Города мира. Нью-Йорк

"Хитой флоти 72 соат ичида йўқ қилинади" - Байден жамоаси режа тузмоқда

1577
(Янгиланган 13:57 31.08.2020)
Америка қўғирчоқ ўйнатувчилари ёки “яширин ҳукумати”  бу сафар сайловчилар олдида олдинги "АҚШда иккита партия бор ва улар бир-бири билан ашаддий рақобат қилмоқда" деган эски спектаклни ҳам истаб-истамай ижро этмоқда.

Гарчи Демократик партия номзоди ташқи сиёсатга Дональд Трампдан кўра мувозанатлироқ ва конструктив ёндашувни намойиш қилиши ва ўзини аввалги қонли геосиёсий саргузаштларнинг салбий тажрибасидан узоқлаштириши керак бўлса-да, амалда воқеалар умуман бошқа томонга кетмоқда.

"Қирол ролини аслида унинг атрофдагилар ўйнайди" деган машҳур гап бироз бемаънироқ кўриниши мумкин, аммо Джо Байден борасида - бу мутлақо ҳақиқатдир. Чунки айни дамда жамоатчилик сўровларида пешқадамлик қилаётган президент номзоди мутлақ интеллектуал таназзулга юз тутиш  босқичидадир. У нафақат геосиёсий стратегияларни қатъий ифода қилишни, балким вақт ва маконда тўғри йўналиш олишни намойиш қила олмаяпти.

Ушбу яққол деменция, эҳтимол, Америка қўғирчоқ ўйнатувчилари ёки давлатнинг ҳақиқий эгалари - “яширин ҳукумат”  Демократик партия номзодни ҳар томонлама қўллаб-қувватлашга тайёрлигининг сабабидир. Бунда улар ҳатто минимал одоб стандартларидан ва олдинги "маскарад" қолдиқларидан ҳам воз кечмоқда.  

“Маскарад” деганда – “яширин ҳукумат” томонидан сайловчилар олдида АҚШда ҳалигача иккита партия бор ва улар бир-бири билан ашаддий рақобат қилмоқда деган ўша-ўша эски спектаклни тушуниш керак.

Булмаса, ашаддий республикачи бўлган Буш маъмуриятининг ўнлаб (!) давлат хавфсизлик хизмати ҳодимлари демократлар Джо Байден ва Камала Харрисни қўллаб-қувватлаган жамоавий хатини қандай тушниш керак?

Дональд Трамп, ўзининг кўплаб камчиликларига қарамай, АҚШнинг сўнгги  президентлари орасида ноёб хислатга эга - у "яширин ҳукумат ", ОАВ ва ҳаттоки ўз сафдошларининг улкан босимига қарамай, АҚШ номидан бирорта ҳам уруш бошламади.

У фақат Обама маъмуриятидан мерос қолган урушларни давом эттирди ва уларда ҳам, айниқса Сурия ва Венесуэлага нисбатан (Америка сиёсати меъёрлари бўйича) қаҳрамона қатъиятлилик ва вазминликни намойиш қилди.

Шундан сўнг қўллари юз минглаб ироқликлар ва сербларнинг қонига бурканган Бушлар сулоласи вакиллари АҚШ етакчилигида янада агрессив президентни кўришни истаганлиги ажабланарли эмас. Бугун уларда ўзларининг хоҳиш-истакларини бажариш учун имконият бор. Байден айни дамда Трампдан мерос бўлиб қоладиган Хитой иқтисодий урушни куч ёрдамида давом эттиришга, ё ҳарбий куч таҳдиди билан Хитойни оммавий равишда шарманда қилишга уриниб кўришини намойиш қилмоқда.

АҚШ оммавий ахборот воситаларида айнан “Вашингтон-Пекин” чизиғида қарама-қаршиликни давом эттириш фаол муҳокама қилинмоқда. Эҳтимолий демократ-президентнинг бўлғуси жамоаси таклифларидан айнан шундай хулосага келиш мумкин.

Масалан, Американинг "Байден даври" сиёсатининг Хитой йўналишида олиб борилиши истиқболларини таҳлил қила туриб, Huffington Post (яъни Демократик партияга қаршиликда умуман айблаб бўлмайдиган нашр) алоҳида ташвиш билан шундай дейди:

"Байден атрофидагиларнинг ташқи сиёсий сегменти ҳам ХХРга нисбатан янада агрессив ёндашувга ишора қилмоқда. Кўпчилик Байден даврида бўлажак мудофаа вазири деб ҳисоблайдиган Мишель Флурнуа яқинда, гарчи можаро АҚШ ва Хитой манфаатларига мос келмаса ҳам, АҚШ ҳарбий кучлари ва уларнинг ҳамкорлари, мисол учун, Пекинни босиб туриш мақсадида 72 соат ичида бутун Хитой ҳарбий-денгиз флотини чўктиришга қодир куч ишлаб чиқиш кераклигини айтди. Флурнуанинг фикрича, Хитой Вашингтонни заиф деб ҳисоблагани учун, ўзига кўпроқ ишониб кетмоқда.

Байденнинг миллий хавфсизлик масалалари бўйича яна бир маслаҳатчиси Джейк Салливан ҳам АҚШ бошчилигида Хитойга яқин сув ҳавзаларида ҳарбий денгиз қўшимча машғулотлар ўтказишга чақирди".

Агар Байден сайланиб, унинг ўзи ҳеч қандай алоҳида рол ўйнамаслигини ва Камала Харриснинг шахсидаги "де-факто президент" жаҳон саҳнасида зўравонликнинг мутлақо ақлдан озган тарафдори сифатида обрўга эга эканлигини ҳисобга олсак, "Вашингтон бургутлари" бу каби тажовузларни амалга оширишга мутлақо назоратсиз ва ҳарбий кучни максимал даражада ошириш ва намойиш этиш учун имкониятларга эга бўлади.

Америкалик журналистларнинг таъкидлашича, гарчи Демократик партия номзоди ташқи сиёсатга Дональд Трампдан фарқли ўлароқ, янада мувозанатли ва конструктив ёндашувни намойиш қилиши ва ўзини аввалги қонли геосиёсий саргузаштларнинг салбий тажрибасидан узоқлаштириши керак бўлса-да, амалда умуман бошқа нарса бўлади.

Бунда обрў масаласи (ташқи ҳарбий аралашувлар сайловчиларга унчалик ёқмайди) ёки Демократик партиянинг барча бўғинларини ўз атрофида бирлаштириш зарурлиги (баъзи аъзолар кичик Буш даври сийсатидан чин дилдан нафратланади) Америка яширин элитасининг энг тажовузкор бўғинлари манфаатларини илгари суриш истаги каби муҳим эмас:

"Демократлар қурултойида республикачиларнинг кўмагини жалб қилиш ва Байденнинг Ироқ уруши меъмори Колин Пауэлл ва марҳум сенатор Джон Маккейн  сингари ҳарбий аралашувга алоқадор шахслар билан алоқаларини намойиш этиш учун қилинган такрорий эслатмалар ҳам демократлар номзоди, унинг коалициясидаги баъзи аъзолари хоҳлашаётган ўтмишдаги хатоларга олиб келадиган фикрлаш тарзидан қўрқмайди", - дея шикоят қилади ҳудди ўша Huffington Post.

Ушбу фонда Хитой расмий ОАВларининг позициясини кузатиш қизиқ. Масалан, ташқи сиёсий сегменти билан боғлик Global Times таблоиди, "Джо Байден билан, Дональд Трампдан фарқли ўлароқ, муаммоларни ҳал қилиш осонроқ. Бу дунёнинг аксарият давлатлари, шу жумладан Хитойнинг ҳам якдил фикри, бундай фикрга экспертлар Байден расман Демократик партиядан президентликка номзод сифатида илгари сурилганидан кейин келишди", мазмунида мақола чиқарди.

Эҳтимол, бу шундай жуда нозик истеҳзо, чунки Хитойнинг ўта расмий ОАВ орқали билдирган бу позиция Джо Байденнинг ўзига зарар етказиши мумкин.

Бошқа томондан, Вашингтон "яширин ҳукумати" номзоди ғолиб бўлган тақдирда,  ҳақиқатда ўз олдига ўзининг асосий геосиёсий рақибини нафақат иқтисодий бўғиш, балки куч орқали босим ўтказиш мақсад қилгани ва бунга расмий Пекиннинг муносабатини кўриш қизиқ бўлади.

Эслатиб ўтиш керак, яқинда "Гонконг учун" иқтисодий санксиялар АҚШда бир овоздан, иккала партия томонидан тўлиқ қўллаб-қувватлаши остида қабул қилинган.

Агар Байден ғалаба қозонса, унда Хитой нафақат ўзига қарши санкциялар, балки ҳарбий-денгиз блокадаси ёки шунга ўхшаш нарсалар хавфига дуч келиши мумкин: тарих шуни кўрсатадики, "Вашингтон бургутлари" (улар республикачи Буш ёки  демократ ОБама маъмуриятидами, бунинг аҳамияти йўқ) ютқазишни билишмайди. Агар Хитой иқтисодий ривожланишда АҚШни ортда қолдирса (коронавирусдан сўнг, Хитойда шубҳасиз кузр бор), унда Вашингтонда ўйин столини ағдариб, ЯИМ соҳасидаги рақобатдан тўғридан-тўғри ҳарбий-денгиз флоти соҳасидаги рақобатга ва уни ХХР соҳилларида амалда қўллашга қайтариб бўлмас васвасага дуч келади.

1577

Нима учун Ғарб Тоғли Қорабоғ бўйича эришилган келишувдан норози

558
(Янгиланган 18:21 24.11.2020)
Франция ташқи ишлар вазири унинг мамлакати Тоғли Қорабоғ аҳолисига ёрдам бериш учун ташкил этилган гуманитар миссия тавсилоятлари билан ўртоқлашди. Ҳудудга жарроҳлар гуруҳи ва тиббий-жарроҳлик асбоб-ускуналарни жўнатиш ҳақида гап кетмоқда.

АҚШ, ўз навбатида, можарода жабрланган аҳолига ёрдам бераётган Қизил Хоч халқаро қўмитасига ва бошқа нодавлат ташкилотларга 5 миллион доллар ажратиш билан чекланди.

Қорабоғ масаласи бўйича Париж ва Вашингтонда иштиёқ этишмаслиги - ҳам риторикада, ҳам ҳаракатларда - улар "яраланган иззатталаблик"ни намойиш қилмоқда, деб айтган Сергей Лавров, нақадар ҳақ бўлганлигини тасдиқлайди.

Озарбайжон президенти Илҳом Алиев ҳам худди шундай деди: АҚШ ва Франция "кеч бўлса ҳам, эришилган келишувга ўзларининг ижобий муносабатларини билдиришди" деб киноя билан айтди.

Ўрнатилган анъанага кўра, Анқара сўз танлашда уялиб ўтирмади. Туркия президентининг матбуот котиби Ғарб НАТО ва Европа Иттифоқи сифатида 30 йилдан бери Қорабоғ қарама-қаршилиги бўйича "аниқ ва реал таклифларни" илгари сура олмаётганини, Россия ва Туркия эса "ўзаро ҳамжиҳатликка" эришганлигини билдирди.

Тоғли Қорабоғ бўйича келишув Ғарб учун аламли мағлубиятга айланди, айниқса - АҚШ ва Франция учун - деб ёзишни дарҳол бошлашди, улар Россия ва ЕХҲТ Минск гуруҳининг ушбу можарони тинч йўл билан ҳал қилиш йўлларини излаш гуруҳи ҳамраиси бўлган.

Агар The National Interest журналистларига ишонадиган бўлсак, Ғарб бу сафар ухлаб қолиб, ҳамма нарсани ўтказиб юборди. Унинг учун ҳам ҳарбий ҳаракатларнинг бошланиши, ҳам Россия тинчликпарвар кучларини киритиш ҳақидаги келишувнинг имзоланиши кутилмаган ҳолат бўлди.

Нашр бунда Америка разведкасини айблади, унинг маълумотларига кўра, улар ҳатто Путин ва Эрдоған музокаралари тўғрисида маълумотни ололмади, натижада эса АҚШнинг минтақадаги позицияси сезиларли даражада заифлашди.

Бироқ, аслида, вазият бундан ҳам ёмонроқ, чунки "разведка ишламади" деган позиция “Қорабоғ масаласи”да АҚШ муваффақиятсизлигининг бундан катта бўлган муаммони яширишга имкон беради.

Қорабоғ масаласини тинч йўл билан ҳал этиш, қарама-қаршилик нисбатан маҳаллий хусусиятига қарамай, глобал сиёсий тизим бошдан ўтказаётган ўзгаришларнинг тубдан янги босқичини бошлаб беради. Бу биринчи марта, АҚШ ва Европа - барча иштирок этаётган томонлар учун бирданига кераксиз ва исталмаган шерик сифатида бўлиб қолди.

Сўнгги 30 йилда Ғарб гегемонлигининг энг муҳим белгиси - унинг ҳамма жойда, барча учун керак бўлган зарурият сифатида бўлган эди.

Ҳар қандай вазиятда, ҳар қандай можарода, - ҳаттоки турли давлатларда ички сиёсий вазиятларда Ғарбга кўмак сўраб мурожаат қилган, ёрдамга умид боғлаган ва кўпинча уни у ёки бу шаклда олган.

Бу ёндашувнинг ёрқин намунаси сифатида Қримда 2014 йил баҳорида, Украина ҳарбийлари "Америка биз билан" деб бақирган ҳолда Россия ҳарбий объектларини "штурм қилган" эпизодни эслаш мумкин. Бу, албатта, кулгили кўринади, бироқ айни пайтда у бутун сайёра бўйлаб - Беларусдан Венесуэлагача, Суриядан Гонконггача - кўплаб одамлар, шу жумладан юқори амалдорларнинг фикрлаш тарзини жуда аниқ акс эттиради.

Бундан ташқари, бу ҳолат Ғарб томонидан мақсадга мувофиқ равишда қўллаб-қувватланади, дунёдаги ҳар қандай муаммо ва низоларга ҳеч бўлмаганда вето ҳуқуқига эга бўлишга интилади. Бу, аслида, унинг геосиёсий устунлигининг асосий таркибий қисмларидан бири.

Ҳозирги Қорабоғ тинч йўл билан ҳал қилиш ўзига хослиги шундаки, унда барча иштирокчи томонлардан Ғарб бирдан кесилди. Бу жуда ҳам таъсирли, чунки музокаралар жараёни осонликча бўлмади.

Бироқ, ўрнатилган жаҳон анъаналарига асосан АҚШ ёки Европани иштирок этишга жалб қилиш ўрнига, ҳар ким бир овоздан "буни ўзимиз ҳал қиламиз" деган ишончга амал қилди.

Улар ҳақиқатан ҳам ҳал қилишди – воқеа содир бўлиб ўтгандан кейин эришилган ва амалга оширишга киришилган келишув Ғарбга, бутун дунё олдига қўйилди.

Шундай қилиб, АҚШ таъсирининг яна бир асосий тошига, дунё тизимида алоҳида мавқега эга бўлиш талабига жуда кучли зарба берилди. Амалиёт шуни кўрсатадики, биринчи муваффақиятли уринишдан кейин албатта бошқалари етиб келади.

Ажабланарли жойи йўқ, америкаликлар воқеани разведканинг тасодифий муваффақиятсизлиги, деб ҳисоблашни афзал кўришмоқда. Тоғли Қорабоғда тинч йўл билан ҳал қилиш ҳақиқатда дунё сиёсий тизимидаги, аста-секин АҚШ ва умуман Ғарбни ундаги эксклюзив мақомидан маҳрум этади, яна бир тектоник силжишни англатади, улар учун бу ҳақиқатга иқрор бўлиш ва оммавий тан олинишдан кўра қулайроқдир.

558
Теглар:
Тоғли Қорабоғ

Қонунсизлик: Россия устидан АҚШ разведка парвозлари кимга керак

669
(Янгиланган 17:11 24.11.2020)
Трамп маъмурияти даврида АҚШ халқаро хавфсизлик тизимидаги бир неча шартномалардан чиқди. Байден жамоаси уларга қайтмоқчи бўлса - бу жуда мушкул бўлади.

ТОШКЕНТ, 24 ноя —Sputnik, Софья Мельничук. АҚШнинг Очиқ осмон шартномасидан (ООШ) чиқиш ҳақидаги огоҳлантирув хатининг муддати тугади. Устига устак Вашингтон Москвани “йиллар давомида ООШни бузиб келишда” айблади.

Трамп маъмурияти мамлакатни эскириб кетган ва “рақибларга устунлик бераётган ҳамда миллий хавфсизликка таҳдид қилаётган” шартномалардан чиқардик деб ҳисоблайди. Лекин Байден жамоаси АҚШ осмонини яна очади деган умид пайдо бўлмоқда.

Ишонч бўлмаса ООШга ўрин йўқ

Оқ уйнинг Москвага энг катта даъволаридан бири, бу – айрим ҳудудлар устидан учиб ўтишга қўйилган таъқиқлар эди. Хусусан, Жанубий Осетия, Абхазия, Чеченистон ва Калининград. Бунга жавобан АҚШ Аляска ва Тинч океанидаги бир неча ороллар устидан парвоз қилишни таъқиқлаб қўйишди.

2002 йилда 35 давлат  томонидан имзоланган шартномага кўра,  ушбу давлатлар бир-бирларининг ҳудудлари устидан разведка парвозлари амалга оширишлари мумкин. Бунда жамланган маълумотлар барча учун очиқ бўлади. Парвозларни амалга ошираётган самолётларда қурол бўлмаслиги ҳамда унинг бортида назорат қилинаётган давлат вакили бўлиши керак.

2019 йилда ООШ доирасида 1,5 мингта парвозлар амалга оширилди. Улардан мақсад – нафақат назоратни кучайтириш, балким бир-бирига  муайян сиёсий сигналлар беришни ҳам назарда тутади. Хусусан 2014 йилда Донбассда қуролли можаро бошланганидан сўнг, АҚШ Украина шарқида Киевни қўллаб-қувватлаш рамзи сифатида доимий парвозлар амалга оширишни йўлга қўйган эди.

Нопок ўйинлар

Кремль ушбу шартномани ўзаро ишонч ва қурол-яроғ устидан назорат қилиш учун муҳим фактор деб ҳисоблайди. АҚШнинг ундан чиқиши шартноманинг аҳамиятини йўққа чиқаради. Лекин Москва, маълум шартлар асосида унга амал қилишда давом этади.

Биринчи шарт – Европа давлатлари разведка парвози давомида ўзлари жамлаган маълумотларни АҚШга бермасликни кафолатлашлари керак. Иккинчиси – Россия самолётлари Европада жойлашган америка объектларини инспекция қилиши мумкин.

Лекин ҳозирча ушбу давлатлардан ҳеч қандай кафолат олинмади ва Москвани бундай вазият мутлақ қониқтирмайди.

“АҚШ ўз иттифоқдошларидан Москва шартларига рози бўлиш ва Вашингтон шартномадан чиққанидан сўнг ҳам, маълумотларни уларга юбориб туришни талаб қилаётгани сир эмас, - дейди Венадаги Россия ҳарбий хавфсизлик делегацияси раҳбари Константин Гаврилов.   — Бу нафақат ООШни бузиш, балким ушбу шартнома асосида қандайдир нопок ўйинлар олиб боришдир. ООШ Вашингтоннинг халқаро қурол-аслаҳани назорат қилиш тизимини бузиш йўлида қўйшаг навбатдаги қадами бўлди”.

“Бу ақлсизлик”

АҚШнинг ООШдан чиқиши биринчи навбатда унинг Европадаги иттифоқчиларига таъсир қилади. Улар учун Америка самолётлари жамлаган маълумотлар жуда керак. Бир қатор европа давлатлари бу борада ўз афсусларини айтишди. “Биз Россия томонидан ушбу шартномани бажаришда айрим қийинчиликлар бўлганини тушунамиз, лекин бизнингча бу шартномадан чиқишга етарли асос бўлмайди”, - деди Германия ТИВ раҳбари Хайко Маас.

Франция ТИВи АҚШ Москва томонидан шартнома бузилгани ҳақида ҳеч қандай далиллар тақдим этмаганини қайд этди. Испания, Бельгия, Финляндия, Италия, Люксембург, Нидерланд, Чехия ва Швеция биргаликда эълон қилган баёнотида ООШ “фойдали ва амал қилаётган” шартнома бўлиб қолишини билдиришган.

АҚШнинг ўзида ҳам бу борада якдиллик йўқ. Масалан Сенатнинг халқаро муносабатлар бўйича вакили Роберт Мендес Оқ уй ҳаракатларини шундай баҳолайди: "Президент Трамп, сайловда ютқизганидан сўнг, сурбетларча қонунларни менсимагасдан, бир томонлама сиёсийлашган тартибда шартномадан чиқди”, - деди.  

“Бу ақлсизлик”, - деди Миллий хавфсизлик агентлиги собиқ директори АҚШ Ҳарбий ҳаво кучлари генерали Майкл Хайден. Рональд Рейген даврида Давлат депаратаменти раҳбари бўлган Жордж Шульц ва барак Обаманинг норасмий маслаҳатчиси Сэмьюэл Нанн Оқ Уйга Очиқ осмон шартномасини сақлаб қолиш ҳақида хаб юборишди.

Шартномалар якуни

Дональд Трампнинг 4 йиллик президентлик даврида бутун дунё унинг қурол-аслаҳа соҳасида назоратни сақлаб қолишдан манфаатдор эмаслигини тушунди. 2018 йилда у Теҳрон 2015 йилда имзоланган шартномага амал қилмаётганини рўкач қилиб “Эрон ядрой дастури ҳаракатлари” шартномасидан чиқишини эълон қилган эди.

Орадан бир йил ўтиб у Рейган ва Горбачев томонидан имзоланган Ўрта ва яқин масофа ракеталари шартномасидан ҳам чиқди.

2020 йилда Оқ Уйда 1992 йилдан буён илк бор ядровий синовлар муҳокама қилингани маълум бўлди. Агар ушбу ҳолат олдинроқ  юз берганида бу АҚШ, Россия, Хитой, Британия ва Франция орасида имзоланган шартномани бузишни англатган бўлар эди.

2010 йилда имзоланган Стратегик ҳужум қуроллари ҳақидаги шартнома (СНВ-3) тақдири ҳам ҳозирча номаълум бўлиб қолмоқда. Ўтган йили бўлиб ўтган музокараларда АҚШ Россияга қўшимча шартлар қўйди. Улар орасида бажариб бўлмайдиганлари ҳам бор. Масалан Хитойни ушбу шартномага қўшиш. СНВ-3 муддати келгуси йил февралида тугайди. Экспертлар унинг узайтирилиши даргумон деб ҳисоблашади.

Нима бўлганда ҳам Очиқ Осмон шартномаси Дональд Трамп маъмуриятининг сўнгги қурбони бўлади деб умид қиламиз. Ҳозирча Жо Байденни расмий ғалаба билан табриклашга ҳали эрта, лекин унинг ҳукумат бошига келиши эҳтимоли кун сайин ортиб бормоқда.

Янгидан кириш

Айрим экспертлар хулосаига кўра, Байден ООШга қайтадан кириш масаласини ўйлаб кўриши керак, лекин бунинг амалга ошиши амри маҳол, деб ҳисоблайди НИУ ВШЭнинг Европа ва Халқаро изланишлар маркази директори Дмитрий Суслов.

“АҚШда бир неча 10 йиллар давомида жамланган аниқ тажриба бор: улар қуролларни назорат қилиш борасида бирор шартномадан чиқса, унга бошқа қайтиб кирмайди”, - дейди мутахассис. Устига- устак  ООШ бўйича Россияга Оқ уй ва Пентагон томонидан Обама давриларидан буён турзи даъволар билдириб келинаётган эди.  

Ундан ташқари янги шартнома Конгресснинг юқори палатаси томонидан ратификация қилиниши керак. У ерда аксарият республикачилар бўлгани учун, бу янги муаммолар келтириб чиқариши мумкин.

“Байден собиқ президент қарорини бекор қилмоқчи бўлса ҳам - бу бир қатор муаммоларга дуч келиши мумкин. Устига устак Трамп маъмурияти ҳозир ушбу йўналишда янги муаммолар яратмоқда: Оқ уй Ҳаво кучларини кузатув парвозларида фойдаланилаётган самолётлардан воз кечишни талаб қилмоқда”, - дейди ПИР маркази консультанти, Бошқарув қарорлари қабул қилиш маркази катта эксперти Олег Шакиров.

Узоқ йиллар давомида, республикачилар босими остида Конгресс ушбу самолётларни замонавийлаштиришга маблағ ажратмай келаётган эди. Ушбу самолётларсиз ООШга қайтиш ҳам мураккаб бўлади, деб ҳисоблайди эксперт.

Очиқ осмон шартномасига қарши бўлганлар Байден жамоасида ҳам бор. Масалан Майкл Карпентер — ташқи сиёсат бўйича собиқ маслаҳатчи, у ҳам АҚШнинг ушбу шартномада иштирок этишига қарши бўлган. Унинг фикрича Россия ООШ парвозлари орқали американинг инфратузилмавий объектларига зарар етказиш учун маълумот жамламоқда.  

Умумий хулоса шундан иборатки, Байденнинг асосий ғояси – Европа билан ишончли муносабатлар ўрнатиш, дейди Шакиров. Европа учун ООШнинг муҳимлигини ҳисобга олган ҳолда, АҚШ вақти келиб ушбу шартномага қайтиши ҳам мумкин, - иттифоқдошлари учун.

669
Работа автосалонов в Омске

Тошкентда “автошина олиб келишни” ваъда қилган фирибгарга жиноят иши очилди

87
Автомобиль шиналарини олиб келишни ваъда қилиб, ваъдасида турмаган шахсга нисбатан жиноий иш қўзғатилди.

ТОШКЕНТ, 25 ноя — Sputnik. Тошкентда автомобил шиналарини олиб келишни ваъда қилган фирибгарга жиноят иши очилди, деб хабар қилди пойтахт ИИББ матбуот хизмати.

Хабарда айтилишича, Шайхонтоҳур тумани ИИО ФМБга 27 ёшли Асрол К. мурожаат қилиб, 2019 йилнинг ноябрь ойида унга Польшадан автомобиль шиналарини олиб келишини ваъда қилган ва “хизмати” учун 40.000 АҚШ доллари олган 46 ёшли Алишер Ш.га нисбатан чора кўришни сўради.

Алишер Ш. ваъдасига хилоф тарзда пулларни ўз эҳтиёжига сарфлаб юборган.

Мазкур факт асосида Ўзбекистон Жиноят кодексининг 168 моддаси 4 қисми (“Фирибгарлик”) бўйича жиноий иш қўзғатилди.

87