Европа ва Америка Россия туфайли жангга кирмоқда

1375
(Янгиланган 17:15 20.07.2020)
"Шимолий оқим-2" қуриб битказилиши арафасида Европа раҳбариятига АҚШнинг пўписали овози ёқмаяпти, улар кескин жавоб чоралари киритишга тайёр. АҚШ ва ЕИ орасида санкциялар жанги бошланиши мумкин.

“Шимолий оқим – 2” ҳақидаги кўп қисмли ҳикоя кутилмаган равишда ўз давомига эга бўлди. АҚШнинг Россия газ қувурини ишга туширишни тўхтатиш борасида амалга ошираётган уринишлари, Европа томнидан нафақат қўллаб-қувватланмаслиги балким ЕИда АҚШ санкцияларидан ҳимояланиш тизими пайдо бўлишига олиб келиши мумкин, деб ёзади РИА Новости колумнисти.

“Шимолий оқим – 2” туфайли АҚШ манфаатларига етаётган зарар билан Европада санкцияларга қарши тизим пайдо бўлишидан келаётган зарарни ҳисобласа – Россия газ қувури буларнинг олдида арзимас нарсага айланиб қолади. Хусусан Вашингтон Брюсселга ёки Европа компанияларига босим ўтказишдан маҳрум бўлса – бу америка ташқи сиёсати учун планета миқёсидаги фалокатга айланади.

Ўтган ҳафтада Давлат Департаменти ва Еврокомиссия орасидаги можаро яна ўткирлашди.Иккала томон дипломатлари ўзаро танқидли, кескин ва таҳдидли баёнотлар билан алмашишди.

Майк Помпео Тиллерсон шартини йўқ қилишни ваъда берди,  яъни “Шимолий оқим – 2” қуришда иштирок этган Европа компаяниларга қарши санкциялар киритиш билан пўписа қилди. Тиллерсон шарти - АҚШ қонунчилигида Россия ва Газпромга қарши биринчи санкциялар киритиш пайтида пайдо бўлган эди. Тиллерсон (ўша вақтдаги АҚШ давлат котиби) Европанинг йирик нефт ва газ компанияларини жазолаш – бу яхши иш эмаслигини тушунган ҳолда Помпеонинг Европага сафари олдидан уларни бекор қилган эди. Европа компаниялари учун санкцияларни– шунчаки қўрқитиш услуби деб тушуниш керак эди.

Энди бўлса АҚШ Давлат департаменти раҳбари “Шимолий оқим – 2” да иштирок этаётган барча компанияларни дарҳол уни тарк этишга ёки санкцияга тушиши билан қўрқитди. Американча санкциялар эса улар учун - америкадаги бизнесидан маҳрум бўлиш, доллар тизимидан чиқариш,  активларни мусодара қилиш ва раҳбарият учун АҚШга ташриф буюриш таъқиқланишдан иборат бўлиши мумкин.

Ундан ташқари Американинг зарбаси остига Европанинг минглаб кичик корхоналари ҳам тушиб қолиши мумкин. Масалан, порт хизматлари кўрсатувчи корхоналар, суғурта хизматлари кўрсатувчи корхоналар. Лекин бизнинг фикримизча, айрим Ғарб ОАВлари ҳам бунга қўшилади, Давлат Департаменти “Газпром”нинг энг йирик европалик ҳамкорларини жазоламоқчи, Wintershall, OMV, Engie, Shell ва Uniper.

Бир томондан бу Вашингтоннинг “Шимолий оқим-2”ни блоклашга қаратилган қарашларининг нақадар жиддий эканини кўрсатади. Бошқа томондан эса – бундай йўл билан нималарга эришиш мумкин – ахир Газпромнинг европалик ҳамкорлари лойиҳага аллақачон пулларини тикиб бўлган, қувурнинг ўзи эса Россия компанияси томонидан қуриб битказилмоқда. Газпром ҳозир газ қувурининг хўжайини компаниянинг ягона акционеридир.

Шундай қилиб, хорижий компаниялар айни дамда лойиҳадан чиқмоқчи бўлишса ҳам бунинг иложи йўқ, чунки поезд аллақачон кетиб бўлган. Демак, Европа компаяниларига қарши киритилган санкциялар, бу - газ қувурини блоклаш нуқтаи назаридан ҳеч қандай маънога эга бўлмаган,  қасос. Албатта Вашингтон Европада Россия гази харидорларига нисбатан санкциялар киритишга ҳаракат қилиб кўриши мумкин, лекин унда у қатор техник муаммоларга ва ташқи сиёсий хатарларга дуч келади.

“Газмпром” газини шундай сотиш тизимини яратиш мумкин-ки, унда якуний харидорларкимлигини аниқлаш жуда мушкул бўлиши мумкин. Ана унда АҚШ санкциялар самарасиз эканини тан олишга ёки барча компаниялар учун ёппасига санкция киритишга мажбур бўлади. Келажакда бундай сценарий амалга ошиши мумкин, албатта, лекин унинг оқибатлари Вашингтонга хуш келиши амри маҳол.

ЕИ ташқи сиёсат ва хавфсизлик бўйича вакили Жозеп Боррель ўзининг ёзма баёнотида АҚШнинг Европа Иттифоқига таъсир қилишга уринишларини қоралаб чиқди:

“Мен Европа компаниялари ва манфаатларига қарши АҚШ томонидан киритилаётган санкциялар ва пўписаларнинг сони ўсишидан чуқур хавотирдаман. Биз ушбу чоралар тобора кенг қўлланилиши оқибатларини Эрон, Куба, Халқаро жиноий суд  ва яқинда “Шимолий оқим-2” ва “Турк оқими” мисолида гувоҳ бўлдик. Европа сиёсати учинчи томонлар томонидан эмас, мана шу ерда, Европада ҳал қилиниши керак.

АҚШ ва ЕИ ташқи сиёсати ва хавфсизлиги мақсадлари ягона бўлганда, санкцияларни мувофиқлаштириш жуда муҳимдир. Биз бунинг ижобий натижаларини кўп маротаба кўрганмиз ва бу тажрибани давом эттирамиз. Сиёсий келишмовчиликлар мавжуд бўлган ҳолларда эса, Европа Иттифоқи муҳокамага доим тайёр. Лекин ушбу муҳокамани санкциялар пўписаси остида олиб борилиши керак эмас”.

Бир томондан буни ҳеч қандай оқибатга олиб келмайдиган оддий “дипломатнинг безовта уйлари” ва Вашингтон бунга эътибор бермайди деб қабул қилиш мумкин. Лекин яқинда АҚШ бизнесининг муҳим ахборот манбааларидан бири бўлган Bloomberg, Германия томонидан АҚШнинг “Шимолий оқим-2”га киритган санкцияларига жавоб санкциялари киритилиши мумкинлиги ва шу билан келажакда Қўшма Штатларни Европа энергетика сиёсатига аралашмайдиган қилиб қўйиши мумкинлиги ҳабар қилинган эди.

Яқинда Боррел франциялик депутатнинг америка санкциялари ҳақидаги саволига жавоб бераркан шундай деган эди:

“Комиссия (Еврокомиссия) кучайтирилган санкциялар киритиш учун шароит яратмоқда. Ушбу чоралар Европа учинчи томонлар киритадиган ташқи санкцияларига нисбатан мустаҳкамлигини оширади”.

Боррел ушбу механизм қандай бўлишини ва у қачон киритилишини аниқ хабар қилмаган, деб ёзган эди 2 ҳафта олдин Британиянинг “Рейтер” агентлиги.

АҚШнинг барча санкциялар сиёсатини йўққа чиқарувчи энг оддий механизм, уларнинг Европада сотилаётган суюлтирилган газига қарши бўлиши мумкин. 25 %ли бож ёки унинг Европага импортини таъқиқилаш “Шимолий оқим-2”га қарши санкцияларини йўқа чиқариши мумкин. Ундан ташқари бундай чоралар Республикачилар партиясига ҳомийлик қиладиган Америка энергетика компанияларига тўғридан-тўғри молиявий зарар етказиши мумкин. Имзоланган шартномаларни бекор қилиш – бу жиддий йўқотишдир. Америка компаниялари сенатор Майк Помпео ва бошқа русофоб сенаторларнинг геосиёсий абмициялари учун ўз пулларидан маҳрум бўлишни истамайди. Албатта Европа дипломатлари бошқа муқобил йўлларини ҳам топишлари мумкин.

АҚШнинг бизнесининг Европа бозорида оғриқли нуқталари етарлича бор. Агар Европа дипломатиясининг йўналиши ўзгармаса ва АҚШ ваниҳоят Брюссель санкцияларига дуч келса, “Шимолий оқим-2”нинг қуриб битказилиши ҳеч ким кутмаган натижаларга олиб келиши мумкин.

Европага газ етказиб бериш ишончлилиги ортиши билан бир вақтда, АҚШ ва ЕИ орасидаги муносабатлар санкциялар уруши босқичига ўтиши мумкин. Бундай хавфдан қутилиш учун Давлат Департаменти, ҳозирнинг ўзида Европа энергетик гигантларига нисбатн пўписаларини тўхтатиши керак. Лекин бунинг иложи бўлмаса керак, чунки тўхтатиш – Европа суверенитетини тан олишни англатади. АҚШ элитаси эса буни мутлақ ўзига эп билмайди.

1375
Кандидат в президенты США Джо Байден

"Руслар Трампнинг рақиби обрўсни тўкишмоқда" ва улар буни жуда яхши уддалашмоқда

88
Жо Байденда муаммолар пайдо бўлди: океан орти ОАВлари таянаётган Америка махсус хизматларидаги манбаларга кўра, уни обрўсизлантириш билан Россия шуғулланмоқда.

Агар бу назариядан келиб чиқадиган бўлсак, Байденнинг штаби Москвадаги рақиблар катта ютуқларга эришганликларини тан олишга мажбур бўлади.

Ҳозирда янгиликлар лентаси Байден ўзига вице-президентликка номзод сифатида қора танли сенатор Камала Харрисни танлагани ҳақида хабарларга тўла. Эҳтимол, Байденни шу қадамни ташлашга мажбур қилишган.

Гап шундаки, яқинда йирик социологик компаниялар томонидан ўтказилган икки сўров натижаларига кўра, Байден ва Трамп тарафдорлари ўртасидаги олдинги тафовут тўсатдан эриб, одатий статистик хатолардан фарқланмайдиган даражага тушди.

Breitbart хабар қилади: "Чоршанба куни эълон қилинган Hill-HarrisX сўров натижалари Трампнинг 40 фоизидан фарқли ўлароқ, Байден 43 фоиз тўплаганини кўрсатди. Худди шу куни эълон қилинган Rasmussen Reports сўрови натижалари (Трампнинг) 45 фоиз овозига қарши Байден 48 фоиз овоз олганини кўрсатди. Иккала сўровда ҳам Байден кўрсаткичлари одатий статистик нуқсонлардан бироз ошганлиги кўриниб турибди".

Бир ой олдин, Америка ахборот майдонида Трамп рақибидан 10-12 фоиз ортда қолаётганини кўрсатган сўровлар фаол муҳокама қилинганди. Агар шундай давом этса, демократлар номзоди штаби алами ичида қолган тарафдорларига Америка сайловларига бу каби шафқатсиз аралашган рус агентларининг исмлари, жойлашув жойи ва фамилиялари рўйхатини зудлик билан тақдим этишига тўғри келади. Бу, эҳтимол, амалга оширилар ҳам, лекин агар ҳақиқий сайловчилар кайфиятларини афсонавий рус аралашуви билан боғлаб кўрсак, жуда кулгили манзара намоён бўлади.

Бир томондан, Байденнинг рейтингини Чикаго ва Нью-Йоркдаги тартибсизликлар билан боғлиқ вазият эзмоқда. Мисол учун, Чикагода ўтказилган ижтимоий адолат учун курашнинг энг сўнгги мисоли қуйидагича: "Чикаго полицияси душанба куни эрта тонгда Чикагонинг Magnificent Mile савдо ҳудудида ва шаҳарнинг бошқа қисмларида юзлаб одамлар ойналарини синдириб, дўконларни талон-тарож қилиб, полиция билан тўқнашувларда қатнашганидан сўнг 100 киши ҳибсга олингани ва 13 нафар полиция ходими жароҳатлангани ҳақида хабар берди", - дея хабар беради USA Today газетаси.

Чикаго ва Нью-Йорк шаҳар мэрлари президентнинг оммавий тартибсизликларни бостириш учун федерал куч тузилмаларидан фойдаланилишига қарши чиқаётгани ва вандализм ва оммавий талончиликларни “тинч намойишлар” деб атаб, уларга қарши кураш учун ҳеч бўлмаганда қандайдир қатъий чоралар кўришни рад этаётган таниқли демократлар эканлигини ҳисобга олган ҳолда, электоратнинг салбий реакцияси Трампнинг рейтингини ошишига ва Байден рейтингининг пасайишига айланмоқда. Муаммо шу қадар жиддийки, у нафақат ижимоий  сўровларда, балки реал воқеликда ҳам ўз аксини топмоқда: Нью-Йоркдан солиқ тўловчилар том маънода қочиб кетмоқдалар (шаҳардан кўчириш билан шуғулланадиган компаниялар хизматларининг нархлари осмонга кўтарилиб кетди) ва мэр (ўзи ҳам демократ ва Байден тарафдори) исёнчилардан ҳимояни эмас, балки уларга ўз ҳисобидан ичимлик ваъда қилиб, қайтиб келишларини ўтиниб сўрамоқда.

Тўғри, тартибсизликлар ва талончиликлардан азият чекаётган шаҳар ва штатларнинг мэрлари ва губернаторларини Кремль фойдасига ишлаётганликларига даъво қилса бўлади, аммо уларнинг партиявий мансублигини ҳисобга олган ҳолда, бу иш бериши даргумон. Россияни Чикагога дўконларини талон-тарож қилгани провокаторларни жўнатганликда айблашга уриниб кўрса бўлади (бу ҳеч қанагасига мэрнинг бепарволигига сабаб бўла олмайди), аммо ҳибсга олинган Чикаголик қароқчиларнинг териси ранги ҳисобга олинса, уларнинг келиб чиқиши Россиядан эканлиги ҳақидаги версияси жуда шубҳали кўринади.

Байденнинг рейтинги билан боғлиқ муаммоларнинг бошқа манбаи унинг соғлиғидир. Яқинда Rasmussen Reports ўтказган сўров натижаларига кўра, "АҚШ сайловчиларининг 59 фоизи вице-президент (Байден билан бирга сайловда қатнашадиган - таҳр.) бу кузда ғалаба қозонса, ўзининг тўрт йиллик ваколат муддати тугашидан олдиноқ президент бўлишига ишонади, шу билан бирга  39 фоизнинг бунга ишончи комил".

Қўпол қилиб айтганда, бўлажак сайловларда овоз бермоқчи бўлган америкалик сайловчиларнинг аксарияти Джо Байденни сиёсий жиҳатдан эмас, балки  биологик жиҳатдан тирик мурда деб аташади,  ва бу унинг рейтингига босим ўтказмай қўймайди, ва сайловчиларнинг ҳаммаси ҳам Оқ уйга деярли катафалкда кириб бориши ва ўз лавозимини вице-президентга мерос сифатида қолдириши мумкин бўлган  номзодга овоз беришга тайёр эмас.

Байденнинг ўзи яқин келажакда вице-президентликка номзодини тақдим этишни ваъда қилди ва бу (замонавий сиёсий мода руҳида) албатта латофатли аёл бўлишини таъкидлади. Ушбу кўламли қадамни унинг кўплаб тарафдорлари дастлаб режалаштирилганидан ҳам кенгроқ талқин қилишди ва натижада Демократик партия электоратининг энг радикал қисми бу нафақат шунчаки аёл, балки ирқий озчиликнинг вакили бўлишига ишонч ҳосил қилишди.

Аммо Байденнинг сиёсий технологлари, эҳтимол, сайловчилар қора танли аёлни деярли президенти сифатида фақатгина ирқий ва жинсий хусусиятлари туфайли сайлашга тайёр эмаслар деб тахмин қилишди ва матбуотга эҳтимолий вице-президент бўлиши мумкин бўлган оқ танли аёл – Мичиган штати губернатори штабга келиб-кетгани ҳақида хабарлар тарқатилди. Бунга муносабат ўзини кўп ҳам куттирмади: "Дам олиш кунлари Мичиган губернатори Гретхен Уитмер, оқ танли аёл, Байден билан вице-президентликни муҳокама қилиш учун учиб келгани ҳақида хабар пайдо бўлганидан кейин, қора танли аёл-демократлар, шу жумладан, аёл яшайдиган штатнинг айрим яшовчилари тушкунлик ва умидсизликка тушишди", деб хабар беради Politico.

Ва энди - қора танли фаоллар босими остида ва тўкилаётган рейтингдан қўрқиб, танлов ўзгартирилди ва Байден Калифорния собиқ бош прокурор Камала Харриснинг шериги ва эҳтимол вориси деб эълон қилди.

... Ушбу жанжалнинг ташкилотчиларига Байденнинг рейтингини зил келтирганлиги учун медал билан тақдирласа ҳам бўлар эди, аммо бир лекини бор: демократлар номзоднинг ёши Россия махсус хизматларининг провокацияси эмас, унинг вице-президентликка номзодни танлаши атрофидаги PR-ҳалокатни эса ўз сиёсий технологлари уюштирган, ва улардан ҳеч бирига Россия агенти тамғасини босиб бўлмайди.

Бундан келиб чиқмоқдаки, бизнинг океан орти ҳамкорларимиз эски, синаҳта тактикаларга мурожаат қилишлари ҳамда америка ижтимоий тармоқларида миллионлаб америкаликларни ақлдан оздириб, электорал преференцияларни ўзгартириб юбораётган афсонавий рус троллари ҳақида уйдирмаларни ўйлаб топишларига тўғри келади. Тақдирнинг қалтис ҳазили шундаки, бу айбловларнинг илгари сурилиши Байденг рейтингига янада кўпроқ босим ўтказади: америкалик сайловчилар, ўз нуқсонларига қарамай, уларни аҳмоқ, деб ўйлашларини ёқтиришмайди.

88
Евгений Примаков

“Россотрудничество”га хорижликларга тушунарли бўлган ном керак Примаков

74
Ном ўзгариши, МДҲ талабалари учун квоталар кўпайтирилиши ва таниқли артистлар билан ҳамкорлик – бу агентлик янги стратегиясининг кичик бир қисми, холос.

ТОШКЕНТ, 12 авг — Sputnik. Данара Курманова. Жорий йил июнь ойи охирида Давлат думаси депутати ва тележурналист Евгений Примаков “Россотрудничество” агентлиги раҳбари этиб тайинлангани маълум бўлди.

Лавозимга тайинланганнинг биринчи куниёқ Примаков ОАВга энди идорани “катта ўзгаришлар” кутаётганини маълум қилган эди. Аммо тафсилотларни очиқламаган эди. 11 август куни у ўзининг онлайн маърузаси вақтида ушбу ўзгаришлар борасида батафсил тўхталиб ўтди. Sputnik агентлиги янги дастурининг энг муҳим тафсилотларини ҳақида ҳикоя қилади.

Ҳеч қандай юмшоқ куч йўқ

Аввало “Россотрудничество” янги раҳбари агентлик ҳамкорларига “юмшоқ” куч терминидан воз кечишни таклиф қилди, чунки унинг тан олишича, бунга тоқат қилолмайди.

“Бу аллақандай тушунарсиз ва биз томондан ўйлаб топилмаган”, - деди Евгений Примаков маъруза бошида. Ва тушунтиришга киришди: “Россотрудничество” мақсади аввалдан куч қўллашдан эмас, балки халқаро қулайлик ва осойишталикни таъминлашдан иборат бўлган. Маданият ва таълим дастурлари орқали агентлик Россиянинг ўзи учун ҳам, ҳамкор давлатлар учун ҳам ривожланиш учун қулай шароитлар яратади".

Режалар улкан: Примаковнинг сўзларига кўра, “Россотрудничество” гуманитар хизмат ғоясидан ҳам йироқлашади. “Бу эски концепт, - дея қарорини тушунтирди у. – Биз гуманитар хизматдан тинчликни сақлашга ёрдам берувчи гуманитар таъсирга ўтишимиз керак”.

Шунга ўхшаш таъсир мисоли тариқасида Байрутдаги фожиани келтирди. Агентлик жабрланганларга ёрдам бериш учун шифокорларни юборишда илк маротаба иштирок этган. Примаков ушбу акция рамзий маънога эга эканлиги айтди ва қўшимча қилди: айнан шундай тадбирлар хорижда Россияга янада дўстона муносабатда бўлишига кўмаклашади. Улар агентлик фаолиятида ҳеч қандай куч йўқлигини кўрсатади, бирдамлик сари интилиш, холос.

Нон-стоп режимидаги иш

Очиқ маъруза ўтказишдан аввал Евгений Примаков бир ойча “Россотрудничество” ишини ўрганган ва шундай хулосага келган: агентликдаги ислоҳотларни рус клублари тармоқларидан бошлаш зарур.

“Улар тадбирдан тадбиргача эмас, балки доимий равишда ишлашлари даркор, - деди Примаков. – Бу иштирокчилар хоҳлаган пайтида кела оладиган, бир-бири билан суҳбатлашадиган, китоб ўқийдиган айнан клуб тизими бўлиши керак. Ахир бу марказлар чет элда Россия билан мулоқот қилишда муҳтож бўлганлар учун ишлайди”.

Примаковнинг фикрича, ҳар бир клуб нафақат ёшларга, балки катта ёшдагиларга мўлжалланган бўлиши керак. Чунки хорижда СССРда туғилганлар, нафақа ёшига етиб қолган кам эмас. Шу билан бирга, ҳар бир тоифадагилар учун инвидивуал фаоллик талаб этилади.

“Бизга меҳмонларни чой билан сийлаб, хўжа кўрсин учун тадбирлар формати керак эмас, - деди Евгений Примаков ва агентлик ходимларини “Рус мусиқаси куни” ёки “Рус чучвараси байрами” услубидаги ғоялардан максимал узоқлашишга чақирди”.

Аммо рус клубларининг иш режимидаги ўзгаришда бир муаммо бор: кўп рус марказлари Россия элчихонаси биносида жойлашган ва у ерга шунчаки кириш мумкин эмас. “Шу боис ҳозир янги тизимни йўлга қўйиш мумкин бўлган марказлардан ишни бошлаймиз”, - деди Примаков.

Юлдузлар кўмаги

“Россотрудничество”га тегишли талабларга мувофиқ ишлайдиган продюсерлик керак бўлади. Агентликнинг асосий тингловчилари ёшлар саналади, ёшларга поп-маданият қизиқ: замонавий мусиқа, китоб, фильм ва сериаллар. Буларнинг барчаси орқали бўлажак талабалар умуман рус маданиятига муҳаббат қўйиши мумкин, деб ҳисоблайди Примаков.

Унинг фикрига кўра, ёшларни мумтоз адабиёт билан таништириш муҳим. Лекин ёшликка хос қизиқиш ва ҳавасни бир четга суриб қўйиш ярамайди. “Замонавий болалар учун тил – бу аввало ижтимоий ва иқтисодий имкониятлар”, - деди Примаков.

Шунинг учун “Россотрудничество” чет элдаги тадбирларга кўпроқ таниқли артистларни таклиф қилиши керак, деди Примаков. “Бу ҳамма танийдиган кишилар бўлиши шарт”, - дея хулоса қилди.

Барчаси янгитдан

“Россотрудничество” номининг ўзи ёшларга хос бўлмаган ва рус тилини билмайдиган учун тушунарсиз, дея фикр билдирди Примаков. Шу боис агентликка ребрендинг лозим ва нафақат идорани, балки Россия фан ва маданият марказларини ҳам (РЦНК) қайта номлаш зарур.

“РЦНК – бу “Россотрудничество” сўзи сингари умуман жуда қийин қисқартма сўз. Чет эллик уни талаффуз қилиши мушкул”, - дея фикр юритди Примаков.
Шу билан бирга унинг расмий номини – “Федеральное агентство по делам Содружества Независимых Государств, соотечественников, проживающих за рубежом, и по международному гуманитарному сотрудничеству” – сақлаб қолади. Рус бўлмаган аудитория учун ташқи брендни ўзгартириш даркор, холос. Рус тилида сўзлашадиганларни “Россотрудничество” сўзи қўрқитмайди. Агентлик учун янги ном яратиш кўплаб кераксиз харажатларни келтириб чиқаради. Бу пулларни фойдали нарсаларга сарфлаш мумкин, деб ҳисоблайди Евгений Примаков.

Умуман, мувофиқлик ва тежамкорлик Примаков стратегиясидаги асосий мезонлар бўлгандек туюлади. Янги қисқартма сўзни яратиш учун у бренд менежерларни ҳам ёллашни режалаштирмаяпти. Бунинг ўрнига у “Россотрудничество” орқали бир пайтлар Россия университетларига ўқишга кирган талабалар ўйлаб топиши учун очиқ танлов ўтказмоқчи. Примаковнинг ўзи бу ғояни қуйидаги тушунтиради: лойиҳанинг бевосита иштирокчиси бошқаларга кўра бренд концепциясини жуда яхши ҳис қила олади. Танлов ўтказиш мантиғи ҳам шундан келиб чиққан.

МДҲга алоҳида эътибор

“Россотрудничество” янги лойиҳалар билан шуғулланиб, Россия таълимини тарғиб қилишни ташлаб қўймайди, дея маъруза охирида тинчловчиларни ишонтиришга шошилади Примаков. “Россия президенти фармонига кўра яқин бир неча йил ичида хорижлик талабалар учун бепул таълим олиш квоталари икки бараварга кўпайтирилади. Ҳозир уларнинг ҳажми 15 мингни ташкил этади”, - деди у. Қолаверса, агентлик Россия ва рус тили билан боғлиқ ҳар қандай таълим лойиҳаларини қўллаб-қувватлашга ҳаракат қилади. “Ҳатто агар кимдир чет элда ҳовлисида гуруҳ ташкил этиб, рус эртакларини ўргатса, бу жуда ажойиб”, - дейди Примаков.

Шунингдек, “Россотрудничество” замонавий ёшларни нима қизиқтириши янада яхшироқ билиш учун таҳлилга кўпроқ эътибор беради. Бунинг учун агентлик сайтни тубдан ўзгартиришни ният қилган. “Одамларга Россиянинг гуманитар фаолиятини кузатиш қизиқ бўлиши лозим, ҳозирги кўринишдаги сайтимизга соғлом ақлли ҳеч ким эрмак учун кирмайди, - дейди Евгений Примаков. – Сайт ўқувчилари сонини кўпайтириш керак”.

Ушбу ҳамма хатти-ҳаракатлар, шубҳасиз, вақт талаб этади, чунки агентлик қатъий доирада ишлайди – ҳар бир лойиҳани камида бошланишидан бир йил олдин тасдиқлаш керак. Шунга қарамасдан, “Россотрудничество” раҳбари киритилаётган янгиликлар сабаб ташкилот янада очиқроқ бўлишига ваъда бермоқда. “Бу айрим хатти-ҳаракатлар туфайли агентлигимизга нисбатан бирор кишида пайдо бўлиши мумкин бўлган эски стереотипларга қарши курашда ёрдам беради”, - дея хотима қилди Примаков.

74
Абдурахмонова Мадинабону Жахонгир кизи, 2006 года рождения

Бедарак йўқолган 14 яшар қиз бир ойдан бери қидирилмоқда Тошкент ИИББ

17
Бухоро вилояти, “Дилобод-Зафаробод” МФЙ манзили бўйича яшовчи Мадинабону Абдураҳмонова 9 июль куни тахминан соат 06.00 да уйидан чиқиб, қайтиб келмаган.

ТОШКЕНТ, 12 авг — Sputnik. Бедарак йўқолган 14 ёшли Мадинабону Абдураҳмонова қидирилмоқда, деб хабар қилди Тошкент шаҳар ИИББ.

Хабарда айтилишича, 2006 йилда туғилган, Бухоро вилояти, “Дилобод-Зафаробод” МФЙ манзили бўйича яшовчи Абдураҳмонова Мадинабону Жаҳонгир қизи 2020 йил 9 июль куни тахминан соат 06.00 да уйидан чиқиб, қайтиб келмаган.

Белгилари: бўйи 160 см, кўзлари қора, сочлари тўқ жигар ранг.

Кийимлари: ҳаво ранг кўйлак, қора шим. Ёнида қора аёллар сумкаси бор эди.

“Ҳурматли ҳамшаҳарлар ва Тошкент меҳмонлари! Агар сиз Мадинобону Абдурахмоновани кўрган бўлсангиз ёки унинг турар жойи ҳақида бирор маълумотга эга бўлсангиз, қуйидаги рақамлар орқали хабар беришингизни сўраймиз: +99865-220-40-99; +99865-220-40-30; +99865-224-52-49 (Бухоро вилояти ИИБ), 71-232-30-40, 71-232-40-50 (Тошкент шаҳар ИИББ) ёки 102”, - дейилган хабарда.

17