Слуцкий: Россия ва Беларусь ўртасидаги муносабатларни ҳеч ким ва ҳеч қачон бузолмайди

© Sputnik / Александр НатрускинПредседатель Комитета Госдумы РФ по международным делам Леонид Слуцкий
Председатель Комитета Госдумы РФ по международным делам Леонид Слуцкий - Sputnik Ўзбекистон
Oбуна бўлиш
Давлат думасининг Халқаро ишлар бўйича қўмитаси раиси Беларусь Россиянинг стратегик ҳамкори бўлиб, ҳар доим шундай бўлиб келгани ва бўлишини айтди.

Давлат думасининг Халқаро ишлар бўйича қўмитаси раиси Леонид Слуцкий Беларусь ва Россия Иттифоқи парламент йиғилишининг навбатдаги мажлиси олдидан РФ ва Беларусь ўртасида барча соҳаларда яқин алоқалар йўлга қўйилганини таъкидлади.

“Россия ва Беларусь, балки, ҳатто қардош мамлакатлар ва халқлар ҳам эмас, Александр Лукашенко бир неча йил олдин айтганидек, биз тарихий сабабларга кўра давлат чегаралари билан ажралган ягона халқмиз”, - деди Слуцкий “Россия сегодня” ХААдаги онлайн брифингда.

Унинг сўзларига кўра, Беларусь Россиянинг стратегик ҳамкори бўлиб, “бу ҳар доим бўлган ва шундайлигича қолади ҳам”, деб ёзади Sputnik Беларусь.

"Ким-ки Россия-Беларусь муносабатларига низо солишга ҳаракат қилса, албатта ютқазади”, - деди Давлат думаси қўмитаси раиси.

Слуцкий, шунингдек, Беларусь президенти Александр Лукашенко - “шубҳасиз, юқори даражадаги ноёб инсон, аммо эмоционал, баъзида юқори даражада “учқунланиб туради”, деб таъкидлади.

“Аммо бу нормал ҳолат, - деб таъкидлади у. - Тизимлар назариясини ўрганганлар билади, катта тизимларда ҳар доим ҳам мукаммал мувозанат мавжуд бўлмайди. Аммо ҳеч ким ва ҳеч қачон Москва ва Минск ўртасидаги, мамлакатларимиз ва халқларимиз ўртасидаги стратегик мувозанатни бузолмайди”.

Янгиликлар лентаси
0