Россия ОТМларига кириш осонлашди: хорижликлар учун суперсервис нима

381
(Янгиланган 13:38 10.02.2021)
Россотрудничество чет эл фуқаролари учун қабул жараёнининг оралиқ натижаларини якунлади. Янги тизимнинг асосий афзаллиги – тўлиқ онлайн саралаб олиш.

ТОШКЕНТ, 10 фев — Sputnik. Данара Курманова. Россия олим таълим муассасалари ҳар йили хорижлик абитуриентлар ўртасида Россия ҳукумати квотаси билан бепул ўқишга танлов ўтказади. Аммо бу гал қабул кампанияси жиддий ўзгарди: илк маротаба Россияда таълим олиш истагида бўлган хорижликлар махсус суперсервисда рўйхатдан ўтиб, барча жараёндан онлайн ўтишлари мумкин.

Қабул кампанияси 20 январь куни бошланди ва 20 февраль куни якунланади. Россотрудничество турли давлат абитуриентларидан жуда кўп аризалар келиб тушганини қайд этди. Суперсервис нима ва МДҲ талабалари учун ўқишга киришни қандай енгиллаштиради? “Sputnik” буларни ўрганди.

Суперсервиснинг афзаллиги нимада

Суперсервис – бу чет эллик абитуриентлар Россиянинг исталган ОТМга ариза топширишлари мумкин бўлган онлайн платформа. Россотрудничество агентлиги раҳбари ўринбосари Павел Шевцовнинг  “Sputnik” нашрига берган интервьюсида маълум қилишича, ушбу механизм ягона дарча тамойили асосида ишлайди.

“Бу чет эллик фуқароларни қабул қилишнинг соддалаштирилган тизимидир. Бу йил тажриба тариқасида иш бошлади, йил охирига келиб эса тўлиқ йўлга қўйилади”, - дейди у.

Ҳозир дастурда иштирок этиш учун барча ҳужжатларни уйдан чиқмасдан топшириш мумкин. Сайтда рўйхатдан ўтилса бас. Бунинг ҳаммаси суперсервис шарофати билан.  Қолаверса, тез орада сервис Россиянинг барча шаҳарлари ва уларнинг инфратузилмалари ҳақида тўлиқ маълумот тақдим этишни бошлайди. Шунингдек, сервисда мутахассислиги бўйича хорижликлар учун иш ҳақида эълонлар берилади. Пул ишламоқчи бўлган талабалар ишга жойлашиш имкониятига эга бўлишади.

Ҳозирда суперсервисдан рус ва инглиз тилларидан фойдаланиш мумкин. Бироқ бошқа тилларни ҳам қўшиш режаларда бор. Бундан чет эллик талабаларнинг Россияда таълим олиш, ОТМлар, яшаш шароити тўғрисидаги зарурий маълумотларни ўз она тилларида олиш имкониятини яратиш кўзланган.

Харажатларни қисқартириб, муаммоларни ҳал қиламиз

Кўплаб чет эллик талабалар дуч келадиган асосий муаммо бу миграция сиёсатининг нозликлигида. Ахир ҳар бир мамлакатда ўзининг қоидалари амал қилади: кимгадир виза керак, кимгадир эса миграция рўйхатидан ўтиш кифоя, лекин буни қатъий белгиланган вақт оралиғида қилиш ўта муҳимдир. Бу масалаларга оид маслаҳатларни суперсервисда ҳам олиш мумкин бўлади.

Онлайн платформанинг ишга туширилиши авваллари иқтидорли ёшлар қаршилашган кўплаб тўсиқларни қисқартиради, дея маълум қилди Россотрудничество матбуот хизмати. Илгари Россия олийгоҳига танловдан ўтиш учун камида беш марта танловнинг оралиқ босқичларига келиш керак эди. Аммо ҳамма абитуриентлар Россотрудничество филиаллари жойлашган шаҳарларда яшамайди. Кимдир қишлоқ жойда, кимдир олис шаҳарда. Бу филиалга келиш учун пул сарфлаш дегани. Эндиликда илова ўрнатиб, телефон орқали ҳужжатларни топшириш, имтиҳондан ўтиш ва видео орқали суҳбатдан ўтиш мумкин.

Шу билан бирга барча бўлажак талабалар учун онлайн шакл қулай бўлмаслиги мумкин, айниқса уйда тест топшириш учун шароит бўлмаса ёки Интернет билан боғлиқ муаммолар юзага келса. “Хавотирга ўрин йўқ, шахсан келиб иштирок этиш опциясини қолдирамиз, албатта турли вариантларни ишлаб чиқамиз”, - дейди Павел Шевцов. – Танловдан ўтиш қулай бўлиши муҳимдир".

Пандемиянинг ижобий томони

Икки ҳафта ичида суперсервисга 20 мингдан зиёд ариза келиб тушган. Уларнинг қарийб 40 фоизи собиқ Совет Иттифоқи мамлакатларидан.

“МДҲ мамлакатларида Россия таълимига бўлган талаб ҳамиша юқори бўлган, лекин бу сафар бутун дунё бўйлаб юзага келган падемия шароитида бу ўсганини кўряпмиз, - дейди Павел Шевцов. – Талабалар Россия пандемияни муваффақиятли енгаётгани (коронавирус бўйича рақамлар бундан далолат бермоқда), ўқув жараёнини ташкиллаштираётганига эътибор қаратишмоқда. Шу боис Россиядаги таълимга бўлган қизиқиш ошди, аммо аниқ бир рақамларни айтишга ҳали эрта, чунки танлов ҳозир ҳам давом этмоқда”.

Сколько заявок на обучение в вузы РФ подали абитуриенты из Ближнего зарубежья
© Sputnik
Сколько заявок на обучение в вузы РФ подали абитуриенты из Ближнего зарубежья

Чет эллик талабалар учун оммабоп йўналиш тиббиёт соҳаси бўлиб қолмоқда. Россотрудничествонинг “Sputnik” агентлигига тақдим этган статистикасига кўра, суперсервиснинг энг талаб юқори бўлган йўналишларига стоматология ва даволаш кирган.

Айтиш жоизки, онлайн танловнинг кўпчилик иштирокчиларини Россия олийгоҳларида таҳсил олаётган ёки олиб бўлган ва Россияда таълимни давом эттириш истагидаги талабалар ташкил этади: масалан, аризалар умумий сонининг 13 фоизини магистратура дастурлари ташкил этади. Бу тоифадаги танлов иштирокчиларидан бири бу Грузиядан бўлган Даниил Никуленко. Ҳозир у РУДНда бакалаврни тамомламоқда ва шу олийгоҳнинг магистратурасига ҳужжат топширмоқда.

“Мен Россияда ўқишни давом эттиришга қарор қилдим, чунки менга таълим бериш тизими ёқади, бу ерда кўплаб дўстларим бор, - дейди у. – Шунинг учун суперсервисдан рўйхатдан ўтдим ва февраль бошида ҳужжатларимни топширдим. Бу қулай: бир зумда сайтни топдим, осонлик билан ариза топширдим, агар маълумот олиш керак бўлса, барча контактлар кўрсатилган”.

Никуленко танловдан ўтишга ва халқаро муносабатлар факультетида ўқишни давом эттиришга муваффақ бўлишига умид қилмоқда.

381
Дмитрий Голубовский

Россия бутун Марказий Осиёни инқироздан олиб чиқиши мумкин эксперт

997
(Янгиланган 20:51 05.03.2021)
Молиявий таҳлилчи фикрга кўра, келажак 10 йилда Марказий Осий давлатлари тақдири Россия иқтисодий ривожланишига боғлиқ бўлади.

ТОШКЕНТ, 5 мар - Sputnik. Россия бутун Марказий Осиёни инқироздан олиб чиқиши мумкин, деб ҳисоблайди россиялик эксперт Дмитрий Голубовский.

БМТ мутахассислари хулосасига кўра, Мана бир неча ойдан буён жаҳон бозорларида озиқ-овқат маҳсулотлари нархи ошмоқда. Бу айниқса шакар ва ўсимлик мойи нархларида билинмоқда.

Молиявий таҳлилчи хулосасига кўра бу янги тренд бўлиб келажак 10 йил давом этиши мумкин.

“Молиячилар буни “хом-ашё суперцикли” дейишади. Бу анча узоқ давом этиши мумкин... Ўтган цикла нефт нархи неча йил давомида ошгани эсингиздами? 1998 йилда бошланиб 2008 йилгача давом этди ва кескин қулади. Умумий ҳисобда 10 йил”, - деди эксперт.

Озиқ-овқат, металлургия ва ёнилғи соҳаларини ҳам худди шундай тенденция кутмоқда. Буларнинг барчаси долларга боғлиқ. Аниқроғи унинг қадрсизланиш даврига. Америкаликлар ўзларининг  қарз босимини камайтириш мақсадида умумжаҳон инфляциясини уюштирмоқда.

Дунёда доллар миқдори жуда кўпайиб кетган ва уни қадрсизлантириш керак деб ҳисоблайди Голубовский.

Бу ишни иккита услуб билан амалга ошириш мумкин: қарз инқирози ёки инфляция ёрдамида. Қарз инқирозида асосан бойлар зарар кўради, инфляцияда эса – барча.

Дунё – иккинчисини танлади ва барча муаммоларни пул билан “ёпиш”га киришди, деб ҳисоблайди молиявий таҳлилчи.

Бундай қарордан барча маҳсулот ва хизматлар нархи фақат ошиб боради. Ушбу вазиятда камбағал давлатлдар айниқса катта хавф остида. Улар учун ягона ечим – бой давлатлар билан савдо иттифоқлари тузиш ёки иқтисодий иттифоқларга қўшилиш.

“Агар Россия яхши иқтисодий ўсиш намойиш этса, у ўз ортидан барча қўшниларини тортиб кетиши мумкин. Бу ҳудудий фактор дейилади – кучли иқтисод ҳар доим қўшниларини ўз ортидан тортади. Чунки қўшнилар бу мамлакатга ишлаш учун келиб кўпроқ пул топишлари мумкин, бой иқтисодлар айрим ишларни оутсорсинг мақсадида қўшни давлатларга ўтказиши мумкин ёки савдо алоқалар ёрдамида ўсиш кузатилиши мумкин”, - дейди Голубовский.

Молиявий таҳлилчи хулосасига кўра, хом-ашё нархи ўсиш циклида Россия иқтисоди ўсиб борса (бундай бўлиш эҳтимоли катта, чунки Россия иқтисоди асосан хом-ашёга асосланган), бундай ҳолда – Россия бутун  Марказий Осиёни ўз ортидан тортиб кетиши мумкин.

Батафсил Sputnik аудиоподкастида тингланг.

Россия может вытянуть за собой всю Центральную Азию — мнение эксперта
997

Иккинчи жаҳон уруши бошланиши учун ким "пул тиккан". Махфий ҳужжатлар ошкор бўлди

2076
(Янгиланган 20:47 05.03.2021)
Сиёсатшунослик фанлари доктори, профессор Игор Панарин Россия ташқи разведка хизматининг яқиндаги топилмасига изоҳ берди. Ушбу материал 1940-йиллардаги воқеалар ҳақидаги ҳақиқатни фош этди

Гап 1945 йилдаги шифр-телеграмма ҳақида бормоқда. У Лондондан Москвага юборилган.

Хатда нацист Германияси Империя банки вице-президенти Эмиль Пульнинг катта партиядаги олтин қуймаларини етказиб бериш бўйича операцияси ҳақида хабар берилган.

Қимматбаҳо металл Брюссел яқинида жойлашган туз шахталарига олиб келиниши керак эди.

Бундай улкан миқдордаги олтин қаердан олинган? Уни концлагер асирларидан тўплашган.

"Бу Пуль нафақат Рейхсбанк вице-президенти, балки бир вақтнинг ўзида Швейцариядаги халқаро ҳисоб-китоблар банки директорлар кенгаши аъзоси ҳам бўлган. Бу бугунги кундаги энг муҳим тузилмалардан бири - у ҳатто АҚШ федерал резерв хизматидан ҳам аълороқ", - деди эксперт.

Унинг айтишича, Швейцария тузилмаси "асосчилари" Европадаги йирик молия ташкилотлари бўлишган: фашист Германиясининг Империя банки, Англия банки.

Буларнинг барчасида АҚШ ҳам иштирок этган: муассислар америка хусусий банклари бўлган, улар орасида машҳур Морган банкирлар уйи ҳам бор эди.

Унинг "гуллаб-яшнаш" даври Иккинчи жаҳон урушига тўғри келган, ўшанда молиявий операциялар ҳажми рекорд рақам - яримтриллион долларга етган.

"Бу Учинчи рейх олтин захираларининг бешдан тўрт қисмидир. Буларнинг барчаси шифр-телеграммда акс этган", - деб қўшимча қилди сиёсатшунос.

Аммо бу қандайдир сабаб билан жаҳон ОАВлари эътиборидан четда қолган.

Шу билан бирга, Англия банки Гитлерни у ҳукумат тепасига келаётган вақтда қўллаб-қувватлагани маълум. Гап 1930-йиллар боши ҳақида бормоқда.

Айнан шу британ молиявий тузилмаси бўлғуси нацистлар етакчисининг сайлов кампаниясига фаол равишда пул тикиб келган.

Гитлерни қўллаб-қувватлаш ишларида америкаликлар ҳам иштирок этганлар - архив материалларига мурожаат қилинса, ўша, обрўли Морганлар оиласи, Буюк тушкунликни "юзага келтиришга" ва XX асрдаги кенг кўламли жаҳон инқирози бошланишига алоқадор.

Ушбу инқироз Федерал резерв хизматини янада ривожлантириш мақсадида "қўлбола" тарзда амалга оширилганлигини кўрсатувчи фактлар мавжуд, дейди сиёсатшунос.

2076
Попрошайки в Ташкенте

Тошкент ва бошқа шаҳарларда тиланчилар кўпайиб кетган Сенат

33
(Янгиланган 14:54 07.03.2021)
Сенат қўмитаси аҳоли ҳаракати гавжум бўлган кўчалар, хиёбонлар, бозорлар, автотранспорт воситаларини вақтинча сақлаш жойлари ва чорраҳаларда тиланчилар кўпайганини маълум қилди.

ТОШКЕНТ, 7 мар — Sputnik. 4 март куни Олий Мажлис Сенати Мудофаа ва ҳавфсизлик масалалари қўмитаси 3 февраль куни ИИВга юборилган мурожаат жавобини кўриб чиқди. Унда республиканинг барча ҳудудларида, хусусан, Тошкент шаҳрида тиланчилик қилувчи шахслар сони кўпайиб кетишининг олдини олиш бўйича зарур чора-тадбирлар кўриш сўралган эди.

Сенаторлар сўнгги пайтларда аҳоли ҳаракати гавжум бўлган кўчалар, хиёбонлар, бозорлар ва уларга туташ ҳудудлардаги автотранспорт воситаларини вақтинча сақлаш жойлари ҳамда чорраҳаларда тиланчилик қилиб келаётган шахслар кўплаб учраётганини таъкидлашди.

“Бу эса, ўз навбатида, тиланчи шахслар томонидан фуқароларнинг юришига қўймай, автомобил йўлларида эса транспорт воситалари ҳаракатланишига хавф туғдириб қатъий туриб садақа сўраши кишининг таъбини хира қилиши табиий. Бундай нохуш ҳолатлар аҳоли кайфиятига салбий таъсир этиб, уларнинг ҳақли эътирозларига сабаб бўлмоқда”, - дейилган хабарда.

Мамлакат қонунчилигида айнан тиланчилик қилганлик учун маъмурий ва жиноий жавобгарлик масаласи белгиланган бўлса-да, ушбу норманинг ҳаётда қатъий ишламаётгани бундай шахсларнинг кундан кун кўпайиб боришига замин бўлмоқда, деб ҳисоблашади сенаторлар.

ИИВ патруль-пост, йўл патруль хизмати ҳамда ҳуқуқбузарликлар профилактикаси ходимлари кўрсатилган жойларда тегишли топшириқлар асосида чора-тадбирларни амалга ошираётганини маълум қилган.

Натижада январь ва февраль ойининг 20 кунлик даврида тиланчилик билан шуғулланиб юрган 131 нафар шахсларга нисбатан маъмурий баённома расмийлаштирилиб, уларга нисбатан 8 млн. сўмга яқин жарима жазоси белгиланган. 1 нафар ҳуқуқбузарга нисбатан эса маъмурий қамоқ жазоси тайинланган.

33
Теглар:
сенат