Джордж Сорос

"Сорос фонди" собиқ иттифоқ ҳудудида қандай таъсир усулларини қўллайди?

1153
(Янгиланган 19:48 26.12.2020)
Ғарб тузилмалари томонидан молиялаштириладиган ноҳукумат ташкилотлар собиқ иттифоқи майдонида икки - юмшоқ ва қаттиқ таъсир чизиқларидан фойдаланадилар, деб ҳисоблайди Молдова парламенти аъзоси Богдан Цырдя.

Собиқ иттифоқ давлатларининг деярли ҳаммасида ғарб ноҳукумат ташкилотлари таъсирини кузатиш мумкин, дея ишонч билан таъкидлайди Молдова Социалистлар партиясидан парламент депутати бўлган Богдан Цырдя. У Sputnik ХААга ушбу тузилмалар қандай ишлаши ва нимага эришишлари тўғрисида сўзлаб берди.

Исбот фактлар билан бўлиши лозим

Сорос ва Конрад Аденауэр фондлари Молдовадаги қатор ННТлар томонидан молиялаштирилади, дейди ишонч билан Богдан Цырдя. Бу ноҳукумат ташкилотлари ҳаракатларни ўзаро мувофиқлаштирадилар ва ўз спонсорлари манфаатлари, шу жумладан, сиёсий манфаатлар йўлида ҳаракатланадилар. Сиёсатчи бу фикрларни ўзининг "Молдова фуқаролик жамияти: Спонсорлар. ННТ-кратия. Маданий урушлар" номли китобида берилган 1,5 мингта ҳаволалар билан далиллайди.

"У молдаван тилида дунё юзини кўргач (рус тилида 2021 йилнинг баҳорида чоп этилиши режалаштирилган - таҳр.) муносабат ҳам ўзини кўп куттирмади. Шу заҳоти Молдовадаги Европа Иттифоқи миссияси раҳбари Петер Михалко, сўнгра – Голландия элчиси ва Сорос фонди томонидан муносабатлар билдирилди", - дея ҳикоя қилади у.

Богдан Цырдя китоби - 759 бетдан иборат. У жорий йилнинг 21 октябрида нашрдан чиққан - шу кечанинг ўзида Сорос фонди китобга "Молдова фуқаролик жамиятига уюштирилган қўпол ҳужум", дея баҳо берганди.

"Кутилгани каби, "Ўқимаганман, лекин қоралайман" сирасидан бўлди. Каминанинг меҳнатини "демократия устунлари, ҳуқуқ устуворлиги ва умуман европа қадриятларига таҳдид", дея қоралашди. Аммо мадомики фонд сўз эркинлиги тарафдори экан, нега даставвал китобни муҳокама қилишмади? Агар сиз буни ёлғон ва сохталаштириш, дейдиган бўлсангиз, марҳамат, унда 1519 ҳаволалар ва 600та манба келтирилган, мен баҳсга тайёрман", - дейди Богдан Цырдя.

Аммо, депутатнинг сўзларига кўра, оппонентлар бунга жавобан сукут сақлашни лозим топган.

"Аввал бошда ННТлар биз рақамлар билан манипуляция қилаётганимизни иддао қилишганди. Шунда матбуот-анжуманида уларнинг молиявий ҳисоботлари скриншотларини кўрсатдим. Шубҳасизки, бу фактларни улар ҳеч қанақасига рад этишолмади, фақатгина китобим кимгадир таҳдид эканлиги борасида айтилган тушунарсиз гапларни ҳисобга олмаганда", - дейди муаллиф.

Фаолият майдони

Собиқ иттифоқ маконида: ноҳукумат ташкилотлар ва фуқаролик жамияти ўртасида тенг белгисини қўйиш лозимлиги ҳақидаги фикр ўта фаоллик билан илгари сурилмоқда. Аммо, бу ундаймас, дея тушунтиради Богдан Цырдя. Четдан молиялаштириладиган ташкилотлар маҳаллий реал муаммоларни камдан-кам кўтарадилар - кун тартибида асосан спонсорлар манфаати туради.

"Мисол тариқасида Молдовани олайлик. ННТлар томонидан бу ерда қандай муаммолар кўтарилади? Радикал феминизм, ювенал юстиция, демократлаштириш – чунки, улар буни тушунади. Буларни биздаги муаммолар билан қандай умумийлиги бор? Биздаги муаммолар - бу қашшоқлик (Европанинг энг қашшоқ мамлакатимиз), коррупция, бунда биз Украина билан рақобатлашяпмиз ва ишсизлик-ку. Фуқароларимизнинг учдан бир қисми чел элда", - дейди муаллиф.

Ғарб фондлари фаолияти сўзлардагина эзгу мақсадларни кўзлайди – улар коррупцияга қарши кураш ва демократияни қарор топиши ҳақида гапирадилар, дейди сиёсатчи. Аммо ҳақиқатда эса ҳаммаси кузатувлар ҳамда айтайлик, сўз эркинлиги ва демократия индекси сингари рўйхатларни тузиш билан чекланади.

"Аммо улар ҳақиқатда вазиятни заррача ўзгартирмайди, - дейди Богдан Цырдя. – Молдова ННТлари бюджетига бир назар солинг – миллионлаб долларларга кўзингиз тушади. Таълимга ажратилган бюджет эса анча кам, гарчи жамиятни ривожлантириш учун айнан шу соҳа энг муҳимларидан бири саналса-да. Ёки дейлик, Европа тузилмалари Молдовага пул беришаётгани ҳақида гапиришни хуш кўрадилар. Аммо пуллар қани? Юстиция ислоҳотига йўналтирилган 100 миллион евродан фақат 10 миллионигина бевосита судлар учун жиҳозларга сарфланган. Асосий қисми - гўёки юстицияни ислоҳ қилаётган идораларга, кофе-брейкларга кетган. Бундан келиб чиқадики, фонд пулларни ўзига ўзи бераркан-да".

Ғарб тузилмалари томонидан молиялаштириладиган ноҳукумат ташкилотлари собиқ иттифоқи майдонида икки хил - юмшоқ ва қаттиқ таъсир линиялардан фойдаланади, дейди Богдан Цырдя.

"Мисол тариқасида: Сорос фонди бир вақтнинг ўзида ҳамма ёқда пайдо бўлди ва аввалига тарих бўйича китобларни молиялаштирди. Уларда нима ҳақда ёзилган? Китобларда давлатларнинг қанчайин қолоқлиги ва эндиликда уларга қандай ёрдам берилиши ҳақида сингдирилган. Сўнгра фонд грант лойиҳаларини ташкил қилди. Нима учун? Мақсад ёш онгларни жалб қилиш эди. Уларни семинар ва тадқиқотлар учун жалб қилишган ва одамлар, ўзлари буни тушунмаган ҳолда, ўз давлатлари ҳақида разведкага оид маълумотларни тақдим этган. Буларни ҳеч ким назорат қилмаган, сабаби 1990-йилларда ҳаммаёқда тартибсизлик ҳукм сурган", - деб ҳисоблайди сиёсатчи.

Ҳаракатларнинг биринчи варианти - юмшоқ ҳаракатлар, тушунтиради Цырдя. "Аввалига мамлакатда фонд ташкил этилади, фонд ННТ ва нотижорат ташкилотларга асос солади, шундай кейин у бошқа тузилмаларни молиялаштиришни бошлайди, шу тариқа, мамлакат эмас, балки спонсорлар манфаатида ҳаракат қиладиган тармоқ вужудга келади. Кейинчалик фонд тармоқ тамойили асосида ўз одамларини ҳукумат тузилмаларига кўтара бошлайди".

Богдан Цырдя Арманистонни мисол тариқасида келтириб ўтади. Бу ерда Никол Пашинян вақтида Сорос тузилмаларидан чиққанлар олий мартабали амалдорларга айланган эди.

Молдовалик сиёсатчи турли фондларнинг қаттиқ таъсири сифатида Беларусдаги тартибсизликларни мисол келтиради. "Ғарб очиқчасига беларус мухолифатини қўллаб-қувватламоқда (11 декабр куни Еврокомиссия республикада фуқаролик жамиятини қўллаб-қувватлаш учун 24 миллион евро ажратилишини маъқуллади, - таҳр.). Фикримча, Беларусда ҳеч ким маҳаллий фондлар фаолиятини чуқур таҳлил қилмаган, зеро, инқилоб шунчаки юзага келмайди. Бунинг учун шароит бўлиши керак", - дея таъкидлайди Богдан Цырдя.

1153
Теглар:
Сорос фонди, Жорж Сорос
Корабли НАТО в Балтийском море во время учений

Янги совуқ  уруш: Америка денгиз пиёдалари нега Шимолда тўпланмоқда

582
(Янгиланган 15:21 25.01.2021)
Россияни жиловлаб туриш баҳонасида АҚШ ва Норвегия Арктикада янги совуқ урушни ва қуролланиш пайгасини бошлаб юборишган.

ТОШКЕНТ, 25 янв — Sputnik, Николай Протопопов. АҚШ армияси Норвегияда, Россия чегараларига яқин жойда тўпланмоқда. Январ ойида ушбу қирғоқда мингга яқин АҚШ денгиз пиёдалари олиб келинган эди. Шу билан бирга америка сиёсатчилари ва генераллари тинимсиз равишда Арктикада танглик ошиб бораётганини ҳақида баёнот бермоқда. Аслида ушбу тангликни уларнинг ўзлари яратмоқда. Пентагон Норвегияни  нималарга тайёрлаётгани ҳақида РИА Новости мақоласида.

Викинглар уйига меҳмонга

Америкаликлар “денгиз кучларининг Шимолий Каролинадан Норвегияга олиб келишига “оддий ротация” сабаб деб, бир неча йилдан буён Россия чегаралари яқинида ўз ҳарбий контингентни доимий сақлаб турмоқда.

Уларнинг вазифаси – НАТОдаги ҳамкасабалари билан биргаликда ҳаракат қилишни машқ қилиш ва норвегиялик инструкторлар қўли остида совуқ шимол иқлимида жанговар ҳаракатлар олиб боришни ўрганишдир.

Феврал ойида Америка, Норвегия, Голландия ва Англия аскарлари – жами 10 мингга яқин, Joint Viking 2021 номли кенг кўламли ҳарбий ўқув-машғулотларида иштирок этади. НАТОчилар қўшинларни катта масофага тезда етказиш, барча даражада техкор ахборот алмашиш тизимини синаб кўришни машқ қилишади ва бир неча операциялар ўтказишади.

JointViking ҳарбий ўқув-машғулотлари ҳар йили бўлиб ўтади. Унда НАТО қўшинлари – бронетехника, артиллерия, авиация, ҳарбий кемалар ва сув ости кемалари иштирокида, аксарият ўрмон ва тоғлардан иборат бир неча юз квадрат километр майдонда, юқори интенсивли жанговар ҳаракатларни машқ қилишади.

Ҳарбий эксперт Александр Жилин айтишига кўра, АҚШ ўз ҳарбий доктринасига кўра, уларнинг армияси, асосан, хорижда жанг қилишни ўрганмоқда.

“Шу сабабли ҳам америка ҳарбийлари доимий равишда турли давлатларда пайдо бўлиб, у ерда разведка, аэродромларни текшириш, денгиз йўлларини текшириш билан шуғулланишади, дейди Жилин. –Бошқа давлатлар ҳарбийлари билан олиб биргаликда ўтказиладиган машғулотларга алоҳида эътибор берилади, чунки АҚШ ҳар доим бировлар қўли билан жанг қилади”.

Эксперт хулосасига кўра, Пентагон вазиятни атайлаб танг қилмоқда. Чунки АҚШ ва НАТО Арктикага даъво қилишда давом этишмоқда.

“Денгиз пиёдалари ўқув-машғулотларида ҳужум операциялари машқ қилинмоқда, ҳимоя эмас – дейди Жилин. – Жумладан Россияга қарши ҳаракатлар ҳам. НАТОнинг Европадаги ҳаракатлари умумий таҳлил қилинганда - улар Москва учун танглик ҳудудлари ташкил қилишга қаратилганини кўриш мумкин. Бизнинг армиямиз ҳам Норвегияда содир бўлаётган воқеаларга бефарқ қараб тура олмайди. Ваҳима йўқ, лекин куч ва ресурсларни сарфлашга тўғри келмоқда – биз вазиятни тўлиқ назорат остига олишимиз керак, ҳеч қандай провокацияга йўл қўймаслигимиз керак”.

Шимолий плацдарм

“Валдай” таҳлилий клуби эксперти Артем Куреев айтишига қараганда, Арктика шароитида жанг қилишни ўрганиш учун америкаликларнинг Аляскада жойлашган ривожланган инфратузилмаси бор. Лекин шунга қарамасдан улар Норвегияда машқ қилишни хуш кўришади.

“Аслида ушбу машғулотлар НАТОда етакчиликни сақлаб туриш учун керак. Норвегия – НАТОнинг энг “эски” аъзоларидан биридир. Осло Россияни ўзига душман деб билади. Совуқ уруш йиллари вақтида норвегияликлар Арктикада СССРга қаршилик кўрсатиш учун инфратузилма яратиб, ундан ҳозиргача фойдаланиб келишмоқда. Агар вазият ҳақиқатдан ҳам кескинлашса, Шимолий Норвегия дарҳол Россиянинг Мурманск шаҳри йўлида бош плацдармига айланади”.

Ҳарбий денгиз флоти ва Денгиз пиёдалари корпусининг янги стратегиясига кўра, Вашингтон Арктикадан бошқа давлатларни сиқиб чиқариб, у ерга ўзи ўрнашиб олишни истайди. "АҚШ ҳарбий-денгизчиларисиз Арктика ҳудудида тинчлик ва фаравонликка Россия ва Хитой халал беради”, - дейилган АҚШ ҲДФнинг янги 10 йиллик доктринасида.

АҚШ ҲДФ вазири Кеннет Брейтуэйт айтишига кўра, Пентагон Арктикада “Узоқ Шимолда Москванинг кенгайишини олдини олиш ва Россия қирғоқлари яқинидаги акваторияни назорат қилиш учун”  Арктикада доимий равишда жанговар сув усти ва сув ости кемаларини, шунингдек кучли қуруқлик қўшинларини жойлаштириш ҳам режалаштирилган.

Норвегия мудофаа вазири Франк Бакке-Йенсен, айтишига қараганда - давлати хавфсизлик сиёсатининг асосий йўналиши – Арктика ва Россиянинг ҳудуддаги фаоллигидир. Ушбу йўналишда трансатлантик алоқалар – ҳал қилувчи аҳамиятга эга. Узоқ Шимолда Норвегия НАТО бўйича ҳал қилувчи иттифоқчиларнинг кучайиши тарафдоридир.

“АҚШ ҲДФ, денгиз пиёдалари, махсус кучлар, ҳарбий ҳаво кучлари ва космик кучлари билан биргаликда Арктикада ҳамкорлар билан стратегик алоқаларни ривожлантирамиз, - деди вазир. – Бу Узоқ Шимолда иттифоқчи ҳарбий-денгиз ва ҳарбий-ҳаво кучларининг доимий ўқув-машғулот олиб боришини назарда тутади. Норвегия ушбу тадбирларда иштирок этиб, иттифоқчилар билан оператив ҳамкорликни ривожлантириш ниятида".

Барча фронтлар бўйлаб

Айтиш жоизки, АҚШ Шимолда жиддий ўрнашиб олган ва бунда Норвегиянинг аҳамияти жуда катта бўлди. Ўтган йилнинг сентябрида Тромсе портига Seawolf классига мансуб сув ости кемаси етиб келган эди. Унинг асосий миссияси – Россия сув ости кемалари йўналишини кузатишдир.

Бироз олдин бўлса АҚШ Россияни Шимолда “жиловлаб туриш” учун 2011 йилда тарқатиб юборилган Иккинчи флотини қайта тиклаган эди.

Совуқ урушнинг яна бир белгиси – 1960 йиллардан қурилган Норвегияннг Олавсверн ер ости ҳарбий базаси фаолияти қайта тикланмоқда. Олавсверн – Россия чегарасидан 350 км масофада жойлашган бўлиб, ундан сув ости ва сув усти кемаларини таъмирлаш, ўқ-дориларни сақлаш учун фойдаланилади. Совуқ уруш даврида бу ерда жойлаштирилган ҳарбий кемалар Совет Иттифофи ҲДФга Норвегия денгизи ва Шимолий Атлантикага чиқиш йўлини тўсиб қўйиши мумкин деб ҳисобланган.

Пентагон Арктикада ҳарбий-ҳаво кучларини оширишга жиддий қарор қилган. Ўтган йил Америка ва Норвегия ҳарбий кучларининг кенг кўламли ўқув-машғулотлари бўлиб ўтди. Бирданига 6та B-52 Stratofortress - стратегик бомбардимончи самолётлар Шимолий полюс устидан учиб ўтиб Норвегия стратегик қирувчилари билан биргаликда синов парвозлари амалга оширди.

Февралда эса Пентагон Техасдан Норвегиядаги Эрланд авиабазасига 4та товуш тезлигидан тез учадиган B-1BLancer стратегик бомбардимончиларини жойлаштирди.

582

"Русларнинг нозик жойига урамиз": НАТО нимани режалаштирган

1957
(Янгиланган 21:30 22.01.2021)
Ҳарбий контингентни ошириш, армия инфратузилмаси қурилиши ва халқаро миқёсда янада жипслашиш - 2021 йилда НAТО Россия ғарбий чегараларига босимни кучайтиради.

ТОШКЕНТ, 22 янв — Sputnik, Андрей Коц. Ҳарбий контингентни кўпайтириш, армия инфратузилмасининг қурилиши ва халқаро миқёсда янада жипслашиш - 2021 йилда НAТО Россиянинг ғарбий чегараларига босимни кучайтиради. Май-июнь ойларида альянс совуқ уруш давридан буён энг йирик Defender Europe 2021 манёврларини ўтказади. Бунга жавобан Россия ва Беларусь кўламдорлиги жиҳатдан қолишмайдиган "Ғарб-2021" ҳамкорликдаги машғулотларни сентябр ойида ўтказишни режалаштирган. Буларнинг барчаси нима билан тугаши мумкинлиги ҳақида — РИА Новости материалида ўқинг.

Жанг майдони — Европа

Defender Europe 2021да, аввалгидек, Шарқий Европа ва Болтиқбўйида мудофаа ва ҳужум ҳаракатлари машқ қилинади. Машғулотлар афсонасига кўра, НАТО қўшинларига Калининград вилоятига штурм уюштириш, Россия ғарбий вилоятларини блоклашга, шунингдек, "русларнинг ёппасига ҳужумини" қайтаришга тўғри келади. Ўтган йилгилардан фарқли равишда, 2021-йилда алоҳида эътибор Шарқий эмас, балки Жанубий Европага қаратилади. Манёврлар Черногория, Косово ва Албанияда режалаштирилган. Болгария ва Руминияда Ҳаводан ҳужумга қарши машғулотлар ўтказилади ва "ер - ер" синфидаги ракеталардан ўт очиш амалга оширилади. Венгрия эса бошланаётган "урушнинг" орқа томони сифатида хизмат қилади.

Aмерикаликлар Европага кучларнинг асосий қисмини кўчиради, жумладан 1-отлиқлар ва 82-ҳаво-десант дивизиялари бўлинмаларини. Aтлантика океанидан юзлаб турли мақсадлар учун мўлжалланган ҳарбий техникалар олиб ўтилади. Бундан ташқари, Флорида штатидан 53-пиёда бригадаси етказиб берилади. Машғулотлардан сўнг америкаликлар баъзи қуролларни яна Европада "унутиб қўйишлари" ҳам истисно эмас, бу биринчи бор содир бўлмаяпти, ахир. Мутахассислар фикрига кўра, шу тариқа Пентагон йилдан-йилга минтақадаги ҳужум имкониятларини ошириб бормоқда.

Defender Europe 2021га жавобан Россия ва Беларусь сентябр ойида "Ғарб-2021" манёврларини ўтказади. Душанба куни Беларусь Мудофаа вазири Виктор Хренин маълум қилганидек, "қўшма машқлар юқори даражадаги шаҳарлашган шароитда бирлаштирилган ҳужум бўлинмалари томонидан қўшма ҳаракатларнинг янги усулларини синовдан ўтказиш"га, шунингдек, "янги ва модернизация қилинган қурол ва техника намуналари самарадорлигини баҳолаш"га имкон беради.

Минскда, стратегик манёвралар "кучли иттифоқчилик муносабатлари ва Беларусь ва Россиянинг мудофаа идораларининг Иттифоқ давлат ҳарбий хавфсизлигини таъминлаш бўйича қарашлари бирлигини" акс эттиришини қайд этишди.

Кучни кўз-кўз қилиш

Иккала томон ҳам маневралар бирон бир давлатга ёки ҳарбий блокга қарши йўналтирилмагани тўғрисидаги одатдаги дипломатик иборалардан фойдаланмадилар. НAТО кучлари томонидан Калининградга ҳужум саҳнасини машқ қилиш ва рус ҳарбий хизматчиларининг шаҳарда кечадиган жангларга тайёрланишлари, ким кимга қарши жанг қилишини аниқ намоён этиб турибди. Aлбатта, кенг кўламли қуролли тўқнашув эҳтимоли жуда кичик, аммо реал.

Мутахассислар фикрига кўра, НАТОнинг 2021 йилдаги ҳаракатлари АҚШдаги ҳукумат алмашувига бевосита таъсир кўрсатади. Дональд Трамп президентлигининг тўрт йилида Шимолий атлантика блоки бирлиги сезиларли кучсизланди. Оқ уй эгаси биринчи галда америка манфаатларини кўзлашини яширмас, ва ҳатто альянсдан чиқиш имконияти борлигини ҳам истисно этмасди. Бундай оҳанг Европада кучли ташвишни келтириб чиқарди, яна бир бор ЕИ армияси ҳақидаги масала кўтарилди. Янги президент, кўриниб турибдики, ҳаммасини тўғрилашга ҳаракат қилади.

"Россия ва НАТО ўртасидаги муносабатлар бу йил ёмонлашиб боради, — деб ҳисоблайди Геосиёсий масалалар Академиясининг биринчи вице-президенти Константин Сивков. — Байден альянсни қайта тикламоқчи ва сафарбар шай ҳолатга келтирмоқчи. Бунинг учун эса ташқи душман керак. Хитой жуда узоқ бўлгани учун, Россия бу рольга ҳаммадан яхши мос келади. Вашингтонга ташқи душман образи америка жамиятини жипслаштириш учун ҳам керак".

Пул ишлаш

Бироқ, мутахассисларнинг фикрича, аслида НAТОнинг Россияга қарши аниқ тажовузкор режалари йўқ. Aмерикаликлар учун альянснинг кейинги кенгайтирилиши - бу пул ишлашнинг ва Европани ўзига янада кучлироқ боғлашнинг усулидир. Вашингтон Трампгача бўлган даврга қайтади ва Кўхна дунё ишларига аралашувни кучайтиради.

"Мени наздимда, 2021-йилда НАТО ҳарбий ташкилотдан аллақандай глобал корпорацияга айланаётганини намойиш этади, — дея тушунтиради америкачи-сиёсатшунос Сергей Судаков. — Альянснинг муҳим масаласи аввалгидек ҳамон долзарб — бу молиялаштириш. Мусиқани пулини тўлаган буюради. Бюджетнинг учдан икки қисмини АҚШ таъминлайди, ва бу ҳеч кимга сир эмас. Биз ҳаражатлар уч миллион доллардан ошиб тушганини яхши биламиз. Ва энг аввало - Вашингтон туфайли. Европа давлатлари АҚШдан поставкаларга умид қилишади - ҳатто сухой паёкларгача. Буни американинг улкан мудофаа бюджети қўллаб-қувватлайди — НАТО манфаатларида ҳаракат қиладиган корпорациялар жуда улкае миқдорда даромад кўришади".

Эксперт Шимолий Aтлантика альянсининг бугунги фаолиятини бир чўнтакдан бошқасига пул ўтказишга қиёслади. Вашингтон НAТОга пул ажратади, иттифоқчилар бу маблағларга Aмерика техникаси ва қуролларини сотиб олиш учун фойдаланади ва шу билан доира ёпилади.

Байден давридаги AҚШ Европа учун ҳарбий маҳсулотлар учун асосий бозорлардан бири бўлиб қолади. Демак, океан ортидан Россияга қарши риторика кучайишини кутишимиз керак. Aммо аксарият мутахассислар шунга аминки: Вашингтон ва Брюссел дунёда қудрати бўйича иккинчи ўринда турадиган армия кучини синаб кўришга журъат этолмаса керак.

1957
Британские военнослужащие

Эркак севгилисини ҳарбий қисмга олиб келиб, хонасида яшириб қўйди

367
(Янгиланган 19:47 25.01.2021)
Буюк Британияда эркак севгилисини ҳарбий қисмга олиб келиб, ўз хонасида икки давомида яшириб сақлади.

ТОШКЕНТ, 25 янв — Sputnik. Буюк Британияда самолёт устаси икки ҳафта давомида аёлни ҳарбий базадаги хонасида яшириб қўйди, деб хабар қилди РИА Новости The Sun нашрига асосан.

Эркак бу ҳолатни яширишга ҳаракат қилиб, “Илтимос, хона тозаланмасин” деган ёзувни осиб қўйди. Бироқ хонадан келаётган ҳид шикоятларга сабаб бўлди. Шундан сўнг, бир гуруҳ зобитлар хонани текшириш учун келишди. Улар шкафда ҳарбий кийим орқасидан аёлни топишди.

Аёл - Шарқ мамлакатларидан бирининг фуқароси, Голландия паспортига эга. Ҳарбий қисмда аёл эркакни алдаб, ундан сирларни олиши мумкинлиги ҳақида гумон қилишди.

Эркак севгилининг жосус эканлиги ҳақидаги шубҳаларни рад этди. Манбанинг маълум қилишича, аёл рухсатномасиз қўриқланадиган ҳудудга кирган.

Газетанинг ёзишича, севишганлар 2019 йилда танишган. Эркак қизни Рождество таътилидан кейин автомобил юкхонасида олиб келиб, ўз хонасида яшириб қўяди. Ҳарбий хизматчи жиддий қонунбузарлик содир этган ва қамоқ жазосига ҳукм қилиниши мумкин. Аёл Британияни тарк этди.

Денгиз кучлари вакилининг сўзларига кўра, ҳодиса юзасидан текширув тайинланган. У аёл Европа Иттифоқи фуқароси эканлигини ва унга  жосусликда айб қўйилмагани таъкидланди.

367
Теглар:
ҳарбийлар, ҳарбий база, Буюк Британия