларидаги инқироз ва сланец компанияларининг муаммолари америкалик сиёсатчилар билан бир қаторда мамлакат нефт компанияларини ҳам ғайриоддий ечимлар излашга мажбур қилмоқда, уларнинг айримлари шу пайтгача имконсиз, ноқонуний, ғайритабиий ва умуман, "миллий манфаатларга хиёнат" саналган.

Инглизларда енгиб бўлмас кучга дуч келинганида айтиладиган, гарчи сурбетона бўлса-да, аммо машҳур бир мақол бор: уни шундай таржима қилиш мумкин: "Кимнидир мағлуб қила олмаяпсизми - ғолибларга қўшилинг".

Агар бу мақолни халқаро нефт бозоридаги бугунги воқеликка нисбатан қўлласак, у ҳолда Саудия Арабистони ва Россия ўртасидаги нарх урушида ғалаба қозонишнинг иложи йўқлиги ёхуд бу жуда қимматга тушадиган ғалаба бўлиши сабабли, ғолибларга қўшилиш мантиқан тўғри.

Айнан шу сабабли, америка нефт бозори регулятори  (аниқроғи, сланец нефт саноатига масъул бўлган регулятор) мисли кўрилмаган иш қилди - у ОПЕК вакиллари билан алоқага чиқди. Бундан ташқари, музокаралар столига америка томонидан жаҳон нефт бозорини барқарорлаштириш режаси қўйилган.

Бундай режани амалга ошишига ҳали жуда кўп вақт бор, мураккаб (кўпёқлама) музокаралар эса ҳали кўп маротаба тўхтатилиши мумкин. Аммо бу ҳолда амалий даражада жаҳон бозорининг асосий тақиқларидан бири бузилганлиги жуда муҳим факт: америкаликлар ҳеч бўлмаганда нефт нархининг кўтарилиши эвазига ўз улушини бериш имкониятини муҳокама қилишга тайёр.

Райан Ситтон, америка музокарачиси ролида айнан у бўлади шекилли, Bloomberg бизнес-ахборот агентлиги орқали океан орти ҳамкорларимизнинг музокаралардаги дастлабки позициясини белгилаб берди: "Назарий жиҳатдан, Техас қазиб олишни 10 фоизга камайтириши мумкин ва агар Саудия Арабистони ишлаб чиқаришни пандемиягача бўлган даражадан 10 фоизга қисқартиришга тайёр бўлса, Россия ҳам худди шундай қилишга тайёр экан, бу бозорни инқироздан олдинги даражага  (фақат бир оз нефт ортиқлигига) қайтаради".

Маълумки, XX асрда АҚШ ҳукуматининг нефт олигополиялари билан курашган вақтидан бери, Америка нефт компаниялари (жиддий жазолар таҳдиди остида) қазиб олишни ўзаро ва айниқса чет эл кончилари билан мувофиқлаштира олмаяпти.

Аммо, айнан жаноб Ситтон бу ишни амалга ошириш учун барча ҳуқуқларга эга ва битта имзоси билан Америка ишлаб чиқаришни камайтириб юборадиган давлат тузилмаларининг етакчиларидан бири ҳисобланади.

Бу давлат тузилмасининг ёлғон номи "Техас темир йўл комиссияси" (The Railroad Commission of Texas) бўлиб, бу ном XIX асрдан бошлаб бу тузилма транспорт бозорини бошқарган вақтда берилган ном ва ҳозирда шу жумладан АҚШнинг асосий нефт (ва сланец)  ҳудудида нефт ишлаб чиқаришни тартибга солиб келади. Жаноб Ситтон - бу тузилманинг комиссари ҳисобланади ва унинг айтишича, унга ОПЕК музокаралар олиб боришга тўғри келади, у аллақачон расмий таклифни олган.

Баъзи америкалик сиёсатчилар ва нефт компаниялари қазиб олишга қўйилган ҳар қандай чекловларга қатъий қарши туришса керак, ва эҳтимол суд жараёнлари орқали ҳам буни амалга оширишлари мумкин, аммо айнан Техас давлат регулятори уларнинг розилигисиз ва ҳеч қандай янги қоидалар ёки тартибни жорий этмасдан "жўмракни" айлантириб қўйиши мумкин.

Биринчи навбатда Техас регулятори қўшилиб келадиган газни ёқиш учун рухсатномаларни беради ва узайтиради (шунингдек бекор қилиши мумкин): Америка сланец компаниялари бу амалиётни оммавий равишда қўллайдилар, уни узоқ вақтдан бери экологлар ва баъзи иқтисодчилар тақиқланишини талаб қилинмоқдалар.

Қазиб олишни кўпайтириш ёки қўллаб-қувватлаш учун сланец ишлаб чиқарувчилари шунчаки нефт билан бирга ишлаб чиқариладиган газни ёқиб юборишади, америкалик соҳавий журналистлар таъкидлашича, қудуқ қанчалик қадимий бўлса, шунчалик кўп газ чиқади. Агар ушбу амалиёт учун рухсат бериш чекланса ёки бутунлай тўхтатиб қўйилса, у ҳолда сланец ишлаб чиқариш мутаносиб равишда камаяди, экологлар эса фақат шод бўлишади.

Мавжуд иккинчи усул - анча қўполроқ ва қисман стоп-кранни ишлатишга ўхшайди, лекин жуда танг ҳолатда (агар Техас ОПЕК билан гаплашса, бу жуда фавқулодда ҳолат) бу усулдан фойдаланиш мумкин: йўқолаётган ишлаб чиқаришни алмашиш учун сланец компаниялари доимий равишда янги қудуқ қазишлари керак, аммо уларнинг ҳар бирига рухсат яна ҳудди ўша комиссия томонидан берилади. Агар бу жараёнга тўсқинлик қилинса ёки жуда секинлаштирилса, у ҳолда эскираётган қудуқларда қазиб олишнинг пасайиши умуман ишлаб чиқаришни табиий ва анча жадал пасайишини таъминлайди.

Американинг Bloomberg агентлиги хабар беришича, Техас комиссияси вакили ва ОПЕК музокарачиларининг учрашуви июн ойида режалаштирилган, аммо бу комиссияда нуфузли скептиклар ҳам бор: "АҚШнинг энг йирик нефт штатидаги энг нуфузли мансабдор шахслардан бири июн ойида ОПЕКнинг муқаддас кадамжосига таклиф қилинди – ва бу икки тарихан қарама-қарши йирик нефт державаларининг яқинлашуви натижасида содир бўлди. Жума куни Техас темир йўл комиссияси комиссари Райан Ситтон ОПЕК бош котиби Муҳаммад Баркиндо уни гуруҳнинг Вена шаҳрида бўлиб ўтган ёзги йиғилишига таклиф қилганини айтди.

Аммо кутилмаган эълон АҚШ ва халқаро нефт доираларида шов-шувга сабаб бўлган бўлса-да, Ситтоннинг Техасда хом нефт қазиб олишни чеклаш ҳақидаги таклифи 1970 йиллардан бери ўзининг агентлигидаги қаршиликларга дуч келди. "Гарчи мен "Техас мўъжизаси" ("сланец"га асосланган "Техас иқтисодий мўъжизаси" назарда тутилади - таҳр.)ни ҳимоя қилиш бўйича ҳар қандай ғояни кўриб чиқишга тайёр бўлсам ҳам, эркин бозор тарафдори ва консерватор сифатида, менда ушбу ёндашувга қарши бир қатор фикрлар мавжуд", - Вейн Кристиан, комиссия раиси. Агар Техас етказиб беришни тўхтатса, бошқа давлатлар ёки ҳатто штатлар ҳам худди шуни қилишларига ҳеч қандай кафолат йўқ".

Ушбу баёнотни икки регистрда ўқиш мумкин деса бўлади: бир томондан, комиссиянинг ўзида қарши овозлар мавжуд, бошқа томондан, мухолифат принциплар билан боғлиқ эмас (консерватизм ва бозор эркинлиги тўғрисидаги баёнотларга қарамай), балки алданиб қолиш ёки бу битимдан ягона ютқазганлар ҳолатида бўлишдан қўрқув мавжуд.

Бу рад этиш эмас, балки бу Вена шаҳрида тўлиқ муҳокама қилиниши мумкин бўлган "бир қатор қўшимчалар". Тартибга солувчининг  вакиллари маълум бир чора-тадбирларни қидириш ва шакллантириш билан шуғулланаётганликларини тасдиқлашаётгани жуда аҳамиятлидир (гарчи улар ҳалигача қарор қабул қилинмаганлигини таъкидламоқдалар), ва бунда ушбу вариантни кўриб чиқиш учун сўров баъзи нефт компанияларидан келиб чиққанлиги тўғрисида сўзлашмоқда. "Техаснинг бир нечта нефт компаниялари комиссия томонидан кунлик қазиш нормасини жорий қилишнинг мақсадга мувофиқлиги ҳақида қизиқишди,"- деди регулятор вакили. – Меъёрга солиш - "ҳар ким ўзи истаганича" ёки "ҳамма имкони борича" режимидан "ҳамма рухсат этилган миқдорда ишлаб чиқаради" режимига ўтиши".

Бу ғалати бўлиб туюлиши мумкин, аммо ҳозирда юзага келган вазият шуни кўрсатадики, нархларнинг кескин пасайиши АҚШнинг нефт секторини муроса қилиш имконияти борасида мўъжизаларни кўрсатмоқда. Ушбу мўъжиза АҚШга, ҳеч бўлмаганда норасмий равишда, ҳозирнинг ўзида ОПЕКга аъзо бўлиши ёки яқин ойларда ишлаб чиқаришни тартибга солиш бўйича халқаро битим тузиш учун кифоя қилади, аммо бу йўналишда албатта маълум ютуқларга эришилди.

1908
Ракетные установки Азербайджана ударили по Нагорному Карабаху

Қорабоғдаги зиддийлашув ва дронни қўллашдаги "сурия" тажрибаси

220
Тоғли Қорабоғдаги ҳарбий ҳаракатлар можаро томонларининг технологик жиҳатдан сезиларли тараққий этганини намоён қилмоқда, деб ёзади ҳарбий шарҳловчи Александр Хроленко

Озарбайжон ва Арманистон қўшинлари разведка ва зарба учувчисиз учиш қурилмалари (УУҚ)дан - "сурия тажрибаси"ни ҳисобга олган ҳолда фаол фойдаланишмоқда. Бу табиийки жонли куч ва техникада йўқотишлар сони ортишини келтириб чиқармоқда.

Яқин ўтмишда рўй берган худди шу сингари жанговар ҳаракатлардан фарқли ўлароқ, Қорабоғдаги ҳозирги оғир аслаҳалар қўлланилаётган зиддият жанг майдонида олинган видео билан кечаётганига гувоҳ бўлмоқдамиз. Бу кадрларда Озарбайжон ва Арманистоннинг ҳавода мунтазам кузатилаётган разведка ва зарба дронларини кўриш мумкин.

Арманистон ҳарбий идораси маълумотларига кўра, озарбайжон қўшинлари 29 сентябрь куни арман ҳудуди Варденис шаҳрида жойлашган ҳарбий қисм бўйлаб туркияда ишлаб чиқарилган дрон ёрдамида авиазарба беришди. Сал олдин Озарбайжон Мудофаа вазирлиги Арманистон қуролли кучлари Қорабоғ билан чегаратуташув жойида аҳоли пунктлари Арманистон ҳарбий кучлари томонидан ўққа тутилгани ҳақида баёнот берган эди.

Позиция жанглари давом этмоқда, рақиблар бир-бирига алоҳида (нуқтали) зарба беришмоқда. Можаро ҳудудидан қочоқлар сезиларли оқимининг йўқлиги ҳам жанговар ҳаракатларнинг нисбатан босиқ характеридан далолат бермоқда.

Қайноқ осмон

Айни вақтда экспертлар ҳамжамияти фақатгина АР ва ОР ҳарбий идораларининг расмий маълумотига таянишлари мумкин. Қорабоғ кучлари гўёки 49та озарбайжон дронларини уриб туширган, ўз навбатида, арман армияси 18та УУҚдан жудо бўлган. Тахминимча, рақамлар ўта бўрттирилган.

Таққослаш учун, ўтган ўн йил мобайнида Тоғли Қорабоғда йигирмага яқин озарбайжон ва арман УУҚлари уриб туширилган эди. Аммо ҳар нега қарамай, минтақадаги дронлар уруши - бу ҳақиқат. Сурия тажрибаси эса шуни кўрсатмоқдаки, замонавий қуролли можароларда учувчисиз комплекслар аҳамияти мунтазам ортиб бормоқда.

Яқин келажакда жанговар ҳаракатлар стратегияси ва тактикаси кўп ҳолларда сунъий онгга эга бўлган разведка олиб бориш ва зарба бериш, юз ва ҳатто минглаб километрлардаги нишонларга "қўли етадиган" автоном учар аппаратлари томонидан белгиланади. Шу бугуннинг ўзида ҳам ЎЎҚлар томонидан жанговар ҳаракатлар зоналарида суткасига 24 соатлик назорат таъминланмоқда.

© Sputnik / Виталий Тимкив

Қорабоғ зиддиятида Боку асосан Исроилда ишлаб чиқарилган, 50 килогача юк кўтаришга қодир ва ҳаракат масофаси 250 км гача бўлган Aerostar, Hermes, Heron ва Harop дронларидан фойдаланмоқда. Бундай аппаратларни разведкада, ўт зарбасини тўғирлашда ҳамда рақибнинг жонли кучи ҳамда енгил зирҳланган техникасига қарши курашда бошқарилувчи жанговар захира сифатида қўллаш мумкин.

ЎЎҚ қимматбаҳо, ва Ҳаводан ҳужумга қарши мудофаа тизимлари воситалари учун етарлича сезилишга эга. Масалан, Hermes 20 миллион долларга яқин туради, аммо уни нишонга сари йўлда уриб туширишлари мумкин. Ҳаражатларни оптималлаштириш учун Озарбайжон исроилнинг Aeronautics Defense компанияси ишлаб чиқарадиган дрон-камикадзе "Орбитер-1К" Systemsнинг хилларидан бирига ўхшаш, ўз-ўзидан тўғирланадиган, кўринувчан ва инфрақизил диапазонларда кузатув оптик-электр тизимига эга, осмонни қўриқловчи "Зарба" жанговар захираларини лицензион ишлаб чиқарилишини йўлга қўйди.

Каттагина маблағга эга бўлмаган ҳолда, Ереван ўз мудофаа саноати имкониятларига таянмоқда. Арманистон "Крунк" типидаги енгил (20 килогача юк кўтариш ва ҳаракат масофаси 150 км бўлган) ҳамда тоғли жойлар учун арзон ва самарали бўлган ўта кичик "Базе" разведка ва зарба аппаратларини ишлаб чиқармоқда ва қўлламоқда. Арман армиясининг 95%дан ортиқ дронлари - маҳаллий ишлаб-чиқарувчилар маҳсулотидир.

Жанубий Кавказ барқарор дунё учун қайноқ нуқта ва юқори технологик қурол учун анча тор бўлиб қолмоқда. Бундай юқоритехнологик қурол борган сари кўпаймоқда. Аммо жанг майдонида томонларнинг бирининг тотал устуворлиги ҳозирча кузатилмаяпти.

220
Кандидат в президенты США Джо Байден

АҚШ махсус хизмати: Байденни навбатдаги аҳмоқона нутқини тингланг, бунга Путин айбдор

503
(Янгиланган 19:37 30.09.2020)
АҚШ президентлигига номзод икки даъвогарнинг ақлий ҳолатини гумон остига қўяётган улкан миқдордаги америкалик сайловчилар, - бу, айтиш мумкин-ки, "Россия ёлғон хабарлари" натижасидир

Владимир Корнилов

Турли махфий Россияга қарши назариялар муаллифларининг Кремлнинг у ёки бу можароларга катта эҳтимол билан алоқадорлигини англатувчи гап-сўзлари қачон тугайди, жуда қизиқ. Биз аллақачон highly likely ("катта эҳтимол билан" — Скрипаллар ишида), almost certainly ("деярли аниқ" - "вакцина ўғриланиши" муносабати билан ёғдирилган айбловлар) сингари ибораларни ўрганиб бўлдик. Энди навбатдагиси — probably ("эҳтимол")га кўникишимизга тўғри келади, деб ёзади РИА Новости муаллифи.

Бу гал The Washington Post туфайли Владимир Путиннинг шахсан ўзи АҚШ президентлигига номзод Жо Байденни дискредитация қилиш (обрщсизлантириш) бўйича махфий операцияга "probably, раҳбарлик қилаётгани"дан хабар топдик. Бу ҳақда нашр ЦРУнинг супер-махфий докладига таянган ҳолда хабар берган - ҳужжатнинг махфийлилик даражаси шу қадарки, WP  журналистлари ундаги контекст билан бир неча шахсларнинг ҳикоя қилиб беришлари орқали танишишга муваффақ бўлишган.

Бундай парадоксал хулоса учун асослар ҳайратлантирмай қўймайди: маълум бўлишича, у аллақандай аналитиклар томонидан "очиқ, махфийликдан чиқарилган ва махфий разведка манбалари" асосида тайёрланган.

Докладнинг биринчи қаторида гўёки шундай дейилган: "Бизнинг фикримизча, президент Владимир Путин ва Россиянинг юқори мартабали амалдорларининг аксарияти хабардорлар ва, эҳтимол (худди ўша probably. — Муаллиф) ноябрдаги АҚШ сайловлари олдидан АҚШнинг собиқ вице-президентини обрўсизлантириш, АҚШ президентини қўллаб-қувватлаш ва жамиятда ихтилофни келтириб чиқаришга қаратилган Россия таъсир операцияларини бошқарадилар".

Вице-президентни обрўсизлантираётган аслида кимлигини ҳам билиб олдик! Байденга, кулгили хатоликларга тўла, айтилгандан сщнг унинг саломатлиги ҳолати ҳақида ўйлашга мажбур этадиган нутқларни ким ёзиб бераётгани ҳам ниҳоят, ойдинлашди. Эҳтимол, шахсан Путиннинг ўзи шу кунларда Байденга "унинг нутқи якунида дунёда коронавирусдан 200 миллион киши ўлиши" ҳақидаги матнни тиқиштирган бўлса керак. Чунки Байденни бундан ортиқ даражада ҳеч ким обрўсизлантира олмас эди.

Американинг кўплаб ОАВлари Ички хавфсизлик вазирлиги томонидан гўёки "ички фойдаланиш учун" чиқарилган (ва шу пайтнинг ўзида кўплаб ахборот сайтларида пайдо бўлган) шунга ўхшаш ҳисоботга эътибор қаратдилар. Ҳисобот: "Россия, эҳтимол (бу сафар шунчаки likely, highlyсиз. — муаллиф.), 2020-йилдаги сайловларга таъсир ўтказиш учун америкалик номзодлар саломатлигини дискредитация қилмоқда", деган сарлавҳа билан чоп этилган эди. Эътибор беринг, "номзодлар" сўзи кўпликда қўлланилган. Энди эса, американинг аксарият масс-медиаларининг ушбу "сенсация" борасидаги сарлавҳалари билан солиштирсак - агар уларга ишонсак, гап "Байденнинг ментал соғлиғига қарши Россия томонидан уюштирилаётган ҳужум" ҳақида бормоқда.

Ва бу бюллетенларда эронлик ва хитойлик акторларнинг Дональд Трампнинг руҳий ҳолатига ўтказаётган ҳужумлари ҳам ёдга олинган бир вақтда рўй бермоқда. Аммо бу, ўзингиз тушунгандек, америка демократик ОАВларини мутлақо қизиқтирмайди. Американинг амалдаги президентини шизофреник деб аташ - бу умуман аралашувга кирмайди. Бироқ Байден ҳақида бундай гапириб бўлмайди.

Ҳар нега қарамай, Россия-Хитой-Эрон макри иш бераётган кўринади. Агар яқинда 2020-йил сайлов кампаниясининг энг муҳим штатларида ўтказилган сўровномага ишонсак, у ердаги сайловчиларнинг 51 фоизи Трампни президентликка "ментал яроқсиз" ҳисоблайди. 52 фоиз сайловчилар эса Байден ҳақида худди шундай фикрда. Яъни АҚШ президентлигига икки номзоднинг ақлий ҳолатини шубҳа остига олаётган америкалик сайловчиларнинг улкан миқдори, - бу "Россия дезинформацияси" натижаси, шундайми? Трамп ва Байден эса ўзларининг ажабтовур хатти-ҳаракатлари, юмшоқ қилиб айтганда, баҳсли иборалари билан бу ерда зинҳор ҳеч қандай рол ўйнамайди. Одатдагидек, ҳаммасига руслар айбдор. Probably.

Худди шу тарзда ўта даҳшатли даражада махфий бўлган ЦРУ доклади асосида WP чоп этган мақола ҳам — шунга ўхшайди.

Мақоланинг биринчи қаторида, АҚШ президентлигига номзоднинг дискредитацияси кампаниясига шахсан раҳбарлик қилаётган Путин ҳақида айтиб ўтилгач, гапнинг қолган қисми Украина парламенти аъзоси Андрей Деркач кирдикорлари ҳақида боради. У Петр Порошенко ва Жо Байден суҳбатлари аудиофрагментларини мунтазам равишда оммага эълон қилиши туфайли машҳур.

Унинг "Путин билан алоқалари" ҳали бу ҳеч нарса дегани эмас.

Америка ОАВлари "Деркач плёнкалари" ҳақида гап бошлаганларида улар фақатгина иккита далилга эга бўлишади, агар мумкин бўлса бу ҳақда қуйидагича айтиш мумкин: а) тўқсонинчи йиллар бошида у Москвада КГБ олий мактабини тугатган, демакки, ўз-ўзидан "Кремль агенти" ҳисобланади; б) у томонидан тақдим этилган ёзувлар "таҳрирланган". Бўлди, худди мана шу асосда демократик ОАВлар "плёнкалар"даги маълумотларни муҳокама қилишдан бош тортадилар, улар ҳақида эшитишган вақтларида эса қулоқларини беркитиб олишни одат қилишган. Ҳолат шунгача етиб бордики, Twitter "Деркач плёнкалари ҳақидаги" твит ёзган ва ундан Трамп иқтибос келтирган фойдаланувчининг учет записини шу ондаёқ блоклади.

Бу ерда ҳеч қандай цензура йўқ. Ахир "Кремль агенти" худди ўша Кремль буюртмасига биноан "дезинформацияни" тарқатяпти, дейилдику. Тегишли тартибда, бу маълумотларни текшириш буткул таъқиқланган.

Шу муносабат билан 2014 йилнинг июлида, Донбассда Малайзия "Боинг"и қулаганидан сўнг, Украина хавфсизлик хизмати раҳбари Валентин Наливайченко томонидан ўтказилган матбуот-анжумани ёдга тушади. Эртаси куни дунёнинг деярли барча етакчи нашрлари биринчи саҳифаларида у томонидан тақдим этилган "плёнкалар" ҳақида ёзилган эди.

Эътибор беринг, ўшанда ҳеч ким Наливайченконинг Москва КГБ Разведка институтида ўқигани ҳақида эсламаганди. Ғарбда ҳеч кимни аудиоёзувлар нафақат қайта таҳрир қилингани, балки шунчаки сохталиги ҳам асло ташвишлантирмаган. Шунчаки, MH17 Чернухинодаги аллақандай казаклар томонидан уриб туширилгани тўғрисидаги версия ўша вақтда ғарб журналистларини тўлиқ қаноатлантирарди.

Энди эса "Деркач плёнкалари" негадир уларга манзур бўлмаяпти - сабаби, бу сайловолди кампанияси вазифаларига мос эмас. Демак, бу ҳақдаги ҳар қандай маълумотни аёвсиз равишда цензуралаш жоиз.

Бу ёзувлардаги Порошенко ва Байден овозлари аслига мослигини ҳеч ким шубҳага олиш ниятида эмас. Аммо уларни муҳокама қилиш ва улардан иқтибос келтириш - ўта оғир гуноҳ. АҚШ медиа ҳамжамияти шу кунларда сенатнинг иккала қўмиталари томонидан тақдим этилган: "Хантер Байден, "Бурисма" ва коррупция" дея маънодор номланган ҳисоботга худди шундай муносабатда бўлди.

Доклад жуда салмоқдор бўлиб, америкалик мансабдорларнинг АҚШ олий раҳбарияти, шу жумладан, вице-президент Жо Байден ва Давлат котиби Жон Керрилар Украинага тегишли "Бурисма" газ компанияси коррупцион схемалари ва бу фирмада вице-президент ўғли Хантер Байденниг фаолияти АҚШга қандай муаммоларни келтириши мумкинлиги тўғрисида кўплаб маротаба огоҳлантирилганликлари ҳақидаги ажабтовур иқрорлардан иборат.

Агар Трамп ўз фарзандларининг коррупцион фаолиятлари ҳақида хабардор бўлиб, бунга гўё уларни шунга рағбатлантираётган сингари кўз юмганида эди, нашрлар уни қандай тепиб ташлаган бўлишларини тасаввур қилиш қийин. Аммо сенатнинг бу докладини ОАВлар келишилгандек эътиборсиз қолдиришди ёки бўлмаса шунчаки, "бу Россия дезинформация кампанияси", деб атаб қўя қолишди.

Бундан келиб чиқиб айтиш мумкинки, АҚШ сенаторлари ҳам "Кремль агентлари". Ахир докладда "Бурисма" коррупцияси ва у ерда кенжа-Байденнинг фаолияти ҳақида тепага шахсан ҳисобот топширган мансабдорларнинг инкор этиб бўлмас фактлари ва кўрсатмалари келтирилган.

Бунга жавобан демократлар зудлик билан контр-ҳисоботини тайёрладилар ва унда оппонентлари далилларини йўқ қилиш, ёки ўта хиралаштиришга уриндилар. Ва бунда, табиийки, демократлар чиқарган асосий хулоса — сенат суриштируви "2020-йилдаги сайловларга Россия ҳужуми"ни акс эттираётгани бўлди. Яъни яна биз айбдормиз.

Бундан кўриниб турибдики, кенжа-Байденни Украинадаги коррупция ботқоғига ботган фирмага Россия тайинлаган, сўнгра катта-Байденга "Бурисма"даги коррупцияга доир айбловларни ўрганишга жазм қилган Украина Бош прокурори Виктор Шокинни қандай қилиб ишдан олишни ўргатган. Шундай экан, сенат ва Оқ уйдаги америкалик "Кремль агентлари" ҳаракатлари учун янги санкциялар ҳам ўзини кўп куттирмаса керак. Ахир Россиянинг айби, гарчи навбатдаги probably билан бўлсада, яна исботланди.

503