"С-500" тизимининг синовлари якунланди. Биринчи харидорлар ким?

1357
(Янгиланган 21:19 06.10.2020)
С-500 жанговар навбатчиликка қабул қилинганидан сўнг у С-400 ва С-300 тизимлари билан биргаликда ягона, бир-бирига интеграция қилинган ҳаво-космик мудофаа қалқонига айланади.

Россия мудофаа вазирлиги полигонларида С-500 “Прометей” зенит-ракета тизимининг синовлари якунига етмоқда. Тест ракеталар белгиланган техник хусусиятларига тўлиқ эга эканликларнини намойиш этган. Россия саноати эса янги тизимни  ишлаб чиқаришга тайёр. 

С-500 дастлаб Россия Қуролли кучлари сафида синов-эксплуатациядан ўтади ва ундан сўнг хорижий буюртмачиларга етказиб берила бошланади. Айни дамда хорижий харидорлар орасида С-300 ва С-400 тизимларига бўлган талабнинг катталиги янги тизим ҳам ўз харидорларини топишига ишонч билдиради.

Американинг Military Watch таҳлилий нашри Прометейнинг биринчи харидорлар рўйхатини тузиб бўлди. Булар Алжир, Беларус, Хитой, Ҳиндистон ва Эран. Нимага айнан ушбу мамлакатлар – НАТО нинг собиқ операциялари, АҚШ ва бошқа Ғарб мамлакатларининг ҳарбийлашуви.

Бундай истиқболлар нафақат Россия ва Хитойни, балким бошқа қатор мамлакатларни ҳам ташвишга солмоқда ва уларни ўз миллий ҳаво мудофаа тизимларини мустаҳкамлашга мажбур қилмоқда. Россияда ишлаб чиқилган С-300, С-400 ва С-500 зенит ракета тизимларига талаб ошмоқда.

Мутлақ мустақиллик намунаси

Алжир совуқ уруш давридан буён Россия қуролларини сотиб олади. Бугунги кунда ушбу мамлакат энг замонавий ҳаво мудофаа тизимларига эга: “Панцирь” ва баъзи маълумотларга кўра С-400. Military Watch хулосасига кўра, қўшни Ливия тажрибасидан келиб чиққан ҳолда, Россия ҳаво мудофаа тизимлари имкониятларини юқори баҳолайди. 2011 йилда Ливия мудофаа кучлари НАТОнинг ҳаво ҳужумларига қарши мутлақ ҳимоясиз қолган эди. Ҳозир эса НАТО гипертовуш тезлигида ҳаракатланадиган 5-авлод қирувчиларига ўтмоқда. Улардан ҳимояланиш мақсадида Алжир Россиянинг С-500 тизимлари ва Су-57 самолётларини харид қилишдан манфаатдор.

Беларус тежамкор мудофаа бюджетига эга – 2020 йилда $623 млн, лекин ўз чегаралари яқинида НАТО фаоллашуви туфайли Минск С-500 тизимларини “дўстона нархларда” биринчилардан бўлиб харид қилиши мумкин. Шунингдек, Беларуснинг НАТО ичкарисига зарба бериш имконияти Россия учун стратегик жиҳатдан муҳим аҳамиятга эга.

Хитой Россиянинг С-300ПМУ-2, ЗРС С-400 ҳамда Р-77 “ҳаво-ҳаво” туркумидаги ракеталарини биринчилардан бўлиб харид қилган эди. Кейинчалик улар ўзларининг ракеталарини ҳам ишлаб чиқишга муваффақ бўлишди, лекин Россия ЗРТлари ҳаво-космик мудофаа борасида ҳозирча дунёда биринчиликни эгаллаб турибди.

“Прометей” тизими 100 км баландликда, яқин космос чегарасидаги нишонларга ҳам зарба бериши мумкин ва бундай харид Хитой учун Американинг янги авлод қуролларига қарши курашда керакли бўлиши мумкин.

Ҳиндистон сўнгги бир неча ўн йиллардан бери Россиянинг энг йирик ҳарбий буюртмачиларидан бири бўлиб қолмоқда. 2018 йилда бир неча С-400 дивизионларини харид қилиш борасида қиймати 5 миллиард доллардан ортиқ бўлган шартнома имзоланган эди.

Ҳиндистонга бир неча бор АҚШ санкциялари билан пўписа қилишган бўлишса-да, бу ҳеч қачон Нью-Делини Россия қуролларини сотиб олишда тўхтата олмаган ва бу сафар ҳам тўхтата олмайди.

Эрон ҳам 1988 йилдан бошлаб совет ва Россия қуролларига катта қизиқиш билдирмоқда. Айни дамда Эрон армияси замонавийлаштирилган С-200 ва С-300 тизимларига эга. Шунингдек Теҳрон С-400 “Триумф” тизимининг ҳам потенциал харидори ҳисобланади. Ушбу тизим Ислом Республикасига АҚШнинг “кўринмас” самолётларига қарши кураш учун керак. Эрон С-500 “Прометей” тизимини истиқболли харидори бўлиши мумкин. Эрон ҳам Россиядан қурол сотиб олишда АҚШ санкцияларидан қўрқмайди .  

Космик имкониятлар

Ҳарбий экспертлар хулосасига кўра, бугунги кунда хорижда ҳам Россияда ҳам С-500 тизимининг муқобили йўқ. Келажакда “Прометей” 5-60 км баландликда ишлайдиган “Триумф”нинг ўринбосари бўлади. Янги тизим паст орбитада учувчи спутникларга, гитепртовушли ракеталарга, ҳам зарба бериши мумкин.

С-500 “Прометей”  – ўта кучли техник ва тактик хусусиятларга эга бўлган биринчи авлод космик ҳимоя тизимидир. “Прометей” 600 км радиусда бир вақтнинг ўзида 10та товуш тезлигидан тез ҳаракатланаётган нишонни йўқ қилиши мумкин. Яъни тезлиги 25 минг км/соат ва баландлиги 200 км бўлган нишонларни. Бу америкаликларни жуда ташвишга солмоқда. Чунки улар ўзларининг F-22 ва F-35 самолётлари С-500 радарларида кўринмаслигига шубҳа қилишмоқда.

Америка Қўшма Шататлари космик ҳужум воситалари ишлаб чиқишмоқда ва келажакда уларда Россияга превентив зарба бериш учун фойдаланишлари мумкин. Лекин С-500 Америка технологияларидан анча олдинда. Эслатиб ўтамиз, 600 км бу зарба бериш масофасидир, лекин С-500 ундан ҳам анча узоқни “кўра” олади.  Масалан, у Қрим ярим оролидан туриб бутун Қора денгиз, Болгария, Руминия осмонларини наорат қилиши мумкин. Калининграддан туриб эса Скагеррак бўғозигача зарба бериши мумкин. керак бўлса Берлин ва Дрезден ва буун Польша осмони ҳам унинг “ихтиёрида” бўлади. Литва, Латвия ва Эстонияни айтмаса ҳам бўлади.

Яна бир марта айтиш жоизки, С-500 – бу биринчи навбатда ҳимоя қалқонидир. У қўшинлар ва ракеталарни самарали ҳимоя қилиши мумкин.

Россия Қуролли кучлари 2021 йилдан бошлаб С-500 “Прометей” зенит-ракета тизимларини  жанговор навбатчиликка қабул қилади. Шундан сўнг С-500, С-400 ва С-300 Ҳаво-космик мудофаасининг ягона, бир-бирига интеграция қилинган тизимига айланади.  У Россияни ҳар қандай таҳдиддан ҳимоя қилиш ҳамда қўшни мамлакатларга ҳам барқарорлик олиб келиш қобилиятига эга бўлади.

Шундан сўнг Москва иттифоқчилари ва ҳамкорлари билан янги ҳимоя имкониятлари билан баҳам кўришади. Тепада келтирилган С-500 рўйхати анча узун бўлиши аниқ. Янги мудофаа тизимининг алоҳида хусусиятларидан ташқари мамлакат ихтиёрида ушбу тизимнинг мавжуд бўлиши ҳар қандай агрессони тинчлантира олади.  

1357

Россия нега “Қиёмат куни самолётлари”ни янгиламоқда

729
(Янгиланган 12:15 26.10.2020)
"Қиёмат куни самолётлари" ядровий уруш бошланиши арафасида ҳавога кўтарилади ва у ердан туриб барча турдаги ҳарбий қўшинларни бошқариб туради.

ТОШКЕНТ, 26 окт — Sputnik, Андрей Коц. Кенг, ҳимояланган, юқори технологияли – яқин орада Россия Қуролли кучлари Ил-96-400М – узоқ масофага учувчи қўмондонлик пунктларига эга бўлади. Ғарбда ушбу самолётларни “Қиймат куни самолёти” деб аташади.

Учинчи жаҳон уруши бошланган тақдирда давлат раҳбарияти ва ҳарбий қўмондонлик ердаги қўшинлар бошқарувини ана шундай “учар штаблар”  орқали амалга оширади. Бундай ҳаво лайнерлари нафақат Россияда балким АҚШда ҳам бор. Бугунги мақоламиз ушбу самолётлар ҳақида.

Қўмондонликни сақлаб қолиш

Ядровий давлатлар орасидаги муносабатлар жуда кескинлашиб кетди, дипломатлар боши берк кўчага кириб қолишди, томонлар ҳатто элчиларни ҳам чақириб олишди, ҳарбий кучлар тўлиқ жанговар тайёргарликка келтирилди. Стратегик бомдардимончилар ҳавога кўтарилиб, атом сув ости кемалари  океанга чиқиб кетганидан, ҳаракатланувчи ер усти ракета комплекслари ҳам жанговар позицияларини эгаллаганидан сўнг – дунё учинчи жаҳон уруши арафасида қолади.

Четыре Ил-80 и два Ил-76СК в аэропорту Чкаловский

Худога шукур-ки бундай сценарий ҳозир фантастика холос. АҚШ ҳам Россия ҳам тўлиқ масштабли уруш жуда тез ядровий урушга айланиб кетишини жуда яхши тушунишади. Лекин ҳарбийлар, ҳар доимгидек, энг ёмон сценарийга  тайёргарлик кўришади. Иккала томон ҳам бундай вазиятда – биринчи зарба рақибни ҳарбий кучлар бошқарувидан маҳрум қилиши мумкинлигини яхши тушунишади. Ахир рақиб биринчи навбатда – ҳарбий ва сиёсий марказларга зарба беради.

Хавф кучайганидан сўнг Россия раҳбарияти ва ҳарбий кучлар қўмондонлик таркиби ўта махфий тартибда ҳарбий аэродромга йўл олишади ва у ердан  қанотли қўмондонлик пунктларига минишади. “Қиёмат куни самолётлари” уларни хавфдан қутқариб, ҳаводан туриб ердаги қўшинларни бошқариб туриш вазифани бажаради. Қўмондонлик пунктлари хавфсизлигини эса – уларни доимий кузатиб борадиган бир неча қирувчи самолётлар ва заправкачи-танкерлар амалга оширади. Совуқ уруш йилларида ишлаб чиқилган худди шундай тактика АҚШда ҳам бор.

Узоқ кутилган янгиланиш

Россия Ҳаво-космик кучлари таркибида 4та “Қиёмат куни самолёти” бор. Улар Ил-86 йўловчи самолётлар негизида қурилган бўлиб расмий номи Ил-80. Кучли энергия қурилмаси, замонавий алоқа воситалари ҳамда ҳаётни таъминлаш тизими – бир неча кун давомида узулуксиз равишда ҳавода қолиш имконини беради - албатта қўшимча ёнилғи қуйиш шарти билан.

Ил-80 фуқаро самолётларидан ўзининг баланд “пешонаси” билан фарқ қилади. “Пешона” ичида турли радиоэлектрон ускуналар жойлашган. Самолётнинг яна бир хусусияти – унинг иллюминаторлари йўқлигидир. Бу ядровий портлаш йўловчиларнинг кўзини қамаштирмаслиги учун атайлаб қилинган. Шунингдек – самолёт дум қисмида сув ости кемалари билан алоқада бўлиш учун тросли антена ҳам бор.  

Лекин самолёт ҳақида батафсил маълумот – бу давлат сири. Шуниси аниқ-ки унинг бортида барча тур қўшинларни бошқариш учун мўл жалланган аппаратура ўрнатилган, қўмондонлик ишлаши ва дам олиши учун барча шароит яратилган. Самолёт ҳар қандай фуқаро ва ҳарбий аэродромдан ҳавога кўтарила олади ва ердаги навигация марказлари йўқ қилинган вазиятда ҳам йўлидан “адашиб” қолмайди.

Ил-80 самолётлари 15 йилдан ортиқ вақт давомида эксплуатация қилинмоқда ва унинг ресурси якунига етиб қолган. Устига улар устак ўрта масофага учувчи (Ил-86) самолёт негизида қурилган бўлгани туфайли уларнинг бир марталик парвоз узоқлиги 3800 кмни ташкил қилади. Шу сабабли ҳам янги қўмондонлик пунктлари асоси учун Ил-96-400М самолётлари танлаб олинган. Ушбу самолёт максимал юклама билан – 9000 км масофага парвоз қила олади.

"Учар меҳмонхоналар"

АҚШ Қуролли кучларида ҳам тўртта Boeing-747 асосида қурилган E-4B Nightwatch (Тунги қоровул) самолётлари бор. Уларнинг ҳар бири бортига 100га яқин одамни олиб ҳавода бир ҳафтагача узулуксиз бўлиши мумкин. Албатта ёнилғи қуйиш шарти билан. Е-4B ядровий портлашдан ҳимоя қилинган ва энг замонавий радиоэлектрон ускуналар билан жиҳозланган.

E-4B Nightwatch - "Самолёт Судного дня" США

Бир сўз билан айтганда американинг “Қиёмат куни” самолёти – бу учар отель. У ерда автоном ишлаш ва дам олиш учун барча шароитлар яратилган – ошхона, санитария қулайликлари, ётоқ бўлинмалари, мажлислар зали ва 29 кишига мўлжалланган алоқа зали. Самолёт интерьери жуда қулай. Балким шу сабаблаи АҚШ раҳбарияти тез-тез узоқ масофаларга учиш учун президент самолётлари Air Force One ўрнига айнан ушбу самолётлардан фойдаланади.    

E-4B самолётларининг ёши Россиянинг Ил-80 самолётларидан анча катта. Улар ҳарбий кучлар сафига 1970 йилларда қабул қилинган. Лекин улар доимий равишда модернизация қилиб келнмоқда. Бугунги кунда улар кенг полосали ҳимояланган интернет ва кенг полосали спутник алоқаларига эга.  E-4B самолётлари бир заправкада — 11 минг км масофага уча олади.

Ушбу учар отеллардан ташқари америкаликларда 16та E-6 русумли самолётлар бор. Улар АҚШ Бирлашган Ҳарбий қўмондонлиги ва атом сув ости кемалари орасида узулуксиз алоқа таъминлашга учун хизмат қилади. Керак бўлганда ушбу самолётлар Атлантика ва Тинч океанлар ҳудудларини назорат қилиш билан бирга АҚШ E-4B “Қиёмат куни самолётлари” ва стратегик атом сув ости кемалари орасида алоқа ўрнатади.

729

Беларусь "рангли инқилоб"ни кўмиб ташламоқда

1686
(Янгиланган 18:07 23.10.2020)
Беларусь мухолифати шунчалик омадсизки, ҳатто йилнинг "энг омадсиз" номинациясида ҳам ютқазиш учун барча имкониятларга эга.

Ўзига боғлиқ бўлмаган ҳолатлар ҳам, шундай афсонавий ташаббусларни бераётган етакчиларга қарши ўйнамоқда.

Светлана Тихановская томонидан Александр Лукашенкога икки ҳафта олдин тақдим этган "ультиматум" муддати якшанба куни тугайди.

Беларусь ҳукумати унинг талабларини бажаришга тайёр эканлигидан дарак берувчи ҳеч қандай белгилар кузатилмаяпти, "Президент Света" ваъдасига биноан, душанба кунидан бошлаб Беларусда бутун мамлакат бўйлаб умумхалқ тартибсизликлар хаосига тушиб қолиши, йўллар тўсиш ва  дўконларда сотувлар қулаши керак.

Бироқ, воқеаларнинг ушбу ривожланиши ҳар куни тобора фантастик кўринади.

Кўриниб турибдики, бу вазиятдан энг кам йўқотиш билан чиқиб кетиш ҳақида бош қотираётган мухолифатнинг координацион кенгашида ҳам гумон қилинмоқда.

Унинг аъзоларидан бири Павел Латушконинг айтишича, ультиматум муддати тугаши билан қўлнинг озгина ҳаракати билан "халқ" ультиматумига айланади, улар ўз фаоллигини оширадилар. Шунда ҳеч қандай мажбурият бермайдиган ва шарҳлаш учун кенг имкониятларни тақдим этадиган жуда қулай таъриф.

Аммо Беларусда тобора равшан бўлиб бораётган намойишларнинг муваффақиятсизлигини фақат ички омиллар билан боғлаш нотўғри бўлар эди, гарчи улар албатта катта рол ўйнайди.

Рангли инқилоб ҳодисасининг кенг миқёсда бадном этилиши пайтида Беларусь мухолифати (ва унинг чет элдаги кураторлари) ҳокимиятни ағдаришни бошлаши омадсизликка учради.

Ўн ярим йил давомида у - бу ҳодиса - кўплаб давлатларнинг ҳукуматларига ҳақиқий таҳдид ва бир вақтнинг ўзида мухолифат учун илҳом манбаи бўлди. Рангли инқилоблар ёқмайдиган ҳукмдор ва режимларни ўзгартириш учун мукаммал ва қудратли қурол деб қаралди. Бу ғоя баъзиларни руҳий тушкунликка туширса, бошқаларга яқинда ғалаба қозонишига ишончни кучайтирди.

Аммо, эҳтимол, энг муҳими: сиёсат билан бевосита алоқаси бўлмаган кўплаб одамлар ҳаётни ҳақиқатан ҳам яхши томонга ўзгартириш имкониятига чин дилдан ишонишган.

Ахир рангли инқилоб – бу шунчаки давлат тўнтариши эмас. Ёрқин келажак учун ёзилган қоидаларга зид равишда, одатда сиёсий бўлмаган, аммо зудлик билан ҳукуматни ўзгартириш зарурлигига қатъий ишонган, кўчаларга чиққан фуқароларсиз амалга ошириш мумкин эмас. Айнан шу нарса ўнлаб ва юз минглаб одамларни 2011 йилда Қоҳирадаги Таҳрир майдонига ва 2013 йилда Киевдаги Евромайданга келишга ундади.

© Sputnik / Михаил Климентьев

Айтганча, бошида Беларусь норозиликлари кўп сонли кишилар билан мақтаниши мумкин эди. Аммо энди ҳафтадан ҳафтага тадбирлар иштирокчиларининг сони камайиб бормоқда.

Гап одамлар намойишларда иштирокининг самарасизлигидан чарчаганлигида эмас, ва "Лукашенко, кет" деган шиор, "нотўғри" миллий етакчини ҳайдаб чиқариш учун сеҳрли кучга эга эмаслиги маълум бўлди.

Беларусь воқеалари билан бир қаторда, дунёнинг бошқа қисмларда, республика фуқароларини ўз уйида бўлаётган воқеаларни янада чуқурроқ баҳолашга мажбур қиладиган, диққатга сазовор жараёнлар содир бўлмоқда.

Айни вақтда 15 йил ичида учинчи сиёсий инқирозни бошдан кечираётган Қирғизистон бор, унга "рангли инқилоб" ёрлиғи қўлланилмоқда.

“Рангли инқилоб” ҳодисасини обрўсизлантириш борасида бу Марказий Осиё давлатидан кўпроқ иш қилган давлат кам, қирғиз жамияти учун яхши томонга ўзгаришлар йўқлиги, кўча тартибсизликлари ва анархия билан бўлган барча давлат тўнтаришларининг асосий якуни бўлди.

Армения. Ҳар қандай майданларга нисбатан тобора кўпайиб бораётган шубҳалар ва тез-тез муваффақиятсизликка учраши фонида айнан 2018 йилда Еревандаги воқеалар “бахмал инқилоби”нинг ҳар жиҳатдан мисол бўлди.

Бош кўтарган халқ демократия, европача келажак ва коррупцияга қарши кураш учун жонга теккан ҳукуматни қуталди, давлат тепасига ишонган инсонни қўйди, - янги раҳбар ҳатто ишининг биринчи йилларида ижобий натижалари ҳам бор.

Нима бўлганда ҳам, Украина ёки ўша Қирғизистондаги каби ҳалокатли оқибатларнинг йўқлиги бугунги кунда катта ютуқ деб ҳисобланиш мумкин.

Бироқ Арманистон ўзини жуда эски ва қонли тўқнашувлар эпимарказида топган бўлса, аввалги ҳукуматдан коррупцияга учраган амалдорларни ва тараққийпарвар демократик раҳбарларни мағлуб этган халқ томонидан қилинган Европа танловида нимани англатади?

Мана, агар Арманистоннинг ўзи яна эски ва қонли можарога тушиб қолган бўлса, халқнинг европача танлови, олдинги ҳукуматдан қолган порахўрлар устидан қозонилган ғалаба ва тараққийпарвар демократик раҳбар қандай моҳиятга эга?

Бундан ташқари, ҳатто сиёсатдан йироқ одамга ҳам тушунарли, Озарбайжон ўз манфаати йўлида қўшнисининг демократик изланишларидан фойдаланди, натижаларини ҳозир Тоғли Қорабоғда кузатиш мумкин.

"Рангли инқилоб" атамаси - давлат тепасидаги баъзи зарарли кучлар олиб ташланса,  одамлар бир-бирларига қардош, ажойиб, қуёшли, дўстона дунё - мамлакат гуллаб-яшнаб, атрофдагилар ҳамжиҳатликда яшайдиган боққа айланади, деган ошкор қилинмаган ўй-хаёлларга олиб боради.

Қирғизистон ва Арманистон Беларусь жамияти учун – бундай қараш на ички, на ташқи сиёсий маънода ҳақиқатга ҳеч қандай алоқаси бўлмаган – хом хаёл эканлигини яққол эслатиб туради.

Ажабланарли эмаски, Беларусдаги норозилик намойишлари изчиллик билан муқаррар муваффақиятсизлик томон кетмоқда.

Бу билан республика “рангли инқилоб” ҳақидаги дунё миқёсида бўлган афсонанинг тобути қопқоғига ўзининг михини қоқиб қўяди.

1686

Ўзбекистонда коронавирус: 26 октябрь асосий хабарлари

450
Сутка давомида 189 кишида коронавирус аниқланди, Ўзбекистонда коронавирус инфекцияси қайд этилганлар сони 65 577 нафарни ташкил қилмоқда.

ТОШКЕНТ, 26 окт — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 189 кишида коронавирус аниқланди, Ўзбекистонда коронавирус инфекцияси қайд этилганлар сони 65 577 нафарни ташкил қилмоқда.

Янги касалланиш ҳолатларининг: 89 нафари Тошкент шаҳрида, 8 нафари Тошкент вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 127 нафар бемор тузалди. Республика бўйлаб жами соғайганлар сони 62 742 нафарга етди. Соғайиш кўрсаткичи 95 фоиз.

Айни пайтда 2 283 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 2 нафар бемор вафот этди.

Ўзбекистонда жами 552 киши пандемия қурбони бўлди.

Гўшт нархи

Иқтисодий тараққиёт ва камбағалликни қисқартириш вазирлиги сентябрда кузатилган инфляция даражаси ҳақида маълумотларида гўшт қимматлашига сабаб бўлган омилларни санаб ўтди.

Асосий сабаблар:

- ем-хашак базаси учун хом ашё, хусусан, пахта хомашёси, пўстлоқ ва ем аралашмаси захираларининг мавсумий камайиши. Бу ўз навбатида, мазкур маҳсулотларнинг биржа нархларининг мос равишда 17, 21 ва 27 фоизга ошишига олиб келди;

- Қозоғистон томонидан ўрнатилган экспорт чекловлари туфайли қорамол импортини қисқариши;

- 2020 йилнинг август ойи ўрталарида карантин чекловларининг олиб ташланганидан сўнг, фаолиятини тиклаган оммавий овқатланиш корхоналарининг гўшт ва гўшт маҳсулотларига бўлган талабининг ошиши.

Шу билан бирга, январь-сентябрь ойларида Ўзбекистонда 1840 минг тонна (тирик вазнда) гўшт ишлаб чиқарилган (ўтган йил мос даврига нисбатан 2,2 фоизга кўпроқ). Бундан ташқари, январь-сентябрь ойларида 14 минг тонна мол гўшти ва 20 минг тонна товуқ гўшти импорт қилинган.

Замонамиз қаҳрамонлари

Кронавирусга қарши курашаётган шифокорлар шарафига улкан тасвирий санъат асари (мурал) яратилди.

Aсар Янги Сергели ва Лутфкор кўчалари кесишмасида пайдо бўлди.      

Дунё саломатлиги

Дунё бўйлаб инфекцияни юқтириб олган кишиларнинг сони 43,3 миллиондан ошди, 1,2 миллион ортиқ киши вафот этди, 31,9 миллион киши тузалди. Энг кўп ҳолатлар АҚШда (8,9 млн), Ҳиндистонда (7,9 млн), Бразилияда (5,4 млн).

450
Мавзу:
COVID-19 умумжаҳон пандемияси