Кандидат в президентыСША от Демократической партии Джо Байден во время дебатов, организованных CNN / New York Times в Университете Оттербейн. 15 октября 2019

Жо Байден Америка иқтисодиётини йўқ қилишга ваъда бермоқда

951
(Янгиланган 19:26 24.08.2020)
Америка ОАВлари Жо Байден яқинда ABC телеканалига берган интервьюсида кўрсатган қатъиятлилиги ва шафқатсизлигидан мамнун.

Америка ОАВлари Жо Байден яқинда ABC телеканалига берган интервьюсида кўрсатган қатъиятлилиги ва шафқатсизлигидан мамнун. Байден эпидемия давом этган тақдирда, иқтисодий фаолликни тўлиқ чеклаш билан яна бир бор мамлакат миқёсида қатъий карантин жорий этиш ниятида бўлганлиги ва шу билан президент Трампнинг позициясига мутлақо қарши бўлган ёндашувни намойиш қилиши катта завқ вужудга келтирди. Ушбу позициянинг оқибатларини тушуниш учун Европа Иттифоқи, Россия, Бангладеш ёки Хитойдаги коронавирус биринчи навбатда эпидемиологик масала бўлганлигини, фақатгина АҚШда коронавирус фақат сиёсий масала эканлигини ҳисобга олиш керак.

Politico нашри хабар беради:

"Демократик партиядан президентликка номзод Жо Байден коронавирус мамлакат ичида тарқалишига қарши курашиш учун" "ҳеч нарсадан қайтмаслигини" айтди, шу жумладан, агар керак бўлса, АҚШ (иқтисодиётини) блокировка қилишгача". "Мен уни (иқтисодиётни-таҳр.) ўчириб қўйган бўлардим. Мен олимларга қулоқ солган бўлардим, - деди Байден АВС мухбири Дэвид Мьюирга ўзининг шериги (вице-президентликка номзод) сенатор Камала Харрис билан қўшма интервьюсида. - Биз ҳаётларни сақлаб қолиш учун қўлимиздан келганини қиламиз". Байденнинг изоҳлари, Демократик партия номзоди бўлган ҳар қандай одам АҚШда камида 175 минг кишининг ўлимига сабаб бўлган вирус тарқалишини тўхтатиш учун қачонлардир таклиф қилган энг қатъий эҳтимолий чораларга ишора қилмоқда".

Умуман Демократик партия ва хусусан Байден сайловчиларга ўзларини АҚШда эпидемияни тўхтатиш учун энг кескин чораларни кўришга тайёр, коронавирусга қарши муросасиз курашчилар сифатида "сотишга" ҳаракат қилмоқда. Мақсад шундаки, уларнинг фонида президент Трамп, амалдаги маъмурият иқтисодий чекловларни узайтиришни истамаслиги, америкаликларнинг куч ишлатиш таҳдиди остида уйларини тарк этишини тақиқлашни, одамларга ниқоб тақишни мажбурлашни истамаслиги сабабли вафот этганларнинг қонига қўллари бурканган, "чоллар ва кампирларнинг қотили"га ўхшатишдир.

АҚШнинг Демократик партия томонидан бошқариладиган минтақаларида хукуматларнинг талвасаси баъзан кулгили тусга кирмоқда. Масалан, Лос-Анжелесда маҳаллий ҳокимият нафақат уй-жой зиёфатларини тақиқлаб қўйди (яъни фуқароларнинг йиғилиш ва эркин ҳаракатланиш бўйича конституциявий ҳуқуқларини чеклаб қўйди), балки бундай чекловлар бузувчиларини электр, сув таъминоти ва канализация тизимларидан узиб қўймоқда.

Сайёранинг Америка ахборот майдонидан ташқарида бўлган фуқаролари учун бу психознинг даражасини тушуниш қийин, бироқ Америка оммавий ахборот воситалари (Трампга қарши иш олиб борувчи ва саноат миқёсидаги "маълумот чўкиндилари" ёрдамида оддий одамларнинг онгига даҳшат етказиш орқали) ажойиб натижаларга эришдилар. Масалан, Franklin Templeton  молиявий компанияси эпидемия бўйича махсус жамоатчилик фикрини ўрганиш сўровига буюртма берди ва қуйидаги хулосаларга келди: "Биз COVID-19 билан касалланишнинг соғлик учун жиддий оқибатларидан жуда ташвишланаётган ёки хавотирда бўлганларнинг улуши 25 ёшдан 64 ёшгача бўлганларнинг барча ёш қатламлари учун деярли бир хил эканлигини аниқладик, ва у 65 ёшдан ошганларнинг улушидан кам эмас. Бу кўрсаткичларнинг ўлимнинг ҳақиқий кўрсаткичига мос келмаслиги жуда ҳайратга солади: 18-24 ёшдаги одамлар орасида соғлиғидан жиддий ташвишланаётганларнинг улуши COVID'дан ўлимлар умумий сонидан 400 баравар юқори; 25-34 ёшлилар учун - 90 баравар юқори".

Буни оддий огоҳлик деб ҳисобласа бўлар эди, аммо бу борада нюанс бор: худди шу ҳавотирдаги фуқаролар гигиена ва ниқоб кийишни эмас, балки мактаблар, корхоналар, давлат идоралари ёпилишининг ва умуман хавфсизлик тўлиқ таъминланмагунча барча нормал ҳаётни чеклаш тарафдорларидир.

Franklin Templeton сўровининг буюртмачилари алоҳида аниқлаган, айнан ижтимоий тармоқларнинг фаол фойдаланувчилари ва асосий оммавий ахборот воситаларининг (яъни аксил-Трамп) истеъмолчилари орасида тарқаладиган ушбу психозга мурожаат қилиш орқали Байден сайловда ғалаба қозонганидан кейин иқтисодиётни ўчиришга тайёрлигини маълум қилди.

Муаммо шундаки, Байден гапираётган иқтисодиётни ўчириб туриш, аслида, уни ўлдиради.

"Бутун бошли мамлакатни блокировка қилиш <...> сизга ойига ЯИМнинг уч фоизигача тушади, шунинг учун сайёранинг ҳатто энг бадавлат давлатлари ҳам қўшимча икки ёки уч ойлик тўлиқ блокировкани амалга оширишга қодир эмас", - дейди Швейцариянинг UBS банки Осиё-Тинч океани минтақаси акциялар бўлими раҳбари Хартмут Иссель CNBC'га.

Эпидемияга қарши кураш мавзусини шу қадар кўп сиёсийлаштириб ташламаган ва уни сайловолди ташвиқоти мавзусига айлантирмаган мамлакатларда вазият тўғри қабул қилинмоқда: энди иқтисодиётни тўлиқ музлатиб қўйишнинг иложи йўқ. Буни турли хил сиёсатчилар ва ишбилармонлик вакиллари, шу жумладан Буюк Британия собиқ Бош вазири Тони Блэр, Siemens бош директори Джо Кэзер ва Франция Бош вазири Жан Кастекс ҳам гапириб ўтган.

Бу маънода АҚШнинг ҳеч қандай фарқи йўқ ва у ҳаттоки ундан ҳам ёмонроқ ҳолатда, ваҳоланки АҚШ иқтисодиётни биринчи марта тўхтатганидан кейин тикланишига ишора ҳам йўқ. The New York Post газетасининг маълум қилишича, "Нью-Йоркнинг оч қолган аҳолиси Квинсда бепул озиқ-овқат учун чорак мил масофалик навбатларда туришмоқда".

Таниқли иқтисодчи ва Allianz  суғурта гигантининг етакчи иқтисодий маслаҳатчиси Муҳаммад Эл-Эрианнинг фикрига кўра, "кичик бизнеснинг коронавирус томонидан яксон қилиниши АҚШдаги капитализмга таҳдид солмоқда".

CNBC молиявий телеканали таянаётган ҳукуматнинг расмий маълумотларга кўра, "АҚШ (ишга лаёқатли) аҳолисининг деярли ярми ишсиздир".

Шу фонда Жо Байден, аниқроғи, унинг сиёсий технологлари - сайловчиларни кўпроқ коронавирус билан қўрқитиш ва уларга янада жиддийроқ иқтисодий чекловлар (қонунбузарларни электр ва сув таъминотидан узиш билан) орқали уларни ўз томонига жалб қилишлари кераклигига таянмоқдалар. Eurasia Group йирик халқаро консалтинг компаниясининг эгаси Ян Бремер тўғри таъкидлаганидек, умуман электорат Байдендан кўра Трампга кўпроқ ишонадиган ягона масала бу иқтисодиётдир ва Байденнинг бундай баёноти амалдаги президентнинг сайловолди кампаниясига қўшимча имкониятлар бериши мумкин.

Агар бу имкониятлар амалга оширилса, бу бироз қайғули ҳам бўлар эди. Америка иқтисодиёти яна бир (қанчалик қисқа бўлишидан қатъий назар) оммавий карантиндан қандай омон қолишини кузатиш жуда қизиқ бўлар эди.

951

Нима учун Ғарб Тоғли Қорабоғ бўйича эришилган келишувдан норози

84
(Янгиланган 18:21 24.11.2020)
Франция ташқи ишлар вазири унинг мамлакати Тоғли Қорабоғ аҳолисига ёрдам бериш учун ташкил этилган гуманитар миссия тавсилоятлари билан ўртоқлашди. Ҳудудга жарроҳлар гуруҳи ва тиббий-жарроҳлик асбоб-ускуналарни жўнатиш ҳақида гап кетмоқда.

АҚШ, ўз навбатида, можарода жабрланган аҳолига ёрдам бераётган Қизил Хоч халқаро қўмитасига ва бошқа нодавлат ташкилотларга 5 миллион доллар ажратиш билан чекланди.

Қорабоғ масаласи бўйича Париж ва Вашингтонда иштиёқ этишмаслиги - ҳам риторикада, ҳам ҳаракатларда - улар "яраланган иззатталаблик"ни намойиш қилмоқда, деб айтган Сергей Лавров, нақадар ҳақ бўлганлигини тасдиқлайди.

Озарбайжон президенти Илҳом Алиев ҳам худди шундай деди: АҚШ ва Франция "кеч бўлса ҳам, эришилган келишувга ўзларининг ижобий муносабатларини билдиришди" деб киноя билан айтди.

Ўрнатилган анъанага кўра, Анқара сўз танлашда уялиб ўтирмади. Туркия президентининг матбуот котиби Ғарб НАТО ва Европа Иттифоқи сифатида 30 йилдан бери Қорабоғ қарама-қаршилиги бўйича "аниқ ва реал таклифларни" илгари сура олмаётганини, Россия ва Туркия эса "ўзаро ҳамжиҳатликка" эришганлигини билдирди.

Тоғли Қорабоғ бўйича келишув Ғарб учун аламли мағлубиятга айланди, айниқса - АҚШ ва Франция учун - деб ёзишни дарҳол бошлашди, улар Россия ва ЕХҲТ Минск гуруҳининг ушбу можарони тинч йўл билан ҳал қилиш йўлларини излаш гуруҳи ҳамраиси бўлган.

Агар The National Interest журналистларига ишонадиган бўлсак, Ғарб бу сафар ухлаб қолиб, ҳамма нарсани ўтказиб юборди. Унинг учун ҳам ҳарбий ҳаракатларнинг бошланиши, ҳам Россия тинчликпарвар кучларини киритиш ҳақидаги келишувнинг имзоланиши кутилмаган ҳолат бўлди.

Нашр бунда Америка разведкасини айблади, унинг маълумотларига кўра, улар ҳатто Путин ва Эрдоған музокаралари тўғрисида маълумотни ололмади, натижада эса АҚШнинг минтақадаги позицияси сезиларли даражада заифлашди.

Бироқ, аслида, вазият бундан ҳам ёмонроқ, чунки "разведка ишламади" деган позиция “Қорабоғ масаласи”да АҚШ муваффақиятсизлигининг бундан катта бўлган муаммони яширишга имкон беради.

Қорабоғ масаласини тинч йўл билан ҳал этиш, қарама-қаршилик нисбатан маҳаллий хусусиятига қарамай, глобал сиёсий тизим бошдан ўтказаётган ўзгаришларнинг тубдан янги босқичини бошлаб беради. Бу биринчи марта, АҚШ ва Европа - барча иштирок этаётган томонлар учун бирданига кераксиз ва исталмаган шерик сифатида бўлиб қолди.

Сўнгги 30 йилда Ғарб гегемонлигининг энг муҳим белгиси - унинг ҳамма жойда, барча учун керак бўлган зарурият сифатида бўлган эди.

Ҳар қандай вазиятда, ҳар қандай можарода, - ҳаттоки турли давлатларда ички сиёсий вазиятларда Ғарбга кўмак сўраб мурожаат қилган, ёрдамга умид боғлаган ва кўпинча уни у ёки бу шаклда олган.

Бу ёндашувнинг ёрқин намунаси сифатида Қримда 2014 йил баҳорида, Украина ҳарбийлари "Америка биз билан" деб бақирган ҳолда Россия ҳарбий объектларини "штурм қилган" эпизодни эслаш мумкин. Бу, албатта, кулгили кўринади, бироқ айни пайтда у бутун сайёра бўйлаб - Беларусдан Венесуэлагача, Суриядан Гонконггача - кўплаб одамлар, шу жумладан юқори амалдорларнинг фикрлаш тарзини жуда аниқ акс эттиради.

Бундан ташқари, бу ҳолат Ғарб томонидан мақсадга мувофиқ равишда қўллаб-қувватланади, дунёдаги ҳар қандай муаммо ва низоларга ҳеч бўлмаганда вето ҳуқуқига эга бўлишга интилади. Бу, аслида, унинг геосиёсий устунлигининг асосий таркибий қисмларидан бири.

Ҳозирги Қорабоғ тинч йўл билан ҳал қилиш ўзига хослиги шундаки, унда барча иштирокчи томонлардан Ғарб бирдан кесилди. Бу жуда ҳам таъсирли, чунки музокаралар жараёни осонликча бўлмади.

Бироқ, ўрнатилган жаҳон анъаналарига асосан АҚШ ёки Европани иштирок этишга жалб қилиш ўрнига, ҳар ким бир овоздан "буни ўзимиз ҳал қиламиз" деган ишончга амал қилди.

Улар ҳақиқатан ҳам ҳал қилишди – воқеа содир бўлиб ўтгандан кейин эришилган ва амалга оширишга киришилган келишув Ғарбга, бутун дунё олдига қўйилди.

Шундай қилиб, АҚШ таъсирининг яна бир асосий тошига, дунё тизимида алоҳида мавқега эга бўлиш талабига жуда кучли зарба берилди. Амалиёт шуни кўрсатадики, биринчи муваффақиятли уринишдан кейин албатта бошқалари етиб келади.

Ажабланарли жойи йўқ, америкаликлар воқеани разведканинг тасодифий муваффақиятсизлиги, деб ҳисоблашни афзал кўришмоқда. Тоғли Қорабоғда тинч йўл билан ҳал қилиш ҳақиқатда дунё сиёсий тизимидаги, аста-секин АҚШ ва умуман Ғарбни ундаги эксклюзив мақомидан маҳрум этади, яна бир тектоник силжишни англатади, улар учун бу ҳақиқатга иқрор бўлиш ва оммавий тан олинишдан кўра қулайроқдир.

84
Теглар:
Тоғли Қорабоғ

Қонунсизлик: Россия устидан АҚШ разведка парвозлари кимга керак

149
(Янгиланган 17:11 24.11.2020)
Трамп маъмурияти даврида АҚШ халқаро хавфсизлик тизимидаги бир неча шартномалардан чиқди. Байден жамоаси уларга қайтмоқчи бўлса - бу жуда мушкул бўлади.

ТОШКЕНТ, 24 ноя —Sputnik, Софья Мельничук. АҚШнинг Очиқ осмон шартномасидан (ООШ) чиқиш ҳақидаги огоҳлантирув хатининг муддати тугади. Устига устак Вашингтон Москвани “йиллар давомида ООШни бузиб келишда” айблади.

Трамп маъмурияти мамлакатни эскириб кетган ва “рақибларга устунлик бераётган ҳамда миллий хавфсизликка таҳдид қилаётган” шартномалардан чиқардик деб ҳисоблайди. Лекин Байден жамоаси АҚШ осмонини яна очади деган умид пайдо бўлмоқда.

Ишонч бўлмаса ООШга ўрин йўқ

Оқ уйнинг Москвага энг катта даъволаридан бири, бу – айрим ҳудудлар устидан учиб ўтишга қўйилган таъқиқлар эди. Хусусан, Жанубий Осетия, Абхазия, Чеченистон ва Калининград. Бунга жавобан АҚШ Аляска ва Тинч океанидаги бир неча ороллар устидан парвоз қилишни таъқиқлаб қўйишди.

2002 йилда 35 давлат  томонидан имзоланган шартномага кўра,  ушбу давлатлар бир-бирларининг ҳудудлари устидан разведка парвозлари амалга оширишлари мумкин. Бунда жамланган маълумотлар барча учун очиқ бўлади. Парвозларни амалга ошираётган самолётларда қурол бўлмаслиги ҳамда унинг бортида назорат қилинаётган давлат вакили бўлиши керак.

2019 йилда ООШ доирасида 1,5 мингта парвозлар амалга оширилди. Улардан мақсад – нафақат назоратни кучайтириш, балким бир-бирига  муайян сиёсий сигналлар беришни ҳам назарда тутади. Хусусан 2014 йилда Донбассда қуролли можаро бошланганидан сўнг, АҚШ Украина шарқида Киевни қўллаб-қувватлаш рамзи сифатида доимий парвозлар амалга оширишни йўлга қўйган эди.

Нопок ўйинлар

Кремль ушбу шартномани ўзаро ишонч ва қурол-яроғ устидан назорат қилиш учун муҳим фактор деб ҳисоблайди. АҚШнинг ундан чиқиши шартноманинг аҳамиятини йўққа чиқаради. Лекин Москва, маълум шартлар асосида унга амал қилишда давом этади.

Биринчи шарт – Европа давлатлари разведка парвози давомида ўзлари жамлаган маълумотларни АҚШга бермасликни кафолатлашлари керак. Иккинчиси – Россия самолётлари Европада жойлашган америка объектларини инспекция қилиши мумкин.

Лекин ҳозирча ушбу давлатлардан ҳеч қандай кафолат олинмади ва Москвани бундай вазият мутлақ қониқтирмайди.

“АҚШ ўз иттифоқдошларидан Москва шартларига рози бўлиш ва Вашингтон шартномадан чиққанидан сўнг ҳам, маълумотларни уларга юбориб туришни талаб қилаётгани сир эмас, - дейди Венадаги Россия ҳарбий хавфсизлик делегацияси раҳбари Константин Гаврилов.   — Бу нафақат ООШни бузиш, балким ушбу шартнома асосида қандайдир нопок ўйинлар олиб боришдир. ООШ Вашингтоннинг халқаро қурол-аслаҳани назорат қилиш тизимини бузиш йўлида қўйшаг навбатдаги қадами бўлди”.

“Бу ақлсизлик”

АҚШнинг ООШдан чиқиши биринчи навбатда унинг Европадаги иттифоқчиларига таъсир қилади. Улар учун Америка самолётлари жамлаган маълумотлар жуда керак. Бир қатор европа давлатлари бу борада ўз афсусларини айтишди. “Биз Россия томонидан ушбу шартномани бажаришда айрим қийинчиликлар бўлганини тушунамиз, лекин бизнингча бу шартномадан чиқишга етарли асос бўлмайди”, - деди Германия ТИВ раҳбари Хайко Маас.

Франция ТИВи АҚШ Москва томонидан шартнома бузилгани ҳақида ҳеч қандай далиллар тақдим этмаганини қайд этди. Испания, Бельгия, Финляндия, Италия, Люксембург, Нидерланд, Чехия ва Швеция биргаликда эълон қилган баёнотида ООШ “фойдали ва амал қилаётган” шартнома бўлиб қолишини билдиришган.

АҚШнинг ўзида ҳам бу борада якдиллик йўқ. Масалан Сенатнинг халқаро муносабатлар бўйича вакили Роберт Мендес Оқ уй ҳаракатларини шундай баҳолайди: "Президент Трамп, сайловда ютқизганидан сўнг, сурбетларча қонунларни менсимагасдан, бир томонлама сиёсийлашган тартибда шартномадан чиқди”, - деди.  

“Бу ақлсизлик”, - деди Миллий хавфсизлик агентлиги собиқ директори АҚШ Ҳарбий ҳаво кучлари генерали Майкл Хайден. Рональд Рейген даврида Давлат депаратаменти раҳбари бўлган Жордж Шульц ва барак Обаманинг норасмий маслаҳатчиси Сэмьюэл Нанн Оқ Уйга Очиқ осмон шартномасини сақлаб қолиш ҳақида хаб юборишди.

Шартномалар якуни

Дональд Трампнинг 4 йиллик президентлик даврида бутун дунё унинг қурол-аслаҳа соҳасида назоратни сақлаб қолишдан манфаатдор эмаслигини тушунди. 2018 йилда у Теҳрон 2015 йилда имзоланган шартномага амал қилмаётганини рўкач қилиб “Эрон ядрой дастури ҳаракатлари” шартномасидан чиқишини эълон қилган эди.

Орадан бир йил ўтиб у Рейган ва Горбачев томонидан имзоланган Ўрта ва яқин масофа ракеталари шартномасидан ҳам чиқди.

2020 йилда Оқ Уйда 1992 йилдан буён илк бор ядровий синовлар муҳокама қилингани маълум бўлди. Агар ушбу ҳолат олдинроқ  юз берганида бу АҚШ, Россия, Хитой, Британия ва Франция орасида имзоланган шартномани бузишни англатган бўлар эди.

2010 йилда имзоланган Стратегик ҳужум қуроллари ҳақидаги шартнома (СНВ-3) тақдири ҳам ҳозирча номаълум бўлиб қолмоқда. Ўтган йили бўлиб ўтган музокараларда АҚШ Россияга қўшимча шартлар қўйди. Улар орасида бажариб бўлмайдиганлари ҳам бор. Масалан Хитойни ушбу шартномага қўшиш. СНВ-3 муддати келгуси йил февралида тугайди. Экспертлар унинг узайтирилиши даргумон деб ҳисоблашади.

Нима бўлганда ҳам Очиқ Осмон шартномаси Дональд Трамп маъмуриятининг сўнгги қурбони бўлади деб умид қиламиз. Ҳозирча Жо Байденни расмий ғалаба билан табриклашга ҳали эрта, лекин унинг ҳукумат бошига келиши эҳтимоли кун сайин ортиб бормоқда.

Янгидан кириш

Айрим экспертлар хулосаига кўра, Байден ООШга қайтадан кириш масаласини ўйлаб кўриши керак, лекин бунинг амалга ошиши амри маҳол, деб ҳисоблайди НИУ ВШЭнинг Европа ва Халқаро изланишлар маркази директори Дмитрий Суслов.

“АҚШда бир неча 10 йиллар давомида жамланган аниқ тажриба бор: улар қуролларни назорат қилиш борасида бирор шартномадан чиқса, унга бошқа қайтиб кирмайди”, - дейди мутахассис. Устига- устак  ООШ бўйича Россияга Оқ уй ва Пентагон томонидан Обама давриларидан буён турзи даъволар билдириб келинаётган эди.  

Ундан ташқари янги шартнома Конгресснинг юқори палатаси томонидан ратификация қилиниши керак. У ерда аксарият республикачилар бўлгани учун, бу янги муаммолар келтириб чиқариши мумкин.

“Байден собиқ президент қарорини бекор қилмоқчи бўлса ҳам - бу бир қатор муаммоларга дуч келиши мумкин. Устига устак Трамп маъмурияти ҳозир ушбу йўналишда янги муаммолар яратмоқда: Оқ уй Ҳаво кучларини кузатув парвозларида фойдаланилаётган самолётлардан воз кечишни талаб қилмоқда”, - дейди ПИР маркази консультанти, Бошқарув қарорлари қабул қилиш маркази катта эксперти Олег Шакиров.

Узоқ йиллар давомида, республикачилар босими остида Конгресс ушбу самолётларни замонавийлаштиришга маблағ ажратмай келаётган эди. Ушбу самолётларсиз ООШга қайтиш ҳам мураккаб бўлади, деб ҳисоблайди эксперт.

Очиқ осмон шартномасига қарши бўлганлар Байден жамоасида ҳам бор. Масалан Майкл Карпентер — ташқи сиёсат бўйича собиқ маслаҳатчи, у ҳам АҚШнинг ушбу шартномада иштирок этишига қарши бўлган. Унинг фикрича Россия ООШ парвозлари орқали американинг инфратузилмавий объектларига зарар етказиш учун маълумот жамламоқда.  

Умумий хулоса шундан иборатки, Байденнинг асосий ғояси – Европа билан ишончли муносабатлар ўрнатиш, дейди Шакиров. Европа учун ООШнинг муҳимлигини ҳисобга олган ҳолда, АҚШ вақти келиб ушбу шартномага қайтиши ҳам мумкин, - иттифоқдошлари учун.

149