Легкий скоростной броневик Стрела

Тезкор "Ўқ": Россиянинг янги мобил бронемашинаси нимаси билан ноёб?

1891
Россия армиясининг сўнг русумдаги зирҳли автомобиллари ноёб туркуми, броневиклар учун мисли кўрилмаган тезлик - соатига 155 км дан ортиқ йўл боса оладиган ўта тезкор "Стрела" (Ўқ) билан бойиди.

Юқори ҳаракатчанлик - бу кўзга кўринган, аммо РФ ва унинг иттифоқчиларига мудофаа қобилиятини кучайтиришга ёрдам берадиган ягона афзаллик эмас, рус қуролининг афзаллиги замонавий қуролли тўқнашувлардадир.

Бронеавтомобиль Атлет
© Foto : Пресс-служба Военно-промышленной компании

Ишлаб чиқарувчи корхона – "Ҳарбий-саноат компанияси" бош директори Александр Красовицкийнинг таъкидлашича, РФда "Стрела" енгил зирҳли транспорт воситасининг аналоги йўқ. Техник восита АК-74, АКМ ва СВД милтиқлари ўқларига чидамли баллистик ҳимояга эга. Миналарга қарши ҳимоя зирҳли машина ғилдираги остида мина ёки икки килограммгача тротил эквивалентидаги портловчи мосламалар ҳаракатга келтирилганда, экипаж аъзолари ҳаётининг хавфсизлигини кафолатлайди. Машина оғирлиги - 4,7 тонна бўлгани, уни тактик-ҳаво ҳужуми десанти таркибида Ми-8 (Ми-17) вертолётининг ташқи илмоғида ташиш имконини беради. Қиёслаш учун: "Тигр" зирҳли машинаси икки баравар оғирроқ ва 600 граммгача тротил эквивалентдаги портлашга бардош бера олади ҳолос.

Ташқи томондан, "Стрела" кучли портловчи мосламалардан замонавий зирҳ ва корпус геометрияси билан ҳимояланган, энди унинг ичига портлаш тўлқинининг ютувчи ўриндиқлар ўрнатиш одатий ҳолга айланди. Сурияда Россиянинг сўнгги зирҳли машиналаридан фойдаланиш ушбу турдаги конструкциянинг ишончлилигини кўрсатди, портлатишлар одамлар ўлимини истисно қилди.

"Стрела" енгил зирҳли машинаси махсус бўлинмаларнинг тезкор-хизмат фаолиятини, юқори баллистик ҳимоя таъминлаган ҳолда одамлар ва турли юкларни ташишга мўлжалланган. Салони ҳайдовчи билан саккиз кишигача мўлжалланган. Модулли қурол мажмуалари ва махсус жиҳозларни ўрнатиш кўзда тутилган. Жанговар машина мутлақ Россияда ишлаб чиқарилган материаллар ва таркибий қисмларидан тайёрланган. Ишлаб чиқарувчи компаниянинг дунёдаги нуфузи дунёдаги энг тез зирҳли машинанинг юқори сифатини ва унинг халқаро бозорда муҳим экспорт салоҳиятини кафолатлайди.

Тезкор "Стрела" ҳарбий хизматчиларга ёқиши тайин, чунки юқори ҳаракатчанлик бўлинмаларнинг жанговар барқарорлигининг асосидир. Агар зирҳли машина магистралда соатига 155 км тезликка эриша олса, ёмон йўлларда 80 км/соат тезликда харакатланиши – бу имкониятларининг чегараси эмас. Машинанинг конструкциясига киритилган истиқболли таркибий қисм ва агрегатлар фуқаролик автосаноатининг оммавий ишлаб чиқаришида ўзлаштирилиши мумкин, унда геологлар, сайёҳлар ва балиқчиларнинг орзуси бўлган Россияда дунёдаги энг йўлтанламас ва чидамли кроссовер пайдо бўлади.

Махсус мақсадларга мўлжалланган спорт автомобиллари

Жанг майдонида зирҳли машиналарнинг кенг кўламлигининг аҳамияти яққол. Ҳар хил таснифланиш ва имкониятларга эга машиналар қўшинларга қўйилган вазифаларни турлича ечишга, вазиятни моҳирона назорат қилишга, душманни зарб қудрати ва маневр билан сиқувга олишга имкон беради. Замонавий халқаро қурол-аслаҳа бозори Stryker (АҚШ), LAV (Канада-Швейцария), VBCI (Франция), Boxer (Германия-Голландия), Pandur (Австрия), Pars (Туркия) зирғли транспортёрлар билан тўлдиригани бежиз эмас, ҳар йили ушбу соҳада миллиардлаб долларлар "айланиб юрмоқда", ва Россия мудофаа саноати ўн йилдан ортиқ вақтдан бери ишончли тарзда етакчи бўлиб келмоқда. 2010-2017 йилларнинг ўзида Россиянинг 1206 та автомобили 1,48 миллиард долларга сотилди. Сўнгги зирҳли машиналар Россия мудофаа саноатининг позицияларини янада кучайтиради.

“Стрела”нинг энг яқин рақобатчиларининг рўйхати унчалик катта эмас. Таққослаш учун, шунга ўхшаш ҳимояга эга энг тезкор енгил зирҳли машиналарни кўриб чиқамиз.

Renault Sherpa II тактик машинаси юриб бўлмас шароитлардаги миссияларга мўлжалланган. У турли хил кўринишларга эга, турли синфлардаги жанговар модуллар (пулемёт ва гранатомётлар) билан жиҳозланади. Sherpa II зирҳли машинаси 4,7 литрлик 215 от кучига эга турбодизел двигател билан жиҳозланган ва соатига 120 км гача тезлашади.

Исроилнинг Plasan компаниясининг SandCat зирҳли машинаси - минага чидамли, енгил патрул машинаси бўлиб, у зарбаларни ютувчи ўриндиқларга эга, улар машина тубидаги мина портлашлардан қўшимча ҳимояни таъминлайди. Корпусдаги олтита туйнук машина ҳаракати пайтида десантга шахсий қуролдан ўт очишда имкон беради. SandCat 6,7 литрли 8 цилиндрли, 330 от кучига эга двигатель билан жихозланган. Зирҳли машинанинг максимал тезлиги - соатига 120 км. МДҲ ҳудудида бундай зирҳли машиналар Озарбайжон, Қозоғистон ва Туркманистонда мавжуд.

Австралия армиясининг Hawkei зирҳли машинаси баллистик таҳдидларга қарши юқори даражадаги ҳимояга эга, V-шаклидаги туби ва портлашни ютиш тизими миналардан ҳимояни таъминлайди. Зирҳли машинада масофадан бошқариладиган қурол-аслаҳа станцияси ўрнатилган (5,56 мм, 7,62 мм ва 12,7 мм калибрли автоматлар, 40 ммли автоматик гранатомётлар ва танкга қарши ракеталар). Hawkei 6-цилиндрли дизел двигател билан жиҳозланган ва соатига 130 км тезликка эга.

General Dynamics компаниясининг Flyer енгил зирҳли машинаси АҚШ армиясининг Махсус операциялар қўмондонлиги учун чиқарилган HWMVV машинаси ишланмаларига асосланган. Разведка, рейдлар, ҳужумлар, эвакуация ва бошқа мақсадларда фойдаланиши мумкин. Flyer 360 даражани қамрайдиган қурол тизими билан жиҳозланган. Машина минорасига 12,7 мм калибрли пулемёт ўрнатилган. Зирҳли машина 1,9 литрли двигател билан жиҳозланган, унинг қуввати 150 от кучига эга, бу соатига 135 км тезликка эришишга имкон беради. Менимча, бу тезликка Flyer-нинг энг енгил (зирҳсиз) версиясида эришиш мумкин.

Жанубий Африканинг Paramount Group ҳарбий-саноат гуруҳининг Mbombe-4 енгил зирҳли транспорт воситаси энг янгироқ намунадир, у биринчи марта БААда бўлиб ўтган IDEX-2019 кўргазмасида намойиш этилди. 10 кишини сиғдира олади. У 4х4 ғилдирак формуласига эга. У патрул вазифаларини ҳал қилиши, жанговар амалиётларда қатнашиши мумкин. Автотранспортнинг бутунича пайвандланган яҳлит зирҳланган корпуси 14,5 мм калибрли патронлардан, шунингдек ён томонлардан миналар зарбасидан ҳимоя қилади. Зирҳли машина олти цилиндрли дизел двигател билан жиҳозланган, унинг қуввати 457 от кучига тенг ва соатига 140 км тезликка эриша олади. Ва бу Россиянинг "Стрела"сига энг тезкор рақобатчидир, "Стрела" соатига 155 км тезликда уни сезиларли даражада ўзиб ўтиб, бизнинг виртуал мусобақамизда олдинга чиқиб олди. Ва бу тасодиф эмас.

"Ҳарбий-саноат компанияси" (ВПК) Россиянинг ғилдиракли зирҳли транспорт воситаларини энг йирик ишлаб чиқувчиси ва ишлаб чиқарувчиси. У РФ Қуруқликдаги қўшинлари ва дунёнинг 40 дан ортиқ мамлакатлари армияларига зирҳли машиналарини етказиб беради. Компаниянинг энг таниқли лойиҳаларидан бири – "Тигр" зирҳли машиналари туркуми ва истиқболли "Бумеранг" платформаси. Барча маҳсулотлар оғир жанговар шароитларда (шу жумладан Сурияда) синовдан ўтказилади ва келишилган муддатда кафолатли хизматни ўтайди.

Таъкидлаш лозим, Россия қуролсозлари ҳар доим ўрмаловчи зирҳли техника соҳасида “модани белгиловчи” бўлиб келган, аммо ҳарбий-саноат комплекси узоқ вақтдан фақат ғилдиракли транспорт воситаларини ишлаб чиқаришга ихтисослашди. Бундай жиддий ва муваффақиятли "оилада" омадсизлар туғилмайди ва "Стрела" енгил зирҳли машинасини армияда, жанг майдонида ва халқаро қурол бозорида катта истиқболлар кутмоқда.

1891
Спортивный журналист Тимур Низаев

Низаев: илк олимпия муҳаббати, икки марта тўланган ҳисоб ва амалга ошмай қолган интервью

69
Таниқли спорт журналисти Тимур Низаев Sputnik Ўзбекистон мухбирига Москва Олимпиадасидаги матбуотнинг фаолияти ҳақида сўзлаб берди.

СССР халқларининг спартакиадаси: асосий ўйинларга қандай тайёргарлик кўрилган

Олимпиада-80 дан бир йил олдин Москвада СССР халқларининг VII-ёзги спартакиадаси бўлиб ўтди. Айнан шу пайтда спорт иншоотлари биринчи бор синовдан ўтказилди, ҳакамларнинг иши ва спортчиларнинг тайёргарлигига баҳо берилди. Бу ерда журналистлар ҳам ўрганишган. Бу кўп жиҳатдан келажакда, ўйинларнинг ўзида ёрдам берди.

"Биз Спартакиадага 6-7 кишилик гуруҳ бўлиб бордик. Спортнинг барча турларини ўзаро тақсимлаб олган эдик. Бу пайтга келиб мен "Физкультурник Узбекистана" газетасида учинчи йил ишлаётган эдим ва мен учун бу жуда ҳодиса бўлди. Мен биринчи бор ичига 30 ҳилдан ортиқ спорт турини олган комплекс мусобақаларни шарҳладим. Бизнинг муҳарриримиз Давлат Тимурович Фаттахов бизни Олимпия ўйинларига йўлланмани ва аккредитация Спартакиадада энг яхши ишлаган одамга берилиши билан умидлантирди. Натижада мен танландим", - дейди Низаев.

Олимпиада бошланишидан олдин ташкилий қўмита барча иттифоқ республикаларидан журналистларни йиғди. Ўшанда Ўзбекистон ССРдан тўрт киши бўлган: Москвага Тимур Низаевдан ташқари, "Совет Ўзбекистони" ("Советский Узбекистан") газетасидан Ҳайдар Носиров, Сафар Остонов - "Ёш ленинчи" ("Молодой ленинец") ва Олег Якубов "Правда Востока"дан йўл олдилар.

Шаҳар даражасидаги коммунизм ва журналистика айёрлиги

Суҳбатдошнинг сўзларига кўра, Москвадаги Ўйинларда ажойиб муҳит ҳукмронлик қилган ва СССР пойтахтида бир мунча вақт ҳақиқий коммунизм ҳукм сурди: мисли кўрилмаган мўл-кўлчилик, Олимпия ўйинлари қатнашчилари, меҳмонлари ва ташкилотчилари учун бепул ичимликлар ва транспорт.

"Ҳамма жой тоза ва саранжом эди. Ўшанда барча кераксиз шахслар 101-километрдан нарига кўчирилганди. Дўкон расталарида ҳамма нарса бор эди, ҳатто олдин сотилмаган ёки сотиб олиш қийин бўлган нарсалар ҳам бор эди. Мен жуда кўп сувенирларни жуда арзон нархда сотиб олганим эсимда", - деб эслайди Тимур Таджиевич.

Турар жой ва иш шароитларидан ҳам мамнун эдик: матбуот Москва марказидаги "Россия" меҳмонхонасининг шинам хоналарида жойлаштирилди, журналистлар яқин масофада - Лужникидаги замонавий ва шинам матбуот марказида ишладилар. Шу ернинг ўзида бошқа мамлакатлардан келган минглаб ҳамкасблари билан ҳам суҳбатлашишган. Бунга ўнлаб пиво навлари сотиладиган матбуот барнинг муҳити ҳам таъсир қилган.

"Бир марта эслайман, Грузиянинг "Лело" спорт газетаси бош муҳаррири Тенгиз Гачечиладзе билан барда ўтирган эдик. Гаплашиб ўтирдик, ичиб бўлиб ташқарига чиқдик ва иккаламизга қанчадан тушганини сўрамаганига ҳайрон бўлдим. Шундай бўлиб чиқдики, мен ҳам, у ҳам бир-биримиз учун билдирмай тўлаб қўйган эканмиз. Муҳит ана шундай дўстона бўлган", - дея хотирлайди Тимур Таджиевич.

 

Архивные фотографии журналиста Тимура Низаева
© Sputnik / Рамиз Бахтияров
Архивные фотографии журналиста Тимура Низаева

 

Бироқ, иш пайтида рақобат ҳам бор эди. Низаевнинг сўзларига кўра, аввало белоруссиялик ҳамкасблар билан рақобат бўлган, гарчи уларнинг ҳар бири ўз мамлакати ҳақида ёзган. Бу рақобат руҳида эмас, балки ўз спортчилари, спорт турлари, республикаларининг тарғиботига ўхшар эди.

"Мен ҳам ўз кузатувларим ва қарашларимнинг бир нечтасини захирада сақлаб турдим. Бу миллатчилик хусусиятига эга эмасди, аксинча бу профессионал ҳийла эди", - дея қўшимча қилди спорт мухбири.

У 25 кун сезилмай ўтиб кетганига иқрор бўлади. Владимир Высоцкийнинг тўсатдан ва бутун мамлакатни ҳайратда қолдирган дафн маросими хотирада қолди. Низаев кордондан ўта олмади ва маросимни узоқдан кузатди.

Бундан ташқари, ўн минглаб меҳмонлар ва спортчилар, миллионлаб телетомошабинлар каби Тимур Таджиевичнинг кўнглида ҳам осмонга учиб кетган Олимпия айиқчаси қолди. Ҳамманинг кўзига, ўзлари хоҳламаган ҳолда ёш келди. Алоҳида шаҳардаги коммунизм спорт эртаги билан якун топди: эртаси куни меҳмонхонадаги хизматчилар доимгидай меҳмонлардан нолий бошладилар.

Ғолиблар билан учрашувлар ва телефон орқали янгиликлар

Москвадаги 1980 йил Ўйинларига ўзбекистонлик спортчилар максимал рекорд сони билан етиб келишди - 15 нафар.  Ҳар бир спортчи учун Низаев улар ўйнаган спорт турларини ва таржимаи ҳолини синчковлик билан ўрганиб, олдиндан чизмалар тайёрлаган. "Физкультурник Узбекистана" газетаси ҳафтада уч марта нашр этиларди, тўрт саҳифадан учтаси Олимпиадага бағишланганди. Материалларнинг деярли барчаси нашр этилган.

"Москвада содир бўлганларнинг барчаси – ёрқин, кўркам, гўзал бўлган. Ҳар бир аренада субпресс-марказлари бор эди: Крылатскоедаги эшкак эшиш каналида, "Битца" от спорти марказида. Хотирамда айниқса Мытищи қолди. У ерда стендли отишма бўйича мусобақалар ўтказилган эди ва унда Рустам Ямбулатов кумуш медалини қўлга киритди. Худди шу "Битца"да от спорти бўйича умумжамоа ҳисобида Юрий Ковшов чемпион бўлди. Ватандошларимиздан бири Собиржон Рўзиев кумуш медал совриндори бўлди. У ҳақида бир неча бор хабарлар ёзгандим. Велотрекда сирдарёлик Александр Панфилов "кумуш"ни қўлга киритди", - дейди суҳбатдош.

Унинг сўзларига кўра, энг муваффақиятли интервью Собиржон Рўзиев билан бўлди. У спортчини Москва Ўйинлардан ҳам олдин билар эди, ундан илк интервьюни 1977 йилда олган эди. Рўзиев доим чет элларда юрар эди, шунинг учун унинг чиқишларини ҳар доим ҳам жонли томоша қилиш имкони бўлмасди.

"Мен Иттифоқ даврида ҳеч қачон ташқарига боролмаганман. Кейинчалик мустақиллик йилларида дунё бўйлаб саёҳат қилишга муваффақ бўлдим. Рўзиевнинг қиличбозлигини фақат Олимпия Ўйинларида кўрдим. Унинг ҳал қилувчи зарбани беришгача бўлган қунтини унутиб бўлмайди", - деб эслайди Тимур Низаев.

Шунингдек, чавандоз Юрий Ковшов ва ўқчи Рустам Ямбулатов билан материаллар ҳам бўлган.

"Мен билан гаплаша олмаган ягона одам бу Лариса Павлова бўлди. У аёллар волейбол жамоаси таркибида Олимпиада чемпиони бўлди. Нимагадир бунинг иложиси бўлмади", - дея таъкидлади журналист.

Мусобақалардаги ишини эслаб, Низаев бундан 40 йил олдин технологиялар бутунлай бошқача бўлганини таъкидлайди. Тошкентга у янгиликларни телефон орқали узатарди, стадионлар ва спорт мажмуаларида суратга олишни, албатта, матбуотнинг ҳозирги имкониятлари билан таққослаб бўлмайди.

"Пекиндаги Олимпия стадионида 36 та камера бор эди, Москвада эса, адашмасам, атиги 12 та камера бўлган. Энди эса дронлардан ва йирик планда суратга олишади. Бунда спортчининг ҳис-туйғулари кўринади, экранда қайтаришлар намойиш этилади. У пайт эса бу кабилар ҳақида гап бўлмаган ҳам. Технологик силжиш ҳайратга солади", - дея қўшимча қилди журналист.

Шу билан бирга, тўртта Ўйинларда қатнашган Низаев, айнан Олимпиада-80ни ўзининг фаолиятидаги илк Ўйин сифатида бошқача қадрлайди.

За работу на соревнования самого высокого уровня Тимур Низаев был удостоен множества престижных наград и памятных медалей
© Sputnik / Рамиз Бахтияров
За работу на соревнования самого высокого уровня Тимур Низаев был удостоен множества престижных наград и памятных медалей

"Мен жуда кўп жойларда бўлдим: Осиё ўйинларида ҳам ва қолган учта олимпиадаларда ҳам. Пекинга мени бу сафар Ўзбекистондан эмас, балки ХОҚ раҳбарияти томонидан таклиф қилишди, ҳатто "Спорт ва матбуот" номинациясида мукофот ҳам тақдим этишди. Ҳамма жой ўз ҳолича ажойиб эди, лекин биринчи Ўйинлар биринчи муҳаббатга ўхшайди: бундай нарсани унутиб бўлмайди", - дея иқрор бўлади у.

Дунёни спорт қутқариб қолади

Тимур Таджитович, спортга бефарқ бўлмаган кўплаб одамлар сингари, коронавирус пандемияси туфайли Олимпия ўйинларининг 2021 йилга кўчирилиши ҳақидаги хабарни афсус билан қабул қилди. У бундай қатъий чоралар тарихда бешинчи бор жорий этилаётганини эсга олди. Шу билан бирга, у спортнинг нафақат халқаро муносабатларнинг маданий-гуманитар таркибий қисмига, балки ҳар қандай мамлакат иқтисодиётига ҳам қўшадиган улкан ҳиссасини эсга олди.

Спортивный журналист Тимур Низаев освещал четыре олимпиады и несколько Азиатских игр, а также десятки других международных турниров
© Sputnik / Рамиз Бахтияров
Спортивный журналист Тимур Низаев освещал четыре олимпиады и несколько Азиатских игр, а также десятки других международных турниров

"Халқаро Олимпия Қўмитаси президенти Томас Бахнинг Европанинг меҳнатга лаёқатли аҳолисининг уч фоизи спорт соҳасида бандлиги ва Европа ЯИМнинг икки фоизи спорт бизнесига тўғри келишини айтгани бежиз эмас. Бу катта сонлар ва у соҳанинг муҳимлигидан далолат беради", - деб ишонч билдиради Низаев.

Унинг фикрига кўра, пандемия одатий дунёни ўзгартирди, янги муносабатларни ўрнатди. Журналистнинг фикрича, ушбу мураккаб воқеликда айнан спорт бутун инсоният учун бирлаштирувчи тамойилга айланиши керак.

69
Мавзу:
Олимпиада-80: ҳаммаси қандай бўлган эди?
Андрей Серенко

Серенко: фақат "фантазёрлар" АҚШнинг толиблар билан битимига оптимизм билан қарайди

203
Россиянинг замонавий Афғонистонни ўрганиш маркази етакчи эксперти Андрей Серенко регион атрофидаги фантазиялар ва реаллик ҳақида гапирди

Охирги ой давомида АҚШ Афғонистоннинг тўртта провинциясида "Толибон" радикал уюшмаси позициялари бўйлаб зарба берди. Уюшма аъзолари, Вашингтон февраль ойи охирида толиблар билан имзолаган ва 20 йилдан буён давом этиб келаётган қуролланган можарога чек қўйиши лозим бўлган тинчлик битимини бузганини ишонч билан таъкидлашмоқда.

Россиянинг замонавий Афғонистонни ўрганиш маркази етакчи эксперти Андрей Серенко фикрича, АҚШ умуман олганда - америка ҳарбийларининг толибларга қарши ва аксинча жанговар ҳаракатларда иштирок этмаслиги билан - шартнома бўйича энг муҳим мажбуриятлардан бирини бузди.

Эслатиб ўтамиз, АҚШ ва НАТО мамлакатларининг бошқа муҳим мажбурияти - бу Афғонистондан 14 ой давомида ўз қўшинларини чиқариб кетилиши эди.

Серенко фикрича, ушбу, бир қарашда олдиндан келишилган график ҳозирда "муаллақ" турибди ва бу ҳолат америка линияси боши берк кўчага кириб қолганини англатади.

"Ушбу битим борасида аллақандай оптимизмни сақлаб қолиш учун том маънода фантазёр бўлиш керак. Реалист бўлиб, "Толибон" ҳеч қачон урушни тўхтатмасли, ҳеч қандай қўшинни чиқариш билан уюшмани тинчлантириб бўлмаслиги ҳақида ўз-ўзингизга ҳисоб бермоғингиз лозим. Шундай экан, қўшинларни чиқаришни вақтинча тўхтатишга тўғри келар эҳтимол, толиблар яна америка қўшинлари ва НАТО кучларига ҳужум қилишлари мумкинлигини билган ҳолда", — деди сиёсатшунос Sputnik Тожикистон билан суҳбатда.

Экспертнинг таъкидлашича, бу сингари сценарий ҳеч қандай наф келтирмайди, биринчи навбатда, толибларнинг ўзига фойда бермайди, сабаби, бу ҳолатда ўз тарафдорларига нега АҚШ билан битим барбод бўлгани хусусида тушунтириш беришга тўғри келади.

Эришилган тинчлик битимининг барбод бўлиши "Толибон" етакчилари шаънига берилган зарбадир, дейди Серенко.

Ушбу ҳолатдан манфаат кўрадиган ягона куч - бу афғон ҳукумати бўлиб, у аввал ҳам бир неча маротаба худди шундай сценарий рўй бериши ҳақида огоҳлантирган.

203
Мавзу:
Афғонистон: 30 йил тинчлик илинжида
Лист бумаги в руке

“Темир дафтар” нима ва у қандай шакллантирилади вазирлик изоҳи

12
Маҳалла ва оилани қўллаб-қувватлаш вазирлиги ахборот хизмати раҳбари “темир дафтар” борасида тушунча берди.

ТОШКЕНТ, 3 авг — Sputnik. Маҳалла ва оилани қўллаб-қувватлаш вазирлиги ахборот хизмати раҳбари Саодат Боймирзаева “темир дафтар” борасидаги саволга жавоб берди.

“Темир дафтар” — карантин шароитида ишсиз, даромадсиз қолган эҳтиёжманд, ёрдамга муҳтож оилаларнинг маҳаллада шакллантирилган шаффоф рўйхати”, - деди у АОКА ҳузуридаги штабда бўлиб ўтган брифингда.

“Темир дафтар” ўз навбатида фуқаролар йиғинлари раисининг сектор ва ҳудуд раҳбари билан ҳамкорликдаги фаолиятини мустаҳкамлайди.

Уни юритишда эҳтиёжманд оилаларнинг 7 тоифаси, жумладан:

- кам таъминланган;

- ногиронлиги бўлган;

- ижтимоий ҳимояга муҳтож оилалар;

- якка-ёлғиз кексалар;

- доимий ишсиз фуқаролар;

- карантин туфайли ишсиз қолган фуқаролар;

- оғир эпидемиологик ҳудудлардан қайтариб келинган фуқароларни камбағалликдан чиқариш чоралари кўрилади.

Шунингдек, масъул ходимлар ўзининг кунлик амалга оширган ишлари юзасидан “Темир дафтар”идаги маълумотларни saxovat.argos.uz сайтига рақамли имзо калити орқали электрон шаклда киритиб бориши ҳақида маълумот берилди.

“Темир дафтар”га тушган оиланинг ҳеч бўлмаганда битта аъзосини жорий йилда иш билан таъминланиб, шу орқали уларни муҳтожликдан чиқариш чоралари кўрилади.

12