Верховный представитель Евросоюза по иностранным делам и политике безопасности Жозеп Боррель

Боррел ташрифи - "жанг билан разведка" холос, асосий ҳужум олдинда

1328
(Янгиланган 20:14 12.02.2021)
Ҳеч ким жуғрофия ва иқтисод қонунларини бекор қила олмайди: Россия ва Европа ҳар доим қўшни бўлади ва шу сабабли ҳам иқтисодий муносабатларни осонгина узиб ташлашнинг иложи йўқ.

Европада феврал ойи қайноқ бошланди, Брюссель Россияга қандай муносабатда бўлиши кераклигини ҳеч ҳал қила олмаяпти. Берлин эса, ўзлари учун нима қимматроқ: миллий ғурур, Россия гази, Навальний арвоҳи ёки Америка президенти олдида чиройли бўйсуниш. Ушбу ишлар фонида Европа Иттифоқининг ташқи ишлар ва хавфсизлик сиёсати бўйича вакили Жозеп Боррелнинг Россияга ташрифи - бир талай можароларга сабаб бўлди.

Европанинг энг катта ёки энг оммавий амалдори бўлмаган Боррел Москвага уюштирган ташрифидан сўнг, бир неча баланд овозли ва ёқимсиз баёнотлар билан чиқди. Унинг айтишича Россия "унинг кутганидек бўлиб чиқмаганини" ва "замонавий демократик давлатга айланмаганини" эълон қилди. Шу билан бирга ЕИ вакили 22 февралда бўлиб ўтадиган ЕИ ТИВ кенгашида Россияга қарши янги санкциялар жорий этишини маълум қилди.

Европалик амалдор хафа бўлишининг асосий сабаби - унга Навальний билан учрашишга рухсат беришмагани ва унинг талабига кўра мухолифатчини озодликка чиқаришмагани экан.

Боррел хулосасига кўра, Россия ЕИ билан муносабатларни тиклашдан манфаатдор эмас.

Кремль Европа амалдорининг ушбу чиқишларига тезкор ва кескин жавоб қайтарди. "Биздаги маълумотларга кўра, Москвада бўлиб ўтган музокаралар юқорида қайд этилган битта мавзудан кўра анча бой бўлган", - деди россия президентининг матбуот котиби Дмитрий Песков.
Боррелнинг бундай баёнот билан чиқиши тушунарли, чунки унинг Москвага ташрифини мутлақ муваффақиятсиз, деб аташ мумкин. Навальнийдан фойдаланиб Москвага босим ўтказишга бўлган уриниш - натижасиз бўлди.

Россия раҳбарияти, европалик амалдор талабларига қулоқ ҳам тутиб ўтирмади. Шу биан бирга Россия ташқи ишлар вазири Сергей Лавров ЕИ ишончли ҳамкор эмаслигини очиқчасига Боррелнинг юзига айтди.

Бунга жавобан ЕИ Навальний жамоасини қўллаб-қувватлайди ва бошқа шу каби қуруқ ваҳимали гаплан жаранглади.

Уйига қайтган Боррел қаттиқ исканжага олинди. Бир томондан уни Европарламентаги радикаллар уни сиқувга олган бўлса, иккинчи томондан Россия билан қарама-қаршиликдан чарчаган жиддий Европа сиёсатчилари бўлди. Шу ўринда Герхард Шредер, Франк-Вальтер Штайнмайер ва Хайко Маасанинг фикрини келтириб ўтиш керак. Уларнинг барчаси Москванинг жаҳлини чиқариш геосиёсий катастрофага олиб келиши мумкинлигини таъкидлашди.

Маълумки, сиёсат - бу иқтисоднинг давоми ҳисобланади. Боррелнинг Москвага ташрифини айнан ана шу нуқтаи назардан кўриб чиқиш мақсадга мувофиқ бўлади. Навальний иши каби, европалик амалдорнинг ташрифининг мазмуни ҳам "Шимолий оқим-2" атрофидаги халқаро можаронинг давомидир.

Эслатиб ўтамиз, "Шимолий оқим-2" - бу Россиядан Германия томонга Болтиқ денгизи орқали қурилаётган, узунлиги 1234 км бўлган (иккита қувурнинг узунлиги 2468 км) газ қувури бўлиб, у "Шимолий оқим"нинг кенгайтирилиши ҳисобланади. Янги газ қувури Германия, Дания, Россия, Финляндия ва Швеция ҳудудий сувлари орқали ўтади. "Шимолий оқим-2"нинг Россия ҳудудий сувларидан ўтган қисми - 118, Финляндия — 374, Швеция — 510 км, Дания — 147 км ва Германия — 85 километрни ташкил қилади.

Ушбу лойиҳани тўхтатишга бир неча бор уринишлар бўлган бўлсада, ҳозир у якуний босқичга кирган. Бу эса океан ортига жудаям маъқул келмаяпти. Улар шунчалик хавотирга тушган-ки, ҳатто 2020 йилги давлат бюджетига Россия энергетика секторги қарши санкциялар киритиш ҳам ҳисобга олинган. Асосий зарба албатта - "Шимолий оқим-2"га қарши қаратилган эди. Санкциялар остига ШО-2 билан боғлиқ барча қурилиш кемалари ва ҳатто суғурталар ва сертификатлаш компаниялари ҳам киритилган эди.

АҚШнинг ушбу ҳаракатлари Европада қўллаб-қувватланмади. Айниқса лойиҳанинг асосий бенефициари - Германия томонидан. 2020 йилнинг 11 январ куни, АҚШ санкциялари кучга киришидан бир неча кун олдин, Москвада Владимир Путин билан бўлиб ўтган учрашувдан сўнг, Германия канцлери Ангела Меркель "Берлин Шимолй оқим-2га қарши санкцияларни тан олмайди ва лойиҳани "тўғри" ва "тижорат мақсадида" қурилаётганини тан олади ва уни қуриб битказиш керак деб ҳисоблайди", - деган эди.

Немислар АҚШ томонидан ўтказилаётган босим бу Евроап газ бозори учун ташқи иқтисодий воситалар билан олиб борилаётган кураш эканини яхши тушунишади. АҚШ Россиянинг Европа га бозоридан сиқиб чиқариб ўрнига ўзининг суюлтирилган табиий газини етказиб беришни орзу қилади. Бундай газ Европа учун қимматроқ бўлишини ҳамма билса-да, лекин америкаликлар шундан йўл билан гўёки Европани "Кремль шантажидан" озод қилишмоқчи. Шу билан бирга улар Россия ичида "демократик қадриятларни ҳимоя қилшмоқчи".

АҚШ қандай шантаж ҳақида гапираётгани тушуниб бўлмайди, чунки "Газпром" ғарбдаги ҳамкорлари олдида ўз мажбуриятларини аъло даражада бажармоқда: ҳаммаси ўз вақтида ва бозор иқтисодининг барча қонунларига асосан.

Океан ортидаги ҳамкорларнинг Берлинга босим ўтказишга ҳарчанд уринишига қарамасдан ўтган йил давомида Германия нуқтаи назарида ҳеч қандай ўзгаришлар содир бўлмади. Германиянинг юқори лавозимдаги амалдорлари ушбу лойиҳани иқтисодий деб аташди ва унги сиёсатни боғлашдан воз кечишди.
Лекин ўтган куз мавсумидан бошлаб Россияга ҳужумлар янги куч билан авж олди. Санкциялар иш бермагач, оғир артиллерия кучга кирди. Ана шу артиллериянинг снарядларидан бири - бу Навальний иши, иккинчиси эса- Боррелнинг Москвага ташрифи бўлди.

Ушбу ташрифни АҚШнинг Россия имкониятларини ва ривожланишини чеклаб туришга қаратилган ҳаракатлари қаторида қабул қилиш керак. Европада Америка манфаатларининг лоббистлари бўлган кўп сонли йирик сиёсатчилар бор.

Улар орасида Россияни мажбурлаш ва уни турли соҳаларда ҳар қандай йўл билан бўлса ҳам бўйин эгдиришга мажбурлашга мойил бўлган амалдорлар ҳам бор. Алексей Навальний воқеаси европалик бюрократлар учун Россия билан савдолашиш ва босим ўтказиш қўл келувчи "қулай восита" бўлди.

Ана шундай очиқ ва безбетлик билан қилинган синов ташрифига, Москва лўнда ва кескин жавоб қайтарди. Навальний билан бўлаётган ҳамма воқеа - бу Россиянинг ички ишидир ва бо борада босим ўтказишни Москва қабул қилмайди. Умуман олганда, бунга газ шартномаларининг нима алоқаси бор? Айтмоқчи, сизнинг дипломатларингиз бироз ҳаддидан ошмоқда. Улардан уч нафари "персона нон-грата" деб эълон қилинган. Хўш, ўйинни яна давом эттирамизми, ёки жиддий суҳбатга ўтамизми?

Европалик амалдор жиддий суҳбатга тайёр эмас экан.

Лекин ушбу ташриф яна бир бир "ит ҳураверади карвон ўтаверади" мақолини яна бир бор тасдиқлади. Яқинда газ қувурининг Даниядан ўтган қисми қачон якунланиши маълум бўлди. Дания денгизчилари бошқармаси маълумотига кўра, Дания сувларида январда қурилиши бошланган "Шимолий оқим-2" Апрел ойида якунланади.

Бундестагда эса Германия ТИВ раҳбари Ҳайко Маас, Россиядан норози бўлган депутатларга, ушбу лойиҳадан воз кечин Германия учун геостратегик катастрофа бўлишини тушунтирди. "Шундай давлатлар борки, улар биздан газ қувури қурилишини тўхтатишни талаб қилиш билан бир вақтда, ўзлари Россиядан нефт импорти ҳажмини оширмоқда", - деди у. Лойиҳа амалга ошишига ФРГ вице-канцлери Олаф Шольц ва Австрия канцери Себастьян Курц ишонч билдиришди.
Шундай қилиб, Боррелнинг Москвага ташрифи Европада русофобиянинг янги тўлқинини бошловчи "тепки"га айланмади. Лекин эркин нафас олишга ҳали эрта - бу бор-йўғи "жанг билан разведка" қилиш эди. Ҳақиқий ҳужум энди бошланиши мумкин.

22 феврал куни бўлиб ўтадиган ЕИ ТИВ раҳбарлари учрашувида Москвани ҳамма нарсада айблашга уриниш бўлади, ва эришилган келишувлар мартда бўлиб ўтадиган саммитда мустаҳкамланади. Бундай вазиятда фақатгина Кремльнинг кескин позицияси ғарблик "ҳамкорларни" вазиятга жиддий қарашга мажбур қилиши мумкин.

Ғарб ва Шарқ орасида вазиятнин янада кескинлаштириши, геосиёсий ландшафтни ўзгартириб юбориши ва охир оқибат Европа учун аянчли тугаши мумкин. Бу ҳақида ўтган ҳафтада бир неча етакчи немис сиёсатчилари ҳам огоҳлантиришган эди. Россия ва Европа муносабатлари анча вақтдан буён бунчалик паст даражада бўлмаган эди.

Муаммонинг негизи шундаки, ҳеч қайси олий мартабали амалдор жуғрофия ва иқтисод қонунларини бекор қила олмайди. Россия ва Европа ҳар доим қўшни бўлади ва шу сабабли ҳам иқтисодий муносабатларни осонгина узиб ташлашнинг иложи йўқ. Ҳатто энг ашаддий "совуқ уруш" йилларида ҳам бундай бўлмаган. Албатта сиёсат иқтисодга таъсир қилади, лекин ёш боладек "бувимга аччиқ қилиб қулоғимни музлатиб оламан" дейиш - жиддий сиёсатчилар ва давлатларга тўғри келмайди. Навальный иштирокидаги сирли спектаклга келсак, Россияни бундай "арзон гаровга" сотиб олиб бўлмайди. Москва ўз ҳаракатлари билан буни яққол намойиш қилди.

1328
Флаги  России и Евросоюза

Янги санкциялари билан Ғарб “темир парда”ни қайта туширмоқда

412
(Янгиланган 17:41 04.03.2021)
Россия - тез оёққа тураётган ва улкан потенциалга бўлган кучли давлат эканини англаб етган Ғарб давлатлари, совуқ уруш йилларида бўлган "темир парда"ни қайта туширишни истаб қолишди.

Ғарбнинг Россияга қарши киритган янги санкциялари устидан ҳазил қилиш жуда осон – чунки Алексей Навальний туфайли қабул қилинаётган қарорларда қарама-қаршилик ва мантиқсизликлар жуда кўп.  

АҚШ ва Европа тутаётган йўлни тушуниш, улар етишни кўзлаган мақсадни тушуниш – жуда амримаҳол. Улар қилётган ишлар диққат билан кузатилганда эса, кузатилаётган барча парадокс ва абсурдларга қарамасдан, ушбу ҳаракатларнинг барчаси негизида – тамомила рационал ниятлар ётганини англаш мумкин.

Эътибор берган бўлсангиз, 2010 йилларнинг ўртасидан бери европаликлар ва америкаликларнинг Россияга қарши ҳаракатларида олдингидек якдиллик ва иштиёқ кузатилмаётган эди. Бу сафар санкциялар Атлантик океанининг икки томонидан бир кунда эмас бир дақиқада эълон қилинди, демак бу – сўзсиз келишилган қадам бўлган. Россияга қарши қиритилган санкциялар олдидан – “артподготовка” (жанг олдидан рақибни замбараклардан ўққа тутиш) ҳам драматургия жанрининг барча қонунларига мувофиқ амалга оширилди: финалда улкан сенсация ваъда қилинган ҳолда  томошабинлар бир неча ҳафта давомида “хавфли кутиш ҳолатида” ушлаб турилди.

Оқибатда эса - “ваҳима катта бўлди-ю натижа бир тийинлик”. Улар санкция рўйхатига киритган Россия куч тизимлари раҳбарларига бу чоралар “чивин чаққандек” бўмайди. “Биологик ва кимёвий” қурол ишлаб чиқарувчи ташкилотлар борасида ҳам вазият хунди шундай. АҚШнинг Россияга ёрдам кўрсатишни расман тўхтатиши эса – умуман кулгули. Назаримда “ҳамкорларимиз” ҳалиям 1999 йилда яшаётгандек.

Алексей Навальнийнинг ўзи эса бир неча ой олдин “полковник ва генераллар” дунё бўйлаб саёҳат қилмаслигини ва уларга қарши санкциялар киритиш бефойда эканини ва айтган эди. Ўшанда у ЕИга асосий эътиборни россиялик олигархлар маблағларига қаратиш кераклигини маслаҳат берган эди.

Айтиш жоизки, йирик бизнесменларга зарба берилса, натижа ҳақиқатдан ҳам сезиларли бўлиши мумкин. Улар учун ҳам миллий иқтисодиёт учун ҳам. “Шимолий оқим-2” каби стратегик лойиҳаларни ёпиш ҳақида гап кетаётгани йўқ. Лекин Ғарб, ўзининг балар русофоб гапларига қарамасдан, бу сафар ҳам фақатгина юзаки самара берувчи фойдасиз чоралар билан кифояланди холос.

Америка ва Европанинг гўёки “жон жаҳди” билан ҳимоя қилаётган россиялик мухолифатчи борасида ҳам фикрлари турлича. Бир томондан Ғарб Навальнийга турли илтифотлар кўрсатиб, уни  Кремлнинг бош душмани ва асосий “қурбон”ига айлантирди. ЕИ тарида илк бор инсон ҳуқуқлари бузилиши борасида санкцияларни қўллади ва ҳатто ана шундай ҳуқуқлар бузилишига оид глобал санкциялар тартибини жорий этди. Инсон ҳуқуқлари бўйича Европа суди эса – таажубли қарор қабул қилди – улар Россиядан Навальнийни дарҳол озод қилишни талаб қилишди.

Иккинчи томондан эса, АҚШ ҳам Европа ҳам Навальний шахси ҳақида ҳеч қандай баландпарвоз иллюзияларга эга эмас. Чунки улар Навальний бир неча йил олдин товламачиликда айбланиб қамоқ жазосига маҳкум этилган “Ив Роше” ишида ҳеч қандай сиёсий сабаб топа олмаган.

Amnesty International эса, ҳарчанд эгилувчан ва сиёсий конъюнктураларга боғлиқ бўлишига қарамасдан, Навальнийни фақатгина сиёсий ва виждоний қарашлари учун қамоққа олинган – “виждон маҳбуси” деб тан олмади. Уларни тушуниш мумкин, ўтган йиллар давомида Навальний ўзининг ирқпараст ва ксенофоб қарашлари билан яхши танилган эди.

Дастлаб, Европа Иттифоқи ўз янги режимини Алексей Навальний номидаги санкциялар деб атамоқчи эди, лекин кейинчалик, қаҳрамоннинг “таржимаи ҳолини” яхшилаб ўрганиб чиққандан сўнг – бундай ғоядан воз кечишган.

Оқибатда, Ғарбнинг бугунги ҳаракатлари – қўл остига тушган унчалик мос келмайдиган сабабларни рўкач қилган ҳолда Москва билан муносабатларни мураккаблаштираётганини ва унчалик мантиққа мос келмайдиган ҳаракатларни амалга ошираётганини кўриш мумкин.

Лекин ушбу воқеаларда яна бир нарсани – Европанинг ваҳима остида - ўзини қаттиқ ҳимоя қилишга тайёрланаётганини ҳам пайқаш мумкин. Айни дамда Россия, АҚШ ва Европа муносабатлари навбатдаги трансформацияни бошидан кечирмоқда.

Ўтган декада ўртасида содир бўлган катта тўс-тўполон ва ундан сўнг Россияга қарши киритилган санкциялар - Ғарб томонидан Россияни иқтисодий,  сиёсий, геосиёсий жиҳатлдан тўлиқ мағлуб қилиш учун уюштирилган ҳаракат эди. Воқеа бошида улар “озгина куч” билан ғалаба ғозонишига ишонлари мутлақ комил эди.

Лекин Россия яна бир маротаба Ғарбга “сюрприз” намойиш қилди. Россия бир неча йил давомида санкцияларни пучга чиқаришга, Европа билан эса асосли ҳамкорликни қайта тиклашга муваффақ бўлди.

Ўтган йил воқеалари эса Ғарбни яна бир бор Россияга бошқача назар билан қарашга, у ҳақида ўз тасаввурларини ўзгартиришга мажбур қилди. Ғарб ваниҳоят Россия тасодифан муваффақият қозонган қандайдир “ёвуз империя” эмас, балким тез оёққа тураётган, улкан потенциалга ва енг ичига яширинган бир неча “туз”лар эга бўлган кучли давлат эканини тушуниб етди.

Кучли Россия эса – Европани ҳар доим қўрқувга эмас ростакам даҳшатга солган. Улар бугун Москва ҳам иқтисодий, ҳам сиёсий ҳам мафкуравий ва медиа томонидан ҳужумга ўтганини кўришмоқда.   

Лекин уларда ўз кучига ишонч йўқ, шу сабабли улар ўзларини ҳимоя қилиш мақсадида тезлаштирилган тартибда темир пардани тушириш ва муносабатлардаги кескинликни чуқурлаштириш билан шуғулланишмоқда.  

Хуллас Ғарб ҳозир совуқ уруш вақтидаги тартиб-қоидаларга қайтишни истаб қолди. У вақтлар Совет Иттифоқи ва Ғарб орасида  фақат бир неча каналлар бўйича алоқа йўлга қўйилган эди, қолган соҳалар эса мутлақ ёпиб ташланган эди.

Лекин у вақтлар Ғарбнинг ёмон таъсирини камайтириш бўйича асосий чоралар чегаранинг биз томонида қабул қилинар эди. Энди бўлса Ғарб СССРнинг самарасиз тажрибасидан ўрнак олмоқчига ўхшайди.

Ушбу вазифани амалга ошириш учун Алексей Навальний номидан фойдаланиш муваффақиятли бўлди деса ҳам бўлади. Лекин АҚШ ва Европанинг СССР хатоларини такрорлаётгани – кишини ҳайратга солади, холос.

412
Люди в защитных масках на улице Брюсселя

Европа ўз муаммоларидаги айбдорни топди

704
Европа дипломатияси раҳбари Жозеп Боррел Европарламент махсус қўмитасининг ЕИ демократик жараёнларига хорижлик аралашув бўйича эшитувларида нуқт сўзлаётиб, Россияни ёлғон хабар тарқатиш кампаниясида айблади.

Унинг таъкидига кўра, кампания Евроиттифоқ демократиясини қоралаш ва халқаро ҳамкорлигини заифлаштиришга қаратилган.

Боррел давом этаётган пандемия шароитида ёлғон ва янглиштирадиган ахборотнинг ўта хавфлигини қайд этди. “Биз кремлпараст каналлар қандай ниқоб тақиш фойдасиз эканлиги ҳақидаги фикрларни тарқатишгани, ёки локдаунга қарши овозларни руҳлантирганини кўрдик”, - деди у. Энди эса, дипломатнинг фикрига кўра, бир тарафдан, ғарб препаратлари ва улар ишлаб чиқарувчиларини обрўсизлантиришга уринаётган, бошқа тарафдан, ўзининг маҳсулотларини фаол илгари сураётган Москванинг вакцина дипломатияси биринчи ўринга чиққан.

Амалдорнинг хавотирини тушуниш мумкин. Россияда аксарият одамлар учун ҳаёт кичик ноқулайликлар билан ўз изига тушаётган, ҳукумат пандемия сабаб киритилган чекловларни босқичма-босқич бекор қилаётган бир пайтда Европада янги карантин чекловлари тўлқини авж олмоқда. Финляндияда фавқулодда ҳолат киритилган. Чехияда дунёдаги энг кўп касалланиш даражаси сабаб аҳолига турар ҳудудларини тарк этиш тақиқланган. Италияда ҳам чекловлар кучайтирилган.

Ўз навбатида, деярли бир йиллик тақиқлардан ва уйда ўтиришлардан жуда чарчаган Европа аҳолиси бу чораларнинг бари фақат уларнинг манфаати учун қабул қилинаётгани ҳақидаги ҳукуматларнинг далилларини борган сари ёмонроқ қабул қилмоқда. Оммавий норозилик намойишлари деярли қитъанинг барча нуқталарида авж олди.

Вазият шунчалик мураккабки, Европа сафларининг текислиги кўз ўнгимизда ёйилиб кетмоқда. Чехия Россияга “Спутник V” вакцинасини етказиб беришни сўраб мурожаат қилди – бу мамлакат президенти ва бош вазирининг мувофиқлаштирилган позицияси. Словакия бундан ҳам каттароқ қадам ташлади ва Венгрия, Сербия ва қатор бошқа мамлакатлар ортидан Европа регуляторининг маъқуллашини кутиб ўтирмасдан, Россия вакцинасини тезлаштирилган жараён асносида рўйхатдан ўтказди. Коронавирус билан боғлиқ ўта қийин бўлган поляклар учун Россияга ёрдам сўраб мурожаат қилишлари ақлга сиғмайди, шундай экан улар Хитой билан COVID-19га қарши вакцина хариди юзасидан музокаралар бошлашди.

Вазият роппа-роса бир йил содир бўлган вазиятни кучлироқ эслатмоқда – ўшанда Европа Иттифоқи фавқулодда вазиятда тўлиқ ожизлигини намойиш этганди ва унинг аъзолари улар бошига тушган жиддий инқирозни мустақил ҳал қилишга мажбур бўлишганди.

Фарқ шундаки – ва бу ҳақиқатдан ўта муҳим – ўшанда кенг кўламдаги форс-мажор рўй берганди. Унинг натижасида эса Брюссель, аслида, зудлик билан талаб этиладиган ҳолатларга муносабат билдиришга лаёқатсиз эканини ойдинлашганди. Бу, албатта, Европа учун нохуш кашфиёт бўлди.

Авж олган пандемиянинг кутилмаганлик эффекти юзага келганда ЕИ яна диққат марказда бўлди, чунки ҳамиша унинг кучли саналган томонларига эҳтиёж пайдо бўлди: стратегик режа, қийин жараёнларни ташкил этиш, маблағларни тўплаш ва тақсимлаш. Европа дунёга шунга ўхшаш таҳдидларга қарши қандай курашиш намунасини кўрсатиши даркор эди.

Кўрсатишди.

Энг муҳим йўналишлар бўйича муваффақиятсизликлар натижа бўлди. Европа томонидан танланган локдаун стратегияси муваффақиятсизликка юз тутди, аҳолини эмлаш билан вазиятни таърифлаш учун “ҳалокат” таърифи кўпроқ мос келади.

Шу билан бирга, Европа пандемияга қарши курашишда дарс бермоқчи бўлган мамлакатлардаги барқарор вазиятда бу янада яққолроқ аён бўлади.

Буларнинг замири Европа ҳукуматлари томонидан қабул қилинган хато қарорлардир. Бу ЕИнинг бир йил аввалги эсанкираб қолгани ва ҳаракатсизлигига қараганда обрўсига қаттиқроқ таъсир қилади.

Бундай вазиятларда Шарқий Европа давлатларининг мустақилона хатти-ҳаракатларининг уринишлари рамзий бўлмоқда.  Улар, равшанки, ЕИ таркибида иккинчи тоифали эканликларини тушуниб етишмоқда. Шунингдек, коронавирус муаммоси бўйича ёрдамни қолганлардан кейин тамойили асосида олишларини фаҳмлашмоқда. Натижада эса кўп мамлакатлар уларнинг навбати қачон келишини сабр билан кутмай қўймоқда, бунинг ўрнига Брюссель томонидан санкциялаштирилмаган фаолликни намоён эта бошлашяпти.

Brexit ҳамда Польша ва Венгрия ҳукуматларининг ишончсизлик билан қарашлари ўсиб бориши ортидан бу Европа Иттифоқи учун яхши бўлмаган рамз бўлиб кўринади.

Қарийб олти йил илгари Европа жонбозлик билан ўзига миграция инқирозини ташкиллаштирган эди. Ҳозиргача у бунинг оқибатларини ҳал қилолмаяпти. Пандемияга қарши курашиш Европа сиёсатининг яна бир йирик муваффақиятсизлигини таъминлади.

Брюсселнинг ўз муаммоларини Европа демократияси ва бирдамлигига путур етказаётган ташқи душманларининг кирдикорларига йўйиши, ўз хатоларини қатъий тан олмаслиги булар охиргиси эмаслигини кафолатлайди.

704
Теглар:
Европа
Шавкат Мирзиёев поздравил Узбекистан с Днем конституции

Мирзиёев бир гуруҳ аёлларни байрам муносабати билан тақдирлади

102
(Янгиланган 20:25 04.03.2021)
Президент 8 март байрами арафасида бир гуруҳ аёлларни фахрий унвон, орден ва медаллар билан мукофотлади. Улар орасида актрисалар Гавҳар Зокирова ва Лола Элтоева ҳам бор.

ТОШКЕНТ, 4 мар — Sputnik. Ўзбекистон президенти Шавкат Мирзиёев 8 март – Халқаро хотин-қизлар куни муносабати билан бир гуруҳ аёлларни фахрий унвон, орден ва медаллар билан мукофотлади.

Улар мамлакатда олиб борилаётган туб ислоҳотларда фаол қатнашиб, янги Ўзбекистонни барпо этиш, халқ фаровонлигини юксалтириш йўлида ташаббус ва ибрат кўрсатиб келаётганлари учун ушбу мукофотларга лойиқ кўрилган.

“Ўзбекистонда хизмат кўрсатган ёшлар мураббийси” фахрий унвони билан Ўзбекистон Вазирлар Маҳкамаси ҳузуридаги Дин ишлари бўйича қўмитанинг хотин-қизлар билан ишлаш бўлими бошлиғи Фарида Абдураҳимова, Қорақалпоғистон тиббиёт институти ректори, Олий Мажлис Сенати аъзоси  Орал Атаниязова тақдирланган.

"Саодат" журнали бош муҳаррири Мунаввархон Усмонова "Ўзбекистонда хизмат кўрсатган маданият ходими" фахрий унвони билан мукофотланган.

Тўрт киши "Фидокорона хизматлари учун" ордени билан тақдирланган. Улар орасида Ўзбек Миллий академик драма театри актрисаси Гавҳар Зокирова ҳам бор.

24 киши "Меҳнат шуҳрати" орденига лойиқ кўрилган. Улар орасида Тўрақўрғон тумани ҳокими Зулайҳо Маҳкамова ҳам бор.

"Дўстлик" орденига 31 киши муносиб кўрилган. Тақдирланганлар орасида Ўзбек Миллий академик драма театри актрисаси Лола Элтаева ҳам бор.

7 киши II даражали "Соғлом авлод учун" ордени, яна 7 киши II даражали "Саломатлик" ордени, 4 киши "Соғлом турмуш" медали, 4 киши "Содиқ хизматлари учун" медали, 9 киши "Келажак бунёдкори" медали билан, 33 киши "Шуҳрат" медали билан тақдирланган.

Қуйида тақдирланганларнинг тўлиқ рўйхати билан танишиш мумкин.

102