Объект управления запуском межконтинентальных баллистических ракет в штате Северная Дакота

Қиёмат кунини яқинлаштирди: АҚШнинг СНВ-3 келишувидан чиқиши дунёга қандай хавф солади?

727
Бу иккита ядровий держава ҳарбий қудратини чеклаб турувчи сўнгги ҳужжат эди. Халқаро хавфсизлик тизимининг барбод бўлиши дунёга қандай хавф солади - РИА Новости материалида ўқинг.

ТОШКЕНТ, 14 июл — Sputnik, Андрей Коц. Россия ташқи ишлар вазири Сергей Лавровнинг сўзларига кўра, Оқ уй СНВ-3, стратегик ҳужум қуролларини қисқартириш тўғрисидаги шартномани узайтирмасликка узил-кечил қарор қилди. Бу иккита ядровий держава ҳарбий қудратини чеклаб турувчи охирги ҳужжат эди. Халқаро хавфсизлик тизимининг барбод бўлиши дунёга қандай хавф солади - РИА Новости материалида ўқинг.

Хитойни қўшиш

Журналистлар билан суҳбатда ТИВ раҳбар СНВ-3 узайтирилмагани туфайли ваҳимага тушишнинг ҳожати йўқ — Россия ҳатто усиз ҳам ўзига хавфсизликни кафолатли таъминлашга қодир. Аммо шундай бўлсада, бу шартнома жуда муҳим эди. СНВ-3 битими Россия ва АҚШ президентлари Дмитрий Медведев ва Барак Обама томонидан 2010 йилнинг 8 апрелида тузилган. Ҳужжат 2011 йилнинг февраль ойида кучга кирган, унинг муддати 2021 йилда ўз ниҳоясига етади.

Битим Россия ва АҚШ арсеналларидаги ядровий боезарядларни 1550 донага, минтақаларароаро баллистик ракеталар, сув ости кемалари баллистик ракеталари ва оғир бомбардимончилар сонини 700 донагача қисқартиришни кўзда тутарди.

СНВ-3 СНВ-1 муддати тугаганидан сўнг роппа-роса бир йил ўтгач имзоланган. Агар, 2010 йилнинг биринчи ярмида битим узайтирилишига шубҳа қилганлар оз бўлган бўлса, Оқ уйга Дональд Трамп келиши билан ҳолат кескин ўзгарди.

Америка етакчиси СНВ-3нинг келгусида барҳам топмаслиги шартларидан бири сифатида ундаги Хитойнинг иштирокини айтиб ўтди. ХХР ТИВ қурол-аслаҳалар устидан назорат департаменти директори Фу Цун бу иккита ҳолатда рўй бериши мумкинлигини айтди: Хитой ядровий арсеналини АҚШ даражасига қадар оширганида ёхуд Вашингтон ўз ядровий арсеналини қисқартирганида.

Пекин бошқа вариантларга рози бўлмайди, сабаби бу ерда стратегик салоҳиятлардаги улкан тафовут ҳисобга олинмаяпти.

Вашингтон томонидан илгари сурилган яна бир шарт  эса Москвага маъқул эмас. Июль ойи бошида АҚШ президентининг қурол-аслаҳалар устидан назорат бўйича махсус вакили Маршал Биллингсли "Буревестник" ракеталари ҳамда "Посейдон" дронлари лойиҳаларини "даҳшатли" деб атаган ва улар СНВ-3 чекловларига тушмаётгани боис, уларни ёпишга чақирган эди.

Америкаликлар бундан олдин ҳам Россиянинг энг сўнгги қурол-аслаҳалари, жумладан, кемаларга қарши ноядровий гипертовушли "Циркон" ракеталарига ҳам чеклов қўйишни талаб қилишган.

"Бу АҚШда жаҳон етакчилигини сақлаб қолишда ядровий шантаждан бошқа ричаглари қолмаётганидан далолат беради, — дея тушунтиради РИА Новостига ҳарбий фанлар доктори Константин Сивков. — Иқтисодий томондан улар бир қанча йўналишлар бўича Хитойдан, қатор ҳарбий технологиялар бўйича эса (масалан, гипертовушдан) - Россиядан ортда қолмоқда. Шу боис ҳам улар бизни энг сўнгги ишланмалардан воз кечишга ундашга ҳаракат қилишмоқда. Биз бундай ҳийлаларга берилмаслигимиз керак".

Муросасиз позиция

Сергей Лавровга кўра, Россия АҚШни келишувни узайтиришга кўндиришга ҳаракат қилмайди. Гарчи Москва ҳамиша муайян ён беришларга боришга тайёр бўлган бўлсада.

Вазирнинг сўзларига кўра, америкаликлар билан СНВ-3 доирасида Россиянинг энг янги иккита стратегик тизимлари сонини улар тўлиқ ўрнатилгандан сўнг чеклаш имкониятлари муҳокама қилинган.

Гап гипертовушли режалаштирувчи "Авангард" жанговар каллаклари ва "Сармат" - оғир минтақалараро баллистик ракеталари ҳақида бормоқда. 

"Қолган учта тизимга келадиган бўлсак ("Буревестник" қанотли ракетаси, "Посейдон" сувости дрони ва гипертовушли "Цирконлар") - таҳр.), улар янги бўлиб, СНВ-3 таъсир қиладиган категорияларга кирмайди, — деб қайд этди Лавров. — Аммо биз амалдаги битим нуқтаи-назаридан классик қурол-аслаҳа саналмаган қурол-аслаҳалар мунозара предметига айланиши ҳақида мулоқотни бошлашга тайёрмиз".

Умуман олганда, Қўшма Штатлар жавобан ён босишлари эҳтимоли кам. Вашингтон кўплаб маротаба муросасиз баёнотлар билан чиқиш қилган: "Ёки сизлар сўзсиз бизнинг шартларимизга кўнасиз, ёки биз шартномадан чиқамиз".

Кўриниб турибдики, на Россия, на Хитой ўз миллий манфаатларини четга сурган ҳолда америкаликлар эътирозларига рози бўлишни истамаяпти. Мутахассислар фикрича, СНВ-3 шартномаси узайтирилиши имкони деярли йўқ. Бу эса, халқаро хавфсизлик тизими тўлалигича ўзгаради, деганидир.

Сон ўрнига сифат

"Агар ҳарбий соҳадаги халқаро хавфсизлик тизими ҳақида гапирадиган бўлсак, тан олиш жоизки, у аллақачон йўқ ҳисоб, - дея фикр билдиради "Арсенал Отечества" журнали бош редактори Виктор Мураховский. — Бу тизим СССР ва АҚШ, сўнгра Россия ва АҚШ ўртасидаги битим туфайли мавжуд эди. Бу америкаликлар ратификация қилмаган ракеталарга қарши мудофаа, РСМД, ядровий синовларни ўтказишга бўлган умумий таъқиқ шартномаларидир. Европада хавфсизлик ва ҳамкорлик шартномаси, шунингдек, уни бир қисми бўлган - Европадаги одатий қуролли кучлар ҳақидаги шартнома ҳам АҚШ туфайли якун топди. Совуқ урушнинг зиддиятли можароли ҳолатларида пухталик билан қурилган тизим Вашингтон ташаббуси билан барбод қилинди".

Эксперт ҳозирда амалда бўлган СНВ-3дан ташқари, ракета технологиялари устидан назорат режими тўғрисидаги шартнома қолганини айтиб ўтди. Аммо бу ҳужжатни ҳам америкаликлар ўзига қулай қилиб бўйсундиртирмоқчи. Июнь ойида Рейтер агентлиги ҳарбий-саноат комплекси ва мамлакат раҳбариятидаги манбаларига таянган ҳолда, Оқ уй турли давлатларга кўпроқ ҳарбий дронларни сотиш мақсадида келишув низомларини қайта кўриб чиқишга тараддудланаётгани ҳақида хабар берган эди.  Бу битимнинг бошқа иштирокчиларига маъқул келиши амримаҳол.

"Таассуф билан айтиш мумкинки, эндиликда ҳаммасини бошидан лойиҳалаштиришга тўғри келади, — дейди Мураховский. — Бизнинг президент ушбу масалани муҳокама қилиш учун БМТ Хавфсизлик кенгашининг доимий беш аъзоси учрашувини ўтказиш ташаббусини илгари сурди. Эҳтимол, ядровий қурол-аслаҳаларни чеклаш бўлмасада, улар устидан назорат ўрнатиш ҳақида халқаро келишувга келиш керакдир. Аммо Вашингтон ва Лондон сиёсати ва позициясига қараганда, бу ташаббус истиқболи минималдир".

Экспертнинг таъкидлашича, у Россия ва АҚШ яна ядровий каллаклар ва уларни етказиб бериш воситаларини кўпайтира бошлагач, қуролланишнинг янги "миқдорий" пойгаси юзага келади, дея ҳисобламайди. Аммо стратегик қуролланиш соҳасидаги технологик устуворлик учун кураш жуда қизғин кечиши ҳозирдан аён.

727
Американские военные на юго-востоке Афганистана

"Россиядан бошқача ўзиш йўлини топдик". Пентагон нимани режалаштирмоқда

573
(Янгиланган 15:23 19.01.2021)
Эллик йил деганда биринчи марта АҚШ атом энергиясидан фақатгина ҲДКда фойдаланишдан четланади. Янги ихчам реакторлар Вашингтонга нима учун кераклиги ҳақида - РИА Новости материалида ўқинг.

ТОШКЕНТ, 19 янв — Sputnik, Андрей Коц. Америкаликлар атом энергиясининг ҳарбий йўналишини ривожлантиришга қарор қилишди. Ҳозирча амалдаги президент саналган Дональд Трамп қуролли кучлар космосдаги тадқиқотлар учун кам қувватли ядровий реакторларини ишлаб чиқиш тўғрисидаги фармонни имзолади. Эллик йил деганда биринчи марта АҚШ атом энергиясидан фақатгина ҲДКда фойдаланишдан четланади. Янги ихчам реакторлар Вашингтонга нима учун кераклиги ҳақида - РИА Новости материалида ўқинг.

Захира манба

АҚШ Қуролли кучларида сувости кемалари ва авианосецлар атом реакторлари билан жиҳозланган. Шу туфайли, америка флотининг энг йирик ҳарбий кемалари денгизда деярли чегараланмаган муддат бўлади олади.

Бошқа мамлакатлар ҲДКларида ҳам ядровий энергиядан фойдаланилади. Мисол учун, французларда "Шарль де Голль" авианосеци атом тягасида бўлса, Россияда — "Петр Великий" оғир ракета крейсери атомга эга. Аммо АҚШда атомоходлар сони анча кўп. Ва америкаликлар эришилган натижаларда тўхташни ўйлагани ҳам йўқ.

"Президент Трампнинг кўрсатмасига биноан Мудофаа вазирлиги мамлакат ичидаги ҳарбий объектда кам қувватли ядро реакторлари нуқтаи назаридан энергетик эгилувчанлик ва иқтисодий самарадорликни намоён этиш режасини ишлаб чиқади ва амалга оширади ҳамда кўчма кам қувватли реакторни синовдан ўтказади. Бундай энергия манбалари қуёш энергиясидан фойдаланиш имконсиз бўлган, шунингдек, мудофаа соҳасида ҳам космосни чуқур ўрганиш учун ўта муҳим ва ўрнини тўлдириб бўлмайдиган ҳисобланади ", - деб хабар бермоқда Оқ уй матбуот хизмати.

Ҳукумат компакт (ихчам) ядро реакторлари айнан учун нима керак бўлиб қолганлигига аниқлик киритмаяпти. Defensenews.com портали экспертлари фикрича, гап армия базаларида бўладиган захира қувват манбалари ҳақида бормоқда. Агар ҳарбий объектда электр энергияси ўчиб қолса, реактор ўта муҳим ускуналарни энергия билан таъминлайди. Фармон матнига кўра, биринчи прототип синовлари олти ой ичида бошланиши керак - экспертлар фикрича, бу АҚШдаги энг йирик полигонлардан бири бўлган Невадада юз беради.

Космосни забт этиш

Secure World Foundation нотижорат ташкилотининг космик хавфсизлик бўйича эксперти Брайан Уиденнинг эслатишича, узоқ парвозларда, жумладан, Ойга, Марсга ва бошқа сайёраларга училадиганларида ҳам, ядровий энергия албатта керак. Истиқболда эса - реакторлар биринчи Ер сайёрасидан ташқарида ташкил этиладиган колонияларда керак бўлади. Айрим мутахассисларнинг фикрича эса, янги технологияларни орбита қурол платформаларида ишга солиш мумкин. Умуман олганда, ушбу сценарий фазога потенциал жанг майдони сифатида қараётган АҚШ Космик қўшинларининг етарли даражада агрессив доктринасига жуда мос.

"Мени фикримча, бу америкаликларга биринчи навбатда космик мақсадлар учун зарур, — дейди РИА Новостига "Арсенал Отечества" бош муҳаррири Виктор Мураховский. — Бизда "атом реактори" сўз бирикмасида турли мазмун тушунилади. Биринчидан, бу секинлаштирувчи-стерженлар ва қувват-регулировкасига эга бўлган ураннинг бўлиниш занжири реакциясига асосида ишлайдиган қурилмадир. Россияда бунга ўхшаш қурилмалар "Буревестник" ва "Посейдон" буюмлари учун аллақачон яратилган. Иккинчидан — бу спутниклар, радиобуй ва метеостанцияларда қўлланиладиган изотоп ядровий энергия манбаларидир. Улар гарчи анча самарасиз бўлсада, аммо ҳарҳолда радиоактив зарар унчалик кучли эмас".

Эксперт 1950-60-йй АҚШ сингари, СССРда ҳам самолетлар учун компакт ядровий реактор яратишга уринишлар бўлганини эслатиб ўтди. Аммо бу лойиҳалардан воз кечилган — ҳеч бир, ҳатто энг йирик самолёт ҳам экипаж биологик ҳимояси тизимини торта олмаган. Шу боис, реакторлар фақатгина йирик кемаларда қўлланилиш билан чекланган, холос.

Эксперт Мураховскийнинг сўзларига кўра, шу вақтгача, дунёнинг бирорта мамлакатида пилот билан бошқарилувчи самолётлар, сув сиғими кичикроқ бўлган кемалар ва ёки ер усти транспорт воситаларида фойдаланиш мумкин бўлган ихчам реакторларни яратишга муваффақ бўлинмаган.

Шу билан бирга, эксперт америкаликлар Россия "Буревестник" ва "Посейдон"ларини такрорлашни истаётганликларига ҳам ишонмади.

"Бу тизимлар анчайин ўзига хос, — дея тушунтиради у. — Улар тажовузкор ядро уруши бошлаган ҳар қандай шароитда кафолатли жавоб зарбасини амалга ошириш ва ғарб ракетага қарши мудофаа тизимини йўқ қилиш учун яратилган. Америкаликларда улар кўзлаган мақсадни амалга ошириш учун кўпроқ мос бўлган қуроллар етарлича".

Радиация муаммоси

Ядровий куч қурилмаси ўз вақтида 1949 йилдан 1959 йилгача АҚШ ҲҲК қуроллари сафида бўлган минтақалараро стратегик бомбардимонлар - Convair B-36 учун ишлаб чиқилган. NB-36H учар лабораториясининг бурун қисмида 12-тонналик ҳимоя капсуласи ўрнатилган. Диаметри 1,2 метр ва оғирлиги 16 тонна бўлган бир мегаватт қувватга эга тезкор нейтронлар асосидаги реактор эса - бомба учун мўлжалланган бўлимга жойлаштирилган. У парвоз вақтида ишга тушиши ва самолет бортидаги ҳаво қабул қилувчи ускуналар орқали келадиган атмосфера ҳавоси ёрдамида совитилиши керак эди. Синов машинаси 47та парвозни амалга оширган, аммо ядровий двигатель фақатгина қисқа вақт оралиқларида ёқилган.

Аммо ғоя жуда мафтункор эди. Бундай учар аппарат ҳавода бир неча сутка ёрдамида жанговар навбатчилик олиб боришга қодир бўлган стратегик бомбардимончи ёки разведкачи сифатида қўлланилиши мумкин эди. Аммо муаммолар жуда кўп эди.

Биринчидан, ҳар бир атомолёт — умуман олганда, ўзимизникилар устига тушиши мумкин бўлган "ифлос" бомба. Иккинчидан, тажриба борти ҳавода ҳам ўз ортидан радиоактив моддалар "шлейфини" олиб юрган. Ниҳоят, экипаж ҳар қандай ҳолатда ҳам кучли нурланган. Минтақалараро баллистик ракеталарни ядровий қуролни етакзувчи асосий восита сифатида ривожлантириш атомолетлар мураккаб ва хавфли дастурини барча истиқболлардан маҳрум этди.

АҚШда ядровий реакторни ер устида ҳаракатланадиган техникага ҳам ўрнатишга ҳаракат қилишган эди. Йигирма беш тонналик Chrysler TV-8 танки оммавий ишлаб чиқарилмаган — у фақатгина иш тизимининг бир қисми билан жиҳозланган тўлиқ ўлчамдаги макет кўринишида бўлган. Машина кичик атом реактори томонидан етказиб бериладиган иссиқлик туфайли ҳаракатга келадиган буғ двигатели ёрдамида ҳаракатга келиши керак эди. Умуман олганда, америкалик ҳарбийлар Chrysler корпорациясининг қуролсозларининг инновацион кайфиятига баҳо бера олмадилар. Танк ўта мураккаб деб тан олинди, унинг жанговар имкониятлари анъанавий машиналардан воз кечиш учун етарлича эмас, деган хулосага келинди. Шу билан 1956 йилнинг 23 апрелида TV-8 лойиҳаси ёпилди.

573
Американский авианосец CVN-78 Gerald R. Ford

Дунё океанида устуворлик қилиш: АҚШ денгиз флотининг 10 йиллик режаси

435
(Янгиланган 16:31 18.01.2021)
Америкаликларнинг тўқ ҳаётини таъминлаш мақсадида АҚШ флоти дунё океанида устуворлик қилиши керак. Бу йўлда улар Россия ва Хитойга қарши кучли  рақобатга тайёр бўлиши керак.

ТОШКЕНТ, 18 янв — Sputnik, Николай Протопопов. “Тўхтатиб туриш ва ғалаба қозониш” – АҚШ Ҳарбий-денгиз флоти (ҲДФ) штаби бошлиғи адмирал Майкл Гилдей яқин 10 йилликка мўлжаланган “Навигация режасини” имзолади. Ушбу ҳужжатнинг асосий мазмуни – америкаликларнинг тинч ва тўқ ҳаётини таъминлаш мақсадида дунё океанида устуворлик қилиш.   

Рақиблар

Ҳужжат муаллифлари айтишига кўра, Америка фуқароларининг фаравонлигини таъминлаш учун, Америка флоти узоқ муддатли, нафақат 10 йил балким бутун 21 аср давомида, кучли  рақобатга тайёр бўлиши керак.

Бу борада АҚШнинг асосий рақиблари ва глобал тинчликни “бузувчилар” – Россия ва Хитой. Америкалик адмираллар хулосалига кўра, ушбу давлатлар денгизда эркинликни чекламоқда.   

Москва ва Пекин ноқонуний равишда ўз ҳудудидан ташқарида бўлган “қимматбаҳо денгиз ресурсларидан” фойдаланишни  чеклашга уринмоқда, куч билан “қўшниларини қўрқитиш” билан шуғулланмоқда ва муҳим денгиз йўлларини “ракета нишони остида ушлаб турмоқда”. 

Шунингдек, Россияда замонавий гипертовуш тезлигида ҳаракатланувчи ракеталар, янги сув ости кемалари, тактик ядровий қуроллар ишлаб чиқарилаётгани Америка томонидан кескин қаршилик билан кутиб олинмоқда. Пентагон хабарига кўра, Россия денгиз флоти бутун дунё бўйича фаоллигини оширмоқда, шу сабабли “Россияни ишончли назорат остига олиш керак”, дейилган АҚШ доктринасида.

Илдам ривожланиб бораётган Хитой денгиз флоти ҳам, америкалик таҳлилчилар хулосасига кўра, Вашингтон учун нафақат янги чақириқ балким узоқ муддатли ва ўткир хавфга айланмоқда.

“Навигация режаси”да айтилишига кўра, АҚШ – денгиз давлати ва унинг ривожланиши ва хавфсизлиги унинг денгизда устуворликни сақлаб қолиш қобилиятига боғлиқ. Бунинг учун АҚШ ўзининг ҳарбий-денгиз кучини сақлаб қолиши ва уни “Дунё океанининг ҳар бир қаричига”  тарқатиши керак. Америкаликлар дунёнинг халқаро ҳуқуқ томонидан рухсат берилган ҳар бир бурчагига учиш ва сузиш имкониятини сақлаб қолиши керак.

Шунингдек, АҚШ айрим давлатларнинг “ҳаддан ортиқ денгиз амбицияларини” чеклаб туриши ва уларнинг жанговар имкониятларини чеклаш учун дунёнинг истадган нуқтасида  ўз ҳарбий-денгиз кучларини жойлаштириш ҳуқуқига эга бўлиши керак.

Флотни кучайтириш

Баллистик ракеталар билан жиҳозланган атом сув ости кемалари АҚШни ядровий ҳужумдан сақлаб қолади, махсус кучлар эса ҳар қандай рақибга кутилмаганда  зарба бериши мумкин.  Америка адмираллари айтишига кўра, АҚШ ҳарбий-денгиз кучлари қуруқлик кучларини қўллаб-қувватлаш мақсадида ҳар қандай қирғоққа десант туширишга тайёр.

АҚШ ҳарбий денгиз кучлари “агрессияни чеклаб туриш учун” энг замонавий ахборот, кибернетик технологиялари ва денгиздан, сув остидан ва ҳаводан  туриб ҳужум қилувчи қуролларга эга.

Яқин йилларда денгиздаги қарама-қаршиликларда устуворликни АҚШ сунъий онг билан боғламоқда. АҚШ адмираллари хулосалига кўра, ушбу тизимлар жангда ўз устуворлигини исботлаган. Шу сабабли денгиз флоти уларни оммавий қўллаган ҳолда янгиланади.

Инсон иштирокисиз бошқариладиган денгиз платформалари ҳам “жуда муҳим”. Улар разведкада, кузатувда ва ҳужумда денгиз флоти имкониятларини кучайтиради. Ўн йиллик охирида ҲДФ шахсий таркиби роботлаштирилган аппаратлар билан яқин ҳамкорликда ишлашни ўрганиши керак.

АҚШ ҲДФ хулосасига кўра, белгиланган барча мақсадларни амалга ошириш учун флотни кенгайтириш ва кучайтириш керак. Янада кўпроқ атом сув ости кемалари, юқори ҳужум имкониятига эга бўлган ҳарбий корабллар керак. Янги корабллар “Созвездие”га ўхшаган кичик ўлчамли бўлиши керак.

Пентагон авиаташувчиларни ҳам ўз ҳисобидан чиқармайди. Авиаташувчилар ҳали ҳам АҚШ кучини намойиш қилувчи асосий восита бўлиб қолмоқда. Шунингдек “Колумби” ва “Виржиния” классидаги атом сув ости кемалари ҳам муҳим аҳамиятга эга.

“Рақамли” ва лазер технологиялар

АҚШ ҲДФ раҳбарияти айтишига кўра, фақат замонавий техника билан масала ҳал бўлмайди. Шахсий таркибни ўқитиш ҳам – муҳим аҳамиятга эга. Адмираллар айтишига кўра “денгизчилар нафақат хавфларга тезкор жавоб бериши, балким ўша давлат фуқаролари менталитетини яхши билган ҳолда, рақиб ҳаракатларини олдиндан билиш қобилиятига эга бўлиши керак”.

Бутун Ер шари бўйлаб Шимолдан Тинч океанининг ғарбигача “бўлажак можаролар” сценарийлари машқ қилинади. Масалан бу йил, АҚШ ҲДФ авиаташувчи гуруҳлари иштирокида десант манёврлари ўтказишни режалаштирмоқда.

Ушбу машғулотларда бу йил биринчи марта, энг замонавий қуроллар билан жиҳозланган кичик тактик кибер-гуруҳлар иштирок этади. Адмирал Гилдей айтишига кўра, ушбу манёврлар кўлами “энг янги тарихда” мисли кўрилмаган даражада бўлади.

АҚШ ҲДФ стратегиясида ахборот ва рақамли технологиялар марказий ўрин эгаллаган. Улар иштирокисиз ҳарбий машғулотларни тасаввури қилиш қийин. “Рақамли технологиялар” денгиз жангини тез ва самарали олиб бориш имконини беради.

ҲДФ таҳлилчилари рақиб АҚШ ҳимоясини “жуда кўп ракеталар ёрдамида ёриб ўтишни” режалаштирмоқда, деб ҳисоблайди. Шу сабабли Пентагон кўплаб мобил ва стационар радарлар тизимидан фойдаланишни режалаштирган. Ундан ташқари АҚШ сув усти ва ости ҳарбий кемалари ва учувчисиз аппаратларининг ҳимоя хусусиятларини кучайтиришни режалаштирган. Яқин масофа жангларида эса анъанавий қуроллар билан бирга энергетик қуролдан фойдаланиш ҳам режалаштирилган.

435
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

139
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

139