"Верба" қўл зенит-ракета мажмуаси ҳар қандай учувчисиз аппаратни уриб тушира олади

951
(Янгиланган 14:36 19.06.2020)
Совет даврида ишлаб чиқилган Стрела ва Игла русумли кўчма зенит ракета тизимларининг муносиб меросхўри пайдо бўлди. "Верба" - 6км узоқликда ва 4,5 км баландликда бўлган ҳар қандай учоқни уриб туширишга қодир.

ТОШКЕНТ, 19 июн - Sputnik, Андрей Коц. Ҳар қандай "қушни" кузатиш ва уриб тушириш учун - Россия армиясига “Верба” сўнгги кўчма зенит-ракета мажмуаси (ПЗРК) қабул қилинди.Ушбу ПЗРК нимаси билан ноёблиги ҳақида РИА Новости материалида.

Шу кунларда ПЗРК партияси Бурятиядаги ҳаво мудофааси бўлинмаларидан бирига топширилди. Мутахассисларнинг фикрига кўра, бу бугунги кунда энг замонавий қурол бўлиб, у ғарбий аналоглари ва ўзидан олдинги тизимлар – “Стрела” ва “Игла” комплексларидан жанговар қобилияти бўйича анча устундир. 

Кўринмасни уриб тушириш

ПЗРК туфайли оддий пиёда аскар бир неча сония ичида нархи миллионлаб доллар бўлган самолётни йўқ қилиб юбориши ва шу ҳудуддаги нотекисликларда яшириниб жавоб зарбасидан қочиши мумкин. ПЗРКлар 1960 йилларда пайдо бўлиб, уруш қоидаларини бутунлай ўзгартириб юборди. Бу паст баландликда узоқ масофага мўлжалланган зенит ракеталаридан қочишга одатланган учувчилар учун асосий хавфдир.

Биринчи “Стрела-2” совет ПЗРКси 1968 йилда қабул қилинган ва деярли дарҳол амалда синаб кўрилди. Қиёмат куни урушида Миср ва Суриянинг ҳаво мудофааси тизимлари ушбу комплекслар билан 35 га яқин Исроил самолёт ва вертолётларини уриб туширган. Кўп ҳолларда ПЗРК операторлари зарба оширилгунга қадар душманга кўринмас бўлиб қолишган ва яқин масофаларда ишлашган.

Кейинчалик такомиллаштирилган ва шовқинларга чидамли “Стрела-3” ва "Игла" пайдо бўлди. Энди эса - «Верба», у биринчи бор "Армия 2015" форумида оммага таништирилди.

«Верба» жанговар самарадорлиги бўйича олдинги авлод ПЗРК-ларидан сезиларли даражада устундир, - деди ҳарбий мутаҳассис Алексей Леонков РИА Новости-га. - XXI асрда “Стрела” ва “Игла”лар керакли самара билан курашолмайдиган янги учувчи нишонлар пайдо бўлди. Мен композит материаллардан ясалган кичик, сезилувчанлиги паст дронларни назарда тутаяпман. “Верба”нинг асосий хусусияти - бундай нишонларни ишончли аниқлаш ва йўқ қилиш қобилияти".

Ва бу Сурияда исботланди. 2017 йил 3 август куни Шарқий Гутадаги блокпостда рус ҳарбийлари "Жабҳат-ан-Нусра"* гуруҳи жангариларнинг артиллериясини зарбасини тўғрилаб туришга учирилган дрон “Верба” билан уриб туширилди. Битта зарба етарли бўлди.

“Стингер”дан яхшироқ

Албатта, «Верба» нафақат учувчисиз дронларга қарши курашишга мўлжалланган. У ўн метрдан 4500 метргача баландликда ва олти километргача бўлган масофаларда самолётлар, вертолётлар ва қанотли ракеталарга зарба бериши мумкин. Масалан, Американинг “Стингер”и тўрт ярим километргача масофадаги 3500 метрдан баланд бўлмаган нишонга қарши самарали. Бундан ташқари, “Верба” 80 километр радиусда осмонни кузатадиган радиолокацион станция билан жиҳозланади, бу душманни олдиндан аниқлаш ва ҳужум учун позицияни эгаллаш имконини беради.

Автоматлаштирилган бошқарув тизими самолётлар ёки қанотли ракеталарининг тезлиги ва йўналишини ҳисобга олиб, уларни ГЛОНАСС билан белгиланадиган зенитчилар орасида тақсимлайди. Жангчилар ўт очиш учун аниқ векторларни олишади. Энг қизиғи, "Верба""Барнаул-Т" тактик мажмуаси орқали  умумий ҳаводан мудофаа тизимига қўшилиб, катта радарлар кузатаётган ҳаво нишонлари тўғрисидаги маълумотлардан фойдаланиши мумкин.

“Верба” зенит ракетасининг асосий хусусияти бу ўзи нишонга олувчи каллачаси. Қуролнинг уч спектрли ўзи нишонга олувчи каллачаси яқин ва ўрта инфрақизил, шунингдек, ултрабинафша диапазонларда ишлайди. Бу ракетани нишонларни ўта фарқлай оладиган қилади: у самолёт ёки вертолётни сохта иссиқлик тузоқлардан осонгина ажратиб олиши мумкин. Ҳарбийларнинг ишонтиришларича ўзи нишонга олувчи каллачанинг сезгирлигининг оширилиши ҳисобига, ҳаво нишонларини йўқ қилиш зонаси "Игла-С" ПЗРК-га нисбатан икки ярим бараварга ўсди.

Ракетанинг жанговар қисми – фугасли-парчаланувчи бўлиб, оғирлиги икки ярим килограммдир, контактли-контактсиз портиллатувчи билан жиҳозланган. Нишон тезлиги ва тўқнашув пайтида ҳаракат йўналиши ёки узоқлигини ҳисобга олиб  портиллайди. Жанговар қисмининг қуввати мажмуа самарали ишлаши баландлигида кўпчилик учувчи аппаратларнинг двигателини ишдан чиқаришга етарли.

Тунги ов

Бошқа кўплаб ПЗРКлар сингари, “Верба”ни нафақат "елкада" ишлатиш мумкин, балки кемаларга, бронетехника ва зарба вертолётларига ёрдамчи зенит қурол сифатида ўрнатиш мумкин. Хусусан, “Тигр” зирҳли автомобилига ўрнатилган энг сўнгги “Гибка-С” зенит-ракета мажмуаси ўзида тўртта учирувчи мосламани мужассамлаштирган. Муҳим янгилик – мажмуадан фойдаланиш “Игла”га қараганда анча енгиллаштирилган. Ракетани энди “музлатиш”га ҳожат йўқ - янги ўзи нишонга олувчи каллача конструкцияси азот билан совутишни талаб қилмайди. Ўт очишга тайёргарлик бир неча сония давом этади.

«Верба» ҳар қандай ҳудудларда, тоғлар ва денгизда, минус 50 дан плюс 50 даражагача ҳароратларда ишлайверади. Муҳим жиҳати: ПЗРК тунда ҳам самарали ишлайди. Бунинг учун махсус “Маугли-2М” жилувчи тунда мўлжалга олиш ускунаси мавжуд. Ушбу турдаги замонавий мажмуаларнинг аксарияти фақат куннинг ёруғ пайтида ишлатилади.

«Верба» парашютчилар арсеналида ва бир нечта мотоўқчи бригадаларида қабул қилиниб бўлди. Бундан ташқари, у зенитчи бўлинмалари, зенит-ракета взводлари ва батареяларида қабул қилинди, шунингдек, бошқа бирликларда – “Игла” туркумининг минглаб комплекслари, шу жумладан C индекси билан такомиллаштирилганлари.

* Россия Федерацияси ҳудудида тақиқланган террористик ташкилот.

951
Рикша в маске с надписью Бойкот Китаю в Нью-Дели, Индия

Келишилди: Хитойни ўнта бўлиб бўғишади. Россия ҳам таклиф этиладими?

1740
(Янгиланган 18:34 05.08.2020)
Хитой билан Совуқ Уруш муқаррарлиги сир эмаслиги аён бўлган бир вақтда Ғарб экспертлари Пекин устидан  ғалаба қозонишнинг аллақандай сеҳрли усулини излашга тушдилар

Санкциялар, иқтисодий алоқаларнинг чекланиши, ўзаро жосуслик ва, эҳтимол, тўқнашувларнинг зўравонлик шаклларини ўз ичига олиши тахмин қилинаётган Хитой билан совуқ уруш муқаррарлигини англаш фонида, Ғарб экспертлар ҳамжамияти Пекин устидан ғалаба қозонишнинг аллақандай сеҳрли усулини излай бошлади. Вашингтон, Лондон ва Брюсселда муҳокама қилинаётган "Хитой аждарини бўғиш" бўйича вариантларнинг деярли барчаси колектив уриниш билан Хитойни яккалаш, зарарсизлантириш ва парчалаш учун Хитойга қарши кенг кўламли аксил-коалиция тузишни кўзда тутади. Бир вақтлар СССРга қарши муваффақиятли курашда ҳам худди шу схемадан фойдаланилган.

Аммо, агар баъзи бир йўналтирувчи принциплар даражасида хилма-хиллик кузатилмаётган бўлса, бу принципларни аниқ амалга ошириш даражасида жиддий муаммо юзага келмоқда, унинг ечими атрофида президентлар, бош вазирлар, дипломатлар ва таҳлилчилар найзалари синмоқда.

Гап шундаки, Европанинг баъзи пойтахтлари ҳам, АҚШ "таҳлилий марказлари"да ҳам Европа Иттифоқининг аксарият мамлакатлари (бу масалада айниқса Германия, Франция ва Италия ажралиб турмоқда), шунингдек, айрим Осиё мамлакатлари ХХРга қарши янги совуқ урушида негадир АҚШнинг оддий аскари сифатида қатнашиш истагида ёнмаётгандек таассурот шаклланмоқда. Устига-устак, улар ушбу урушда АҚШ ғалабаси учун пул тўлашни хоҳламаяпти (бу Германия ва Франциянинг Америка "ҳарбий ҳимояси" учун ЯИМнинг икки фоизи миқдорида тўлов тўлашни истамаслиги билан боғлиқ доимий можароларда ўз аксини топади), улар ҳатто тўлиқ таъқиққа ҳам дарҳол рози бўлишга тайёр эмас, масалан, Европа Иттифоқи хитойнинг Huawei компаниясига 5G тармоқлари ускуналарини етказиб беришдан воз кечмоқчи эмас, бу айниқса Вашингтон ва Лондондаги "аксил-Хитой қирғийлар"ни ғазаблантирмоқда. Европанинг деярли ўз армиясини ташкил этганлиги ҳамда Макроннинг мустақил (яъни "хитойпараст" ёки "америкапараст" бўлмаган) ташқи сиёсатни олиб бориш истаги ҳақидаги баёнотлари фонида кенг аксил-Хитой альянсини ташкил қилиш жуда мураккаб ва жуда қиммат бўлади деган шубҳалар тобора кучаймоқда, шу билан бирга ушбу муаммонинг ечимини излаш ҳам тобора кучаймоқда.

Нуфузли Council on Foreign Relations (Халқаро муносабатлар бўйича кенгаш - таҳр.) таҳлилий маркази раҳбарлигида нашр этиладиган нуфузли Foreign Affairs журнали ушбу муаммога иккита ёндашувни таҳлил қилмоқда, улардан бирини шартли равишда "Дональд Трамп ёндашуви", иккинчиси эса "Борис Жонсон ёндашуви" деб аташ мумкин. Council on Foreign Relationsнинг Америка элитаси ва Европадаги америкапараст элитанинг онгига улкан таъсирини ҳисобга олган ҳолда (ушбу "мия маркази"нинг ўзи бир нечта машҳур фитна назариялари қаҳрамони бўлиб, уларда у деярли "АҚШнинг соядаги ҳукумати" ҳисобланади), марказида Америка бўлган дунё тартиботи инқирозини ҳал қилишга ва "Хитой муаммоси"га қарши муваффақиятли курашиш учун таклиф қилинаётган усулларга эътибор қаратиш лозим, чунончи, улар Россия билан бевосита боғлиқ бўлганлиги сабабли ҳам.

Foreign Affairsдаги сўнгги мақола "Демократиялар кенгаши кўпқирраликни (Халқаро муносабатларда - таҳр.) қутқариши мумкин" сарлавҳаси остида нашр этилганига қарамай, таклиф қилинаётган методлар Вашингтоннинг (ҳеч бўлмаганда Ғарбий) дунёдаги устунлигини амалда сақлаб қолишга қаратилган, фарқи эса Америка гегемонлигини сақлаб қолишнинг муайян усулларидадир.

Американинг нуфузли нашри муаллифлари муҳокамаларни мавжуд дунё тартиб-қоидаси абгор бир ҳолатга келиб қолганини далил сифатида келтириб, айни вақтда асосий хавф коронавирус эмас, балки Хитой ва Россия эканлигини таъкидлаганлар.

"Аммо коронавирус пандемиясидан олдин ҳам, Иккинчи Жаҳон урушидан кейин АҚШ шакллантиришга ёрдам берган кўпқиррали тизим дунёдаги энг муҳим муаммоларни ҳал қила олмаяпти. COVID-19 қирол - яланғоч эканлигини кўрсатди, аммо аслида қирол бир мунча вақтдан бери ночор кийимда эди.

Жаҳон иқтисодиёти оғирлик маркази Ҳинд-Тинч океани минтақаси томонга қараб силжигани сабабли, глобал амбицияларга эга тузилмаларга ушбу регионда муҳим вакилликка эга бўлмай туриб ишончли етакчиликка эга бўлиш имкони қолмади. Аммо 1973 йилдаги нефт инқирозидан кейин пайдо бўлган G7нинг ҳали ҳам Евро-Атлантика минтақасидан узоқда бўлган бир аъзоси бор – бу Япония. 1997 йилги Осиё молиявий инқирозидан кейин шаклланган ва 2008 йилдаги глобал молиявий инқироз даврида ўз аҳамиятини кўрсатган G20 эса сиёсий нуқтаи назардан ва халқаро муаммоларни ишончли ҳал қилиш қобилияти нуқтаи назаридан бир-бирига мос келмаслиги маълум бўлди. Шу вақтнинг ўзида, БМТ Хавфсизлик Кенгаши Хитой ва Россияда агрессив авторитаризм қайта бўй кўрсатишидан майиб бўлди".

Бу жуда жасоратли ташхис бўлиб, уни: "Ҳаммаси бой берилди ва ҳеч нарса иш бермаяпти!" мазмунидаги тезисга келтириш мумкин.

Табиийки, иккита ечим таклиф этилмоқда, бири Трампдан, иккинчиси Джонсондан.

"Жонсон янги тузилма ғоясини илгари сурган биринчи инсон бўлди. Май ойида у G7 мамлакатлари плюс Австралия, Ҳиндистон ва Жанубий Кореядан ташкил топган ўнта етакчи демократиялар альянсини тузишни ҳамда унга D10 деб ном беришни таклиф қилди. Бундан мақсад телекоммуникациялар соҳасидаги сиёсатни мувофиқлаштириш ва хитойнинг ҳамма жойда хавфсизлик муаммоларини юзага келтираётган 5G технологиясига эга бўлган етакчи Huawei бозорига муқобил бозорни ишлаб чиқиш эди.  Бундан кўп ўтмай, июнь ойида ўтказилиши режалаштирилган Трамп G7 йиғилишини бекор қилиб, унинг ўрнига кузда G11 форматидаги саммитни таклиф этди. Жонсон таклифини ортда қолдирган Трампнинг янги гуруҳи D10 даги давлатлар билан бирга Россияни ҳам ўз ичига олади.

Foreign Affairs экспертлари Россияни ушбу клубга қўшишни тавсия этмайдилар ва "D10 вариантини", яъни Джонсон схемасини афзал кўришмоқда, лекин бу энг муҳими эмас. Ушбу тавсия мотивацияси катта қизиқиш уйғотади ва унинг мазмуни шундаки, Россияни қандайдир йўл билан Хитойга қарши курашда иштирок этишга кўндиришга муваффақ бўлинган тақдирда ҳам, Трамп режаси барибир жуда ёмон кўринишга эга ва Хитойга қарши кун тартибига эга бўлгани узоқ муддатли истиқболда истиқболсиздир, шу билан бирга Жонсоннинг режасидан эса, маълум бир ижобий кун тартибини, яъни "Хитойга қарши иттифоқ" эмас, балки "барча яхши нарсалар учун иттифоқ"ни яратишга имкон берадиган маълум бирлаштирувчи ғояни олиш мумкин.

Ижобий кун тартиби дейилганда, албатта, - "Демократия", "Озодлик" ва "Инсон ҳуқуқлари" сингари қуруқ шиорлар назарда тутилади. Бу ерда жуда кулгили томони бундай ижобий кун тартибининг Вашингтондаги амалдаги ташқи сиёсатга қарши қўйилганидир: "Қўшма Штатларнинг Хитой бошчилигидаги Осиё инфратузилмавий инвестициялар банки, "Битта камар – битта йўл" ташаббуси ва Россия томонидан қўллаб-қувватланадиган "Шимолий оқим-2" газ қувурига қарши чиқиши мумкин, аммо у муқобил вариант таклиф этмаса, бошқа давлатларни шундай қилишга ишонтириши қийин бўлади. Вашингтон ҳеч нарсани ишлатмай туриб нимадир устидан ғалаба қозона олмайди".

Бундай ёндашувнинг муаммоси шундаки, "АҚШда ишлаб чиқарилган" ёрлиғи ёпиштирилган "Демократия" ва "Озодлик", Германия учун Россия газининг ёки Италия учун - Хитой сармоялари ўрнини босолмайди. Бунда Америка пуллари иш бериши мумкин эди, аммо Вашингтонга бу сингари муносабатлар керак эмас ва шу билан бирга келажакдаги президентнинг фамилияси қандай бўлишидан қатъий назар: Байденга ҳам, Трампга ҳам мустамлакалар керак, аммо Европа Иттифоқини  - D10 ёки G11 форматида бўлишидан қатъий назар - бундай мақомга қайтаришнинг энди иложи йўқ. Россия ҳақида эса асти гапирмаса ҳам бўлади.

1740

Марказий Осиёда ва бошқа давлатларда янги ўқув йили қандай бошланади?

484
(Янгиланган 15:13 05.08.2020)
Коронавирус эпидемияси ҳали тугаган эмас. Янги ўқув йили бошланадиган давр - сентябрга ҳам оз вақт қолмоқда. Ҳозирда дунёнинг турли давлатлари, шу жумладан, Ўзбекистон ҳам, ушбу масалага қандайдир ечим топишга ҳаракат қилмоқда

Бутунжаҳон соғлиқни сақлаш ташкилоти коронавирус пандемияси муносабати билан халқаро фавқулодда ҳолатни 1 августдан бошлаб яна 3 ой муддатга узайтирди.

Коронавирус инфекцияси тарқалиши бугун кўплаб давлатлар иқтисодиёти учун жиддий оқибатларни келтириб чиқараётгани ва давлатлар унга қарши аёвсиз кураш олиб бораётгани ҳақиқат.

Аммо бугун инсоният олдида яна бир катта масала турибди.

Бирлашган Миллатлар Ташкилоти Бош котиби Антониу Гутерриш, куни кеча, 4 август куни таълим соҳасида коронавирус туфайли юз бераётган танаффуслар коинот аҳолисининг бутун бошли бир авлоди учун катта эҳтимол билан фожиага айланиши мумкинлигини айтди.

"Ўқувчиларнинг мактабга хавфсиз қайтарилиши дунёдаги биринчи устуворликка айланиши лозим", - дея қайд этди Гутерриш БМТ сайтида эълон қилинган видео-мурожаатда.

Шу тариқа, 1 сентябр - янги ўқув йили бошланишининг шартли санаси деб оладиган бўлсак, айни вақтда дунёнинг турли давлатларида таълим куздан ёки ҳатто август ойидаёқ старт олаётганини кўриш мумкин.

Тожикистон: илмни такрорламоқда

Марказий Осиё мамлакатлари орасида Тожикистонда ўқув йили август ойидан бошланадиган бўлди.

Мамлакат ҳукумати ўқув дарслари жараёнига ҳалал берган коронавирус туфайли янги ўқув йили бошланиши санасини ўзгартиришга қарор қилди.

Первый заместитель министра народного образования Усман Шарифходжаев
Министерство народного образования Узбекистана

Тожикистон илм-фан ва таълим вазири Махмадюсуф Имомзоданинг айтишича, Билимлар куни мамлакатда 17 августда бошланади ва 1 сентябрга қадар мактаб ўқувчилари ҳамда талабалар ўтилган материалларни такрорлайдилар.

Вазир, шунингдек, коронавируснинг иккинчи тўлқини юз берган тақдирда, мактаб ўқувчилари учун теле-дарслар йўлга қўйилишини қўшимча қилган.

Қозоғистон: интернет оқсамоқда, лекин таълим масофавий бўлади

Қозоғистон ҳукумати қарорига кўра, мамлакатдаги нохуш эпидемиологик вазият туфайли янги ўқув йилида таълим масофавий бўлади.

Аммо айрим ўқувчилар уйларида интернет йўқлиги туфайли "масофадан туриб" таълим олиш имкониятидан маҳрум. Интернет муаммосидан чарчаган одамлар ҳукуматга шикоят қилишни ҳозирдан бошлаб юборишган. Мутасаддилар ушбу масалани ҳал этиш ва барча шикоятлар бўйича текширув ўтказишга ваъда берган.

Қозоғистон таълим вазирлиги маълумотларига кўра, биринчи чоракда 2,6 миллион ўқувчилар (интернет ва телевидение ёрдамида) масофавий таълим билан қамраб олинади.

Тошкент ва Бишкек ҳали ўйлаяпти

Ўзбекистон Халқ таълими вазирлиги матбуот хизмати сал олдин янги ўқув йили бошланиши борасида аниқ қарор йўқлиги, аммо учта сценарий тайёрлаб қўйилганини маълум қилган эди.

Ҳозирда вазирлик жамоатчилик фикрини билиш мақсадида, ҳатто махсус сўровнома ўтказмоқда.

"Фарзандингизни пандемия вақтида мактабга юборишга тайёрмисиз?", деган савол акс этган сўровда қатнашган респондентларнинг аксарияти "Йўқ, мен учун фарзандимнинг соғлиғи муҳим, онлайн дарсларда унга ёрдам беришга тайёрман", деган жавобни танлаганини кўриш мумкин.

Аммо бу ерда ҳам ота, ҳам она ишлайдиган оилалар, қолаверса, биринчи синф ўқувчиси билим олиши учун энг яхши чора - бу мактабда ўтиладиган дарс сингари омиллар инобатга олинган ҳолда, ушбу масалага умумий ечим топишларига умид бор. 

Қирғизистон президенти Сооронбай Жээнбеков илгарироқ пандемия шароитида ҳам биринчи синф ўқувчиларини мактабда ўқитиш кераклиги ҳақида фикр билдирган эди.

Sputnik Қирғизистон хабарига кўра, бу борада август ойи ўрталарида бир қарорга келиниши маълум қилинган.

Жаҳонда нима гап?

Дунёнинг бошқа давлатларида ҳам ҳукумат раҳбарлари БМТ бош котиби Гутерришнинг "Олдимизда бутун бошли авлод фожиаси турибди, у туфайли очилмаган инсон салоҳияти йўқолиши ва бунинг оқибатида сўнгги ўн йилликда эришилган тараққиётга путур етиб, илдиз отган нотенглик янада кучайиши мумкин", деган сўзларини чуқур таҳлил қилган ҳолда ушбу мураккаб масалага ечим топмоқдалар.

Хусусан, Бельгия, Венгрия, Ирландия, Польша мактаб ўқувчилари россиялик тенгдошлари билан бир қаторда 1 сентябр куни мактабга йўл олишади. Аммо Швеция ва Финляндияда болакайларни 15 августдан ўқитиш ҳақида қарор қабул қилинган.

Германия ва АҚШда бу масала аниқ мактаб ёки аҳоли яшайдиган пункт доирасида ҳал этилади. Сабаби, бу мамлакатларда нафақат ҳар бир мактаб, балки провинция ёки ўқув округининг ўзининг алоҳида ўқув режалари мавжуд.

Албатта, яқинлашиб келаётган янги ўқув йили кўплаб давлатларнинг ўқув тизимларини: мактабни қачон ва қай тартибда бошлаш ёки масофавий таълимни қолдириш керакдир, сингари мураккаб танловда мураккаб қарор қабул қилишга мажбур этмоқда.

Бу масалада ҳар бир давлат ўзидаги шароитлардан келиб чиққан ҳолда ўқув моделини қабул қилиши ҳам турган гап.

Ҳар қандай ҳолатда ҳам, ота-оналар қалбидаги қўрқувларга қарши умидбахш статистика мавжуд: мактаблар ишлаб турган мамлакатларда ўқитувчилар, ўқувчилар ва уларнинг ота-оналари орасида коронавирусга чалинганлик даражаси ўта паст.

484
Спецоперация по захвату Сухроба Каримова, угрожавшего взорвать банк в Киеве

"Киевлик террорчи" Сухроб Каримов икки ойга ҳибсга олинди

39
(Янгиланган 12:30 06.08.2020)
Сал олдин, 3 август куни, Каримов Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган. Босқинчи 40 минг гривен ва журналистлар билан мулоқотни талаб қилган.

ТОШКЕНТ, 6 авг — Sputnik. Киевдаги "Универсал-банк" бўлинмаларидан бирини портлатиб юбориш билан таҳдид қилган Ўзбекистон фуқароси Сухроб Каримов теракт бўйича иш юзасидан икки ойга ҳибсга олинди. Уни гаров эвазига қўйиб юбориш чекланган. Бу ҳақда Киев прокуратураси матбуот-хизмати хабар бермоқда.

"Киев шаҳри Печерск туман суди пойтахт прокуратураси илтимосномасини қондирди ва 2020 йил 3 августда Киев марказидаги банк биносида портлаш билан таҳдид қилган Ўзбекистон фуқаросига ҳибсга олиш тарзидаги эҳтиёт чорасини танлади. Уни гаров эвазига қўйиб юбориш чекланган. Тегишли қарор 2020 йилнинг 5 августи, чоршанба куни бўлиб ўтган мажлисда қабул қилинган", - дейилади расмий баёнотда.

Каримовга Украина Жиноят кодексининг 258-моддаси 1-қисми ("Террористик ҳужумни амалга ошириш ёки уни амалга ошириш билан қўрқитиш") бўйича айблов қўйилмоқда. Ушбу моддада гумонланувчилар беш йилдан ўн йилгача озодликдан маҳрум этилиши мумкин.

Эслатиб ўтамиз, 3 август куни, Каримов, Киевдаги "Леонардо" бизнес-марказидаги банк бўлинмасига кирган ва рюкзагида бомба борлигини маълум қилган.

У банк бўлинмаси раҳбаридан ташқари барча ходимларни қўйиб юборган. Раҳбар аёлни гаров олган.

Сухроб Каримов 40 минг гривен (1,44 минг доллар) ва журналистлар билан мулоқотни талаб қилган.

Амалга оширилган махсус операция натижасида Каримов қўлга олинган, уни тўғридан-тўғри эфирда қўлини қайириб, банк биносидан олиб чиқиб кетишган.

Каримовни қўлга олишда Украина телеканалларининг икки нафар журналисти кўнгилли равишда иштирок этган.

Текширувлардан сўнг Каримов ёлғон гапиргани фош бўлган: унинг рюкзагида бомба ҳам, бошқа портловчи қурилмалар ҳам бўлмаган.

Сал кейин ўзбекистонлик бу йигит психоневрологик ҳисобда туриши аниқланган.

39