Солдаты частной военной компании Блэкуотер

Каллакесарлар учун президент марҳамати: хусусий ҳарбий бизнес келажаги

1444
(Янгиланган 16:59 30.12.2020)
Кетаётган Дональд Трамп олдида илгари авф тўғрисида чурқ эта олмаган сараланган товламачилар турнақатор бўлиб навбатга турди.

ТОШКЕНТ, 30 дек — Sputnik. Вероника Крашенинникова. Кетаётган президент учун сўнгги ой – авф тарқатиш вақти. Бу сафар Дональд Трамп олдида илгари авф тўғрисида чурқ эта олмаган сараланган товламачилар турнақатор бўлиб навбатга турди.

“Авф этилганлар” орасида “Блэкуотер” хусусий ҳарбий компаниясининг тўрт нафар ёлланмалари бор. 2007 йилнинг сентябрь якшанбасида кундуз куни Боғдоддаги Нисур майдонида Давлат департаменти ходимларининг қўриқчилари таркибида улар палапартиш ўт очиб, 17 нафар тинч аҳолини ўлдиришди ва 20 нафарини ярадор қилишди. Қайд этиш жоизки, 2016 йилда Обама президентликдан кетаётган вақтда маҳкумлар авф имкониятидан фойдаланишга ҳатто умид қилишмаганди.

Ўрни келганда айтиш керакки, жазо жиноятчиларни узоқ излади. Америка хусусий ҳарбий компаниялари учун қонунлар мамлакатда ҳарбий операция юритишга умуман йўқ: Вашингтон ҳарбий ҳамкорлик тўғрисида битим имзолаётиб, ёлланмалар томонидан бу мамлакат ҳудудида жиноят содир этилган тақдирда уларни жавобгарликдан озод қилишни албатта қўшади.

Американинг ўзида ҳам хусусий ҳарбий секторнинг лоббистик сайъ-ҳаракатлари кенг. Ёлланмаларга айблов бир йилдан ортиқ вақт ўтиб эълон қилинган эди, 2008 йил декабрида, яна бир йил ўтиб, 2009 йилда, ишнинг нотўғри юритилиши... асосида  - олиб ташланган! 2011 йил апрелида иш қайта очилди, суднинг илгари қарори хато деб топилган. 2012 йили “Блэкуотер” олти нафар ҳодиса қурбонларининг оиласига товон пули тўлаб, қутилишга уринди. Фақат 2014 йили (жиноятдан сўнг етти йил ўтиб) ёлланмалар қамалди: биринчи бўлиб ўт очгани – бир умрга, уч нафари 30 йилга озодликдан маҳрум қилинди. 2019 йил августида апелляция суди бир умрлик жазони тасдиқлади.

Лекин, тасдиқланган айблов ҳукмига қарамасдан маҳкумлар билишарди: Дональд Трамп билан имкониятлар улар томонда. 2019 йил ноябрида президент АҚШ Ҳарбий денгиз кучлари махсус ходими Эдди Галлагерни авф этди. У июль ойида асир ИШИД* ўсмирини сабабсиз ов пичоғи билан ўлдиргани ва мурда олдида туриб суратга тушгани учун маҳкум қилинган эди. Хизматдошларининг сўзларига кўра, ўзига Blade (Тиғ) лақабини танлаган “ўта шайтон” ("freaking evil") Галлагер “қимирлаган ҳар бир нарсани ўлдиришга ҳозир” бўлган. Галлагерга қарши мактаб ўқувчи қизини ва снайпер пистирмасидан қарияни отиб ташлаш айбловлари киритилган. Жиноятларнинг барчаси Ироқда содир этилган. Устига устак Трамп уни – “буюк жангчи”ни оқлашда қаттиқ туриб олди, унинг сўзларига кўра, ҲДК қўмондони Ричард Спенсерни ҳатто истеъфога чиқарган! Чунки Ричард оқлашга қарши чиққан. Қандай қадрлашини тасдиқлаш учун Галлагерни хотини билан уйига Мар-а-Лагога таклиф қилган. Галлагер телефон хотирасини аямасдан кўплаб суратга тушди ва ижтимоий тармоқларда олий қабул билан мақтанди.

Бироқ, каллакесарларга бўлган ўзгача хайрихоҳликдан ташқари Дональд Трампнинг “Блэкуотер” асосчиси Эрик Принсга нисбатан айрим мажбуриятлари ҳам бор. Принс оиласи ҳамиша коммунизмга қарши руҳ билан сингган: Эрик ўз автобиографиясида ёзгандики, ёшлигидан “ўзи Совет Иттифоқига қарши курашишни хоҳлаган”. Ҳозиргача у Москва билан рақобатчилик тарихига шунчалик чўмганки, ўзининг кичик, еттинчи фарзанди Чарльз Донован Принсга Марказий разведка бошқармаси асосчиси Уильям Ёввойи Билл Донован шарафига ном берган.

2016 йили эса Принс оиласи Трамп кампаниясини молиялаштирди. Натижада Эрикнинг опаси Бетси Девос таълим вазири лавозимини олди. Трамп уни ўз муддати давомида охиригача қўллаб-қувватлаган баъзилардан биридир. Бетси Девос таълим масалалари билан ҳеч қачон шуғулланамаган, аммо (яхши оилавий анъаналар билан) мактаблардаги барча ўқитувчиларни қуроллантиришни таклиф қилган.

Эрик Принс шу билан бирга Трамп учун Афғонистонга оид янги стратегияни ишлаб чиққан: мунтазам ҳарбийларнинг ўрнини ёлланмалар билан тўлдириш ва фақат табиий ресурсларни қазиш билан шуғулланиш. Афғонистондаги ресурслар триллион долларга баҳоланган. Принс Британия Шарқ-ҳинд компаниясидан ўрнак олишга чақирди. Айнан ўша компания XVIII-XIX-асрларда Хитойга қатор афюн урушини уюштирган эди. Ғоя, шубҳасиз, Трампга жуда маъқул тушган.  Аммо аввалига бутун Пентагонни таслим қилиш керак эди – бу, албатта, рўй бермади.

Ҳарбийларнинг хусусий ҳарбий компаниялар билан жанжаллари мунтазам бўлиб туради. Конгрессдаги эшитувларда бригада генерали Карл Хорст айтганди: “Бу йигитлар мамлакат бўйлаб умуман тормозсиз ҳаракат қилишади ва бемаънигарчиликлар содир этишади. Улар устида раҳбар йўқ, ҳатто мурожаат қилиш мумкин бўлган киши йўқ. <...> Улар одамларни ўлдиришади, унинг оқибатларига жавоб бериш бошқа кишиларга тўғри келади”.

Хусусийлаштириш уруши фақат хусусийлаштирувчилар учун фойдали: “Блэкуотер”нинг ҳар бир ёлланмаси америка солиқ тўловчисига кунига 1222 долларга тўғри келган – АҚШ ҚКдаги аскарларга қарагандан тахминан олти марта кўпроқ.

“Блэкуотер”нинг фақат МРБ билан унчалик қарама-қаршилиши кузатилмаган. “Муносабатларимиз чуқур бародарона бўлди. “Блэкуотер” Бошқарманинг давоми бўлди деган туйғу вужудга келди”, - деганди 2009 йили МРБнинг юқори лавозимли зобити.

Принснинг ўзи 2010 йили Абу-Дабига жўнаб кетди – америка одил судидан узоқроққа. Ва у ерда “Reflex Responses” компаниясига асос солди, хусусан, маҳаллий шайх учун бир неча минг коммандосни тайёрлаш учун. Гонгонгда унга “Frontier Services Group” тегишли. У Хитойнинг Африкадаги манфаатларига хизмат кўрсатади.

Хитойнинг энг асосий лойиҳаси “Бир макон – бир йўл” хавфсизлигини таъминлаш учун Эрик Принс компанияси ёллангани ҳақиқий сенсация бўлди. Принснинг Хитойдаги фаолияти ҳақидаги кенг мақолада “Вашингтон пост” 2018 йил 4 май куни Принснинг собиқ ҳамкорларидан бирининг сўзларини келтиради: “Ҳозирда Frontier Services Group” 100 фоиз диққатини Бир макон – бир йўл” хавфсизлиги ва кўмагига қаратган. <…> Эрик Хитойнинг кучини глобал йириклаштириш учун ҳарбий услубда хавфсизликка оид хизматларини таклиф қилмоқда”.

Хусусий ҳарбий бизнеснинг Пандора қуттисини очиб, АҚШ дунё бозорида ҳарбий можароларни келтириб чиқарди. Хусусий армиялар куч ишлатишдаши анъанавий давлат мононолиясига зарар етказяпти. Хусусий ҳарбий компаниялар можаролардан фойда олади: улар ўзларининг фойдаси учун бундай можароларни яратиши ва кенгайтириши мумкин, ҳар икки томондан туриб жанг қилиши мумкин – ва шундай қилишмоқда.

Россия бу йўлдаги кўп сонли хатарларни обдон ўрганиши даркор.

* Россия ва қатор давлатларда тақиқланган террорчилик ташкилоти

1444

Янги таркибда: АҚШ Молия вазирлиги долларни қулатишга тайёр

917
Иқтисодчилар прогнозлари қувонарли эмас. Демократларнинг ҳукумат тепасига келиши 2021 йилда долларнинг 20 фоизга пасайиш эҳтимолини “жиддий ошириши" айтилмоқда.

ТОШКЕНТ, 25 янв — Sputnik. Америка валютаси икки йиллик минимумгача қулади – унга бирданига бир неча омиллар босим ўтказмоқда. Молиячилар доллар натижада ўзининг ярим қийматини йўқотади деб ҳисоблашмоқда. Бунда Америка Молия вазирининг хизмати бор, уни Федерал захиранинг собиқ раҳбари Жанет Йеллен бошқаришга ҳозирлик кўрмоқда. Қулаш қанчалик бўлиши мумкин – батафсил РИА Новости материалида.

Паст даромадлилик

Декабрь охирида доллар индекси беш ярим фоизга пасайди. Инвесторларни АҚШ иқтисодиётига янги чоп қилинган ва ҳеч нарса билан таъминланмаган долларнинг кенг кўламли келиб қўшилиши сергаклантирмоқда.

Босма машиналар инфляцияни тезлаштириши муқаррар, аммо Федерал захира тизими (ФЗТ) аллақачон мақсадларини ўзгартирди: “ўртача икки фоиз” (аввалги “икки фоиз” ўрнига). Бу агар инфляция кутилгандан ошса, асосий ставкани кўтармаслик учун қилинди. Яъни регулятор фоизлар нол атрофидаги даражада сақлаб қолиш ниятида. Бу иқтисодиётни қўллаб-қувватлайди, бироқ долларга салбий таъсир кўрсатади.

Инвесторлар долларли активларга сармоя киритишдан даромадлиликни йўқотиб, бошқаларини қидиришмоқда, хатарлироқ вариантлари бўлса ҳам, “Reuters” валюта стратеглари сўрови буни кўрсатди.

“Доллар аввалгидек барча кўрсатгичлар бўйича ҳаддан зиёд баҳоланган, ФЗТ сиёсати ҳам буни бартараф этади”, - дейди “Societe Generale” валюта стратегияси раҳбари Кит Жукс.

Экспертлар ноябрдаёқ огоҳлантиришганди: янги президент Жо Байден бошқарувида Америка валютасини олдини олиб бўлмайдиган қулаш кутмоқда. Демократлар режаларида қўшимча фиксал стимуллар ва янги ёрдам тўплами бор – қарийб уч триллион. Бу долларни узоқ муддатга заифлаштиради, чунки бюджет тақчилли кўпайиши ва уларни қоплаш учун зарурий ташқи қарзнинг ўсиши тус олади. Америка валютасига вакцинанинг тарқалиши ҳам салбий таъсир кўрсатади.

Эллик фоизга

Иқтисодчилар прогнозлари қувонарли эмас. “Citigroup” банки баҳоларига кўра, демократларнинг ҳукумат тепасига келиши 2021 йилда долларнинг 20 фоизга пасайиш эҳтимолини “жиддий оширади”. “Morgan Stanley Asia” директорлар кенгаши собиқ раиси Стивен Роуч шунга ўхшаш сценарийни маълум қилганди.

Таниқли молиячи Жим Рикардс янада нохушроқ вазиятни башорат қилмоқда. У АҚШнинг натижада қарз муаммоси билан шуғулланишига тўғри келиши, уни ҳал қилиш эса долларнинг 50 фоиз девалвациясини талаб қилишини таъкидламоқда.

Иқтисодчи бир пайтнинг ўзида олтин унцияси учун 15 минг, кумуш эса 100 долларга қимматлашинини прогноз қилмоқда. У АҚШ халқаро молия тизимида Америка устунлигига қарши чиққан қатор давлатлар босими остида қолганини тушунтиради. Гап биринчи галда Россия ва Хитой ҳақида бормоқда. Москва ва Пекин долларни захиралардан сиқиб чиқариб, кўп олтин сотиб олмоқда.

“Сўнгги бир неча йил мобайнида Россия олтин-валюта захираларини сезиларли оширди. Қолаверса, Москванинг ташқи қарзи унчалик кўп эмас. Русларнинг қимматбаҳо металларга пул тикиши анчадан буён сир эмас, рубль – дунёда энг олтин билан таъминланган валюта”, - дея тушунтиради таҳлилчи.

Ўз қўллари билан

Байден жамоаси ишга киришмоқда. Барча вазирликлар раҳбари ўзгаради. Молия вазири лавозимини Федерал захира тизимининг собиқ раҳбари Жанет Йелленга ишониб топширишмоқда, “Bloomberg” у “Америка экспорти учун заиф доллар афзаллигини бир неча март реклама қилганини” эслатмоқда.

Бу иқтисодчиларни ҳушёрликка чорламоқда. Клинтон президентлиги даврида молия вазири ва Барак Обама маъмуриятининг Миллий иқтисодий кенгаш раҳбари бўлган Ларри Саммерснинг сўзларига қараганда, “дунё молиявий тизимидаги долларнинг устунлик роли Хазиначиликка мажбуриятларни синчковлик билан ижро этилиши масъулиятини юклайди”.

Собиқ АҚШ молия вазири ва “Goldman Sachs” собиқ бош директори Ҳэнк Полсон ҳам Йелленга тавсиялар берди. “Фоиз ставкалари тарихий минимумда, федерал қарз эса Иккинчи жаҳон урушидан кейингига қараганда ҳам кўпроқ”, - дея таъкидлайди иқтисодчи. – Давлат қарзини бирдан ўсишини тўхтатиш ўта муҳим. Бўлмаса доллар эртами ёки кеч қадрсизланади. Вашингтон ўз мажбуриятларини бажара олмайди”.

“Қўшма Штатлар рақобат афзаллигини олиш мақсадида заифроқ валютага интилмаяпти, бошқа мамлакатларнинг буни амалга оширишига қарши курашишимиз шарт”, - дея ишонтирди молия вазири лавозимига номзод Сенатнинг молия қўмитаси йиғилишида.

Шундай бўлса ҳам, бўлажак молия вазири америка валютасидан ҳеч қандай яхшиликни кутиб бўлмайдиган баландпарвоз баёнот бериб бўлганди: иқтисодиётга ликвидликни кенг кўламли қўшишга чақирган эди. “Bloomberg” инвесторлар учун бу долларнинг узоқ муддатли пастлашиш трендига  сигнал деб ҳисобламоқда.

АҚШнинг ҳар қандай ҳолатда долларни “тушириб юборишига” тўғри келади: бу савдо тақчиллигини қисқартириш учун муҳим. Ва бу, эҳтимол, Байден учун иқтисодиётни тиклашнинг ягона йўлидир.

917

“ШО-2” Германия ва АҚШ ўртасидаги муносабатлар тақдирини белгилайди

552
(Янгиланган 18:02 20.01.2021)
Жо Байден ўз инаугурацияга АҚШнинг асосий ҳамкори бўлган Германиядан унчалик ёқимли бўлмаган совғани олди.

Бу янги администрация ҳал қилиниши керак бўлган, эҳтиёткорлик билан ўралган ва лента билан боғланган асосий муаммолар тўпламини акс этади.

АҚШ “Шимолий оқим 2” (ШО-2) қурилишида иштирок этган Россия "Фортуна" қувур ётқизиш кемасига қарши санкциялар жорий қилди. Шунингдек, Германия ОАВларига кўра, Американинг Берлиндаги элчихонаси Германия ҳукуматига янги чеклов чораларини жорий этиш режалари тўғрисида хабар берди.

Германия ҳукумати ўзининг кучсизлигидан, ҳақоратли тарзда "буни афсус билан маълумот учун қабул қилганликлари" ҳақида муносабат билдирди, яъни расмий равишда ташвиш билдирилгани ҳам йўқ.

Бу содир бўлган воқеалар бундан бир неча кун олдин содир бўлган яна бир муҳим воқеанинг давоми эди.

АҚШ собиқ давлат котиби ва Жо Байденнинг ташқи сиёсат бўйича маслаҳатчиси Николас Бернс сайловда бир вақтнинг ўзида, янги администрация "Германия ҳукумати ва бошқа иштирокчи давлатлар билан ишонч ва оқилоналик билан суҳбат" ўтказиши учун АҚШ газ қувурига қўйилган санкцияларини бир вақтнинг ўзида музлатиб қўйиш ва унинг қурилишини тўхтатиб туриш ғоясини илгари сурди.

Шубҳасиз, Бернс ўз ташаббуси билан ҳаракат қилмаган, аксинча Вашингтоннинг таклифини айтди.

Бироқ, немислар унга қўл силтаб эътиборсизлик билдиришди. Бундестаг Энергетика қўмитаси раҳбари Клаус Эрнст Германия энергетика сиёсатининг АҚШ билан муҳокама қилинишини "умуман ноўрин" деб айтди. Унинг таъкидлашича, "ШО-2"нинг қурилиши - бу фақат Европанинг иши, у барча зарур рухсатномаларга эга ва шу сабабли тезда тугатилиши керак".

Сўнгги ўн йилликда Дональд Трампнинг президентлигида носозлик юз берган ва демократлар уни қайта тикламоқчи бўлган - Американинг ташқи сиёсати кўпинча глобалист сифатида тавсифланади. У иккита асосий ва бир хил даражада муҳим таркибий қисмлардан иборат - процессуал-институционал ва мафкуравий.

Мафкура учун - ЛГБТ-ривожланишидан тортиб, экологик сабабларга кўра, инсониятнинг гўшт истеъмол қилишдан воз кечишгача бўлган   энг либерал ва илғор ғояларнинг катта мажмуа жавоб беради. Бунда тарафдорларнинг радикализми "ягона ҳақиқий таълимот"га риоя қилиш талаблари ва рози бўлмаганларни таъқиб қилиш тобора кучаймоқда.

Институционал қисм жамоатчиликка яхши маълум ва у миллатлараро ташкилотлар, ҳужжатлар ва процедуралар тизимидан иборат. Шу тариқа АҚШ кўп йиллар давомида дунёга мақбул ўйин қоидаларини ўрнатиш ва ўз глобал етакчиликни абадий ўрнатиш деган машҳур фикр бор.

Бир нарса кўнгилдагидек кетмагани анчадан бери аён бўлиб қолди. Кўплаб давлатлар ўзларига нисбатан олдиндан адолатсиз эканлиги маълум бўлган тизимда ўйнашни ва ғалаба қозонишни ўрганди. Россия ва Жаҳон савдо ташкилотининг қоидаларини ўз фойдасига муваффақиятли татбиқ этиши истиснолардан кўра, аниқ мисол бўлади. Буни Дональд Трамп тўрт йил давомида такрорлаб келди, иккиланмасдан АҚШни кўплаб халқаро шартномалар ва ташкилотлардан чиқишга олиб келди: аслида улар Америка учун аввал ўйлаганидек фойдали эмас.

Шуни англаш қийин эмаски, улардан бири Германия АҚШнинг бир нечта имтиёзли шериклари кўпроқ бонусларга эга - ва аллақачон аниқ бўлиб қолганидек, улардан қандай қилиб яхши фойдаланишни билишади.

Германия ўз суверенитетини аста-секин, жимгина тиклаш ва Америкадан ўз манфаатлари йўлида фойдаланиш схемасини барбод қилган, бор ҳақиқатни, шошмашарлик билан айтган Трамп айнан шунинг учун Берлин учун жуда ноқулай эди.

Айнан шунинг учун ҳам ГФР ҳукумати Байденни эйфория билан АҚШ янги президенти сифатида қабул қилди: бу немислар учун муносабатларни анча қулай форматни қайтаришини ваъда қилмоқда - тарғибот риторикасининг тўлиқ мос келиши ва Германия учун қулай кун тартибини зимдан муваффақиятли ўтказиши мумкин.

Бу "Шимолий оқим-2" билан содир бўлмоқда. Сўнгги ойларда қувур линияси қурилишини океанорти санкцияларининг босимидан иложи борича ҳимоя қилиш чоралари кўрилди. Ўша "Фортуна"нинг эгалари ўзгартирилди. Мекленбург-Ворпоммерн парламенти лойиҳанинг операцион фаолиятини қўллаб-қувватлаш учун фонд яратди.

Энг қизиғи шундаки, ушбу тузилма ёрдамида Германия ҳукумати иккита қуённи битта ўқ билан ўлдиришга уринмоқдалар: қурилишни ўзи қўллаб-қувватлашдан ташқари, унинг, чунки янги ташкилот "Мекленбург-Ғарбий Померания" иқлим ва атроф-муҳитни муҳофаза қилиш фонди "деб номланган ва "Германиянинг иқлим мақсадларига эришиш"ни тарғиб қилиш бўйича ахборот ва мафкуравий таъминотини ҳам амалга оширмоқдалар. Шу тарзда экологик кун тартиби узатилмоқда, чунки мамлакат ичкарисида "ШО-2"га қаршилик қилиш яшиллар фаолроқ ишлатмоқда.

Жо Байден жамоаси жуда қийин аҳволга тушиб қолди. Улар, Трамп қилганидек - стратегик шеригига қарши қаттиқ чоралар кўриш билан бутун дунёга катта жанжал кўтара  олишмайди. Бу шунчаки Ғарб бирлигини тиклаш бўйича асосларга зид, демократлар улар билан ҳокимиятга қайтмоқда. Бундан ташқари, умуман олганда, Берлин Вашингтонга содиқ ғайрат ва чуқур мафкуравий иттифоқни намойиш этади, бу уларнинг Россияда Алексей Навальний ҳибсга олинишига нисбатан синхрон-ғазабланган реакция билан яна бир бор намоён бўлди.

Пардалар ортидаги “базм”ларда ишлашнинг одатий усуллари ва босимнинг аста-секин ўсиб бориши бир неча ойга чўзилиб кетиши билан таҳдид қилмоқда: немислар халқаро-бюрократик тортиш-туртиш ва сансалорлик бўйича катта усталари ҳисобланади. Ўша вақтга қадар "ШО-2" қуриб битказилади, америкаликларга эса мушт силкитиш учун кеч бўлади.

Натижада Жо Байден президентликнинг илк кунлариданоқ янги администрация ўз ишида қатъиян қабул қилиниши мумкин бўлмаган трампизм ва ғоявий жиҳатдан тўғри, аммо қатъий самарасиз либерал глобализмни танлашга мажбур бўлади.

Бироқ, Германияда ўзига хос қийинчиликлари бор. Кеча “Газпром” сиёсий босим туфайли "ШО-2" газ қувури учун хавф туғдириши ҳақида огоҳлантирди, бу эса лойиҳанинг тўхтатилиши ёки ҳатто бекор қилинишига олиб келиши мумкин. Бу биринчи навбатда мустақилликка интилиш ва геосиёсий жиҳатдан мустаҳкамланиш борасидаги Навальнийни заҳарлаш иши кўринишидаги Россияга қарши картасини ўйнашни яхши фикр деб билган Берлин учун огоҳлантириш - Россиянинг бундай нарсаларга қанчалик оғриқли жавоб қайтариши мумкинлигини яна бир бор унутди.

552
Теглар:
Жо Байден, Дональд Трамп, газ, санкциялар, Навальний, Германия, АҚШ, Россия, Шимолий оқим-2
Мавзу бўйича
АҚШ “Шимолий оқим-2”га қарши санкцияларни узайтирди
Байдендан “Шимолий оқим-2” борасида нималарни кутиш мумкин?
“Шимолий оқим – 2” учун ҳал қилувчи жанг бошланди
АҚШ нима учун "Шимолий оқим-2"га тўсқинлик қилмоқда - видео
“Шимолий оқим-2” қувурларини ётқизиш учун кема иш жойига яқинлашди
АҚШ яна "Шимолий оқим - 2" масаласига киришди
АҚШ “Шимолий оқим-2”га қарши янги санкциялар жорий этди

"Тахтақорача" довонида ФВВ ўқув-машқи ўтказилди

122
(Янгиланган 18:48 26.01.2021)
"Тахтақорача" довонида мураккаб об-ҳаво шароитида Фавқулодда вазиятлар вазирлигининг махсус-тактик ўқув машқлари бўлиб ўтди.

ТОШКЕНТ, 26 янв - Sputnik. Самарқанд вилояти Ургут туманида жойлашган "Тахтақорача" довонида Фавқулодда вазиятлар вазирлигининг ўқув машқлари бўлиб ўтди

"ФВДТ ҳудудий ва функционал қуйи бўғинлари хизматларининг табиий ҳамда техноген хусусиятли фавқулодда вазиятларда ҳамкорликдаги ҳаракатлари" мавзусида махсус-тактик ўқув машқи бўлиб ўтди.

Ўқув машқи 4 босқичда ўтказилди:

  1. Довонда қор кўчкиси содир бўлганда, тегишли хизматларнинг куч-воситалари фавқулодда вазиятни бартараф этиш учун йиғилди ва уларнинг шайлиги саф кўриги орқали кўздан кечирилди. Шунингдек, қор кўчкиси содир бўлиш хавфи мавжуд бўлган ҳудудлардан аҳоли ва моддий бойликларини хавфсиз жойларга кўчириш ишлари амалда кўриб чиқилди.
    МЧС
    Учения МЧС на перевале Тахтакорача
  2. Қор кўчкиси оқибатида транспорт воситалари билан боғлиқ шартли равишда содир этилган авто-авариялар оқибатлари бартараф этилди ва қор кўчкиси остида қолган фуқароларни қидириш ҳамда қутқарув ишларини амалга ошириш, жабрланганларга биринчи тиббий ёрдам кўрсатиш ишлари олиб борилди.
    МЧС
    Учения МЧС на перевале Тахтакорача
  3. Довонда икки томонлама йўл ҳаракатини тиклаш, фуқароларнинг ҳаётий тизимини маромига келтириш, автомобил йўлини қордан тозалаш, йўл қатнов қисмининг сирпанчиқ ва тик қияли ҳудудларида қум ва қум-туз аралашмасини сепиш, йўл белгиларини таъмирлаш ишлари олиб борилди.
  4. Машғулот якунида иштирокчиларга йўл қўйилган камчиликлар ва уларни бартараф этиш бўйича зарур тавсиялар берилди.

Маълумот учун ўтган дам олиш кунлари арафасида Тахтақорача довонида қалин қор (20-30 см) ёққан эди. Шу сабабли  юқорида қайд этилган ўқув машғулотлари аслига яқин мураккаб шароитларда бўлиб ўтди.

МЧС
Учения МЧС на перевале Тахтакорача
122