Выстрелы из артиллерийских орудий

"НАТО учун нохуш сюрприз": Россия янги ўзиюрар пушкани синовдан ўтказди

1480
Машина қабул қилиш-топшириш синовларидан ўтди ва барча айтилган тактик-техник характеристикаларни тасдиқлади. Ҳарбий десант қўшинлари учун аталган истиқболли ўзиюрар қурол ва бошқа янги аслаҳалар хусусиятлари ҳақида — РИА Новости материалида ўқинг.

ТОШКЕНТ, 16 дек — Sputnik, Николай Протопопов. Кўп километрли марш-бросоклар синовидан ўтган ишончлилик, ҳаракатчанлик ва ўта важоҳатли ўт очишлар - рус десантчилари 2С42 "Лотос" самоход(ўзиюрар) артиллерия қуролини қабул қилиб олишга тайёрланишмоқда. Машина қабул қилиш-топшириш синовларидан ўтди ва барча маълум қилинган тактик-техник характеристикаларни тасдиқлади. Ҳарбий десант қўшинлари учун аталган истиқболли ўзиюрар қурол ва бошқа янги ускуналар хусусиятлари борасида — РИА Новости материалида ўқинг.

Енгил вазнли жангчи

"Лотос" полигонда 400 километр масофани бузилишларсиз босиб ўтди ва 120 миллиметрли штат қуролдан 14 маротаба ўт очди. Кейинги босқич - йил якунига қадар бошланадиган дастлабки синовлар.

Ўзиюрар артиллерия қуроли илк маротаба 2017 йилда кенг оммага намойиш этилган, лойиҳага эса 2009-йилда туширилган. Конструкторлар десантчилар учун "Спрут-СДМ1" - танкларга қарши пушка негизида 152 миллиметрли "Зауралец" артиллерия мажмуасини яратишни режалаштиришган эди, аммо натижада, гарчи қудрат жиҳатдан бир оз қолишса-да, бироқ янада ҳаракатчан ва енгил машина яратилди.

Вақт ўтиб, "Лотос" 1970-йй охирида қуроллар сафига қабул қилинган ва ўзини яхши томонлама намойиш этган "Нона" артиллерия-миномётини ўрнини босади. Қурол учун база сифатида БМД-4М билан узеллар ва агрегатлар бўйича бирлаштирилган шассини олишди. Жанговар машинаси массаси 18 тоннадан ошмайди, 450 от кучи қувватига эга дизелли двигатель эса шосседа соатига 70 километргача тезликда ҳаракатланиши мумкин. Йўл босиш захираси — 500 километргача. Десантчиларнинг бошқа техникалари сингари, "Лотос" ҳам сузишни билади ва бир неча метргача чуқурликка эга сув тўсиқларини енга олади.

Ишлаб чиқувчилар экипаж хавфсизлигига, биринчи навбатда, ўта юқори аниқликдаги қуроллардан ҳимояланишга алоҳида эътибор қаратишган. Зирҳланиш даражаси енгиллаштирилган: корпуси йирик калиберли пулемётлар томонидан бериладиган ўт зарбалари ва осколкаларга чидамли. Аммо периметри бўйлаб лазер индикаторлари мавжуд бўлиб, улар рақибнинг танкка қарши қуролларни мўлжалга олиш тизимлари томонидан "Лотос"нинг нурланишини аниқлайди.

Бу ақлли ҳимоя. Олинган маълумот автоматик равишда аэрозоль гранаталар пуск қурилмаларига узатилади, улар ўз навбатида нурланиш манбасига йўлланади ва боеприпаслар ўққа тутилади. Автотранспорт воситасини қисқа муддатда зич тутун пардаси ўраб олади ва душманнинг юқори аниқликдаги лазер ва инфрақизил диапазонларда ишлайдиган ракеталарини чалғитиб юборади.

"Нона" ўрнига "Лотос"

Олдинги қурол билан таққосланганда "Лотос"нинг зарба бериш имкониятлари сезиларли кучайтирилган. Танк башняси - автоматлаштирилган жанговар бўлинмадан иборат. Қурол - масофадан бошқарилади. Мўлжалга олувчи (наводкачи) механик-ҳайдовчи билан бирга машинанинг олд қисмида жой олган, экипаж командири ва зарядловчи - танк башнясида.

Яна бир хусусият - самолётдан фақат экипажнинг барча аъзолари билан биргаликда десант қилиб тушиш мумкин. "Нона"да эса ҳаводан тушишда фақатгина командир ва механик-ҳайдовчигагина машинада рухсат берилган эди.

"Пушкани танлашда - Лотос" - конструкцияси ҳажми ва вазни бўйича қўниш учун мўлжалланган техникага мос бўлган БМД-4 базасида яратилганлигини эътиборга олган ҳолда танлашган эди, — дея тушунтиради РИА Новостига ҳарбий эксперт Алексей Леонков. — Агар массагабарит характеристикаларини ошириб юборса, Ил-76 ҳарбий-транспорт самолётлари ўз бортига етарлича самоход қурилмаларини ололмайди, жанговар операцияларда эса улар сони камида иккита бўлиши талаб этилади".

"Лотос"нинг жанговар комплекти "Нона"никига қараганда икки баробар кўп — тахминан 55 марта ўт оча олади. Стволи ва дула тормози нисбатан узунлиги ҳисобига самарали отиш масофаси 13 километрга етади. Аммо ишлаб чиқарувчилар сўзларига кўра, махсус режалаштирувчи жанговар захира 20 километрга ҳам учиб боришга қодир.

Қурол горизонтал текисликда 360 градусга тўғриланади. Бундан ташқари, вертикал бўйлаб пушка баландлиги бурчаклари - минус тўртдан плюс 80 градусгача. Яъни, ўзиюрар қурилма артиллерия пушкаси, гаубица ёхуд миномет сингари отишга қодир. Бундан ташқари, ҳаттоки машинада экипаж бўлмаган тақдирда ҳам ўт очиш тўлиқ автоматик режимда олиб борилиши кўзда тутилган. Ёрдамчи аслаҳа - масофавий бошқариладиган 7,62 миллиметрли пулемёт ускунадир.

Леонков, шунингдек, замонавий коммуникациялар туфайли янги самоходкани қўшинларни бошқаришнинг автоматлаштирилган тизимига осонликча интеграллаш мумкинлигини таъкидлади.

"Экипаж нишонлар тўғрисида маълумотни ердан олов зарбасини тўғирлаб борувчидан ёки дронлардан олади, - дейди эксперт. Душман мудофаа объектларини йўқ қилишга имкон берадиган ўзига хос разведка-ўт контури ҳосил бўлади. Бу жуда муҳим ва жангда катта устунлик беради. Айниқса, ўқ-дорилар чекланган вақтда душман орқа томонида ўтказиладиган операциялар давомида".

Танклар ва "Спрутлар"

"Лотос" — ҳарбий десант қўшинлари учун махсус ишлаб чиқилган ягона янгилик эмас. Яқин йилларда бу қўшинлар энг замонавий қурол-аслаҳалар билан таъминланади, хусусан, кўплаб намуналар жиддий "оғирлашган" ва янада кенгроқ зарба бериш имкониятларига эга бўлган.

Мисол учун, икки йилдан сўнг сузувчи танк "Спрут-СДМ1"нинг давлат синовлари якунланади: 125-миллиметрли артиллерия-ракета мажмуаси жанговар қудрат жиҳатдан асосий жанговар танклар саналмиш Т-80 ва Т-90дан қолишмайди, аммо ҳаракатчанлик бўйича енгил жанговар десант машиналарига яқинлаштирилган.

"Спрут"лардан плацдармларда, душман орқа томонидан шиддатли рейдларни амалга оширишда, шунингдек, марш вақтида енгил зирҳланган колонналар мудофааси учун қудратли қўриқлаш воситаси сифатида фойдаланиш режалаштирилмоқда.

"Эҳтимолий рақиб янги йўқ қилувчи воситалар билан қуролланмоқда, хусусан, мобил бўлинмаларга кўпроқ аҳамият берилмоқда, - деб қўшимча қилади Леонков. — НАТОнинг енгил зирҳланган техникасини бугунги кунда аксарият ҳолларда йирик калибрли автоматлаштирилган пушкалар билан бойитишмоқда. Шу боис, аввалги "броняда" жанговар вазифаларни бажариш биз учун нафақат ўта қиммат бўларди, балки бундай ҳаракатларни ўз жонига қасд қилишга қиёслаш мумкин".

Сўнгги вақтларда Ҳарбий десант қўшинларини тўлақонли танк бўлинмалари ҳам шакллантирмоқда. Ғарбда бу сингари бўлинмалар аэромобиль, деб аталади. Хусусан, ўтган йили учта десант бирлашмалари таркибида Т-72Б3 танкларига эга батальонлар пайдо бўлди. Келажакда ҲДҚнинг яна бешта бирлашмасини оғир жанговар техника билан жиҳозлаш кўзда тутилган.

Экспертлар фикрича, танклар "қанотли пиёдалар"нинг ўт очиш қудратини сезиларли оширади ва ҳар қандай можароларда жанговар вазифаларни янада самаралироқ ҳал этиш имконини яратади.

1480
Судно-трубоукладчик Solitaire и судно снабжения Fortitude

АҚШ яна "Шимолий оқим - 2" масаласига киришди

747
Европада эса бу борада эҳтирослар тобора авж олмоқда: немислар санкциялардан ҳимояланиш учун жамғарма тайёрлаётган бир вақтда британияликлар америкаликларга эргашиш ниятида, шведлар эса "газ уруши" авж олишидан ҳавотирга тушган.

ТОШКЕНТ, 15 янв — Sputnik, Наталья Дембинская. "Шимолий оқим - 2" қурилишида иштирок этган Даниянинг Ramboll компаниясини Вашингтон санкциялари қўрқитиб юборди, деб хабар бермоқда ОАВ. Чиндан ҳам, 1 январдан АҚШ ушбу лойиҳага алоқадорларга нисбатан чораларни кучайтирди. Аммо қурилиш давом этмоқда. Европада эса бу борада шов-шувлар тобора авж олмоқда: немислар санкциялардан муҳофазаланиш учун жамғармани тайёрлашаётган бир вақтда британияликлар америкаликларга эргашиш ниятида, шведлар эса "газ уруши" авж олишидан ҳавотирланмоқда.

Охир-оқибат газ қувури тақдири не кечади - РИА Новости материалида ўқинг.

Эски ишга киришди

"Шимолий оқим - 2"нинг хориждаги қуруқликдан ўтувчи қисми муваффақиятли қуриб битказилди. Айни вақтда Германия сувларида қувурлар ўтказилмоқда, кейин Данияга ўтилади. Лойиҳа якуни яқинлашмоқда. Аммо Вашингтон буни тан олишдан бош тортяпти. 1 январдан Қўшма Штатларда мудофаа бюджети тўғрисидаги янги қонун кучга кирган, ҳужжат Россия газқувурига қарши қўшимча санкцияларни ўз ичига олган.

Гап, хусусан, тестдан ўтказиш, инспекция қилиш ёки сертификатлашни амалга оширувчи ташкилотлар ҳақида бормоқда. Норвегиянинг DNV GL компанияси газ қувурини текшириш бўйича барча ҳаракатларни тўхтатаётганини ва қувурни сертификатлай олмаслигини маълум қилди.

Сал аввал АҚШ сенатидаги республикачилар кўпчилиги етакчиси Митч Макконнелл, мудофаа бюджети тўғрисидаги қонун давлат хавфсизлиги ва "Хитой ва Россия сингари рақиб-сверхдержаваларни тийиб туриш" учун ҳал қилувчи аҳамиятга эга эканлигини таъкидлаган эди.

Ушбу ҳужжат АҚШнинг "денгизда, ҳавода, кибермайдонда ва космосда устуворлигини" мустаҳкамлайди.

"Газпром" ҳозирда 150 километрлик қувурларни ётқизса бўлди: Данияда - 120 километр, Германияда - 30дан сал ортиқ. Газқувури 94%га тайёр бўлган.

Ва Вашингтоннинг Европанинг энг йирик бешта энергетик компаниялари томонидан молиялаштирилаётган лойиҳанинг якунишига ҳалал беришга бўлган уринишларига қарамай, 11 январ куни - орадан бир йил ўтиб Германия ҳудудий сувларида ишлар қайта тикланди. 15 январдан қувурлар Дания қирғоқларида ётқизила бошлайди.

"Фортуна" қувур ётқизгичига Россия денгиз қутқаруви хизматининг "Мурман" ва "Балтиқ тадқиқотчиси", шунингдек, бошқа таъминот кемалари ёрдам беради. Денгизда қувур ўтказилаётган чизиқнинг ҳар иккала томони бўйича 200 метр энлиликда вақтинчалик таъқиқ зонаси яратилади.

"Газпром экспорт" бош директори Елена Бурмистрованинг сал олдин аниқлик киритишича, денгиз участкаси қурилишининг якуний муддати қатор ҳолатларга, жумладан, об-ҳавога ҳам боғлиқ.

Ҳимоя механизми

АҚШ эса бу орада яна Вашингтон фикри бўйича Россияга "Шимолий оқим -2" қурилишида ёрдам бераётган Европа компанияларига таҳдид қилишга киришди.

"Биз уларни, жуда кеч бўлмасидан туриб хатарлар ҳақида огоҳлантиришга ва ҳамкорлик қилишдан бош тортишга чақиришга ҳаракат қиляпмиз", — дея иқтибос келтирган Reuters Давлат департаментидаги манбага таянган ҳолда. Ушбу агентлик тақдим этган маълумотларга кўра, Оқ уй яқин кунларда номақбул бўлган ташкилотлар рўйхатини эълон қилиши кутилмоқда.

Россия ТИВ эса: Вашингтон "Газпром"нинг ғарбий европалик шерикларига қанчалик босим ўтказмасин, Москва "Шимолий оқим - 2" муваффақиятида шубҳаланмайди, дея таъкидлаб келмоқда.

Германияда "Шимолий оқим -2"ни иқтисодий лойиҳа, деб ҳисоблашда давом этишмоқда ва АҚШнинг экстерриториал санкцияларини қабул қила олишмаяпти. ГФР вазирлар маҳкамаси расмий вакилининг ўринбосари Ульрике Деммер яқинда шу ҳақда эслатиб ўтди. Бундан ташқари, январ ойининг бошида Германиядаги Мекленбург федерал ерлари парламенти - Олд Померания ҳудудий ҳукуматнинг "Иқлим ва атроф муҳим муҳофазаси MV" фонди ташкил этилиши ташаббусини кўпчилик овоз билан қўллаб-қувватлади. Бу фондни америка санкцияларини айланиб ўтиш учун ўйлаб топишган. Унинг ёрдамида ташкилот қурилиш учун зарур бўлган ускуналарни харид қила олиши мумкин. Қолаверса, биринчи галда қувурўтказгични экология учун жуда муҳим, дея тан олади.

Германиянинг Bild нашри аниқлик киритишига кўра, бу "Шимолий оқим - 2"ни атроф-муҳит муҳофазасида принципиал элемент сифатида таснифлаш имконини беради.

Жамғарма фақат ва фақат ШО-2 билан шуғулланувчи тижорат корхонасини рўйхатга олиш ниятида. Санкциялар таҳдид қилаётган компаниялар Россия томони билан ушбу корхона томонидан тақдим этиладиган иқтисодий инструментлар воситасида ҳамкорлик қилишади.

Вақтни бой беришади

Немислар ўзларини санкциялардан хавфсизлантиришга улгуришадими? Кузатувчилар фикри турлича янграмоқда. Бир томондан Вашингтон ҳаракатларини йўққа чиқариш учун етарли бўлган инвестиция ва ваколатларга эга бўлди, деб қайд этади ТМТ компанияси раҳбари Даниил Ростовцев.

"Аммо фонд билан боғлиқ ташаббус жамоатчилик, айниқса, "яшиллар" орасида норозиликни юзага келтирди. Экологлар фикрича, улар "яшил" эмас, балки атроф-муҳитга ўта хавфли, деб ҳисоблайдиган бундай лойиҳага кўмак беришни ахлоққа зид ва ғазаблантирувчи, деб ҳисоблашади", — дея ишора қилади аналитик. Эндиликда ҳаммаси ШО-2 тарафдорлари жамоатчилик билан келиша оладими-йўқми, шунга боғлиқ.

Шу билан бирга, мустақил саноат эксперти Леонид Хазанов, Берлик ҳар қандай ҳолатда ҳам Вашингтонга ён босмайди: Германия Россиянинг Америка СПГсига қараганда анча арзон турувчи мовий ёқилғисига муҳтож.

Бундан ташқари, Россия билан иқтисодий муносабатларни сақлаб қолиш ҳам ундан-да зарур: бу бозор - немис компаниялари учун стратегик аҳамият касб этади.

"Албатта, фонд ҳам санкциялар таъсирида қолади, аммо улар самара бермайди. Лойиҳа пудратчиларига қарши эса янги қонун лойиҳасини тайёрлаш, уни конгрессдан ўтказиш, унга президент имзо чекишини кутишга тўғри келади. Бу эса ярим йилгача вақтни олиши мумкин, бу оралиқда "Шимолий оқим- 2" қуриб битказилади", - дея фикр билдиради эксперт.

Аммо бу эксплуатацияга киритиш босқичида - айнан АҚШ Мудофаа бюджетига тикилган санкциялар туфайли муаммолар юзага келишини истисно этмайди.

Қўрқув ва нафрат

Инглизлар америкаликлар ҳатти-ҳаракати ортидан эргашмоқчи. Британиялик парламентарий-консерватор Дэниел Кочинский таъкидлаганидек, Россия газ-қувури - НАТО мамлакатлари ҳудудларида жойлашган барча газ ва нефт тармоқларини айланиб ўтган ҳолда "тўғридан-тўғри Россияга олиб бориши билан ҳам ўта хавфли". Унинг сўзларига кўра, британияликларни бундан буёғига Европа Иттифоқига аъзолик тийиб туролмайди, шундай экан, "америкалик дўстларга эргашиш ва "Шимолий оқим - 2"га жалб қилинган ҳар қандай компанияга нисбатан санкцияларни жорий этиш лозим.

Бу орада Швецияда Жо Байден президентлиги газ қувури туфайли мамлакат яқинида "газ уруши"ни бошлаб беришидан ҳавотирланмоқда. Svenska Dagbladet таъкидига кўра, америкалик демократ "ўз рақибига нисбатан, Дональд Трампга қараганда ҳатто анчайин қаттиққўл". Скандинавия қироллиги учун эса масала аллақачон ҳал этилган: ҳукумат швед иқтисодий зонаси орқали қувурлар ётқизилиши лойиҳасини маъқуллади.

Байден президентлигининг "Газспром" учун салбий омилларидан бири сифатида унинг яшил йўналиш, деб ном олган энергетика сиёсатини айтишади. Демократлар 2035 йилда экологик тоза энергетикага ўтиш учун икки триллион доллар сарфлашни режалаштирган. 2050-йилда эса атмосферага ташланишлар - ноль даражага эришилиш кўзланган. Аммо яшил энергетика ҳам Россияга жуда қўл келади: "Шимолий оқим — 2" орқали нафақат табиий газ, балки водородни ҳам ўтказиш мумкин.

Европада эса водород ёқилғисига бўлган талаб жуда юқори.

АҚШнинг ўзида Оқ уй "оқимга" ваъда қилган барча нарсаларнинг амалга оширилишига гумон билан қаралади. Виргиния штатидан собиқ сенатор Ричард Блэкнинг ишонтиришига қараганда, Байден қурилиш якуни борасида Москва билан ими-жимида келишиб олишни маъқул кўради. Бунинг эвазига эса Вашингтон учун қандайдир манфаатларни савдолашиб олишга уринади.

747
Военнослужащие ВС Узбекистана на антитеррористических учениях в Наманганской области.

Замонавий урушга тайёрланиш янги полигонлар талаб қилади

546
(Янгиланган 13:00 14.01.2021)
Ўзбекистон Қуролли кучлари сўнгги йилларда ҳарбий самарадорлигини қандай қилиб бир неча баробар оширишга муваффақ бўлгани ҳақида россиялик ҳарбий шарҳловчи Александр Хроленко мақоласида.

ТОШКЕНТ, 14 янв - Sputnik. Марказий Осиёда энг кучли ҳисобланадиган Ўзбекистон Қуролли кучлари бугун юқори жанговар тайёргарлик ҳолатида, энг янги ҳарбий техника билан жиҳозланган ва малакали мутахассислар етакчилигида ўзининг 29 ёшини нишонламоқда. Ўзбекистон армияси ғалаба қозониш илмини брча замонавий талабларга жавоб берадиган полигонларда ўрганишмоқда.

Ўзбекистон президенти ва Қуролли кучлари Олий Қўмондони Шавкат Мирзиёев Ватан ҳимоячилари куни арафасида “Фориш” тоғли полигонига ташриф буюрди ҳамда Жиззах вилоятидаги қуруқлик ва ҳаво-ҳарбий кучларининг намойишида иштирок этди.

Бу одатий ташриф бўлмади, чунки бироз олдин Ўзбекистон президенти республикадаги барча полигонларни замонавийлаштиришни “Фориш” полигонини эса - намунали ўқув марказга айлантиришни топширган эди. Ташриф давомида давлат раҳбари Мудофаа вазирлиги ва бошқа муассасалар томонидан топшириқ қандай бажарилганига баҳо берди.

Шавкат Мирзиёев тоғли полигонда қўшинлар ҳарбий тайёргарлиги қандай олиб борилаётганига баҳо берди. Президент қурол-аслаҳалар ва ҳарбий техника, ўқув корпуслари, кутубхона, казарма ва спортзални кўздан кечирди.

Давлат раҳбари шахсий таркиб самарали тайёргарлик кўриши учун барча шароитлар яратилганига ишонч ҳосил қилди. Ахир Ўзбекистон аскарлари 2019, 2020 йилларда Халқаро Армия ўйинларининг Оловли-ҳужум йўлаги ва яна бир неча босқичида бежизга ғалабага эришмаган.

Фориш” полигонида Шавкат Мирзиёев ҳарбийлар билан суҳбат қилди.

– Бугунги Қуролли Кучларимиз беш йил олдинги армия эмас. Мудофаа доктринамиз бўйича қилинган ишлар натижасида миллий армиямизнинг салоҳияти ҳар томонлама ошди. Эришган муваффақиятларимиз билан бирга олдимизда кўп режалар, вазифалар турибди. Қўшинларнинг жанговар ҳолатини янада мустаҳкамлашимиз керак. Бунинг учун билим, тажриба, тайёргарлик зарур, - деди президент.

Ўзбекистон президенти ўзининг олдинги чиқишларида ҳам Қуролли кучларнинг мудофаа қобилиятини, профессионаллигини ва ҳарбий кучини ошириш ҳақида гапирган эди. Демак, Ўзбекистон Қуролли кучлари полигонлари, жанговар тайёргарлигини ошириш давом эттирилади. Бунинг учун Республикада барча шароит ва манбаалар мавжуд.

Замонавий устуворликлар

Айни дамда Ўзбекистонда амалга оширилаётган давлат дастурлари асосида Қуролли кучларнинг кўриниши ўзгармоқда, кўплаб янги ҳарбий объектлар қурилмоқда, миллий армиянинг жанговар қобилияти оширилмоқда ва рсепубликада замонавий ҳарбий полигонлар кўпаймоқда.

В Узбекистане введен в эксплуатацию  крупнейший военный полигон
© Министерство обороны Узбекистана
Каттақўрғон ҳарбий полигони

Жануби-ғарбий ҳарбий округда 13 январ куни энг янги “Нуристон” полигони фойдаланишга топширилди. Бу замонавий полигон мажмуаси бўлиб унинг таркибига 15та ўқув синфлари, лекция хонаси, кутубхона, 530 ўринли қулай ётоқхона ва 600 ўринли ошхона киради. Ундан ташқари кафе ва тиббиёт хонаси ҳам бор. Қуролли кучлар кунига ушбу янги полигон алоҳида ҳарбий округ энг яхши совға бўлди.

В Узбекистане введен в эксплуатацию  крупнейший военный полигон
© Министерство обороны Узбекистана
Каттақўрғон ҳарбий полигони

Марказий ҳарбий округда 2020 йилнинг июл ойида барча замонавий талабларга жавоб берадиган “Сазаган” янги полигони очилган эди. Умумий майдони 5 минг гектардан ортиқ бўлган ушбу мажмуада барча қўшин турларини тайёрлаш мумкин. Полигоннинг замонавий инфратузилмаси, ҳарбийлар учун қулай тураржойлар ҳарбий-техник ҳамкорлик дастурлари доирасида хорижий меҳмонларни қабул қилиш имконини ҳам беради.

Таджикских военных встретили на полигоне Фориш
Минобороны Узбекистана
Фориш ҳарбий полигонида ўзбек-тожик қўшма ўқув машғулотлари

2020 йилнинг ёзида Термиз шаҳри яқинида яна бир янги ҳарбий полигон ишга туширилган эди. Умумий майдони 28 минг гектар булган ушбу ҳарбий объект барча замонавий талабларга жавоб беради. У ерда махсус тактик майдонлар, ўқ ўзиш майдонлари, тўсиқли йўлаклар, ўқув синфлари, казармалар, ошхона, спорт мажмуаси бор.

Марказий Осиё ҳудудида кучайиб бораётган ҳарбий-сиёсий нотинчлик вазиятида 2020 йилнинг декабрида Россия ва Ўзбекистон армия махсус бўлинмаларининг қўшма махсус-тактик аксилтеррор ўқув машғулотлари бўлиб ўтган эди. Унда 200га яқин ҳарбийлар ва махсус техника иштирок этган эди. Беш кун давомида ўзгарувчан вазиятда махсус бўлинмалар кенг кўламлари ва мураккб ўқув-ҳарбий машқларини бажаришган эди. Айтиш жоизки, Термиз шаҳри Ўзбекистоннинг энг жанубида, Амударё қирғоғида, Афғонистон билан чегара яқинида жойлашган.

Шавкат Мирзиёев посетил Чирчикский военный полигон
Пресс-служба президента Узбекистана
Чирчиқ ҳарбий полигони

Ўзбекистоннинг энг йирик, жаҳон стандартларига жавоб берадиган “Каттақўрғон” полигони 2019 йилнинг ноябр ойида ишга туширилган. Бу ерда барча ҳарбий техникадан, жумладан артиллерия ва авиациядан фойдаланган ҳолда ўқув-машғулотлари ўтказиш мумкин. 2020 йилнинг январ ойида “Каттақўрғон” полигони Ўзбекистон Қуролли кучларининг энг янги техникасини синовдан ўтказиш майдонига айланди. Полигон ўз ҳарбий техникаси ва автомобилларига, ўқув синфлари, тиббиёт хонаси, ошхона, ётоқхона спорт зали ва маданият марказига эга.

Оптимистик ўсиш

Ўзбекистон Қуролли кучларининг 10та энг муҳим ва замонавий полигонлари рўйхатининг биринчи қаторидан “Фориш” полигони ўрин олган. Бу ерда Ўзбекистон Армияси доимий равишда Россия, АҚШ, Франция, Буюк Британия, Ҳиндистон, Туркия, Покистон ва Хитой қўролли кучлари билан ҳамкорликда тактик ва махсус ўқув машғулотлари ўтказиб келмоқда. Ушбу рўйхатнинг ўзи ҳам полигоннинг ривожланган инфратузилмасининг белгисидир. У ерда халқаро миқёсда турли аксилтеррор машғулотларни ўтказиш, турли жанговар сценарийларни синаб кўриш имкони бор.

Шавкат Мирзиёев посетил Чирчикский военный полигон
Пресс-служба президента Узбекистана
Чирчиқ ҳарбий полигони

Бухоро умумқўшин ўқув полигони Жануби-ғарбий махсус ҳарбий округга қарашли бўлиб, муҳимлик даражаси бўйича учинчи ўринда туради. Шимоли-ғарбий  ҳарбий округнинг ягона полигони “Нукус” ҳамда Шарқий ҳарбий округнинг “Шурсуз” ва “Ғурумсарой” полигонлари 4 ва 5 ўринларни эгаллаган. Энг яхши полигонлар қаторидаҚашқадарё вилоятида жойлашган “Муборак” ва “Нуристон” полигонлари ҳам бор. “Чирчиқ” полигони Тошкент ҳарбий округида 3та олий ҳарбий ўқув юртлари курсантларини тайёрлаш ва ҳарбий парадлар ўтказиш учун хизмат қилади.

© Sputnik / Дильшода Рахматова
Чирчиқ ҳарбий полигонида 9 май паради

Буларнинг барчасидан қандай хулоса қилиш мумкин? Геосиёсий ва иқтисодий мураккаб вазиятда Ўзбекистон кўплаб ажойиб ҳарбий полигонлар қуриш ҳамда 50 мингли самарали армия тайёрлашга муваффақ бўлди. Мудофаа тизимлари яратиш бўйича тан олинган ҳудудий етакчи бўла туриб, Ўзбекистон жаҳон ҳарбий ҳарбий кучлар рейтингининг 52-ўрнига кўтарилган. Ушбу кўрсатгич бўйича Ўзбекистон МДҲда Беларус, Қозоғистон ва Озарбайжондан олдинда.

Бундай ўсишга Россия билан ҳамкорлик қилиш ҳам ўзининг салмоқли ҳиссасини қўшмоқда.Айни дамда Россия ва Ўзбекистон орасида 12та ҳарбий-техник ҳамкорлик шартномалари амалга оширилмоқда. Уларга асосан Тошкентга замонавий радиолокацион мажмуалари, Су-30СМ қирувчилари ва Ми-35М зарба берувчи вертолётлари етказиб берилмоқда.      

2019 йилда ҳарбий бўлинмалар самарадорлиги ўтказилган 230 тактик-махсус ўқув машғулотлари давомида 12%га ўсган Қуролли кучлар умумий самарадорлиги – 2 баравар ўсган бўлса, 2020 йилда топширилган янги полигонлар Ўзбекистон армияси қувватини янада оширди. Бу мудофаа вазири Баходира Қурбонов Сенатга ўтган йилнинг декабр ойида Сенатга берган ҳисоботидан маълум бўлди. Унда айтилшига кўра, сўнгги йил давомида Ўзбекистонда барча замонавий талабларга жавоб берадиган тўртта ҳарбий полигон ва битта тоғ ўқув-машғулотлар маркази  фойдаланишга топширилган.Улар орасида декабр ойининг бошида тўлиқ янгиланган “Нукус” полигони ва моделяция ва симуляция машғулотлари ўтказиш учун дала-ўқув марказига айлантирилган “Чирчиқ” полигонлари ҳам бор. Дунё пандемияси ва иқтисодий қийинчиликларга қарамасдан Ўзбекистон армиясини илдам замонавийлаштириш давоми этмоқда.

Бунда Қуролли кучларни нафақат замонавий полигонлар билан таъминлаш, балким ҳарбийлар учун турли имтиёзлар, уларни маданий ва руҳий ривожланиш учун шароитлар ҳамда ҳарбийлар оилаларнинг яшаш шароитлари ҳам яхшиланмоқда.

Хусусан, Наманган вилояти Юксалиш туманида бир неча ҳарбийлар оилалари Ватан ҳимоячиси куни арафасида янги хонадонлар калитларини топширилди. Шунингдек Зарафшон ва Учқудуқда ҳарбийларга янги уйлар топширилди. Ахир уйдан кўнгил тўқ бўлса байрам ҳам ҳарбий тайёргарлик ҳам кўтаринки руҳда ўтади.

546
Доллары США

Ўтган йили Ўзбекистонда мансабдорлар энг кўп қайси жиноятга қўл урди

19
Ўзбекистонда 2020 йилда жами 1723 нафар мансабдор шахслар жиноий жавобгарликка тортилган. Улар давлат ва жамият манфаатларига 500,1 млрд. сўм моддий зарар етказган.

ТОШКЕНТ, 17 янв — Sputnik. 2020 йил давомида республика бўйича жами 1148 та жиноят иши бўйича 1723 нафар мансабдор шахслар жиноий жавобгарликка тортилган. Бу ҳақда Бош прокуратура маълум қилди.

Жиноий жавобгарликка тортилган мансабдор шахсларнинг 9 нафари республика, 45 нафари вилоят ва 1669 нафари туман-шаҳар миқёсидаги вазирлик, идора ва ташкилотларда фаолият юритган.

Мансабдор шахслар жиноятчили таҳлили
Бош прокуратура матбуот хизмати
Мансабдор шахслар жиноятчили таҳлили

Жиноий жавобгарликка тортилган мансабдор шахсларнинг 835 нафари ўзганинг мулкини ўзлаштириш ва растрата йўли билан талон-торож қилиш, 227 нафари фирибгарлик, 132 нафари пора олиш (бериш) ва пора олиш-беришда воситачилик қилиш, 58 нафари мансаб мавқеини суиистеъмол қилиш, 31 нафари мансаб ваколати доирасидан четга чиқиш, 25 нафари мансабга совуққонлик билан қараш, 16 нафари мансаб сохтакорлиги ва  399  нафари бошқа жиноятларни содир этишган.

Мансабдор шахслар жиноятчили таҳлили
Бош прокуратура матбуот хизмати
Мансабдор шахслар жиноятчили таҳлили

Мансабдор шахсларнинг жиноятлари оқибатида давлат ва жамият манфаатларига 500,1 млрд. сўм миқдорида моддий зарар етказилган. Тергов жараёнида ушбу зарарнинг 355,7 млрд. сўми ундирилган.

19