Военнослужащие армии США в Афганистане

Американча “Толибонгейт” - бу фитнанинг мақсади нима?

701
Американинг бир қатор журналистлари, сиёсатчилари ва разведкачилари Москвани Афғонистондаги Ғарб коалицияси аскарларига қарши ҳужумларини молиялашда айбламоқда.

Американинг бир қатор журналистлари, сиёсатчилари ва разведкачилари Москвани Афғонистондаги Ғарб коалицияси аскарларига қарши ҳужумларини молиялашда айбламоқда. Бу Россия-Америка муносабатлари доирасидан ташқарига чиқиб, афғон заминидаги шундоқ ҳам жиддий вазиятни янада кескинлаштириши мумкин.

Яна “хайли лайкли”?

АҚШда кучаяётган “Толибонгейт” (гўёки Россия Разведка Бош бошқармаси толибларга Афғонистондаги Америка фуқароларини ўлдирганлиги учун мукофот тўлаганлиги тўғрисидаги асоссий маълумотлар атрофидаги можаро) бир нечта масалага алоқаси бор.

Биринчидан, Россия-Америка муносабатларига. Аввало, гап навбатдаги “хайли-лайкли”(катта эҳтимоллик билан-таҳр.) (буни бошқачасига атаб бўлмайди ҳам, чунки бу воқеа тасдиқланмаган миш-мишларга асосланган) туфайли ғазабланган америкалик сиёсатчилар Россия Федерациясига қарши янги санкциялар жорий қилиниши талаб қилмоқдалар. Ва гап ҳатто ҳеч ким бу воқеани оҳиригача ўрганишни ва унинг ишончлилигини исботлашни истамаётганлигидадир. Гап шундаки, “Толибонгейт” воқеаси Москва ва Вашингтон нима сабабдан глобал ва минтақавий масалаларда муросага келиши нега шунчалик қийин эканлигини тушунтирадиган яна бир далил бўлди.

Деволдаги ёзувга (The New York Times-даги “Толибонгейт” ҳақидаги нашри ва унга қўшимчаларни бошқача атаб бўлмайди ҳам) асосланиб янги санкциялар ва “Америка фуқароларининг қотили бўлган мамлакат” билан музокаралар жараёнининг зарарлилиги ҳақида жар солаётган ҳамкор билан жиддий суҳбат олиб бориб ён бериш ҳақида қандай келишиш мумкин?

РФ ташқи ишлар вазирининг ўринбосари Сергей Рябков Москва энди Вашингтонни музокаралар бўйича келишиб бўладиган ҳамкор сифатида кўрмаслиги ва унга контрагент сифатида ишончни йўқотганини айтгани бежиз эмас. Дипломат бу ишончни кичик қадамлар тактикаси орқали тиклашга умид билдирмоқда, аммо АҚШда Россия агентларига уюштирилган ов шароитида бундай қадамларни амалга ошириш деярли имконсиздир. Агар улар Москва томонидан бир томонлама бўлса, бу тақдир улар ён босиш бўлиб қолади.

Иккинчи масала - АҚШ президенти сайловлари. Демократлар “Толибонгейт”дан, Трампнинг заифлигини ёки ундан ҳам яхшироғи - унинг Владимир Путиндан қўрқишини исботлаш учун фойдаланишмоқда. Тўғри, жуда ҳурматли генераллар, шу жумладан Пентагондагилар ҳам “америкаликлар шилинган териси” учун “рус мукофотлари” тўғрисидаги маълумотлар исботланмаган бўлиб ҳеч қандай жиддий муносабат талаб қилмаганлигини таъкидлашмоқда, Москвага жавоб ҳақида гапирмаса бўлади.

Бироқ, демократлар бу масалани сайловолди қалқонга қўйиб бўлиб, АҚШ президентининг Олий Бош қўмондон ролини ўйнашни эплай олмаётганини ва чет элдаги АҚШ ҳарбийларининг ҳаётини ҳимоя қилишга қодир эмасликларини эълон қилишди. Уларнинг фикрига кўра, Трамп (гўёки “Россия мукофотлари” ҳақида маълумотни баҳорда олган) дарҳол Путинга бутун Америка қудрати билан жавоб бериши керак эди - аммо у бундай қилмаган экан, энди ўзи кузда сайловчилар олдида жавоб бериши керак.

Оқибатлар

Дональд Трамп “Толибон” билан битим тузди, унга кўра америкаликлар аста-секин Афғонистонни тарк этишади (чиқишнинг оҳирги муддати 2021 йил май), толиблар эса бунга жавобан АҚШ ғалаба билан кетаётгани кўринишини таъминлайди. Яъни, улар америкалик аскарларни ўққа тутмайдилар, Кобулдаги ҳукумат билан ярашиш бўйича номинал музокаралар олиб борадилар ва ўз ҳудудларини аксил-Америка ҳаракатларига тақдим қилмаслик мажбуриятини оладилар. Бироқ, АҚШда бу битимнинг душманлари кўп.

Булар, ҳам Марказий разведка бошқармаси ҳодимлари (айнан шулар афғон героинини Косово орқали Европага етказишда иштирок этганликда айбланган), ҳам Афғонистонни тарк этишни истамайдиган глобалистлар (дунёнинг барча муҳим қисмларида жойлашиш орқали Американинг ҳукмронлигини сақлаб қолиш тарафдорлари), ва демократик партиянинг айрим вакиллари (сайловлар олдидан Трамп “Афғонистондаги урушининг тугатилиши учун” медалини кўкрагига осиб қўймаслиги учун Америка аскарларининг ҳаёти кандага қўйишга тайёр бўлганлари).

Хозирда уларнинг барчаси келишувни бузиш, толиблар билан кейинги музокаралардан воз кечиш ва Афғонистонда АҚШ ҳарбий кучларини сақлаб қолиш мақсадида “Толибонгейт”дан фойдаланиш учун бирлашдилар.

Афғонистон ҳукуматининг ўзи (ноябр сайловларидан кейин ўзлари олиб ташланиб, йўқ қилинишини истамайди, ва бунинг эҳтимоллиги жуда катта) бундан манфаатдор эканлигини ҳисобга олсак, улар хоҳласалар, Америка бургутларига руслар ва толибларнинг ўзаро келишувига доир баъзи маҳаллий “далил ва исботлар” тақдим этишлари мумкин.

Ва натижада америкаликлар ва толиблар ўртасидаги битим бузулгидай бўлса, Москва ва Марказий Осиё республикаларининг Афғонистоннинг бўлғуси ҳукумати билан ишлаш схемасини тузиш, ушбу республикадаги вазиятни барқарорлаштириш бўйича олиб борадиган барча дипломатик ҳаракатлари пучга чиқади.

Урушнинг давом этиши афғон қаршилигининг янада радикаллашишига ва “Ислом давлати”* ва Афғонистондаги бошқа радикал тузилмаларнинг кучайишига олиб келади (улар билан толиблар ўлимгача учун ҳам курашишга тайёр эдилар).

* “Ислом давлати” (ИШИД, ИД) ва “Толибон” - Россия ва бошқа бир қатор мамлакатларда тақиқланган террористик ташкилотлар.

701
Нефтяная качалка

АҚШ Россиядан рекорд миқдорда нефт сотиб олди

624
Ярим йил давомида АҚШ Россиядан 9 миллион тоннадан ортиқ нефт маҳсулотларини сотиб олди - бу 2004 йилдан бери мутлақ рекорддир.

ТОШКЕНТ, 14 авг - Sputnik, Наталья Дембинская. Ярим йил давомида АҚШ Россиядан тўққиз миллион тоннадан ортиқ нефт маҳсулотларини сотиб олди - бу 2004 йилдан бери мутлақ рекорддир. Шу билан бирга, Вашингтон Европанинг Россия энергия ресурсларига янада кўпроқ қарам бўлишига йўл қўймаслик учун “Шимолий оқим-2”ни тўхтатиш учун қўлидан келганича ҳаракат қилмоқда. Нима учун америкаликларнинг ўзлари Россия энергия ресурсларига қарам бўлиб қолган, РИА Новости ўрганди.

Рекорд даражадаги экспорт

Федерал божхона хизмати (ФБХ) маълумотларига кўра, январ-июл ойларида Россия нефт маҳсулотларини АҚШга сотишдан 2,2 миллиард доллар даромад топди. Океан ортига 7,46 миллион тоннадан кўпроқ жўнатилди, бу умумий экспортнинг 12 фоизини ташкил этади. Ҳаммадан кўпроқ Нидерландия сотиб олди - 12,19 миллион тонна, америкаликлар иккинчи, Мальта эса 4,4 миллион тонна билан учинчи ўринда.

Шу билан бирга, Нидерландия ва Мальта транзит хаби бўлиб, у ердан нефт маҳсулотлари бошқа мамлакатларга юборилади. Яъни, АҚШга ҳақиқий экспорт янада юқорироқ бўлиши мумкин, чунки ФБХ бундай таъминотни ҳисоблай олмайди.

Дарҳақиқат, АҚШ Энергетика Ахборот Бошқармаси (EIA) маълумотларига кўра, йилнинг биринчи беш ойида АҚШга Россия нефтининг импорти деярли 68 миллион баррелга ёки 9,3 миллион тоннага етди. Бу ФБХнинг олти ой давомидаги кўрсаткичларидан кўпроқ, чунки EIA жўнатувчи мамлакатни эмас, балки ишлаб чиқарувчи давлатни қайд этади.

Бунинг устига, июл ойида америкаликлар Россия мазутини сотиб олишни июнга нисбатан 16 фоизга кўпайтирдилар.

Ўрнини босишга бошқа ҳеч нарса йўқ

Гап шундаки, АҚШнинг ўзлари ўзини Венесуэланинг оғир нефтидан маҳрум қилди, бир қатор нефтни қайта ишлаш заводлари технологияси эса Перм ҳавзаси ва Ғарбий Техасдан келтириладиган енгил нефтдан фойдаланиш имконини бермайди. Уни Жанубий Америкадан сотиб олинган оғир нефть билан аралаштириш керак. Аммо Трамп Венесуэланинг давлатга қарашли PVSDA компаниясига қарши санкцияларни жорий этди ва заводлар хом ашё билан боғлиқ жиддий муаммоларга дуч келди.

Энг қийин вазиятда Мексика кўрфази ва Шарқий қирғоқ заводлари, шу жумладан Citgo Petroleum, Valero Energy, Chevron.

Кимёвий таркиби яқин бўлган Саудия Арабистони нефти ўрнини босиши мумкин эди, аммо саудияликлар ишлаб чиқаришни кўпайтиришдан бош тортди. Натижада, иқтисодиёт сиёсатни четга суриб қўйди - улар Россияга мурожаат қилишга мажбур бўлишди.

"Вашингтон Газпромга “Шимолий оқим-2” қурилишини тугатмаслиги учун иложи борини ишга солмоқда. Аммо, иқтисодий манфаатлар бир-бирига мос келганида, ҳеч нарса ҳамкорликка тўсқинлик қилолмайди", - деди “Альпари” ИАЦ раҳбари Александр Разуваев.

"Дунёдаги сўнгги геосиёсий воқеалар нефт бозорини Россия фойдасига қайта тақсимлади, чунки АҚШ бошқа икки давлатдан етказилишини рад этди ва уларга нисбатан санкцияларни жорий этди. Шундай қилиб, Urals ягона сотиб олиш имкони бўлган оғир нефть бўлди", - дейди Александр Дужников, A3F Group ГК асосчиларидан бири.

Мос келадиган хусусиятларидан ташқари, Россия хом ашёси нарх жиҳатидан мақбул. Молия вазирлигининг маълумотларига кўра, январ-июл ойларида Urals маркаси бир баррели учун ўртача нарх 40,34 долларни ташкил этди, ўтган йилнинг январ-июл ойларида эса бу кўрсаткич 65,27 долларни ташкил этган.

Бундан ташқари, ташиб бериш нархи ҳам сезиларли даражада пасайди. Карантиндан чиқиш билан эса ёнилғи истеъмоли кўтарилди - одамлар кўпроқ машинада саёҳат қилишни ва самолётларда учишни бошлади.

Саноатдаги инқироз

Нефт нархларининг кулаши туфайли АҚШда бурғулаш ускуналари сони кўп йиллик энг паст даражагача қисқарди. Dakota Access қувури экологик қонунчиликни бузганлиги сабабли ёпилди.

Ишлаб чиқариш кунига энг кўпи 13,1 дан 11,1 миллион баррелгача тушиб кетди. Бу АҚШдаги энг самарали сланец ҳавзаларига - Перм, Игл-Форд, Баккен, Ниобром, Анадарк, Аппалачи ва Хейнсвиллга таъсир қилди. 11 август куни эълон қилинган EIA прогнозига кўра, жорий йилда соҳанинг ўртача ишлаб чиқариш қуввати кунига 11,26 миллион баррелни, 2021 йилда эса - 11,14 ни ташкил қилади. EIA таҳминига бўйича, декабр ойига дунё бўйича нефт етказиб беришни қисқаришига энг катта ҳисса қўшган америкаликлар бўлиб қолади.

Haynes & Boone маълумотларига кўра, январ ойидан бери умумий қарзи 25,2 миллиард долларга тенг бўлган 36 та нефт ва газ компаниялари банкротлик иш юритувини бошладилар. Улар қаторида сланец ишлаб чиқарувчи энг йирик компаниялардан бири Whiting Petroleum, шунингдек, California Resources ва саноатда биринчи бошлаганлардан бўлган Chesapeake Enеrgy. Июн ойида яна бир йирик ишлаб чиқарувчи Extraction Oil & Gas қарз бўйича фоизларни ўз вақтида тўлай олмади ва судга банкротлик бўйича мурожаат қилди.

Rystad Energy компаниясининг ҳисоб-китобларига кўра, йил охирига келиб Американинг деярли бир юз элликга яқин нефт ва газ компаниялари ўзларини иқтисодий ночор деб эълон қиладилар. Сланец ишлаб чиқариши кунига беш миллион баррелдан пастроққа тушиб кетиши мумкин. ShaleProfile Analytics таҳмин қилишича, натижада соҳа ишлаб чиқариш қувватларининг учдан бирини йўқотиши мумкин.

624
Модернизированный Ту-160М впервые поднялся в воздух

Бомбардимончилар ва десант - Россиянинг "ҳамкорлар"га жавоби

726
(Янгиланган 20:20 14.08.2020)
РФ Қуролли кучлари узоқ масофали авиацияси ўз таркибида 70 га яқин Ту-160 ва Ту-95 стратегик бомбардимончилари, 40 дан ортиқ узоқ масофали Ту-22М3 бомбардимончилари бор.

Пентагоннинг Шарқий Европадаги иттифоқчилари ортида қилаётган провокациялари Россияни АҚШга уларнинг сайёрадаги позициялари заифлигини эслатишга мажбур қилмоқда. 12 август куни Россия Тинч океани флоти денгиз пиёдалари қўшинлари АҚШдан атиги 350 км масофада жойлашган Командор оролларига (Беринг денгизи) парашют десантини қўндирди.

Бир кун олдин, Ту-160 стратегик ракета ташувчилари экипажлари Саратов вилоятидан АҚШ ҳудудидан 530 км масофада жойлашган Анадир (Чукотка яримороли) аэродромига кўчиб ўтдилар.

Денгиз пиёдалари бўлинмаси Командор оролларида режалаштирилган тактик машғулот пайтида нотаниш майдончага парашют ёрдамида тушди. Қўшинларни ташлаш мақсади ороллардан бирида жойлашган ҳарбий объектнинг мудофаасини кучайтириш ва душманнинг разведка-саботаж гуруҳларининг ҳужумларини олдини олишдир.

Қўниш “Арбалет” парашют тизимларидан фойдаланган ҳолда, тўлиқ жанговар аслаҳалар ва қурол-яроғ ва мудофаани зич чегаралган вақт оралиғида амалга оширилди. Машғулотга 50 дан ортиқ ҳарбий хизматчилар, денгиз авиацияси самолётлари экипажлари ва Тинч океан флотининг таъминот кемалари жалб қилинди. Ҳаракатлар ўқув-жанговар тайёргарлик доирасида бўлганига қарамай, яққол рамзий бўлиб, Пентагонга Россиянинг таҳдидларга қарши туриш ва уларга муносабат билдириш қобилияти муҳимлигини эслатиб туради.

Америкалик "ҳамкорлар"га Саратов вилоятидан Анадқирьга иккита Ту-160 стратегик ракета ташувчисини кўчирилиши ҳам яна бир мақсадли сигнал кабидир. “Оққуш”ларнинг тўхтовсиз парвози (шарққа тахминан 7000 км) Ту-95МС стратегик ракета ташувчи бомбардимончилар, Ту-22М3 товушдан тез ракета ташувчи бомбардимончилар ва Ил-78 учар танкер иштирокида тактик-парвоз машқлари доирасида амалга оширилди.

Самолётлар оператив аэродромларга кўчирилганидан сўнг, экипажлар Узоқ масофали авиация қўмондони, генерал-лейтенант Сергей Кобылаш бошчилигида самолёт қуролларидан фойдаланиш ва бошқа топшириқлардан мақсадли вазифаларни жанговар равишда бажаришди. Аслида ракета ташувчиларнинг вазифалари бўйича ҳаммаси равшан, бу Россиянинг стратегик ядровий кучларининг таркибий қисми.

Қўмондоннинг "Ура" дейиши нимани англатади

Тинч океанида кўринмайдиган бўлиб кетган Командор оролларига (аҳолиси тахминан 700 киши) қўнган Тинч океан флоти денгиз пиёдаларининг парашют бўлими, яна бир бор Россия қўшинларининг доимий жойлашиш жойларидан минглаб километр масофада самарали ҳаракат қилиш ва дунёнинг исталган жойида ҳарбий иншоотларни тезда ўз назоратига олиш қобилиятининг юқори эканлигини яна бир бор намойиш этди.

Россия ҳарбийлари дунё тарихида биринчи марта Арктикага 10 минг метр баландликдан парашютда қўниб, Франц Иосиф Ери архипелагида муваффақиятли операцияни амалга оширишди. Юқори баландликдан десантлаш махсус кучлар бўлинмаларига душман объектидан ҳар қандай узоқликда ва ҳар қандай минтақада махфийлик ва операция самарадорлигини таъминлайди. Ҳар қандай минтақада, шу жумладан Шимолий қутб яқинида эркин сузаётган муз қоясига ҳам (у ерга Россия қўшинлари 2014 йил апрел ойида парашют қўнишган), қўшни қитъаларнинг қаттиқ тупроғини гапирмаса ҳам бўлади.

Вазиятнинг энг оғир шароитларида махсус мақсадларга мўлжалланган янги "Арбалет-2"парашют тизимлари ва бошқалар ҳарбийларга ўз қуроли ва 50 килограммлик контейнери билан 400-4000 метр баландликдан хавфсиз тарзда қўнишга имкон беради. “Штурм” елка қописиз парашюти 80 метр баландликдан сакрашга имкон беради. Ва фақатгина Россия зирҳли машиналари экипажлари билан 1500 метргача баландликдан кўп гумбазли парашю тизимларда қўндирилиши. Аммо, ҳар қандай парашют шунчаки ҳарбийни ва қуролларни жанг майдонига етказиб бериш воситасидир.

Ҳаво десантлари (денгиз пиёдалари, ҳаво-десант қўшинлари ва бошқа мутахассислар) душман чизиғи ортида, маҳаллий можароларда ва кенг кўламли урушда (мустақил равишда ёки ҳарбий гуруҳлар таркибида) тезкор-тактик жанговар вазифаларни ҳал қилишга мўлжалланган. Десант қўнишига фақатгина душманнинг ҳаво мудофааси самарали халақит бериши мумкин, аммо узоқдан туриб авиация қуроллари дастлабки зарбаси билан бу муаммони бартараф этади.

Ҳақиқий жанговар операцияда кимдир қўниш йўлини тозалаб бериши керак, ҳаво ҳужумига қарши зенит қуролларини, Lance типидаги тактик ракета тизимлари, душманнинг артиллерияси ва зирҳли техникасини бостириб туриши керак. Эҳтимол, стратегик Ту-160, Ту-95МС ва Ту-22М3 товушдан тез учар ракета ташувчи бомбардимончилари Тинч океан соҳилига учиб келгани ва вазифаларни белгиланган тартибда - Командор оролларига десант қўнишидан бир кун олдин амалга оширгани тасодиф эмас. Шу ерда таъкидлаб ўтиш керак: Россия ҳеч кимга уруш билан таҳдид қилмайди, лекин ўз ҳам имкониятларини ҳеч кимдан яширмайди.

Анадирнинг аёзли огоҳлантириши

11 август куни Тинч океани соҳилида жойлаштирилган Россия узоқ масофали авиациясининг ҳужум гуруҳи Россия ҳаво ҳудудини тарк этмасдан душманнинг 5500 кмгача бўлган масофадаги нишонларига зарба беришга қодир. Анадирь аэродромидан аниқ урувчи ва кам сезиладиган ракеталар Американинг Minuteman III ядровий қитъалараро баллистик ракеталари шахталари жойлашган Монтана ва Шимолий Дакота штатларига етиб бориши мумкин. Тинч океани устидаги халқаро ҳаво майдонидан янги имкониятлар очилмоқда.

Стратегик Ту-160М, масалан, Сурияда синовдан ўтган, узоқ географик минтақаларда душманнинг қуруқликдаги ёки денгиздаги нишонларини йўқ қилишга мўлжалланган, анъанавий ёки ядровий каллачали Х-101 қанотли ракеталаридан фойдаланиши мумкин. Ту-160Мнинг револьвер ракета учирувчи ускунаси 12 тагача қанотли ракеталарини таший олади. Х-101нинг конвенцион модификацияси тахминан 400 килограмм тротил эквивалентидаги жанговар қисмга эга. Махсус Х-102 термоядровий каллача билан жиҳозланиши мумкин (250 килотондан бир мегатонгача).

Қаноти ўзгарувчан узоқ масофали кўп қиррали товушдан тез Ту-22М3 ракета ташувчиси-бомбардимончиси, стратегик ва тезкор-тактик авиация ўртасидаги бўшликни эгаллайди, замонавий ҳаво мудофааси ва радиоэлектрон кураш тизимларига қарши чоралар шароитида қуруқлик ва денгиз нишонларига (авиаташувчилар қотили) самарали зарба беради. Унга ўҳшаши дунёда йўқ.

Максимал тезлиги - соатига 2300 км, жанговар юк - 24 тоннагача. Учириш чизиғига Х-101 ёки Х-102 қанотли ракеталарини етказишга мўлжалланган. У Х-32 ва гипертовушли “Кинжал” Х-47М2 ракеталарини ташишга қодир. Ту-22М3М бомбардимончиси душманнинг ҳаво мудофаасининг 700 километрлик ҳудудига кирмасдан, душман авиаташувчи гуруҳини йўқ қилишга қодир. 1000 кмгача масофага учишга қодир Х-32 кемаларга қарши ракета 40 кмгача баландликда 5 Мах тезлигида учиб, стратосферадан туриб зарба беради, у "Иджис" ракеталарга қарши мудофаасига даҳлсиздир.

Ту-95МС стратегик ракета ташувчи-бомбардимончиси махсус таништиришга муҳтож эмас ва шунингдек, душман ичкарисидаги муҳим нишонларни қанотли ракеталар ёрдамида (5500 кмгача масофада) йўқ қилишга мўлжалланган – куну-тун, ҳар қандай об-ҳавода. Эслатиб ўтамиз: юқорида айтиб ўтилган барча самолётлар чуқур модернизация қилинди, бортида энг замонавий қурол-аслаҳаларни ташийди ва улар шафқатсиз кучдир.

РФ Қуролли кучлари узоқ масофали авиацияси ўз таркибида 70 га яқин Ту-160 ва Ту-95 стратегик бомбардимончилари, 40 дан ортиқ узоқ масофали Ту-22М3 бомбардимончилари бор. Ҳаво-космик кучларнинг асосий зарба кучи ва стратегик ядровий кучларнинг таркибий қисми, Россия Қуролли Кучларининг Олий Бош қўмондони дастаги бўлган узоқ масофали авиация тезкор-стратегик вазифаларни бажаришга мўлжалланган ва ҳеч бир жойда бекордан-бекор  учмайди.

Америка, аҳмоқлик қилма 

Пентагон ва НАТО Россияга Шарқий Европадаги маъносиз "босиб туриш"га тобора киришиб кетяпти, яъни Америка қўшинларини Германиядан Польша ва Руминияга кўчириши, серияли маневрлари, РФ чегараларига яқин бўлган Болтиқ ва Қора денгизларида жанговар ва разведка авиациясини провокацион учиришлари билан.

Ўзларининг хавфсизлигини том маънода унутган ҳолда (гўё уларда заҳирада бошқа сайёра мавжуддек) иттифоқчилар ва ҳамкорлар тинимсиз "инқирозли минтақалардаги вазиятни тинчлантириш" усулларини блокировка қилиш, ҳаводан мудофаа тизимини бузиб ўтиб десант қўндириш ва душман позицияларига ракета зарбаларини тақлид қилиш орқали синаб кўришмоқда.

Пентагон "инсонпарварроқ" пастроқ қувватдаги ядро қуроллар салоҳиятни оширишга интилмоқда. Агар Россияни "тўхтатиб туриш" (Америка манфаатларига бўйсундириб) бўлмаса, унга ҳужум қилиш тўғри келади - бу тактика 2015 йилдан бери маълум.

Замонавий воқелик шундан иборатки, Россияни иқтисодий жиҳатдан ажратиб ёки ҳарбий усуллар билан мағлубиятга учратиб бўлмайди, босим ўтказишнинг кўп йиллик уринишлари беҳуда бўлди. Буни ҳатто Американинг "The American Conservative" журнали ҳам тан олди: "Россия  ўзининг яқинида муайян чегараларни белгилаб қўйди ва АҚШ уларни кесиб ўтишга харакат қилмаслиги керак. Биз охирги 12 йил ичида икки маротаба арғамчини ўзига тортиш кўринишида АҚШ ва Россия ўртасидаги рақобатга жалб қилиниб қолган мамлакатларнинг аҳволи нақадар даҳшатли бўлганига шоҳид бўлдик. Бизнинг ҳукумат Украина ва Грузия мисолида, аслида АҚШ ушбу давлатларни ҳимоя қилишга тайёр эмаслигини тушунди".

Пентагон шу каби ҳулосаларга келади деган умид қолмоқда – фақатгина АҚШнинг ўзи учун номақбул йўқотишларга сабаб бўлиши мумкин бўлган Болтиқ ва Қора, Беринг ва Чукотка денгизларидаги қўпол провокациялар орқали эмас.

726

"Йиғлатаман": Чак Норрис Лукашенкога пўписали видеомурожаат ёзди

172
Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

ТОШКЕНТ, 15 авг - Sputnik. Дунёга машҳур актёр Чак Норрис Беларус президенти Александр Лукашенконикига ташриф уюштирмоқчи. Жангари фильмлар юлдузи урушга шай, у сиёсатчини йиғлашга мажбур этмоқчи, деб хабар қилади NEWS.ru.

Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

"Биласанми, пиёз тўғраганимда, мен йиғламайман. Пиёз йиғлайди. Шу учун, агар ҳозир қилаётган ишларингни тўхтатмасанг, у ҳолда қароргоҳларингнинг бирига бораманда, сени йиғлашга мажбур этаман", - деган Норрис.

Жангари фильмлар юлдузи бошқа ҳеч қандай аниқлик киритмаган. Айтган жумлаларини ҳам ойдинлаштирмаган. Норриснинг расмий аккаунтларида ушбу видеоролик йўқ. Ролик биринчи бўлиб Беларус мухолифати билан боғлиқ бўлган ижтимоий тармоқларда тарқатила бошланган.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

172