Вид на город Кабул в Афганистане

АҚШ қўшинлари олиб чиқилиши ва Кобулнинг ўққа тутилиши: Афғонистон тақдири қандай бўлади

371
Америка қўшинларининг Афғонистондан олиб чиқилиши икки президентнинг инаугурация маросимлари ва Кобулга ракета ҳужуми билан бир вақтга тўғри келди.

Америка қўшинларининг Афғонистондан олиб чиқилиши икки президентнинг инаугурация маросимлари ва Кобулга ракета ҳужуми билан бир вақтга тўғри келди. Бу АҚШнинг Афғонистонда "параллел воқелик" ни барпо этиш бўйича кўп йиллик ҳаракатларининг мантиқий ва рамзий натижасидир.

Афғонистон Ислом Республикасининг янги раҳбари Ашраф Ғани 9 март куни "Ислом давлати"* жангарилари Кобулдаги президентлик саройига ракетали ҳужум уюштирганида қасамёд қабул қилгандан сўнг нутқ сўзлаётган эди. Снарядлар бино ёнида портлади, икки киши жароҳат олди ва машиналарга зарар етказди. Мамлакатнинг амалдаги бош вазири Абдуллоҳ Абдуллоҳнинг қасамёд маросими бир вақтнинг ўзида деярли 500 метр масофада бўлиб ўтди. Абдуллоҳ ва унинг тарафдорлари сайловларнинг расмий натижаларини тан олмаяптилар. Муқобил маросим ҳам ўққа тутилди. Бироқ Ашраф Ғани ва Абдуллоҳ Абдуллоҳ меҳмонларни эҳтиром билан билан тинчлик сақлашга чақириб, маросимни давом эттиришди. Президентга суиқасд қилиш Афғонистонда одатий ҳолдир.

Қўпчилик хорижий делегациялар Ғанининг инаугурациясини танладилар, аммо баъзи давлатлар бирданига иккита тадбирга ўз вакилларини юбордилар. Кобулга ракета ҳужуми маросимларни бузмади, аммо содир бўлаётган барча нарсаларнинг бемаънилигини, афғонлараро тинчлик ўрнатишнинг ва АҚШнинг "Толибон"* билан келишуви, Америка қўшинларининг мавжудлиги ва чиқиб кетилишининг бемаънилигини таъкидлади. Ушбу фонда АҚШ давлат котиби Майк Помпео: "Биз параллел ҳукумат тузиш бўйича ҳар қандай ҳаракатларга ва сиёсий тафовутларни ҳал қилиш учун ҳар қандай куч ишлатилишига қатъиян қаршимиз", - деди. Бироқ, Афғонистонда Америка томонидан тузатишлар вақти табиий равишда ўтмишга кетмоқда. Мамлакатда ҳокимият учун қуролли курашнинг янги босқичи бошланади.

Ишғол натижалари

Афғонистонда «Толибон»га* қарши курашиш ва давлатини тиклаш учун АҚШ 822 миллиард доллардан ортиқ маблағ сарфлади. Вашингтон Афғонистонда 100000 кишилик ҳарбий гуруҳни ушлаб турганда (2010 - 2012) ҳар йили ҳарбий операциялар учун 100 миллиард доллар сарфлашга мажбур бўлган. АҚШ ҳарбий иштироки қисқартирилгандан сўнг (2016 - 2018 йилларда) Афғонистон операциялари қиймати йилига 40 миллиард долларга туширилди. АҚШ афғон гиёҳванд моддаларини ишлаб чиқаришга қарши кураш учун 9 миллиард долларга яқин маблағ сарфлади. Натижалар ачинарли.

Пентагон Афғонистонда 2300 аскарини йўқотди, яна 20660 аскар ва зобит жароҳат олди. Ашраф Ғанининг сўзларига кўра, 2014 йилдан бери Афғонистоннинг 45 мингдан ортиқ ҳарбийси ҳалок бўлган. БМТ идорасининг таъкидлашича, 2009 йилдан бери Афғонистонда 100 мингдан ортиқ тинч аҳоли ҳалок бўлган ёки жароҳатланган. Шу билан бирга, толиблар Ислом республикаси ҳудудининг ва аҳолисининг катта қисмини назорат қилмоқда. Бундан ташқари, мамлакатда ўттиздан ортиқ бошқа террористик гуруҳлар, жумладан "Ислом давлати"* (7000 га яқин жангари) ҳам фаолият юритмоқда. Американинг иштирокининг дастлабки 16 йилида кўкнори плантацияларининг майдони максимал даражага етди. Шу сабабли бугун Пентагоннинг 13 минг ҳарбий хизматчиси, 11 минг АҚШ фуқаролик мутахассиси ва Помпеонинг чақириғи Афғонистондаги об-ҳавони ўзгартира олмайди.

Марказий Осиё хавф остида

Биз Доҳада америкаликлар билан битим имзолаганимиздан сўнг, толиблар афғон ҳукумат кучлари позицияларига деярли тўхтовсиз ҳужум қилаётганини кўриб турибмиз. АҚШ ҳарбий-ҳаво кучлари Наҳр-э-Сараж туманида (Хелманд вилояти) толибларнинг позицияларига жавоб қайтаради. 6 март куни Кобулдаги террористик хуружи пайтида 27 киши ҳалок бўлди, аммо тахминлар бўйича ҳаммаси яхши кетмоқда. Вашингтон нима бўлаётганининг моҳиятини сезмаяпти ва АҚШ президенти Дональд Трамп "Толибон"* етакчиларидан бири Мулла Абдул Ғани Барадар билан телефон орқали суҳбатлашмоқда.

Пентагон Афғонистонда ҳеч нарса ҳал қила олмади, аммо яқин вақтгача камида ўнлаб террористик гуруҳларнинг жанговар имкониятларини ўзига қаратди. 2017 йил баҳорида НАТО саммитида "Қатъий қўллаб-қувватлаш" миссиясини 2020 йилгача узайтириш тўғрисида қарор қабул қилинди ва 2019 йил бошида Брюсселдаги альянс саммитида афғон хавфсизлик кучларини 2024 йилгача молиялаштириш тўғрисида қарор қабул қилинди. Ва шунга қарамай, Америка қўшинларининг чиқиб кетиши коалициянинг бошқа мамлакатлари учун намуна бўлиб қолади. Кейин Ислом Республикасида ҳокимиятни (таъсир доиралари) мужоҳидлар, толиблар, ишидчилар ва шунга ўхшашлар иштирокида янги шафқатсиз қайта тақсимланиши муқаррар равишда бошланади. Ҳатто Британиянинг Times нашри Афғонистонда янги фуқаролик уруши бўлишини башорат қилмоқда. Бу Марказий Осиёнинг қўшни давлатлари учун маълум даражадаги беқарорликни ваъда қилади.

* - Россияда ва қатор давлатларда тақиқланган террористик гуруҳлари.

371
Нефтяная качалка

АҚШ Россиядан рекорд миқдорда нефт сотиб олди

689
Ярим йил давомида АҚШ Россиядан 9 миллион тоннадан ортиқ нефт маҳсулотларини сотиб олди - бу 2004 йилдан бери мутлақ рекорддир.

ТОШКЕНТ, 14 авг - Sputnik, Наталья Дембинская. Ярим йил давомида АҚШ Россиядан тўққиз миллион тоннадан ортиқ нефт маҳсулотларини сотиб олди - бу 2004 йилдан бери мутлақ рекорддир. Шу билан бирга, Вашингтон Европанинг Россия энергия ресурсларига янада кўпроқ қарам бўлишига йўл қўймаслик учун “Шимолий оқим-2”ни тўхтатиш учун қўлидан келганича ҳаракат қилмоқда. Нима учун америкаликларнинг ўзлари Россия энергия ресурсларига қарам бўлиб қолган, РИА Новости ўрганди.

Рекорд даражадаги экспорт

Федерал божхона хизмати (ФБХ) маълумотларига кўра, январ-июл ойларида Россия нефт маҳсулотларини АҚШга сотишдан 2,2 миллиард доллар даромад топди. Океан ортига 7,46 миллион тоннадан кўпроқ жўнатилди, бу умумий экспортнинг 12 фоизини ташкил этади. Ҳаммадан кўпроқ Нидерландия сотиб олди - 12,19 миллион тонна, америкаликлар иккинчи, Мальта эса 4,4 миллион тонна билан учинчи ўринда.

Шу билан бирга, Нидерландия ва Мальта транзит хаби бўлиб, у ердан нефт маҳсулотлари бошқа мамлакатларга юборилади. Яъни, АҚШга ҳақиқий экспорт янада юқорироқ бўлиши мумкин, чунки ФБХ бундай таъминотни ҳисоблай олмайди.

Дарҳақиқат, АҚШ Энергетика Ахборот Бошқармаси (EIA) маълумотларига кўра, йилнинг биринчи беш ойида АҚШга Россия нефтининг импорти деярли 68 миллион баррелга ёки 9,3 миллион тоннага етди. Бу ФБХнинг олти ой давомидаги кўрсаткичларидан кўпроқ, чунки EIA жўнатувчи мамлакатни эмас, балки ишлаб чиқарувчи давлатни қайд этади.

Бунинг устига, июл ойида америкаликлар Россия мазутини сотиб олишни июнга нисбатан 16 фоизга кўпайтирдилар.

Ўрнини босишга бошқа ҳеч нарса йўқ

Гап шундаки, АҚШнинг ўзлари ўзини Венесуэланинг оғир нефтидан маҳрум қилди, бир қатор нефтни қайта ишлаш заводлари технологияси эса Перм ҳавзаси ва Ғарбий Техасдан келтириладиган енгил нефтдан фойдаланиш имконини бермайди. Уни Жанубий Америкадан сотиб олинган оғир нефть билан аралаштириш керак. Аммо Трамп Венесуэланинг давлатга қарашли PVSDA компаниясига қарши санкцияларни жорий этди ва заводлар хом ашё билан боғлиқ жиддий муаммоларга дуч келди.

Энг қийин вазиятда Мексика кўрфази ва Шарқий қирғоқ заводлари, шу жумладан Citgo Petroleum, Valero Energy, Chevron.

Кимёвий таркиби яқин бўлган Саудия Арабистони нефти ўрнини босиши мумкин эди, аммо саудияликлар ишлаб чиқаришни кўпайтиришдан бош тортди. Натижада, иқтисодиёт сиёсатни четга суриб қўйди - улар Россияга мурожаат қилишга мажбур бўлишди.

"Вашингтон Газпромга “Шимолий оқим-2” қурилишини тугатмаслиги учун иложи борини ишга солмоқда. Аммо, иқтисодий манфаатлар бир-бирига мос келганида, ҳеч нарса ҳамкорликка тўсқинлик қилолмайди", - деди “Альпари” ИАЦ раҳбари Александр Разуваев.

"Дунёдаги сўнгги геосиёсий воқеалар нефт бозорини Россия фойдасига қайта тақсимлади, чунки АҚШ бошқа икки давлатдан етказилишини рад этди ва уларга нисбатан санкцияларни жорий этди. Шундай қилиб, Urals ягона сотиб олиш имкони бўлган оғир нефть бўлди", - дейди Александр Дужников, A3F Group ГК асосчиларидан бири.

Мос келадиган хусусиятларидан ташқари, Россия хом ашёси нарх жиҳатидан мақбул. Молия вазирлигининг маълумотларига кўра, январ-июл ойларида Urals маркаси бир баррели учун ўртача нарх 40,34 долларни ташкил этди, ўтган йилнинг январ-июл ойларида эса бу кўрсаткич 65,27 долларни ташкил этган.

Бундан ташқари, ташиб бериш нархи ҳам сезиларли даражада пасайди. Карантиндан чиқиш билан эса ёнилғи истеъмоли кўтарилди - одамлар кўпроқ машинада саёҳат қилишни ва самолётларда учишни бошлади.

Саноатдаги инқироз

Нефт нархларининг кулаши туфайли АҚШда бурғулаш ускуналари сони кўп йиллик энг паст даражагача қисқарди. Dakota Access қувури экологик қонунчиликни бузганлиги сабабли ёпилди.

Ишлаб чиқариш кунига энг кўпи 13,1 дан 11,1 миллион баррелгача тушиб кетди. Бу АҚШдаги энг самарали сланец ҳавзаларига - Перм, Игл-Форд, Баккен, Ниобром, Анадарк, Аппалачи ва Хейнсвиллга таъсир қилди. 11 август куни эълон қилинган EIA прогнозига кўра, жорий йилда соҳанинг ўртача ишлаб чиқариш қуввати кунига 11,26 миллион баррелни, 2021 йилда эса - 11,14 ни ташкил қилади. EIA таҳминига бўйича, декабр ойига дунё бўйича нефт етказиб беришни қисқаришига энг катта ҳисса қўшган америкаликлар бўлиб қолади.

Haynes & Boone маълумотларига кўра, январ ойидан бери умумий қарзи 25,2 миллиард долларга тенг бўлган 36 та нефт ва газ компаниялари банкротлик иш юритувини бошладилар. Улар қаторида сланец ишлаб чиқарувчи энг йирик компаниялардан бири Whiting Petroleum, шунингдек, California Resources ва саноатда биринчи бошлаганлардан бўлган Chesapeake Enеrgy. Июн ойида яна бир йирик ишлаб чиқарувчи Extraction Oil & Gas қарз бўйича фоизларни ўз вақтида тўлай олмади ва судга банкротлик бўйича мурожаат қилди.

Rystad Energy компаниясининг ҳисоб-китобларига кўра, йил охирига келиб Американинг деярли бир юз элликга яқин нефт ва газ компаниялари ўзларини иқтисодий ночор деб эълон қиладилар. Сланец ишлаб чиқариши кунига беш миллион баррелдан пастроққа тушиб кетиши мумкин. ShaleProfile Analytics таҳмин қилишича, натижада соҳа ишлаб чиқариш қувватларининг учдан бирини йўқотиши мумкин.

689
Модернизированный Ту-160М впервые поднялся в воздух

Бомбардимончилар ва десант - Россиянинг "ҳамкорлар"га жавоби

796
(Янгиланган 20:20 14.08.2020)
РФ Қуролли кучлари узоқ масофали авиацияси ўз таркибида 70 га яқин Ту-160 ва Ту-95 стратегик бомбардимончилари, 40 дан ортиқ узоқ масофали Ту-22М3 бомбардимончилари бор.

Пентагоннинг Шарқий Европадаги иттифоқчилари ортида қилаётган провокациялари Россияни АҚШга уларнинг сайёрадаги позициялари заифлигини эслатишга мажбур қилмоқда. 12 август куни Россия Тинч океани флоти денгиз пиёдалари қўшинлари АҚШдан атиги 350 км масофада жойлашган Командор оролларига (Беринг денгизи) парашют десантини қўндирди.

Бир кун олдин, Ту-160 стратегик ракета ташувчилари экипажлари Саратов вилоятидан АҚШ ҳудудидан 530 км масофада жойлашган Анадир (Чукотка яримороли) аэродромига кўчиб ўтдилар.

Денгиз пиёдалари бўлинмаси Командор оролларида режалаштирилган тактик машғулот пайтида нотаниш майдончага парашют ёрдамида тушди. Қўшинларни ташлаш мақсади ороллардан бирида жойлашган ҳарбий объектнинг мудофаасини кучайтириш ва душманнинг разведка-саботаж гуруҳларининг ҳужумларини олдини олишдир.

Қўниш “Арбалет” парашют тизимларидан фойдаланган ҳолда, тўлиқ жанговар аслаҳалар ва қурол-яроғ ва мудофаани зич чегаралган вақт оралиғида амалга оширилди. Машғулотга 50 дан ортиқ ҳарбий хизматчилар, денгиз авиацияси самолётлари экипажлари ва Тинч океан флотининг таъминот кемалари жалб қилинди. Ҳаракатлар ўқув-жанговар тайёргарлик доирасида бўлганига қарамай, яққол рамзий бўлиб, Пентагонга Россиянинг таҳдидларга қарши туриш ва уларга муносабат билдириш қобилияти муҳимлигини эслатиб туради.

Америкалик "ҳамкорлар"га Саратов вилоятидан Анадқирьга иккита Ту-160 стратегик ракета ташувчисини кўчирилиши ҳам яна бир мақсадли сигнал кабидир. “Оққуш”ларнинг тўхтовсиз парвози (шарққа тахминан 7000 км) Ту-95МС стратегик ракета ташувчи бомбардимончилар, Ту-22М3 товушдан тез ракета ташувчи бомбардимончилар ва Ил-78 учар танкер иштирокида тактик-парвоз машқлари доирасида амалга оширилди.

Самолётлар оператив аэродромларга кўчирилганидан сўнг, экипажлар Узоқ масофали авиация қўмондони, генерал-лейтенант Сергей Кобылаш бошчилигида самолёт қуролларидан фойдаланиш ва бошқа топшириқлардан мақсадли вазифаларни жанговар равишда бажаришди. Аслида ракета ташувчиларнинг вазифалари бўйича ҳаммаси равшан, бу Россиянинг стратегик ядровий кучларининг таркибий қисми.

Қўмондоннинг "Ура" дейиши нимани англатади

Тинч океанида кўринмайдиган бўлиб кетган Командор оролларига (аҳолиси тахминан 700 киши) қўнган Тинч океан флоти денгиз пиёдаларининг парашют бўлими, яна бир бор Россия қўшинларининг доимий жойлашиш жойларидан минглаб километр масофада самарали ҳаракат қилиш ва дунёнинг исталган жойида ҳарбий иншоотларни тезда ўз назоратига олиш қобилиятининг юқори эканлигини яна бир бор намойиш этди.

Россия ҳарбийлари дунё тарихида биринчи марта Арктикага 10 минг метр баландликдан парашютда қўниб, Франц Иосиф Ери архипелагида муваффақиятли операцияни амалга оширишди. Юқори баландликдан десантлаш махсус кучлар бўлинмаларига душман объектидан ҳар қандай узоқликда ва ҳар қандай минтақада махфийлик ва операция самарадорлигини таъминлайди. Ҳар қандай минтақада, шу жумладан Шимолий қутб яқинида эркин сузаётган муз қоясига ҳам (у ерга Россия қўшинлари 2014 йил апрел ойида парашют қўнишган), қўшни қитъаларнинг қаттиқ тупроғини гапирмаса ҳам бўлади.

Вазиятнинг энг оғир шароитларида махсус мақсадларга мўлжалланган янги "Арбалет-2"парашют тизимлари ва бошқалар ҳарбийларга ўз қуроли ва 50 килограммлик контейнери билан 400-4000 метр баландликдан хавфсиз тарзда қўнишга имкон беради. “Штурм” елка қописиз парашюти 80 метр баландликдан сакрашга имкон беради. Ва фақатгина Россия зирҳли машиналари экипажлари билан 1500 метргача баландликдан кўп гумбазли парашю тизимларда қўндирилиши. Аммо, ҳар қандай парашют шунчаки ҳарбийни ва қуролларни жанг майдонига етказиб бериш воситасидир.

Ҳаво десантлари (денгиз пиёдалари, ҳаво-десант қўшинлари ва бошқа мутахассислар) душман чизиғи ортида, маҳаллий можароларда ва кенг кўламли урушда (мустақил равишда ёки ҳарбий гуруҳлар таркибида) тезкор-тактик жанговар вазифаларни ҳал қилишга мўлжалланган. Десант қўнишига фақатгина душманнинг ҳаво мудофааси самарали халақит бериши мумкин, аммо узоқдан туриб авиация қуроллари дастлабки зарбаси билан бу муаммони бартараф этади.

Ҳақиқий жанговар операцияда кимдир қўниш йўлини тозалаб бериши керак, ҳаво ҳужумига қарши зенит қуролларини, Lance типидаги тактик ракета тизимлари, душманнинг артиллерияси ва зирҳли техникасини бостириб туриши керак. Эҳтимол, стратегик Ту-160, Ту-95МС ва Ту-22М3 товушдан тез учар ракета ташувчи бомбардимончилари Тинч океан соҳилига учиб келгани ва вазифаларни белгиланган тартибда - Командор оролларига десант қўнишидан бир кун олдин амалга оширгани тасодиф эмас. Шу ерда таъкидлаб ўтиш керак: Россия ҳеч кимга уруш билан таҳдид қилмайди, лекин ўз ҳам имкониятларини ҳеч кимдан яширмайди.

Анадирнинг аёзли огоҳлантириши

11 август куни Тинч океани соҳилида жойлаштирилган Россия узоқ масофали авиациясининг ҳужум гуруҳи Россия ҳаво ҳудудини тарк этмасдан душманнинг 5500 кмгача бўлган масофадаги нишонларига зарба беришга қодир. Анадирь аэродромидан аниқ урувчи ва кам сезиладиган ракеталар Американинг Minuteman III ядровий қитъалараро баллистик ракеталари шахталари жойлашган Монтана ва Шимолий Дакота штатларига етиб бориши мумкин. Тинч океани устидаги халқаро ҳаво майдонидан янги имкониятлар очилмоқда.

Стратегик Ту-160М, масалан, Сурияда синовдан ўтган, узоқ географик минтақаларда душманнинг қуруқликдаги ёки денгиздаги нишонларини йўқ қилишга мўлжалланган, анъанавий ёки ядровий каллачали Х-101 қанотли ракеталаридан фойдаланиши мумкин. Ту-160Мнинг револьвер ракета учирувчи ускунаси 12 тагача қанотли ракеталарини таший олади. Х-101нинг конвенцион модификацияси тахминан 400 килограмм тротил эквивалентидаги жанговар қисмга эга. Махсус Х-102 термоядровий каллача билан жиҳозланиши мумкин (250 килотондан бир мегатонгача).

Қаноти ўзгарувчан узоқ масофали кўп қиррали товушдан тез Ту-22М3 ракета ташувчиси-бомбардимончиси, стратегик ва тезкор-тактик авиация ўртасидаги бўшликни эгаллайди, замонавий ҳаво мудофааси ва радиоэлектрон кураш тизимларига қарши чоралар шароитида қуруқлик ва денгиз нишонларига (авиаташувчилар қотили) самарали зарба беради. Унга ўҳшаши дунёда йўқ.

Максимал тезлиги - соатига 2300 км, жанговар юк - 24 тоннагача. Учириш чизиғига Х-101 ёки Х-102 қанотли ракеталарини етказишга мўлжалланган. У Х-32 ва гипертовушли “Кинжал” Х-47М2 ракеталарини ташишга қодир. Ту-22М3М бомбардимончиси душманнинг ҳаво мудофаасининг 700 километрлик ҳудудига кирмасдан, душман авиаташувчи гуруҳини йўқ қилишга қодир. 1000 кмгача масофага учишга қодир Х-32 кемаларга қарши ракета 40 кмгача баландликда 5 Мах тезлигида учиб, стратосферадан туриб зарба беради, у "Иджис" ракеталарга қарши мудофаасига даҳлсиздир.

Ту-95МС стратегик ракета ташувчи-бомбардимончиси махсус таништиришга муҳтож эмас ва шунингдек, душман ичкарисидаги муҳим нишонларни қанотли ракеталар ёрдамида (5500 кмгача масофада) йўқ қилишга мўлжалланган – куну-тун, ҳар қандай об-ҳавода. Эслатиб ўтамиз: юқорида айтиб ўтилган барча самолётлар чуқур модернизация қилинди, бортида энг замонавий қурол-аслаҳаларни ташийди ва улар шафқатсиз кучдир.

РФ Қуролли кучлари узоқ масофали авиацияси ўз таркибида 70 га яқин Ту-160 ва Ту-95 стратегик бомбардимончилари, 40 дан ортиқ узоқ масофали Ту-22М3 бомбардимончилари бор. Ҳаво-космик кучларнинг асосий зарба кучи ва стратегик ядровий кучларнинг таркибий қисми, Россия Қуролли Кучларининг Олий Бош қўмондони дастаги бўлган узоқ масофали авиация тезкор-стратегик вазифаларни бажаришга мўлжалланган ва ҳеч бир жойда бекордан-бекор  учмайди.

Америка, аҳмоқлик қилма 

Пентагон ва НАТО Россияга Шарқий Европадаги маъносиз "босиб туриш"га тобора киришиб кетяпти, яъни Америка қўшинларини Германиядан Польша ва Руминияга кўчириши, серияли маневрлари, РФ чегараларига яқин бўлган Болтиқ ва Қора денгизларида жанговар ва разведка авиациясини провокацион учиришлари билан.

Ўзларининг хавфсизлигини том маънода унутган ҳолда (гўё уларда заҳирада бошқа сайёра мавжуддек) иттифоқчилар ва ҳамкорлар тинимсиз "инқирозли минтақалардаги вазиятни тинчлантириш" усулларини блокировка қилиш, ҳаводан мудофаа тизимини бузиб ўтиб десант қўндириш ва душман позицияларига ракета зарбаларини тақлид қилиш орқали синаб кўришмоқда.

Пентагон "инсонпарварроқ" пастроқ қувватдаги ядро қуроллар салоҳиятни оширишга интилмоқда. Агар Россияни "тўхтатиб туриш" (Америка манфаатларига бўйсундириб) бўлмаса, унга ҳужум қилиш тўғри келади - бу тактика 2015 йилдан бери маълум.

Замонавий воқелик шундан иборатки, Россияни иқтисодий жиҳатдан ажратиб ёки ҳарбий усуллар билан мағлубиятга учратиб бўлмайди, босим ўтказишнинг кўп йиллик уринишлари беҳуда бўлди. Буни ҳатто Американинг "The American Conservative" журнали ҳам тан олди: "Россия  ўзининг яқинида муайян чегараларни белгилаб қўйди ва АҚШ уларни кесиб ўтишга харакат қилмаслиги керак. Биз охирги 12 йил ичида икки маротаба арғамчини ўзига тортиш кўринишида АҚШ ва Россия ўртасидаги рақобатга жалб қилиниб қолган мамлакатларнинг аҳволи нақадар даҳшатли бўлганига шоҳид бўлдик. Бизнинг ҳукумат Украина ва Грузия мисолида, аслида АҚШ ушбу давлатларни ҳимоя қилишга тайёр эмаслигини тушунди".

Пентагон шу каби ҳулосаларга келади деган умид қолмоқда – фақатгина АҚШнинг ўзи учун номақбул йўқотишларга сабаб бўлиши мумкин бўлган Болтиқ ва Қора, Беринг ва Чукотка денгизларидаги қўпол провокациялар орқали эмас.

796
Подпись документов

Ташқи ишлар вазирлиги ҳайъатининг янгиланган таркиби тасдиқланди

153
Ҳукуматнинг тегишли қарори билан Ўзбекистон Ташқи ишлар вазирлиги ҳайъати аъзолари сони 13 нафардан иборат бўлиши белгиланди.

ТОШКЕНТ, 15 авг - Sputnik. Ташқи ишлар вазирлиги ҳайъатининг янгиланган таркиби тасдиқланди.

Ҳукуматнинг тегишли қарори билан Ўзбекистон Республикаси Ташқи ишлар вазирлиги ҳайъати аъзолари сони 13 нафардан иборат бўлиши белгиланди.

Ташқи ишлар вазирлиги ҳайъати қуйидаги таркибда тасдиқланди:

1. Камилов Абдулазиз Хафизович - ташқи ишлар вазири;

2. Арзиев Фарход Нуритдинович - ташқи ишлар вазирининг биринчи ўринбосари;

3. Хамраев Эркин Жалилович - ташқи ишлар вазирининг ўринбосари;

4. Неъматов Илхамджан Туйчиевич - ташқи ишлар вазирининг ўринбосари;

5. Сидиков Фурқат Ахмедович - ташқи ишлар вазирининг ўринбосари;

6. Асадов Шерзод Икромович - ташқи ишлар вазирининг ўринбосари;

7. Иргашев Исматилла Раимович - Президентнинг Афғонистон бўйича махсус вакили;

8. Абдувахитов Абдужабар Абдусаттарович - Жаҳон иқтисодиёти ва дипломатия университети ректори;

9. Назаров Рахматулла Джурабаевич - ташқи ишлар вазирининг маслаҳатчиси;

10. Ходжаев Ашраф Баходирович - Ташқи ишлар вазирлигининг Иқтисодий дипломатия департаменти директори;

11. Азизов Бобур Бахтиёрович - Ташқи ишлар вазирлигининг Консуллик-ҳуқуқий департаменти директори;

12. Турсунов Фаррух Исламджанович - Ташқи ишлар вазирлигининг Йиғма ахборот-таҳлил департаменти директори;

13. Хасанов Илхом Ахмаджонович - Ташқи ишлар вазирлигининг Кадрлар ва таълим муассасалари бошқармаси бошлиғи.

153