Актер Михаил Ефремов во время избрания меры пресечения в Таганском суде Москвы

Михаил Ефремов қисмати кимга ибрат бўлиши керак

781
(Янгиланган 21:10 11.06.2020)
8 июн куни Михаил Ефремовни автоҳалокатга олиб келган алкоголизм эмас, балки ўзига нисбатан виждонли бўлишни истамаслиги ёки аниқроғи, имконсизлиги.

Актёр Михаил Ефремовнинг айби билан унинг тенгдоши, курьер Сергей Захаров ҳалок бўлган "маст автоҳалокат" - таниқли шахс иштирокидаги фожиали воқеадан кутилгандан ҳам жамиятда кўп ҳаяжонларни қўзғатди. Барчаси шунчалар чалкашиб кетдики, ижтимоий муносабатни бир неча мавзу ва даражаларга ажратишга уриниб кўриш керак.

Энг оддий, ва афсуски, бу одамларга хос бўлган - Ефремовнинг ҳаммага маълум бўлган ичкиликбозлиги эртами-кечми уни бирор фожиага олиб келарди. Худди шу тарзда, у маст ҳолатда автоҳалокатда ўзи нобуд бўлиши ёки ўзи билан бирга бошқа одамларнинг ҳаётига зомин бўлиши мумкин эди, аммо у учун деярли энг ёмон вариант юз берди: у тирик ва соғ-саломат, аммо унинг айби билан одам ўлди. Ефремов бу билан бундан кейин қандай яшайди, қандай қилиб гуноҳи кечирилиши учун илтижо қилиб, ўз айби учун азият чекиб яшайди - бу унинг шахсий фожиаси ва шахсий иши, ва бу ишининг интиқоми ҳақида энди ҳеч ким (шу жумладан ўзи ҳам) билмайди ва фақат бу ишида Худо унга ҳакам. Ҳозирда уни лаънатлаш ёки унга ачиниш Ефремовга эмас, балки бу ҳис-туйғуларни билдираётганларга зарур.

Аммо давлат бундай ҳолларда қаттиқ жазолайди - ва айнан шу ерда ижтимоий эҳтиросларнинг иккинчи даражаси бошланади. Жазолашадими ёки "босди-босди" қилишадими? Жазо - беш йилдан 12 йилгача, шу билан бирга ҳамма биладики, баъзида кўрсатилган қуйи муддатдан ҳам пастроғи тайинланиши мумкин, ҳақиқатан ҳам енгиллаштирадиган шартлар бўлса, ҳамда суд билан коррупцион ёки аппарат келишув "қобилияти" бўлганда. Баъзилар машҳурлик ва кучли дўстлар Ефремовни жавобгарликдан қочишга ёрдам беришига ишонмоқда. Бошқалар эса маст ҳолатда ҳайдашга (Россияда ҳар йили 4 минг киши маст ҳайдовчиларнинг айби туфайли ҳалок бўлади) ва элитанинг ошкор қилинмаган имтиёзларига қарши курашни намойишкорона қатъий жазо талаб қилинишини таъкидлайдилар. Аслида, Ефремовнинг машҳурлиги унга енгил қўрқув билан - шартли ҳукм билан жазодан қочиши эҳтимолини кескин камайтиради. Агар бундай бахтсиз ҳодиса таниқли актёр билан Москванинг марказида эмас, аксинча узоқроқ вилоятда машҳур бўлмаган маст киши билан рўй берганида, унинг қутулиб чиқиши имконияти фақат ички ишлар ҳодимлари ва судяларнинг коррупциясига мойиллигига боғлиқ бўларди. Бу ҳолат йилдан-йилга камайиб бормоқда – шунингдек, амалдор ёки ички ишлар ходимларининг маст автоҳалокат уюштирган ҳамкасблари ёки қариндошларини "ёпиш" имконияти ҳам камайиб бормоқда.

Аммо Ефремов ишининг жамиятда акс-садоси шуни англатадики, на ҳукумат ва на суд тизимида ҳеч ким "алкоголизмга чалинган Ефремов" жазосини ҳатто енгиллаштиришга ҳаракат ҳам қилмаяпти (миш-мишлар учун яна бир мавзу - у касалку, унга ҳайдовчилик гувоҳномаси қайдай берилди-узайтирилди?). Аксинча, бу ҳолатда, Ефремовнинг машҳурлиги унга қарши чиқиши мумкин, яъни унга максимал муддатни талаб қилишлари мумкин. Яна гап шундаки, енгиллаштириш тўғрисида кўплаб сўровлар бўлади, суд уларни албатта ҳисобга олади. Шундай қилиб, Ефремов ўтиради – ўз қилмишига яраша ва бошқаларга ибрат бўлиши учун.

Бу ибратнинг ҳеч ёмон томони йўқ - фақатгина шу тарзда жамиятдаги муҳит ўзгаради. Жамиятни тинчлантириш ёки қўрқитиш учун намойишкорона судларини ташкил қилиш мумкин эмас. Аммо бу ҳолда, яқинда бўлган футболчилар Кокорин ва Мамаев жанжали каби, "бойлар ва таниқлилар" судланувчига айланиб, қонун олдида ҳамма билан тенг равишда жавоб бериши билан "намойишкороналик" ўз-ўзидан келиб чиқади. Шу билан бирга бу "намойишкороналик" нафақат жамият ахлоқи ва кайфияти учун муҳим (яъни кўпчилик ҳукуматнинг "ҳамма учун адолат"га эришишга бўлган қатъий истагини кўриши учун), балки бир қисми ўзини қонундан баланд деб чин дилдан ҳисоблайдиган элита озчиликлиги учун ҳам жуда муҳимдир. Бундай "бошқача"лар нафақат амалдорлар орасида – айнан уларнинг фаолияти устидан назорат (давлат ва жамоат) йилдан-йилга ортиб бормоқда. Мансабдорлар корпорацияси (кенг маънода судьялар ва ички ишлар ходимларини ҳисобга олган ҳолда) ўзлариникига нисбатан тобора қаттиқ талаблар қўймоқда. Албатта, бу ерда ҳали иш кўплиги табиий - аммо Путин айнан шу устида аста-секин, аммо барқарор иш олиб бормоқда.

Йўқ, элитага олигархлар, юлдузлар ва зиёлиларнинг "энг зўр одам"лари ҳам киради, уларнинг аҳлоқий тамойилларини “бошлиқлари” шакллантирилади ва баҳолайди, шунингдек бошқа амалдорлардан фарқли ўлароқ бепарво ва халқдан нафратланадиган цех "корпорациялар". Михаил Ефремов ҳам элитанинг ушбу қисмига тегишли бўлиб, шунингдек унга "фуқаро шоир" роли берилди, бу деярли миллатнинг фуқаролик виждони роли. Аммо, кино актёри сифатида Ефремовни таниганларнинг кўпи билан ўн фоизи унинг ижодининг бу жиҳати тўғрисида билишган, аммо "энг яхши одамлар корпорацияси" учун айнан бу жиҳат у сиёсий нуқтаи назардан жуда муҳим бўлган.

Аммо ҳар ҳолда, халқнинг назарида, Ефремов ҳар қандай губернаторга қараганда анча элитар.

Шунинг учун, Ефремов ишида сиёсий таркибни ўйнашга уринишлар жуда аҳмоқликдир – унчалик доно бўлмаган "режим билан курашчилар" амалдорлар ёки қариндошлари аралашган бунга ўҳшаш маст автоҳалокатлардан норозиликлар қани дейишганида. Аммо, дейлик Давлат Думаси маст депутати ёки губернатор биронтасини ўлдириб қўйгани каби шунга ўҳшаш ҳодиса рўй берса - улар ҳақида ҳеч бўлмаганда бирор нарса маълум бўлар эди (шу билан бирга, барча катта амалдорлар ҳайдовчилари билан бирга юришлари аниқ). Аммо оҳирги йилларда минтақавий ўртамиёна амалдорлар билан юз берган алоҳида воқеалардан ташқари эсга олиб бўлмайди. Агар айбдорлардан бири жавобгарликдан қутулган бўлса, демак, бу қандайдир олигарх  машинасида одамларни босган  ўғлини ҳимоя қилиб қолиши билан бир хил муаммо. Бу муаммо "ҳукуматтнинг қонун олдида жавоб бермаслиги" сиёсий муаммоси эмас, балки айнан суд ва хуқуқни муҳофаза қилиш тизимининг коррупция муаммоси.

Худди шу тарзда, вазиятни сиёсийлаштиришга қаратилган яна бир уриниш - бутун элитани халққа қарши қўйиш ҳисобига - сохта. "Оддий рус инсонини ҳаддидан ошган ва қонунга риоя қилмайдиган элита ўлдирди – бунинг яна қандай рамзи бўлиши мумкин? Энди ҳукумат ўзларидан бирини биттасини ёпиб туради унинг тарафини олади. Биз: “Русларнинг ҳаёти катта аҳамиятга эга!” Агарда ҳукумат адолатсизликка йўл қўйса – Россияда, Америкада бўлганни сингари қўзғолон бўлади!"

Ҳа, бизнинг элитамизнинг бир қисмини ҳақиқатан ҳам паразитар, ахлоқсиз ва ҳатто русофоб деб атаса бўлади - аммо бу ўтиб кетаётган "элита". Биз хоҳлаганимиздан секинроқ бўлса ҳам, у барқарор равишда ўз мавқеини ва таъсирини йўқотмоқда, ўтмишга айланмоқда - ва буни ўзи ҳам жуда яхши тушуниб турипти. У қанча кўп йўқотса, у шунчалар баланд бонг уради ва атрофни лаънатлайди, шунчалар ғалаённи кўтариб, келажакка ҳар қанақасига ёпишиб, мамлакат ҳаракатининг йўналишини ўзгартиришга ҳаракат қилмоқда. Аммо ҳеч қайсиниси иш бермайди, ҳаммаси беҳуда. Шу фонда, ушбу кетаётган жинснинг баъзи афсонавий "қасосидан" қўрқиш, ва айниқса, ҳукумат унинг югурдаги бўлиб хизмат қилиши ҳайратланарли.

8 июн куни Михаил Ефремовни автоҳалокатга олиб келган алкоголизм эмас, балки ўзига нисбатан виждонли бўлишни истамаслиги ёки аниқроғи, имконсизлиги. У ўзига: "ичкиликбозлик мендан кучлироқ бўлди, мен бу чироқнинг қулиман" деб айта олмади. Натижада, унинг ожизлиги ва гуноҳлари туфайли, йўлнинг нариги бетида келаётган Сергей Захаров ҳалок бўлди. Россия элитасининг бир қисми касалликлари ва муаммолари Россиянинг ҳаракат йўналишини ўзгартира олмайди, чунки биз нафақат турли йўналишларда, балки ҳаракатнинг ҳар хил даражаларида турибмиз. Баъзилар ўтмишга, бошқалар - келажак сари йўл олган.

781

АҚШ Саудияни жазоласа, бундан Россия ва Эрон манфаат кўрадими?

337
(Янгиланган 17:23 02.03.2021)
,
АҚШ ва Саудия муносабатлари - Оқ уйда ким ўтирганига боғлиқ эмас. Икки давлат алоқалари – ўнлаб йиллар давомида шаклланган ва фундаментал асосга эга.

ТОШКЕНТ, 2 мар — Sputnik. Саудия Арабистони ва АҚШ муносабатларда мураккаб даврлар келмоқда. 2018 йилда журналист Жамол Хашшогининг ўлдирилишидан сўнг Оқ уй янги стратегия эълон қилган эди: энди улар Яманда урушни тўхтатишни ва инсон ҳуқуқлари сақланишини талаб қилишмоқда. Ушбу йўналишда ОҚ уй қанчалик узоққа бириши ва ар-Риёд бунга қандай жавоб бериши мумкин?

Санкция киритиб бўлмайдиган шахзода

АҚШ Давлат Депаратаменти раҳбари Энтони Блинкен жума куни “Хашшоги бани” ҳақида янги санкцияларни эълон қилди. Унга кўра, “саудиялик диссидентларни қўрқитишда ва журналист Жамол Хашшоги ўлимига алоқадор” деб топилган 76 нафар саудияликларга нисбатан виза чекловлари киритилган. Санкцияга тушганлар орасида Саудия Арабистони умумий разведка раҳбари Ахмад ал-Асири ҳам бор.

Ундан ташқари, ҳисоботда айтилишига кўра, Саудия Арабистони ворис шаҳзодаси Муҳаммад бен Салмон ҳам The Washington Post журналисти ўлимига айбдор. Айнан унинг буйруғига асосан, Стамбулдаги Саудия Арабистони консулхонасида журналист ўғирланган ва унинг танаси бўларга бўлиниб йўқ қилинган. Саудия Қироллиги ташқи ишлар вазирлиги ушбу айбловларни қатъий рад этмоқда.

Айбловлар бисёр бўлишига ва Жо Байден сайловолди дебатларида ар-Риёдни яккалаб қўйишни ваъда берганига қарамасдан, шахзодага нисбатан шахсий санкциялар киритгани йўқ.

-Бутун мамлакат ва алоҳида бир киши билан муносабатларни аралаштирмаслик керак. Судия билан муносабатларимиз жуда мумҳим. АҚШ қиролликни ҳимоя қилиш тарафдори, - деган эди ушбу ҳақида АҚШ давлат котиби Блинкен. – Бундан кутилаётган мақсад – ар-Риёд АҚШ вазифа ва  қадриятларига тўлиқроқ жавоби беришини таъминлашдир.

Давлат котиби айтишига қараганда, ар-Риёд америкаликлардан олаётган ёрдамини Ямандаги вазиятни ҳал қилишда фойдаланмаслиги керак. Яманда саудияликлар собиқ президентАбу Рабу Мансура Хади тарафдорларини қўллаб-қувватлашмоқда.Бошқача қилиб айтганда, Вашингтон америка қуроллари учинчи давлат жанг майдонларида фойдаланилмаётганига амин бўлмоқчи.

Ҳужумкор ҳимоя

Аслида икки давлат муносабатлари асоси жуда мустаҳкам – Саудия нефти эвазига АҚШ уни ҳимоя қилади. Иккинчидан Саудия АҚШдан қурол сотиб олувчи энг йирик харидорларидан бири.

Ушбу ҳамкорлик икки томоннинг ҳам стратегик манфаатларига жавоб беради, лекин қадриятлар, инсон ҳуқуқлари ва  демократик борасида  - ушбу икки давлатлар қарашлари кескин фарқ қилади.

Барак Обама ҳокимиятининг сўнгги йилларида Саудия-АҚШ ҳамкорлиги фикрлар фарқи сезила бошлаган эди. Биринчи навбатда бу АҚШнинг Эронга (Саудиянинг ҳудуддаги рақиби) бўлган муносабатининг ўзгариши билан боғлиқ бўлди.

Икки давлат разведкалари доимий равишда ҳамкорлик қилиб турса-да, Саудиянинг диссидентларга қарши кураш методлари ва Ямандаги ҳарбий ҳаракатлар – АҚШда хавф уйғота бошлаган эди.

Лекин Оқ уйга Доналд Трамп келганидан сўнг, муносабатлар бироз яхшиланди. АҚШ президенти ўзининг биринчи ташрифини Саудияга амалга оширди. Ваҳоланки, сайловдан олдин Трамп саудияликларнинг “ишқибози” эмаслигини ва “саудиялик террорчиларга ёрдам бермаслигини” айтиб ўтган эди. Трамп даврида Саудия билан муносабатларни унинг куёви ва маслаҳатчиси Жаред Кушнер олиб борар эди.

Журналист  Хашшогининг ўлими ҳақидги ҳисобот Трамп давридаёқ тайёр бўлишига қарамасдан, у кенг оммага эълон қилинмаган эди.

“Бунинг ўрнига Трамп иттифоқчиларга инвестиция киритишга ҳаракат қилди. Энди улар Вашингтондан янада кўпроқ қурол-аслаҳа сотиб олиши, ҳудудда содир бўлаётган воқеалар учун жавобгарликни бўйнилариг олишлари керак эди”, - деб вазиятни тушунтиради Келажак изланишлар маркази директори Максим Сучков.

“Ҳозирги ҳукумат нима деса ҳам - олдин ана шундай қараш иккала партияга ҳам хос эди. Хашшоги ўлимидан сўнг демократлар республикачиларни айблашга тушишди. Улар Трамп ҳукуматини инсон ҳуқуқлари бузилишида, саудияликлар Яманда амалга оширган зўравонлик операцияларига бефарқ бўлишда айблашди.

Демократлар хулосасига кўра, бундай ёндашув Саудиял шахзодаси Мухаммед бен Салманга нима қилса ҳам жазога тортилмаслиги ва Вашингтон билан ҳар қандай масалани пул билан ҳал қилиш мумкин, деган тасаввур бериши мумкин.

Янги маъмурият келганидан сўнг ушбу масалага ёндашув ўзгаришини ҳамма кутган эди ва Байден биринчи қадамни қўйди.

Янги президент Яманда ҳужумларга барҳам бериш ташаббусини олға сурди. Бунга, жумладан  Саудияга қурол аслаҳа экспортини чеклаш орқали ҳам эришиш мумкин. Хусусан, декабрда етказиб бериш ҳақида келишувга эришилган 3 мингта GBU-39 – аниқ нишонга тегувчи бомбалар ва 7 мингта Paveway IV бомбаларни етказиб беришни таъқиқлаш орқали.  Маълумот учун, ушбу бомбалар умумий қиймати 768 миллион долларни ташкил қилади.

Умуман олганда,  Вашингтон Яман можаросини дипломатик йўл билан ҳал қилишга бел боғлаган. Феврал ойида Яман мухолифатчи кучлари – хусийларни террорчи ташкилотлар рўйхатидан чиқаришган эди.    

Янги бурилиши

Икки давлат муносабатларини тўлиқ қайта кўриб чиқиш ҳақида гап кетаётгани йўқ.

“Бироз ваҳима қилиб қўрқитишади, озгина жазо беришади ва шу билан тамом. Муносабатларни тўлиқ қайта кўриб чиқиш ҳақида гап кетаёгани йўқ”, - дейди Яқин Шарқ бўйича мутахассис Алексей Хлебников.

Унинг сўзларига кўра, Вашингтон - Ар-Риёд муносабатлари бироз қайта текширилса-да, лекин  ҳозирча ҳеч қандай жиддий стратегик ўзгаршлар бўлмайди.

Россия Халқаро ишлар кенгашининг Яқин Шарқ лойиҳалари менеджери Руслан Мамедов ҳам ана шундай фикрда.

“Обама давридан бошлаб АҚШ ўз энергетика манбааларини ошириб, Саудия нефтига боғлиқликни камайтириб келаётган эди. АҚШ янги маъмуриятида Саудия билан муносабатларни қайта кўриб чиқиш тарафдорлари ҳам бир неча. Гап Яқин Шарқда фақат Саудияга эмас бир неча давлат билан ҳамкорликни йўлга қўйиш ва “қўлларни бироз бўшатиб олиш” ҳақида”, - дейди эксперт.

Мамедов айтишига кўра, бу борада кўп нарса Эрон ядровий дастурига боғлиқ. Ар-Риёд АҚШнинг ҳудуддаги энг йирик ҳамкорларидан бири. Агар Саудияга қаттиқ санкциялар киритилса, бундан Эрон ютиб чиқади. Биргина Хашшогининг ўлими учун АҚШ Саудияни бунчалик қаттиқ жазолашга бормайди.

Россия ва Хитой

2015 йилда АҚШ, Россия, Хитой, Британия ва Франция иштирокида Эрон ядровий дастурига доир имзоланган “Умумий ишлар режаси” Саудия монархлари учун сўнгги томчига айланди десак муболаға бўлмайди, - дейди Алексей Хлебников. - Сўнгги 10 йилда Кўрфаз атрофида бир неча муҳим воқеалар юз берган эди – Миср ва Тунисда АҚШ иштирокисиз қўзғолонлар оқибатида ҳукуматлар ўзгарган эди.

Ушбу воқеалардан хулоса қилган Қироллик ташқи ўз сиёсатини ҳам диверсификация қилишга, дунёдаги бошқа йирик давлатлар билан муносабатларни мустаҳкамлашга кириша бошлади. Масалан Россия ва Хитой билан, деб ҳисоблайди эксперт.

Москва 2019 йилан бошлаб Ар-Риёдга қурол аслаҳа етказиб бермоқда. Дастлабки шартномалар 2017 йилда тузилган эди. Ўшанда Саудия Арабистонида ТОС-1А олов отиш тизимларини, "Корнет-ЭМ" – танкка қарши курашиш мажмуалари, АГС-30 – гранатомётлари ва “АК-103” Калашников автоматларини биргаликда ишлаб чиқаришга келишиб олинган эди.

2021 йил бошида эса саудияликлар Россиянинг С-400 ҳаво ҳужумидан ҳимоя тизиминива Су-35 самолётларини сотиб олишга қизиқиш билдирган эди.

Ундан ташқари Россия ва саудия Арабистони ОПЕК+ доирасида ҳам ҳамкорлик қилишаётганини ва бунинг натижасида иккала давлат ҳам мўмайгина даромад қилганини унутмаслик керак. Ушбу ва бошқа прагматик сабаблар – мустаҳкам ҳамкорлик асоси бўлиши мумкин, дейди Мамедов.

Кўп қиррали тактика

Саудия қироли Яқин Шарқ ҳудудида америкаликлар учун талайгина муаммолар туғдириши мумкин, лекин охир оқибат Ар-риёд учун АҚШ - ўта муҳим ҳамкор. Москва ва Пекин томонига қилинаётган ҳар қандай манёврлар, бу ўзига диққат жалб қилишга қаратилган восита бўлиши мумкин.

“Саудия Арабистони фикрига кўра, АҚШ билан муносабатлар Оқ уйда ким ўтирганига боғлиқ эмас, икки давлат алоқалари – ўнлаб йиллар давомида шаклланган ва улар ҳар қандай синовдан ўтишга қодир”, - дейди эксперт.  

Ўнлаб йиллар давомида шаклланган фундаментал муносабатлар деганда, кўп нарсани тушуниш керак: Саудия элитасининг деярли барчаси АҚШда таълим олган ва олмоқда, қурол-яроғ ва ҳарбийларни ўқитиш ҳам - тўлиқ америка томонида. Ваниҳоят уларнинг валютаси риал курси ҳам доллага боғланган. Буларнинг барчасини ўзгартириш учун – узоқ йиллар керак бўлади. Шу сабабли ҳам ташқи сиёсий алоқаларни диверсификация қилиш— шунчаки тактик услуб, кўп томонли трек бўлиб, у янги кўп қиррали дунё талабларига жавоб бериш учун амалга оширилмоқда.

 

337

Вакцина ва сиёсат: Европага кириш учун қандай вакцина керак?

344
(Янгиланган 18:59 01.03.2021)
Европада ўзини Россиядан чегаралаш ғоялари тарафдорларидан ташқари тус сайёҳаларини орзиқиб кутаётган Италия, Франция, Испания, Греция ва бошқалар ҳам бор.

Европа Иттифоқи дипломатик муассасалари раҳбарлари ЕИга кириш учун эмланиш сертификати тартибини жорий этиш кераклиги таклифини маъқуллашди. Бу ҳақида ушбу мажлис якунига кўра, Ангела Меркель хабар қилди. Ҳозирча гапи принципиал розилик ҳақида кетмоқда, батафсил қонун лойиҳаси 3 ойдан сўнг пайдо бўлади.

Ҳар доим энг қизиқ маълумот тафсилотларида бўлади. Вакцина паспортига доир янги қонун ҳам бундан мустасно эмас.

Биринчи навбатда, тиббий кўрсатгичларига кўра вакцина олиши мумкин бўлмаган одамлар нима қилиши керак? Агар киши яқинда коронавирус билан касалланиб тузалган бўлса – бошқа гап, бироздан сўнг вакцина олиши мумкин. Сурункали касаликка чалинганлар нима қилиши керак?  Ахир вакцина паспорти жорий этилса уларнинг Европа бўйлаб ҳаракатланиш эркинлиги ҳуқуқлари бузилмайдими?

Ёки, сурункали касалликка чалинганлар яқинда ўзлари ҳам ўлиб кетади. Одам йўқми – муаммо ҳам йўқ. Умуман касалларга Европа бўйлаб кезиб юришни ким қўйибди?

Лекин иш бу билан чекланмайди. Ҳозир дунёда бир неча вакцина бор, яқинда уларнинг сони янада кўпаяди. Хўш, қайси вакциналарга биринчи навбатда ЕИ сертификати берилади?

Pfizer/BioNTech, Moderna, AstraZeneca - евроатлантик учликда бу борада муаммо бўлмайди шекилли. “Пфайзер олдингми – мана сенга аусвайс", қабилиди иш тутилади шекилли. Лекин Россия вакцинаси ("Спутник V" ёки "ЭпиВакКорона") ё бўлмаса Хитойнинг Sinovac Biotech, CanSino Biologics, CNBG — Sinopharm вакциналаридан бирортасини олганлар учун тўсиқлар ўрнатилиши мумкин. Улар қанчалик самарали ва безарар бўлмасин, лекин Брюссель уларни расман тасдиқламас экан, улар билан эмланган фуқаролар чегараларни кесиб ўтишга рухсат ола олмайди.

Чунки демократик бўлмаган  мамлкатлардан келиб чиққан вакциналарнинг фойдали ёки зарарлиги масаласи – нафақат тиббий, балким сиёсий масала ҳам.  Ишга сиёсат аралашса нима бўлиши аниқ - “демократияни олға суриш баҳонасида тоталитар режим жорий этилади. Буни биз

"Шимолий оқим — 2" мисолида яққол кўриб турибмиз. Гуёки россиянинг углеводороди "Циклон-Б"дан кўра заҳарлироқдек.

Маълумки, “геометрия теоремалари инсон манфаатларига таъсир қилганида эди улар учун урушлар содир бўларди”. Нодемократик мамлакат вакцинасини тан олмасдан хорижий давлатга ноқулайлик туғдириш мумкин бўлса – нега бу ишни қилмаслик керак?

Яқинда, (17 феврал) Еврокомиссия раҳбари Урсула фон дер Ляйен шундай деган эди: "Россиянинг эмлаш стратегияси жуда ғалати – ўз аҳолисини эмлашда етарли прогрессга эришмасдан туриб нега Россия бошқаларга миллионлаб доза вакцина таклиф қилмоқда? Бу саволга жавоб берилиши керак”.

"Етарли прогресс" дегани нима эканини тушуниш қийин. Европанинг ўзида прогресс етарли бўлмаса, бу масала Европа томонидан кўтарилиши қанчалик тўғри бўлади?  Нима сабабдан Венгрия  "Спутник" вакцинасини сотиб олмоқда? Ҳар қадамда "Пфайзер" эмлаш пунктлари бўлганда Чехия, Австрия ва Италия ҳам "Спутник V" сотиб олишга қизиқмаган бўларди.

Балким фрау Урсула XIX асар охиридаги буғдой экспорти билан боғлиқ вазиятни эсга олгандир. Ўша вақтда Россияда “ўзимиз тўймасак ҳам экспорт қиламиз” принципи асосида ишлаган. Наҳотки бугунги Россия Тиббиёт вазирлиги 19 аср охирида Россия молия вазири бўлган Вышнеградскийдан ўрнак олган?

Иккинчидан, бу масаланинг Россия вакцинаси самарали ёки фойдасиз эканига нима алоқаси бор? Вакцина ёки самарали ё самарасиз бўлиши мумкин, лекин Россияда аҳоли эмланиши “етарли  прогрессга” эришиш масаласининг Брюсселга нима алоқаси бор?

Агар мақсад – нима қилиб бўлса ҳам Россия вакцинасини обрўйсизлантириш бўлса - бу бошқа гап. Хусусан, Россия вакцинаси билан эмланганларга виза сертификат бермасдан. Буларнинг брачаси “темир парда” муаммоларрини эслатади. Ўша вақтлар бундай чоралар одатий ҳолдек қабулд қилиниши мумкин эди.

Албатта, ҳамм нарса Урсула ва унинг тарафдорларигага боғлиқ эмас, Лекин Европада нима қилиб бўлса ҳам Россиядан ўзини чегаралаш ғоясидан ўзгача фикрлайдиганлар ҳам бор.

Масалан Россиялик туристларни орзиқиб кутаётган Италия, Франция, Испания, Греция ва бошқалар. Ушбу мамалкатларда туризм  мамлакат ЯИМининг 15%гача таъминлайди. Уларнинг аҳолиси россиялик туристлар қайтишини жону-дили билан истайди. Бу борада фрау фон дер Ляйеннинг ғояларидан кўра ўз ҳамёнлари улар учун муҳимроқ.

Албатта европаликларни Иттифоқнинг бош мафкурачиси Суслов М.А.нинг сўзлари билан юпантириш мумкин - “Биз мафкура учун маблағ аямаймиз”, жумладан виза сертификатлари учун ҳам. Лекин узоқ вақт давомида бундай сиёсат олиб бориш турли нохуш оқибатларга олиб келиши мумкин.

Уч ойдан сўнг қайси вакцина Европада “ишончли” деб тасдиқланиши,  фрау фон дер Суслов ва “ит бўлса ҳам майли, тухум туғса бўлди” принципи асосида яшайдиганлар орасида турли тортишувлар келтириб чиқариши мумкин.

344
Мужчина держит папку в руке

Ҳарбий хизмат, ички ишлар ва божхона: пенсия таъминотига доир янги қонун

394
(Янгиланган 20:20 02.03.2021)
“Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

ТОШКЕНТ, 2 мар — Sputnik. “Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

Шавкат Мирзиёев 12 февраля принял участие в расширенном заседании коллегии Министерства внутренних дел Республики Узбекистан
Пресс-служба президента Узбекистана

Қонун лойиҳасини ишлаб чиқишдан кўзланган мақсадлар:

Ўзбекистон Республикаси ҳудудида истиқомат қилаётган Ўзбекистон Республикаси Қуролли Кучлари ҳарбий хизматчилари ва уларнинг оила аъзолари, шунингдек, Ўзбекистон Республикаси ва собиқ Совет Социалистик Республикалар Иттифоқининг қонун ҳужжатларига мувофиқ яратилган бошқа ҳарбий тузилмаларда ҳарбий хизмат ўтаган бўлиб, собиқ Иттифоқ таркибига кирган, бироқ Мустақил Давлатлар Ҳамдўстлигига аъзо бўлмаган давлатлар ҳудудида истиқомат қилаётган шахслар ҳамда ушбу шахслар оила аъзоларининг ҳуқуқлари ва қонуний манфаатларини муҳофаза қилиш (агар зикр этилган шахсларнинг пенсия таъминоти, мулоҳаза юритилаётган давлатларнинг ҳарбий хизмат (хизмат) ўтаган шахслар ва уларнинг оила аъзоларини пенсия билан таъминлашга оид қонун ҳужжатларида кўзда тутилмаган бўлса);

ҳарбий хизматчиларни ижтимоий жиҳатдан муҳофаза қилиш масалаларини нафақат уларнинг ҳуқуқ ва имтиёзларига тааллуқли кўплаб меъёрларни бир бутун қилиб, ўз ичига мужассам этадиган кодекс хусусиятига эга ҳужжат асосида, балки соҳага оид устувор масалаларни белгилаш бўйича давлат ҳокимияти идораларининг мажбуриятларини аниқ ифодалайдиган, мулоҳаза юритилаётган масалаларни рўёбга чиқариш йўлларини белгилаб берадиган ҳужжат асосида йўлга қўйиш киради.

"Қонун лойиҳаси пенсияларнинг қуйидаги миқдорларини кўзда тутади:

а) ҳақиқий ҳарбий хизмат ўталган муддат 20 йилни ташкил этса, пул таъминотига оид тегишли сумманинг 40 фоизи, хизмат ўташнинг чекланган ёшига етгани ёки соғлиги ёмонлашгани муносабати билан ҳақиқий ҳарбий хизматдан (хизматдан) истеъфога бўшатилган шахсга эса 45 фоизи тайинланади. 20 йилдан ортиқ ўталган ҳар бир тўлиқ хизмат йили учун пул таъминотига оид тегишли сумманинг 3 фоизи қўшилади. Бироқ пенсия миқдори, ушбу сумманинг жами 75 фоизидан ошмайди;

б) умумий меҳнат стажи 25 йилни ташкил этса, пул таъминотига оид тегишли сумманинг 40 фоизи, 25 йилдан ортиқ ҳар бир тўлиқ стаж йили учун зикр этилган сумманинг 1 фоизи қўшилади;

в) меҳнат стажи ҳисобга олинган тарзда хизмат ўтаган йиллари учун пенсия тайинланаётганида: умумий меҳнат стажи 20 йилни ташкил этса,  пул таъминотига оид тегишли сумманинг 40 фоизи, 20 йилдан ортиқ ҳар бир тўлиқ стаж йили учун зикр этилган сумманинг 3 фоизи қўшилади. Бироқ пенсия миқдори, пул таъминотига оид тегишли сумманинг жами  75 фоизидан ошмайди.

Хизмат ўтаган йиллари учун тайинланадиган пенсия миқдори Ўзбекистон Республикасида жорий этилган ёшга доир пенсиянинг энг кам миқдоридан кам бўлиши мумкин эмас.

Ҳарбий хизматчилар тоифасига мансуб, ногиронлик ҳолати ҳарбий хизмат мажбуриятларини бажариш билан боғлиқ бўлган (ҳарбий жароҳат олган) ногиронларга қуйидаги миқдорларда пенсия тайинланиши кўзда тутилган:

I гуруҳ ногиронларига – пул таъминотига оид тегишли сумманинг  90 фоизи;

II гуруҳ ногиронларига – пул таъминотига оид тегишли сумманинг  80 фоизи;

III гуруҳ ногиронларига – пул таъминотига оид тегишли сумманинг  55 фоизи", - деб ёзилган ҳужжатда.

394
Теглар:
Давлат божхона қўмитаси, божхона, Ички ишлар органи, Тошкент, Ўзбекистон