Агитационный плакат за общероссийское голосование по поправкам в Конституции в Новосибирске

Гейларга қарши нормалар учун ким бизни уялтирмоқда?

2534
(Янгиланган 15:34 04.06.2020)
"Жирканч ролик", "разил манипуляция", "ксенофобия" ва "адоват қўзғаш" — икки кун олдин YouTube да пайдо бўлган ва Конституцияга киритилаётган тузатишларга бағишланган ташвиқот ролигига худди шундай характеристикалар берилмоқда. Бизда кимни ва қай тарзда ҳафа қилишмоқда?

Петр Акопов

"Жирканч ролик", "разил манипуляция", "ксенофобия" ва "адоват қўзғаш" — икки кун олдин YouTube да пайдо бўлган ва Конституцияга киритилаётган тузатишларга бағишланган ташвиқот ролигига худди шундай характеристикалар берилмоқда. Бизда кимни ва қай тарзда ҳафа қилишмоқда?

Албатта, гап бу ерда ранжитилаётган гейлар, тўғрироғи, ЛГБТ-ҳамжамияти ҳақида. Бу жамиятнинг вакиллари, худди "прогрессив жамоаси" сингари Конституциянинг никоҳнинг - эркак ва аёл иттифоқи сифатида мустаҳкамлаб қўйилиши белгиланган 72-моддасига бағишланган тузатишлардан қаттиқ ранжиган.

Қисқа видеороликда "Келажак гўзал Россияси" - 2035 йил кўрсатилган. Болалар уйи ходимаси  қувончли воқеа - болалар уйи тарбияланувчисининг асраб олинишини телефонга видеога олаётган бўлади. Петя исмли болакайни олиб кетиш учун отаси келган бўлади, аммо ҳамма кўчага чиққач боланинг онаси ўрнига "иккинчи рақамли ота-она", яъни яна бир эркак келганини, Петянинг ота-онаси гейлар эканлиги маълум бўлади. Болалар уйи ишчилари таажжубда қолишади, бола ҳам ҳайрон, аммо унга қизлар кўйлагини совға қилиб, машинага ўтқазишади. Ролик шиори — "Шундай Россияни танлайсанми? Мамлакат келажагини ҳал эт, Конституцияга киритиладиган тузатишлар учун овоз бер".

Албатта, дид борасида баҳслашиш бефойда - бу ерда болаларга мажбуран сингдирилаётган жинсни ўзгартириш масаласига урғу бериш керакмиди-йўқми, бу ҳам музокарали. Ахир бу америка муаммосику, бизнинг эмас, Анжелина Жоли улар юртида ақлдан озмоқда, бизда эмас. Аммо буларнинг барчаси иккинчи даражали - ролик шундоқ ҳам гомофобларни қаттиқ ҳафа қилди.

Ишонмайсизми? "Московский комсомолец" ёлғон тарқатмайди-ку, нашр ўз мақоласининг кириш қисмидаёқ "Роликни ҳатто гомофоблар қаттиқ қоралади", дея ёзган. Ва видео остида қолдирилган изоҳлардан иқтибослар келтирган - уларнинг барчаси бирдек қораловчи ва нафрат мазмунида. Бу ерда: "бола етимхонада вояга етса яхши бўлармиди", "миллионлаб болалар улғаяётган отасиз оилалар-чи, улар ҳам бир жинсли оилаларга кирадими?" деган мазмундаги гей-лоббистлар далиллари ҳам келтириб ўтилган. "Гомофоб"лар бу ерда гейлар аҳмоқ сифатида кўрсатилгани ва Конституциянинг бунга нима алоқаси борлигига эътироз билдиришган.

"Профессионал гейлар", яъни ЛГБТ-ҳамжамиятлари ҳимоячилари ҳам табиийки, муносабат билдирганлар — изоҳларнинг бирида "гомофоб ва ксенофоб риторикадан фойдаланишни номаъбул деб ҳисоблашларини" маълум қилишган ва бу ролик намойишини таъқиқлаш ҳамда уни YouTubeдан ўчиришга эришишларини айтишган.

Ҳамжамият аъзолари "Ижтимоий жиҳатдан ЛГБТ гуруҳига мансублиги жиҳатдан бир гуруҳ шахсларга нисбатан нафрат ва душманлик кайфиятини уйғотиш" прокуратурага ариза ёзганлар. Худди шундай мурожаатнома бизнес ОАВ редакцияси томонидан ҳам йўлланган, Давлат думаси депутатларидан бири эса тезкор равишда Бош прокуратурага сўровни қайта йўллаган.

Яъни органлар роликда "авж олдириш" элементларини топишни ва уни таъқиқлашни сўрамоқда. Буларнинг барчаси шундоқ ҳам дискриминация қилинаётган секс-камчиликларга оғриқ етказмаслик учун қилинмоқда: аввалига вояга етмаганлар ўртасида ташвиқотни ман этишган эди, энди эса Конституция учун агитация қилиб, улар билан одамларни қўрқитишмоқда.

Роликда нафратни қўзғашни кўриш учун ноанъанавий онгга эга бўлиш керак — аммо бу ерда гап бир гуруҳ ноанъанавий ориентацияга эга шахслар ҳақида бормоқда-ку, улардан ниманиям кутиш мумкин? Ахир роликда ЛГБТга туҳмат ё бўҳтон борми? Йўқ - роликда бу ҳақда муболаға тарзида ёки пародия шаклида айтилган, деб ҳам бўлмайди. У ерда 2035 йил - яъни келажак ҳақида гап бормоқда. Бу гипотетик келажакни бугун - аллақачон бир жинсли никоҳларни легаллаштириш йўлидан кетган Ғарбда кўриш мумкин. Нима у ерда болаларни бир жинчли жуфтликларга бермайдиларми? Ёки ҳозирча улар сони кам ва ҳар бир оила шундай мақомга эга эмасми? Шундай экан, нима, биз бу жараён ўзининг мантиқий якунига етишини ва биз шундай кейин минимал чекловларни қабул қилишни кутиб яшаймизми?

Ҳа, минимал — чунки Конституцияда оиланинг эркак ва аёл иттифоқи сифатида мустаҳкамлаб қўйилиши фуқароларимизнинг мутлақ кўпчилик томонидан қўллаб-қувватланмоқда. Ва худди шу тарзда биздаги кўпчилик бир жинсли жуфтликлар бола асраб олиш имкониятига эга бўлишига қарши чиқмоқда (улар бизда таъқиқланмаган - шунчаки юридик жиҳатдан оила ҳуқуқини ололмайди). Бу халқимизнинг бир ёқадан бош чиқариб билдирган позициясидир — бу позицияни ёқтирмайдиганлар унга қандай даъво билдира оладилар?

Бағрикенгликка чақиришадими? "Сабрли бўлингизлар, сизларга нима, барибир ҳаммаси шунга келади, барибир, асосийси одам яхши бўлсин". Йўқ, бу иш бермайди — ҳалқимиз аҳмоқмас, маънан соғлом ва рус тарихи ўз поёнига етишини истамайди.

Давлатга нисбатан "ксенофоблар" тушунчасини ишлатадими?  Бу ҳам иш бермайди— "бошқаларга" нафрат йўқ чунки, шунчаки халқимиз уларга ўхшашни хоҳламайди, халқ ўз орасида "ноанъанавийлик" урфга киришини истамайди. Ҳа, ноаънавий ориентация асос ва анъаналар, ахлоқ ва эътиқод, хотира ва бирдамлик ювилиб кетган жойда кўпаяди. Шундай экан бу заҳарга қарши восита"урфдаги" нарсани таъқиқлашда эмас, балки бу ўз асосларини мустаҳкамлашда. Аммо бу ерда таъқиқлар ва чекловларсиз бўлмайди — чунки биз бугун ўша Штатларда бир неча ўн йилликлар ичида ЛГБТга бўлган мода ёшлар орасида улар вакиллари бир неча марта ошишига олиб келд.

Конституцияга киритилаётган тузатишлар ўз-ўзидан ҳеч нарсани кафолатламайди, улар фақат жамият ва ҳокимият яхшилик ва ёвузлик ҳақидаги фикрларда бирлашгандагина, нима яхшию, нима ёмонлигида бир тўхтамга кела олсагина ишлайди.

Акс ҳолда Франциядаги каби ҳолат юзага келади: Париж кўчаларига бир жинсли никоҳларни қонунийлаштиришга ва бундайларга болаларни асраб олишларига қарши ярим миллион намойишчилар чиқсаю, аммо ҳукумат барибир тегишли қонунни қабул қилса.

Рус цивилизацияси ҳеч кимга ўз қадриятларини тиқиштирмайди. Бошқа халқлар ўз бошини деворга уриб ёришни ва шу тарзда ҳалок бўлишни, мигрантлар орасида ботиб кетишни, оила ва ахлоқдан воз кечишни ва яна аллақандай тарзда ўз мавжудлигини тўхтатишни хоҳлашадими - бунинг учун улар тўлиқ тарихий ҳуқуқга эга. Биз ҳам ўз навбатида ўз қадриятларимизни, блогер Варламов ёзганидек, "мавжуд бидъатлар туфайли бошқа одамларга бахт бермаяпсизлар" сингари манипулятив танбеҳларга учмаган ҳолда ҳимоя қилишга, тўлақонли ҳаққимиз бор.

Ҳаммаси аксинча - халқ унга тиқиштирилаётган бахт ҳақидаги тасаввурлардан воз кечишга тўлиқ ҳақли (акс ҳолда у қандай халқ экан) ва бу унинг мажбурияти ҳамдир. Шу жумладан, у ўз принципларини Асосий қонунда мустаҳкамлаб қўйиш ҳуқуқига ҳам эга.

2534
Корабли НАТО в Балтийском море во время учений

Янги совуқ  уруш: Америка денгиз пиёдалари нега Шимолда тўпланмоқда

325
(Янгиланган 15:21 25.01.2021)
Россияни жиловлаб туриш баҳонасида АҚШ ва Норвегия Арктикада янги совуқ урушни ва қуролланиш пайгасини бошлаб юборишган.

ТОШКЕНТ, 25 янв — Sputnik, Николай Протопопов. АҚШ армияси Норвегияда, Россия чегараларига яқин жойда тўпланмоқда. Январ ойида ушбу қирғоқда мингга яқин АҚШ денгиз пиёдалари олиб келинган эди. Шу билан бирга америка сиёсатчилари ва генераллари тинимсиз равишда Арктикада танглик ошиб бораётганини ҳақида баёнот бермоқда. Аслида ушбу тангликни уларнинг ўзлари яратмоқда. Пентагон Норвегияни  нималарга тайёрлаётгани ҳақида РИА Новости мақоласида.

Викинглар уйига меҳмонга

Америкаликлар “денгиз кучларининг Шимолий Каролинадан Норвегияга олиб келишига “оддий ротация” сабаб деб, бир неча йилдан буён Россия чегаралари яқинида ўз ҳарбий контингентни доимий сақлаб турмоқда.

Уларнинг вазифаси – НАТОдаги ҳамкасабалари билан биргаликда ҳаракат қилишни машқ қилиш ва норвегиялик инструкторлар қўли остида совуқ шимол иқлимида жанговар ҳаракатлар олиб боришни ўрганишдир.

Феврал ойида Америка, Норвегия, Голландия ва Англия аскарлари – жами 10 мингга яқин, Joint Viking 2021 номли кенг кўламли ҳарбий ўқув-машғулотларида иштирок этади. НАТОчилар қўшинларни катта масофага тезда етказиш, барча даражада техкор ахборот алмашиш тизимини синаб кўришни машқ қилишади ва бир неча операциялар ўтказишади.

JointViking ҳарбий ўқув-машғулотлари ҳар йили бўлиб ўтади. Унда НАТО қўшинлари – бронетехника, артиллерия, авиация, ҳарбий кемалар ва сув ости кемалари иштирокида, аксарият ўрмон ва тоғлардан иборат бир неча юз квадрат километр майдонда, юқори интенсивли жанговар ҳаракатларни машқ қилишади.

Ҳарбий эксперт Александр Жилин айтишига кўра, АҚШ ўз ҳарбий доктринасига кўра, уларнинг армияси, асосан, хорижда жанг қилишни ўрганмоқда.

“Шу сабабли ҳам америка ҳарбийлари доимий равишда турли давлатларда пайдо бўлиб, у ерда разведка, аэродромларни текшириш, денгиз йўлларини текшириш билан шуғулланишади, дейди Жилин. –Бошқа давлатлар ҳарбийлари билан олиб биргаликда ўтказиладиган машғулотларга алоҳида эътибор берилади, чунки АҚШ ҳар доим бировлар қўли билан жанг қилади”.

Эксперт хулосасига кўра, Пентагон вазиятни атайлаб танг қилмоқда. Чунки АҚШ ва НАТО Арктикага даъво қилишда давом этишмоқда.

“Денгиз пиёдалари ўқув-машғулотларида ҳужум операциялари машқ қилинмоқда, ҳимоя эмас – дейди Жилин. – Жумладан Россияга қарши ҳаракатлар ҳам. НАТОнинг Европадаги ҳаракатлари умумий таҳлил қилинганда - улар Москва учун танглик ҳудудлари ташкил қилишга қаратилганини кўриш мумкин. Бизнинг армиямиз ҳам Норвегияда содир бўлаётган воқеаларга бефарқ қараб тура олмайди. Ваҳима йўқ, лекин куч ва ресурсларни сарфлашга тўғри келмоқда – биз вазиятни тўлиқ назорат остига олишимиз керак, ҳеч қандай провокацияга йўл қўймаслигимиз керак”.

Шимолий плацдарм

“Валдай” таҳлилий клуби эксперти Артем Куреев айтишига қараганда, Арктика шароитида жанг қилишни ўрганиш учун америкаликларнинг Аляскада жойлашган ривожланган инфратузилмаси бор. Лекин шунга қарамасдан улар Норвегияда машқ қилишни хуш кўришади.

“Аслида ушбу машғулотлар НАТОда етакчиликни сақлаб туриш учун керак. Норвегия – НАТОнинг энг “эски” аъзоларидан биридир. Осло Россияни ўзига душман деб билади. Совуқ уруш йиллари вақтида норвегияликлар Арктикада СССРга қаршилик кўрсатиш учун инфратузилма яратиб, ундан ҳозиргача фойдаланиб келишмоқда. Агар вазият ҳақиқатдан ҳам кескинлашса, Шимолий Норвегия дарҳол Россиянинг Мурманск шаҳри йўлида бош плацдармига айланади”.

Ҳарбий денгиз флоти ва Денгиз пиёдалари корпусининг янги стратегиясига кўра, Вашингтон Арктикадан бошқа давлатларни сиқиб чиқариб, у ерга ўзи ўрнашиб олишни истайди. "АҚШ ҳарбий-денгизчиларисиз Арктика ҳудудида тинчлик ва фаравонликка Россия ва Хитой халал беради”, - дейилган АҚШ ҲДФнинг янги 10 йиллик доктринасида.

АҚШ ҲДФ вазири Кеннет Брейтуэйт айтишига кўра, Пентагон Арктикада “Узоқ Шимолда Москванинг кенгайишини олдини олиш ва Россия қирғоқлари яқинидаги акваторияни назорат қилиш учун”  Арктикада доимий равишда жанговар сув усти ва сув ости кемаларини, шунингдек кучли қуруқлик қўшинларини жойлаштириш ҳам режалаштирилган.

Норвегия мудофаа вазири Франк Бакке-Йенсен, айтишига қараганда - давлати хавфсизлик сиёсатининг асосий йўналиши – Арктика ва Россиянинг ҳудуддаги фаоллигидир. Ушбу йўналишда трансатлантик алоқалар – ҳал қилувчи аҳамиятга эга. Узоқ Шимолда Норвегия НАТО бўйича ҳал қилувчи иттифоқчиларнинг кучайиши тарафдоридир.

“АҚШ ҲДФ, денгиз пиёдалари, махсус кучлар, ҳарбий ҳаво кучлари ва космик кучлари билан биргаликда Арктикада ҳамкорлар билан стратегик алоқаларни ривожлантирамиз, - деди вазир. – Бу Узоқ Шимолда иттифоқчи ҳарбий-денгиз ва ҳарбий-ҳаво кучларининг доимий ўқув-машғулот олиб боришини назарда тутади. Норвегия ушбу тадбирларда иштирок этиб, иттифоқчилар билан оператив ҳамкорликни ривожлантириш ниятида".

Барча фронтлар бўйлаб

Айтиш жоизки, АҚШ Шимолда жиддий ўрнашиб олган ва бунда Норвегиянинг аҳамияти жуда катта бўлди. Ўтган йилнинг сентябрида Тромсе портига Seawolf классига мансуб сув ости кемаси етиб келган эди. Унинг асосий миссияси – Россия сув ости кемалари йўналишини кузатишдир.

Бироз олдин бўлса АҚШ Россияни Шимолда “жиловлаб туриш” учун 2011 йилда тарқатиб юборилган Иккинчи флотини қайта тиклаган эди.

Совуқ урушнинг яна бир белгиси – 1960 йиллардан қурилган Норвегияннг Олавсверн ер ости ҳарбий базаси фаолияти қайта тикланмоқда. Олавсверн – Россия чегарасидан 350 км масофада жойлашган бўлиб, ундан сув ости ва сув усти кемаларини таъмирлаш, ўқ-дориларни сақлаш учун фойдаланилади. Совуқ уруш даврида бу ерда жойлаштирилган ҳарбий кемалар Совет Иттифофи ҲДФга Норвегия денгизи ва Шимолий Атлантикага чиқиш йўлини тўсиб қўйиши мумкин деб ҳисобланган.

Пентагон Арктикада ҳарбий-ҳаво кучларини оширишга жиддий қарор қилган. Ўтган йил Америка ва Норвегия ҳарбий кучларининг кенг кўламли ўқув-машғулотлари бўлиб ўтди. Бирданига 6та B-52 Stratofortress - стратегик бомбардимончи самолётлар Шимолий полюс устидан учиб ўтиб Норвегия стратегик қирувчилари билан биргаликда синов парвозлари амалга оширди.

Февралда эса Пентагон Техасдан Норвегиядаги Эрланд авиабазасига 4та товуш тезлигидан тез учадиган B-1BLancer стратегик бомбардимончиларини жойлаштирди.

325

"Русларнинг нозик жойига урамиз": НАТО нимани режалаштирган

1932
(Янгиланган 21:30 22.01.2021)
Ҳарбий контингентни ошириш, армия инфратузилмаси қурилиши ва халқаро миқёсда янада жипслашиш - 2021 йилда НAТО Россия ғарбий чегараларига босимни кучайтиради.

ТОШКЕНТ, 22 янв — Sputnik, Андрей Коц. Ҳарбий контингентни кўпайтириш, армия инфратузилмасининг қурилиши ва халқаро миқёсда янада жипслашиш - 2021 йилда НAТО Россиянинг ғарбий чегараларига босимни кучайтиради. Май-июнь ойларида альянс совуқ уруш давридан буён энг йирик Defender Europe 2021 манёврларини ўтказади. Бунга жавобан Россия ва Беларусь кўламдорлиги жиҳатдан қолишмайдиган "Ғарб-2021" ҳамкорликдаги машғулотларни сентябр ойида ўтказишни режалаштирган. Буларнинг барчаси нима билан тугаши мумкинлиги ҳақида — РИА Новости материалида ўқинг.

Жанг майдони — Европа

Defender Europe 2021да, аввалгидек, Шарқий Европа ва Болтиқбўйида мудофаа ва ҳужум ҳаракатлари машқ қилинади. Машғулотлар афсонасига кўра, НАТО қўшинларига Калининград вилоятига штурм уюштириш, Россия ғарбий вилоятларини блоклашга, шунингдек, "русларнинг ёппасига ҳужумини" қайтаришга тўғри келади. Ўтган йилгилардан фарқли равишда, 2021-йилда алоҳида эътибор Шарқий эмас, балки Жанубий Европага қаратилади. Манёврлар Черногория, Косово ва Албанияда режалаштирилган. Болгария ва Руминияда Ҳаводан ҳужумга қарши машғулотлар ўтказилади ва "ер - ер" синфидаги ракеталардан ўт очиш амалга оширилади. Венгрия эса бошланаётган "урушнинг" орқа томони сифатида хизмат қилади.

Aмерикаликлар Европага кучларнинг асосий қисмини кўчиради, жумладан 1-отлиқлар ва 82-ҳаво-десант дивизиялари бўлинмаларини. Aтлантика океанидан юзлаб турли мақсадлар учун мўлжалланган ҳарбий техникалар олиб ўтилади. Бундан ташқари, Флорида штатидан 53-пиёда бригадаси етказиб берилади. Машғулотлардан сўнг америкаликлар баъзи қуролларни яна Европада "унутиб қўйишлари" ҳам истисно эмас, бу биринчи бор содир бўлмаяпти, ахир. Мутахассислар фикрига кўра, шу тариқа Пентагон йилдан-йилга минтақадаги ҳужум имкониятларини ошириб бормоқда.

Defender Europe 2021га жавобан Россия ва Беларусь сентябр ойида "Ғарб-2021" манёврларини ўтказади. Душанба куни Беларусь Мудофаа вазири Виктор Хренин маълум қилганидек, "қўшма машқлар юқори даражадаги шаҳарлашган шароитда бирлаштирилган ҳужум бўлинмалари томонидан қўшма ҳаракатларнинг янги усулларини синовдан ўтказиш"га, шунингдек, "янги ва модернизация қилинган қурол ва техника намуналари самарадорлигини баҳолаш"га имкон беради.

Минскда, стратегик манёвралар "кучли иттифоқчилик муносабатлари ва Беларусь ва Россиянинг мудофаа идораларининг Иттифоқ давлат ҳарбий хавфсизлигини таъминлаш бўйича қарашлари бирлигини" акс эттиришини қайд этишди.

Кучни кўз-кўз қилиш

Иккала томон ҳам маневралар бирон бир давлатга ёки ҳарбий блокга қарши йўналтирилмагани тўғрисидаги одатдаги дипломатик иборалардан фойдаланмадилар. НAТО кучлари томонидан Калининградга ҳужум саҳнасини машқ қилиш ва рус ҳарбий хизматчиларининг шаҳарда кечадиган жангларга тайёрланишлари, ким кимга қарши жанг қилишини аниқ намоён этиб турибди. Aлбатта, кенг кўламли қуролли тўқнашув эҳтимоли жуда кичик, аммо реал.

Мутахассислар фикрига кўра, НАТОнинг 2021 йилдаги ҳаракатлари АҚШдаги ҳукумат алмашувига бевосита таъсир кўрсатади. Дональд Трамп президентлигининг тўрт йилида Шимолий атлантика блоки бирлиги сезиларли кучсизланди. Оқ уй эгаси биринчи галда америка манфаатларини кўзлашини яширмас, ва ҳатто альянсдан чиқиш имконияти борлигини ҳам истисно этмасди. Бундай оҳанг Европада кучли ташвишни келтириб чиқарди, яна бир бор ЕИ армияси ҳақидаги масала кўтарилди. Янги президент, кўриниб турибдики, ҳаммасини тўғрилашга ҳаракат қилади.

"Россия ва НАТО ўртасидаги муносабатлар бу йил ёмонлашиб боради, — деб ҳисоблайди Геосиёсий масалалар Академиясининг биринчи вице-президенти Константин Сивков. — Байден альянсни қайта тикламоқчи ва сафарбар шай ҳолатга келтирмоқчи. Бунинг учун эса ташқи душман керак. Хитой жуда узоқ бўлгани учун, Россия бу рольга ҳаммадан яхши мос келади. Вашингтонга ташқи душман образи америка жамиятини жипслаштириш учун ҳам керак".

Пул ишлаш

Бироқ, мутахассисларнинг фикрича, аслида НAТОнинг Россияга қарши аниқ тажовузкор режалари йўқ. Aмерикаликлар учун альянснинг кейинги кенгайтирилиши - бу пул ишлашнинг ва Европани ўзига янада кучлироқ боғлашнинг усулидир. Вашингтон Трампгача бўлган даврга қайтади ва Кўхна дунё ишларига аралашувни кучайтиради.

"Мени наздимда, 2021-йилда НАТО ҳарбий ташкилотдан аллақандай глобал корпорацияга айланаётганини намойиш этади, — дея тушунтиради америкачи-сиёсатшунос Сергей Судаков. — Альянснинг муҳим масаласи аввалгидек ҳамон долзарб — бу молиялаштириш. Мусиқани пулини тўлаган буюради. Бюджетнинг учдан икки қисмини АҚШ таъминлайди, ва бу ҳеч кимга сир эмас. Биз ҳаражатлар уч миллион доллардан ошиб тушганини яхши биламиз. Ва энг аввало - Вашингтон туфайли. Европа давлатлари АҚШдан поставкаларга умид қилишади - ҳатто сухой паёкларгача. Буни американинг улкан мудофаа бюджети қўллаб-қувватлайди — НАТО манфаатларида ҳаракат қиладиган корпорациялар жуда улкае миқдорда даромад кўришади".

Эксперт Шимолий Aтлантика альянсининг бугунги фаолиятини бир чўнтакдан бошқасига пул ўтказишга қиёслади. Вашингтон НAТОга пул ажратади, иттифоқчилар бу маблағларга Aмерика техникаси ва қуролларини сотиб олиш учун фойдаланади ва шу билан доира ёпилади.

Байден давридаги AҚШ Европа учун ҳарбий маҳсулотлар учун асосий бозорлардан бири бўлиб қолади. Демак, океан ортидан Россияга қарши риторика кучайишини кутишимиз керак. Aммо аксарият мутахассислар шунга аминки: Вашингтон ва Брюссел дунёда қудрати бўйича иккинчи ўринда турадиган армия кучини синаб кўришга журъат этолмаса керак.

1932
Пограничники на службе

Чегара қўшинларига кўмаклашувчи отрядлар ташкил этилади

48
Кўмаклашувчи отрядлар аъзолигига соғлом, фуқароларнинг ҳуқуқ ва эркинлигини ҳурмат қиладиган 18 ёшдан 60 ёшгача бўлган Ўзбекистон фуқаролари ихтиёрий равишда қабул қилинади.

ТОШКЕНТ, 25 янв — Sputnik. Ҳукумат қарори билан Давлат хавфсизлик хизмати Чегара қўшинларига кўмаклашувчи “Чегара посбонлари” отрядлари тўғрисидаги низом тасдиқланди.

Низомга кўра, Чегара қўшинларига кўмаклашувчи “Чегара посбонлари” отрядлари (кўмаклашувчи отрядлар) чегара зонасида, давлат чегарасига туташ туманларда яшовчи фуқаролар, шунингдек, давлат чегараси яқинида жойлашган муассаса, корхона ва ташкилотларда ишлаётган ишчи ва хизматчилардан ташкил этилади.

Кўмаклашувчи отрядлар аъзолигига соғлом, фуқароларнинг ҳуқуқ ва эркинлигини ҳурмат қиладиган 18 ёшдан 60 ёшгача бўлган Ўзбекистон фуқаролари ихтиёрий равишда қабул қилинади.

Чегарадош аҳоли пунктларида амалга ошириладиган тадбирларда Чегара қўшинлари назорати остида қатнашиш, белгиланган ҳудудларда кузатув олиб бориш ва фаолиятининг тунги вақтларида жамоат жойлари, маҳалла кўчалари ва чегарадош ҳудудлардаги қаровсиз жойларда тунги патруллик фаолиятида иштирок этиш кўмаклашувчи отрядларнинг асосий вазифаларидан бири ҳисобланади.

Кўмаклашувчи отряд Чегара қўшинлари ҳарбий қисм бўлинмалари ҳузурида 1 нафар сардор ва 9 нафаргача бўлган отряд аъзоларидан иборат таркибда ташкил этилади.

Аъзоликка қабул қилишда меҳнат шартномаси тузилмайди ва иш стажи ҳисобланмайди.

Кўмаклашувчи отрядга қабул қилиш ва рўйхатдан чиқариш Чегара қўшинлари ва ҳарбий қисм командирининг буйруғи асосида амалга оширилади.

Кўмаклашувчи отряд аъзоларига гувоҳнома берилиб, гувоҳнома шакли ва уни бериш тартиби Давлат хавфсизлик хизмати томонидан белгиланади.

Давлат чегарасини қўриқлаш ва ҳимоя қилишда, зарурат туғилганда, кўмаклашувчи отряд аъзолари ўзларининг асосий иш жойи иш берувчиси розилиги асосида фаолиятидан йил давомида жами 30 иш кунидан ошмаган ҳолда вақтинча озод қилинади ва бунда уларнинг иш стажи ҳамда ўртача ойлик маоши ўз ҳолича сақланиб қолинади.

48