Президент Польши Анджей Дуда с американским главой Дональдом Трампом

"Немисларни Россиядан ҳимоя қилмаймиз". АҚШ Польша билан кимга қарши дўстлашмоқда

1027
(Янгиланган 16:42 26.06.2020)
Вашингтон ва Варшава ўртасидаги янги келишув моҳияти нимадан иборат - РИА Новости материалида ўқинг.

ТОШКЕНТ, 26 июн - Sputnik, Галия Ибрагимова. Дональд Трамп карантин бекор қилинганидан кейин биринчи хорижий меҳмон - Польша президенти Анжей Дудани қабул қилди. Берлинда ушбу саммитни диққат билан кузатишди: Америка ҳарбийлари ГФРдан Польша ҳудудига қачон кўчирилишини тушунишга ҳаракат қилишди. Аммо, Трамп ва Дуда аниқ рақам ва режаларни тилга олмадилар. Вашингтон ва Варшава ўртасидаги янги келишув моҳияти нимадан иборат - РИА Новости материалида ўқинг.

Шубҳали фаворит

Польша раҳбари АҚШга ҳар йили ташриф буюради. Кун тартиби деярли ўзгармас: Трамп ва Дуда ҳарбий, энергетика ва иқтисодий соҳалардаги ҳамкорликни қандай мустаҳкамлаш кераклигини муҳокама қилишади. Америкаликлар анъанага кўра, полякларни НАТОга қўшган ҳиссаси учун олқишлашади, уларнинг Россия энергия манбаларига қарамлигини камайтиришга ваъда беришади ҳамда Варшавани "Европадаги бебахо ҳамкор", дея аташади.

Ушбу учрашувнинг Польша президенти сайловига саноқли кунлар қолганида ўтгани вазиятга қутқу солган эди. Ижтимоий сўровларга кўра, Дуда ҳозирча фаворит, аммо карантин пайтида унинг рейтинги тушиб кетди. Аслида овоз бериш 10 майга режалаштирилган ва баҳорда давлат раҳбарининг рейтинги 60 фоиздан ошиқ эди. Аммо ҳозирда уни сайловчиларнинг ярмидан озроғи қўллаб-қувватламоқда, сайловларнинг иккинчи босқичи муқаррардир.

Дуданинг асосий рақиби - Варшава мэри Рафал Тшасковскийдир. Унинг рейтинги - 20%. Муҳолифатчи ўз сайловолди кампаниясини "Қонун ва адолат" ҳукмрон партисиянинг иқтисодий ва ижтимоий сиёсатини танқид қилиш устига қурган. Тшасковскийнинг таъкидлашича, ҳукуматнинг карантин давридаги нотўғри ўйланган стратегияси туфайли бир миллионга яқин поляклар ишсиз қолди.

Муҳолифатни, шунингдек, Польша америкаликлар билан яқинлашиш учун Брюссел билан муносабатларни бузганидан ҳам норози. Энди Европа жамғармаларидан маблағлар олишда муаммолар бўлиши тайин. Тшасковский Дудани мустақил фикрга эга бўлмаган сиёсатчи дея атайди: гўёки унинг ўрнига барча қарорларни парламентдаги консерваторлар етакчиси Ярослав Качинский қабул қилармиш. Президент танқидларга суст муносабат билдирди, аммо овоз беришдан олдин ўзини қатъиятлироқ тутди. Рейтингни ошириш учун АҚШга ташриф уюштирди. Устига-устак йил давомида Польша-Америка муносабатларида кўплаб масалалар тўпланиб қолган.

Россия учун сигнал

Нафақат Варшавани, балки аксарият Европа мамлакатларини ҳам ташвишга соладиган асосий мавзу - бу АҚШ ҳарбийларининг ҳақиқатан ҳам Германиядан Польшага кўчирилиши масаласидир. Дуда ташрифидан бир оз олдин АҚШ президенти Германиядаги Америка контингенти 9,5 минг кишига қисқаришини тасдиқлади. Трамп баъзи бўлинмалар қўшни Польшага кўчирилишини истисно қилмади, аммо Дуда билан тўғридан-тўғри келишувлар ҳақида гап борган эмас. Шахсий учрашув ушбу масалага тўлиқ ойдинлик киритди.

"Польша альянснинг мудофаа харажатларига ўз ЯИМининг икки фоизини йўналтириш ваъдасини бажарди. Германиядаги кучларимиз бир қисми уйга қайтади, бир қисми эса Европанинг бошқа мамлакатларига кўчирилади. Улардан бири – Польша”, - дея хабар қилди Трамп Дуда билан учрашувдан кейин.

Ўз навбатида Польша раҳбари бир неча йиллардан бери Америкадан мамлакатда ўз ҳарбий контингентини кенгайтиришни сўраб келаётганини эслатди. Ҳозирда Польшанинг ғарбий ҳудудларида беш мингдан ортиқ америкалик аскарлар хизмат қилмоқда. Аммо Вашингтон ва Варшава буни тўғридан-тўғри эмас, балки НАТО блоки орқали регламентга солади.

Дуда АҚШнинг доимий базаси яратилишини қўллаб-қувватлаб, уни Форт Трамп дея аташга ваъда қилиб келади. Америкаликлар ҳали аниқ жавоб бергани йўқ. Уларни Польша сиёсатчиларининг Россия Калининград вилоятида "Искандер" ракеталарини жойлаштиради деган ҳавотири ҳам ишонтирмаяпти. Вашингтоннинг фикрича, шундай сценарий амалга ошган тақдирда ҳам, альянснинг Европадаги кучлари етарли бўлади.

Ўтган йили Дуда ва Трамп муросага келишди: Вашингтон Европадаги контингентни минг кишига кўпайтириш ваъдасини берди. Энди президентлар Варшава яна минг нафар америкалик ҳарбийни қабул қилишига келишдилар.

Трамп ушбу умумий қарорга: "Польшага кўчиб ўтиш қарори Европа сиёсатига таъсир ўтказишга ҳаракат қилаётган Россия учун сигналдир", - дея изоҳ берди.

Немислар айбдор

Россия - Трамп ва Дуда муҳокама қилган ягона "хавфсизлик таҳдиди" эмас. Немис ҳукумати юритаётган сиёсат ҳам Вашингтонда жиддий ҳавотирни келтириб чиқармоқда. Гап бу ерда Берлин НАТОнинг мудофаа ҳаражатларини ЯИМнинг икки фоизигача ошириш талабини эътиборсиз қолдираётганидагина эмас.

Оқ уй, санкциялар таҳдидига қарамай, немис ҳукумати Россиянинг "Шимолий оқим-2" газ қувури қурилишида иштирок этаётганидан ғазабда. "Германия Москвага энергия учун миллиардлаб тўловларни амалга оширса-ю, биз немисларни Россиядан ҳимоя қилишимиз керакми? Бетартиблик", -  деди Трамп Дуда билан учрашувдан бир неча кун олдин. Ва яна Польшани мисол келтирди.

Варшава, Берлиндан фарқли ўлароқ, Россиянинг энергия манбаларига қарамликни минималлаштиришга ҳаракат қилмоқда. Польша ҳукумати альтернатива сифатида Американинг суюлтирилган табиий гази (СТГ)ни кўриб чиқмоқда. Зангори оловнинг синов поставкалари икки йил олдин бошланган. Шу билан бирга, СТГ, Польша расмийларига кўра, Россия хом-ашёсидан арзонроқ.

Трамп ва Дуда, 2022 йилга келиб, Польшага СТГни етказиб бериш тўлиқ ҳажмга чиқишига келишиб олдилар. Бунинг учун Луизиана штатида терминаллар қурилмоқда. Варшава, агар логистика билан боғлиқ муаммолар бўлмаса, Америка газини Украинага қайта сотишга ваъда берди.

Польша ҳукумати СТГни маълум миқдорини Киевга юборишга улгурди. У ерда қўшниларининг ёрдами миннатдорлик билан қабул қилинди ва истиқболда Америка ёқилғиси Европани Россия газидан бутунлай халос қилишига умид билдиришди. Шунга қарамай, Польша ва Украина Москвадан энергия ресурсларини сотиб олишда давом этишмоқда.

Саммитнинг яна бир якуни - Польшада атом энергетикасини ривожлантириш тўғрисидаги қарордир. Варшава йигирма йил ичида олтита ядровий энергоблокни қуришни режалаштирган ва бунда америкаликлар ёрдам беради.

Польша - тўқмоқ эмас

Варшава университети ўқитувчиси Михал Патрик Садловскийнинг таъкидлашича: ҳамма ушбу учрашувдан кўпроғини кутган.

"Польша америкаликлар Германиядан сезиларли контингентини кўчиришига ва охир-оқибат АҚШ ҳарбий штаб-квартирасини яратишда аниқлик пайдо бўлади, деб умид қилган. Варшава, шунингдек, полякларга ҳарбий техникани топшириш бўйича келишувга ҳам умид қилган. Ҳозирча ҳаммаси декларациялар даражасида қолмоқда", - дея тушунтиради эксперт.

Польшада АҚШ ва Германия ўртасидаги қийинчиликларни тушунишади, аммо тўқмоқ ролида бўлишни хоҳламайдилар. "Ҳозир Варшава - Трамп ва Меркел ўртасидаги пасанги бўлиб турипти, биз учун ҳам АҚШ, ҳам Германия билан ўзаро фойдали алоқаларини ўрнатиш жуда муҳим", - деб ҳисоблайди Садловский.

Музокаралар Польшада сайловолди кампанияси фонида бўлиб ўтди ва бу, эксперт фикрига кўра, мунозара йўналишига ўз таъсирини ўтказди: "Дуда поляклар унинг Трамп билан дўстлигини юқори баҳолайди, деб ўйлайди. Аммо давлат раҳбари лавозимига номзодларнинг барчаси Вашингтон билан ҳамкорликни қўллаб-қувватлашади. Шу тариқа, АҚШга ташриф вазиятни кўп ҳам ўзгартирмайди".

Агар Дуда биринчи турда ғалаба қозона олмаса, иккинчи турда ютқазиши турган гап. Ва бу ерда, Садловскийнинг сўзларига кўра, Америка президенти ёрдамчи бўла олмайди.

Баҳсли ташаббуслар

ИМИ МГИМО Европа тадқиқотлари маркази илмий ҳодими Артём Соколовнинг фикрича, АҚШ ҳарбийларининг Германиядан қайта дислокация қилиниши Польша амбицияларига ўз таъсирини кўрсатади.

"АҚШнинг Европадаги энг содиқ ва қимматли иттифоқчиси мақомига эришишга даъволар давом этади. Контингентнинг кўчирилиши "Вышеград тўртлиги" (Польша, Чехия, Словакия, Венгрия) ва "Учта денгиз" ташаббуси доирасида Варшаванинг мавқеини янада мустаҳкамлайди", - дея таъкидлайди эксперт.

Сиёсатшунос фикрига кўра, АҚШнинг Польшадаги бир неча минг аскари Москвани ҳавотирга солмайди: "Россия чегаралари бўйлаб НАТО ҳарбий кучлари сонининг ўсиб бориши, фақатгина акс чораларни келтириб чиқариши мумкин, биринчи навбатда, поляклар билан чегарадош Калининград вилоятида".

Трампнинг Польшага қўшинларни кўчириш тўғрисидаги қарори - Европада хавфсизлик соҳасидаги келишувлар тизимини заифлаштирадиган яна бир қадамдир, дея хулоса қилади Соколов.

1027
Директор ИМЭМО им. Е. М. Примакова РАН Федор Войтоловский

Войтоловский: АҚШ олимлари Россия билан ҳамкорлик қилишга журъат этди

363
(Янгиланган 18:07 10.08.2020)
Коронавирус бўйича ҳамкорлик тўғрисидаги битимни имзоланиши Россия ва АҚШ ўртасидаги муносабатлардаги салбий тусга қарамай, америкалик олимлар ҳамкорлик қилишга тайёрлигини англатади, деб ҳисоблайди Е.М.Примаков номидаги РФА ИМЭМО директори Фёдор Войтоловский.

Россия ва АҚШ олимлари COVID-19 га биргаликда қарши курашишга келишиб олдилар. Ўзаро ҳамкорлик тўғрисидаги тегишли битимда икки давлат фан академиялари коронавирус билан боғлиқ барча соҳаларда ҳамкорлик қилишлари назарда тутилган.

Фёдор Войтоловскийнинг сўзларига кўра, бу икки академия - АҚШ Фанлар миллий академияси ва Россия Фанлар академияси ўртасидаги узоқ йилги ҳамкорлик амалиётини давом эттирадиган муҳим ҳужжат.

"Коронавирус инфекциясига қарши курашиш, олимларнинг коронавирус инфекциясини ўрганиш ва унинг оқибатларига қарши курашиши, шу билан бирга  нафақат тиббий, клиник жиҳатлар ва муаммоларга боғлиқ оқибатлари билан курашиш, балки ижтимоий, иқтисодий, психологик жиҳатлари билан, ва бу бўйича ҳамкорлик тўғрисидаги битим, ҳамкорликнинг муҳим янги йўналишидир”, - деди Войтоловский.

Унинг сўзларига кўра, ҳамкорлик тўғрисидаги битимга қийин шароитларда эришилди. Эндиликда иккала академия нафақат тиббиёт йўналишда, балки қурол назорати ва стратегик барқарорлик борасида ҳам мулоқот олиб бормоқда.

Америкалик ҳамкасблар катта жасорат билан ажралиб туради, дейди мутахассис, АҚШда Москва билан мулоқот борасида юзага келган сиёсий муҳитни ҳисобга олиб, улар россиялик ҳамкасблари билан муомалада бўлиш ва мулоқотни давом эттириш маъсулиятини ўз зиммаларига олдилар.

Войтоловский: сотрудничать с Россией — смелое решение для ученых из США
363

Ғарб биринчи марта русларнинг Суриядаги ҳарбий муваффақиятини тан олди

1259
Америкаликлар айнан Москва ҳамда Эроннинг аралашуви Сурия армиясига мамлакатнинг катта қисмини ноқонуний қуролли гуруҳлардан қайтариб олишга имкон берганини тан олишди.

ТОШКЕНТ, 9 авг - Sputnik, Андрей Коц. Агар руслар ёрдам бермаганида, Башар Асад урушда ютқазган бўлар эди – америкаликлар айнан Москва ҳамда Эрон ва “Ҳизбуллоҳ”нинг аралашуви Сурия армиясига мамлакатнинг катта қисмини ноқонуний қуролли гуруҳлардан қайтариб олишга имкон берганини тан олишди. Бундай хулосага Конгресс тадқиқот хизмати 49 саҳифадан иборат "Суриядаги қуролли низонинг шарҳи ва АҚШнинг бунга муносабати" ҳисоботида келган. Ҳарбий таҳлилчилар яна нималарга эътибор беришди ва улар қандай тахминлар билдирилди - РИА Новости материалида.

Кучларнинг тақсимланиши

Ҳужжатда Сурия харитаси таҳлил қилинган. АҚШнинг Ат-Танф ҳарбий базаси жойлашган, Иордания билан чегарадош кичик анклавдан ташқари, мамлакатнинг марказий, ғарбий ва жанубий қисмлари Башар Асад ҳукумати назорати остида. Шимолий-ғарбдаги Идлиб Муҳафазаси экстремистик гуруҳлар ва Туркия бошқаруви остида. Евфраатнинг шимолий ва шарқий ҳудудлари - Суриянинг деярли учдан бир қисми - курдларда.

Бу ерда таҳлилчилар айёрлик қилмоқдалар, чунки аслида бу ерларни айнан Вашингтон бошқармоқда. Бу ерда америкаликлар кўп эмас - ҳисоботга кўра, 600га яқин аскар. Бироқ, улар углеводородларга бой ушбу минтақадаги асосий нефт конларининг атрофидаги позицияларни эгалламоқда. Бундан ташқари, Сурия шарқида хусусий ҳарбий компанияларнинг бир неча юз жангчилари фаолият юритмоқда. Ҳужжатда қайд этилишича, расмий ҳукумат АҚШ ҳарбийларининг минтақада жойлашганини ноқонуний деб ҳисоблайди. Бироқ Вашингтон нефть конларини террорчилардан ҳимоялаш кераклигини таъкидламоқда.

Ҳисобот муаллифлари баъзан Асад армияси билан тўқнашувлар рўй беришини яширмайдилар. Уларнинг таъкидлашларича, шу йилнинг февраль ойида Қамишли қишлоғидаги назорат пунктида суриялик ҳарбийлар АҚШ қуролли кучларининг патрулига қарата ўқ узган. Ҳеч ким шикастланмаган. Бундан ташқари, улар мамлакатнинг шимолий-шарқида Россия ва Америка ҳарбий хизматчилари ўртасида тўғридан-тўғри тўқнашув ҳолатлари тез-тез рўй бериши қайд этилади.

Интернетда АҚШ армиясининг зирҳли машиналари Россия ҳарбий полицияси автомашиналари йўлини тўсиб қўйишга уринаётганининг ўнга яқин видеолавҳалари мавжуд. Яхшиямки, можаролар отишмагача бормади.

Россия тарк этмайди

Умуман олганда, америкаликлар мамлакатдаги Эроннинг иншооатларига Исроилнинг зарбалари ва Россияга қарши санкциялар Москва ва Теҳронни Башар Асадни қўллаб-қувватлашдан воз кечишга ёки ҳеч бўлмаганда унга ёрдамни қайсидир маънода чеклашга мажбурламаганини тан олди.

"АҚШ Москванинг Суриядан Яқин Шарқдаги нуфузини кенгайтириш учун плацдарм сифатида фойдаланиш истагини ва имкониятларини тўлиқ баҳолай олмади, - деб ёзади таҳлилчилар. - Россия, Эрон ёки уларнинг "ишончли вакиллари" билан тўғридан-тўғри ҳарбий тўқнашувни истисно қилиб бўлмайди. Бундан ташқари, Москва ўз иттифоқчиси бўлмиш Сурияни қўллаб-қувватлашда қанчалик чуқурлашиши мумкинлигини тушуниш керак".

Ҳисобот муаллифлари афсус билан Дамашққа босим ўтказиш тобора қийинлашаётганини тан олмоқдалар. Фронт чизиғини Сурия пойтахтидан нарироққа силжитиш, биринчи навбатда Россия авиацияси ва махсус кучларнинг ёрдами туфайли амалга оширилди, ҳозирда мамлакатнинг катта қисми "режим" назорати остида. Башар Асаднинг сиёсий мухолифларининг қўлларида деярли ҳеч қандай дастак қолмаган. Шу билан бирга, Дамашқ ва курдлар аста-секин яқинлашишмоқда. Бу марказий ҳукумат шарқ ва шимол устидан назоратни қайтариб олиши мумкинлигини англатади.

ИД* ҳамон хавфлидир

2018 йил декабрь ойида Дональд Трамп ИД* устидан ғалабани эълон қилди. Аммо таҳлилчилар фикрича, гуруҳ ҳали яксон қилинмаган. АҚШ иттифоқчилари 2019 йил март ойида Сурияда ИД*нинг оҳирги истеҳкомларини эгаллаб олишди. Аммо исломийчилар ҳам Сурияда, ҳам Ироқда исёнкорларнинг қумондонлик ва бошқарув тузилмасини сақлаб қолишган. Бу шуни англатадики, улар ҳали ҳам таъсирли зарбаларни беришга қодир.

"Узоқ истиқболда Суриядаги ИД* тақдири мамлакатда гуруҳни яна кучайишига тўсқинлик қила оладиган хавфсизлик идораларини ярата олишимиз қобилиятига боғлиқ, - деб таъкидлашади ҳисобот муаллифлари. – Аммо "Ислом давлати"*нинг таҳдиди узоқ вақт давом этади. Террорчиларга қарши курашишлари учун, биз курдларни қўллаб-қувватлашда давом этишимиз керак".

Яна бир хавф - бу 10 мингга яқин ИД* жангчилари сақланаётган ҳарбий маҳбуслар лагерлари. Улар асосан мамлакатнинг шимолида жойлашган бўлиб, курд бўлинмалари томонидан қўриқланмоқда. Бундан ташқари, экстремистларнинг оила аъзолари сақланаётган лагерлар ҳам мавжуд. Улардан энг каттаси - Ал-Холда 66 мингга яқин террорчиларнинг аёллари ва фарзандлари жойлаштирилган. Таҳлилчилар фикрига кўра, бу ерларда жангарилар маҳбусларнинг жанговар руҳини қўллаб-қувватлаб турган ҳолда ўз тарғиботини давом эттирмоқдалар, ИД* эса ўз тарафдорларини озод қилиш мақсадида, ҳужумлар уюштиришни режалаштирмоқда.

Курд раҳбарияти маҳбусларни қўриқлаш учун кучлари етишмаётганини бир неча бор маълум қилган. Америкаликлар ёрдам беришга шошилмаяптилар - Вашингтон жангариларнинг ватанлари уларни жазосини ўташи учун уйларига қайтариб олиб кетишларини талаб қилмоқда. Аммо ҳеч ким "ўз" террорчиларини қайтаришни хоҳламаяпти ва бундан қочиш учун ҳар хил баҳоналарни топишмоқда.

Муаммоли провинция

Энг қайноқ жой - бу Идлиб провинцияси. Бу ерда ҳозирда Сурия, Россия, Эрон ва Туркия ҳаракат қилмоқда. Бу ерда АҚШ қўшинлари йўқ, аммо америкаликлар бир неча бор "Ал-Қоида"* билан боғлиқ бўлинмаларга зарбалар берган. “Ҳайят Таҳрир аш-Шам”*, “Хурас ад-Дин”*, Сурия миллий армияси, "Хизбуллоҳ" ва бошқа гуруҳларининг бу ерда нодавлат бўлинмалари мавжуд. Шунингдек, ИД* жангчилари ҳам бор.

"Идлибнинг шимолий туманлари мухолифат кучлари томонидан назорат қилинадиган ягона минтақадир, - деб таъкидлайди таҳлилчилар. – Маҳаллий гуруҳлар бу 2011 йилда Дамашққа қарши чиққанларнинг қолдиқларидир. Идлибда Туркия ва Россия президентлари келишиб олган вақтинча тинчлик битими 5-чи мартдан бошлаб амал қилмоқда. Уларнинг қўшинлари М4 стратегик трассасида қўшма патруллар ўтказмоқдалар".

Ҳисобот муаллифлари, жангариларнинг ўққа тутишига қарамай, тинчлик ҳозирча сақланиб турилганини таъкидламоқдалар. Бироқ, Туркия Идлибга қўшинларни кўчиришни тўхтатмади ва яқинда зарурият туғилса, жанговар ҳаракатларини тиклашга тайёрлигини билдирди. Демак, Суриядаги уруш ҳали бери тугамайди.

* Россияда тақиқланган террорчилик ташкилотлари.

1259

Баррикада ва шовқинли гранаталар: сайловдан сўнг Минскда тартибсизликлар авж олди

0
(Янгиланган 15:12 11.08.2020)
Президент сайловидан сўнг икки кундан бери Беларусда норозилик намойишлари ўтказилмоқда. Энг катта намойиш Минскда бўлиб ўтди.

Душанба, кунинг иккинчи ярмида беларуслар яна пойтахт кўчаларига чиқишди. Норозилик намойишлари республиканинг барча вилоят марказларида ўтказилди.

Пойтахтнинг Пушкин майдонида намойишчилар ахлат қутилардан баррикаларни қуриб олишди. Намойишчилардан бири полиция томон портловчи қурилмани улоқтиришга ҳаракат қилади, бироқ қурилма унинг қўлида портлаб кетди. Олган жароҳатлардан эркак вафот этди.

Милиция намойишчиларни тарқатиш учун ёруғлик-шовқин гранаталар қўллади. Кўплаб намойишчилар қўлга олинди.

Милиция ички қўшин ва “Альфа” бўлинмаси ёрдами билан намойишчиларни тарқатиб юборди. Айни вақтда коммунал хизматлар кўчаларни тозаламоқда.

Эслатиб ўтамиз, 9 август куни мамлакатда президентлик сайлови бўлиб ўтди. Дастлабки маълумотларга кўра, президент Александр Лукашенко 80,08 фоиз овоз тўплаган. Унинг асосий рақиби Светлана Тихановская 10,09 фоиз овозга эга бўлди.

0
  • © REUTERS / Vasily Fedosenko

    Президент сайловидан сўнг норозилик намойишлари.

  • © AP Photo / Sergei Grits

    Президент сайловидан сўнг норозилик намойишлари.

  • © AFP 2018 / Sergei Gapon

    Жароҳатланган намойишчи

  • © REUTERS / Vasily Fedosenko

    Минск полицияси намойиш вақтида.

  • © AFP 2018 / Sergei Gapon

    Минск кўчаларидаги тартибсизликлар.

  • © Sputnik / Viktor Tolochko

    Минск кўчаларидан бирида намойишчилар

  • © AP Photo / Sergei Grits

    Президент сайловидан сўнг намойишлар.

  • © REUTERS / Vasily Fedosenko

    Президент сайловидан сўнг намойишлар.

  • © Sputnik / Viktor Tolochko

    Минскда ҳуқуқ тартибот орган ходимлари.

  • © Sputnik / Viktor Tolochko

    Минскда намойишчи.

  • © REUTERS / Vasily Fedosenko

    Президент сайловидан сўнг Минскда норозилик намойишлари ўтказилмоқда.

  • © REUTERS / Vasily Fedosenko

    Минскда ўтган тунда намойиш ва тартибсизликлар давом этди.

  • © REUTERS / Vasily Fedosenko

    Намойишга чиққан аёл