Россия Болалар хори Кремл саройида чиқиши вақтида олинган сурат

Россия биргина қўшиқлари билан дунёни забт этиши мумкин - шахсий фикр

1993
(Янгиланган 19:48 28.12.2016)
25-декабр куни Россияда ҳалокатга учраган Ту-134 самолёти бортида Александров номидаги қўшиқ ва рақс ансамблининг 64 нафар артисти ҳам бор эди... Россия болалар хори ҳалок бўлганларни хотирлаш учун тўлиқ таркибда Кремл саройида тўпланди

ТОШКЕНТ, 28 дек — Sputnik. Куни кеча Кремл саройида "Ту-134" қурбонлари хотирасига бағишланган тадбир бўлиб ўтди. Россия Болалар хори ва Мариинск театри симфоник оркестри дирижёр Валерий Гергиев бошқарувида хотира концертини тақдим этдилар.

Айтиш жоизки, рус халқ қўшиқлари, ватан ҳақидаги қўшиқлар, Александра Пахмутова композицияларини ижро этар экан, болалар овозлари уйғунлашиб, қўшилиб кетди. Залдан тинмай "Тасанно!" (Браво!) деган ҳайқириқлар жаранглаб турди.

Россия Федерацияси Ҳукумати раиси ўринбосари Ольга Голодец концертга ташриф буюрган маҳаллий ОАВ вакилларига ходимларига тадбир борасида шундай фикр билдирди: "Бугун болалар тақдир тақазоси билан ҳалокатга учраган самолёт бортида бўлган буюк инсонларга ва бошқа оддий инсонларга аталган бағишловларни ижро этдилар. Бу жуда муҳим эди, негаки, болалар ҳам, зал ҳам худди бутун бошли давлат сингари мамлакат бошига тушган оғир жудоликка шерик бўлдилар".

Ҳар Янги йил арафасида Кремлда концерт қўйиш Болалар хори учун аллақачон анъанага айланган. Россия Болалар хори бутун мамлакатдан тўпланган минглаб болалардан иборат.

Ташкилотчиларнинг сўзларига қараганда хор бутун таркибда беш кун аввал тўпланган. Ҳатто байрам дастури ҳам тайёр бўлган. Аммо 25 декабрда рўй берган ҳодиса барча режаларни тубдан ўзгартириб юборган. Янги асарларни репетиция қилишга вақт йўқлиги сабаб, хайрия-тадбирида асосан байрам сценарийси учун тасдиқланган қўшиқлар ижро этилди.

"Бугунги концерт дастурини ман қилиш керакдир, деган савол билан ҳамкасбларим, дўстларимга мурожаат қиладиган бўлсам, аминманки, улар "Мусиқа ҳар нарсадан устун. Ҳаёт давом этаверади", — дея жавоб берган бўлишар эди, деб таъкидлади журналистларга дирижер Валерий Гергиев.

Россия қуролли билан машҳур, дейишади… Болалар хорида жаранг топган қўшиқларни тинглар эканман, беихтиёр Россия хори — бу унинг қудрати рамзи, деган фикрга келдим. Россия қуролсиз ҳам, биргина хор орқали ижро этадиган қўшиқлари билан ҳам дунёни забт этиши мумкин. У буни Кремл саройидаги хотира-концертида исботлади!

1993
Лола Юлдашева беременна третьим ребенком - фото

Ширингина қизалоқ: хонанда Лола Йўлдошева учинчи бор она бўлди

378
(Янгиланган 16:09 07.07.2020)
Хонанданинг мухлислари ушбу ажойиб хушхабардан сўнг табрикларни ёғдира бошлаганлар. Аксарияти жажжигина қизалоққа бахт ва соғлик тилашмоқда

ТОШКЕНТ, 7 июл - Sputnik. Хонанда Лола Йўлдошева учинчи бор она бўлди. Хонанда қиз фарзандни дунёга келтирди. Бу ҳақда Лола Йўлдошева ўзининг инстаграмида маълум қилган.

Посмотреть эту публикацию в Instagram

Публикация от Lola Yuldasheva (@lolaofficial_)

"Қизалоғим..., бизнинг дунёмизга хуш келибсан. Бизнинг бебаҳо хазинамиз✨ бизнинг бахтимиз, биз сени жуда ҳам яхши кўрамиз. Даданг билан ҳамиша ёнингда бўламиз", - деб ёзган хонанда янги туғилган чақалоқ оёқчалари акс этган суратга қолдирган изоҳида.

Хонанданинг мухлислари ушбу ажойиб хушхабардан сўнг табрикларни ёғдира бошлаганлар.

Аксарият тилакларда янги меҳмонга бахт ва соғлик тиланган.

Ушбу хушхабар ҳозиргача 30 мингдан ортиқ лайк тўплаган. Икки мингдан ортиқ изоҳлар қолдирилган.

378
Во время съемок фильма

Аюб Шаҳобиддиновнинг фильми икки халқаро кинофестивалда иштирок этади

94
Аюб Шаҳобиддинов суратга олган “Рангсиз тушлар” драмаси Қозон ва Ереван шаҳарларидаги халқаро кинофестивалда иштирок этади.

ТОШКЕНТ, 6 июл — Sputnik. Аюб Шаҳобиддинов суратга олган “Рангсиз тушлар” драмаси “XVI Қозон мусулмон кинофильмлари халқаро фестивали” ва Ереваннинг "Fresco" маънавий-ахлоқий фильмлар халқаро кинофестивалининг асосий танлов дастурларига киритилди. Бу ҳақда “Ўзбеккино” матбуот хизмати хабар қилмоқда.

Аюб Шаҳобиддинов. 2013 йилда “Паризод” фильми билан Қозон мусулмон кинофильмлари халқаро фестивалининг асосий танловида иштирок этгани ва кинофестивал ундада яхши таассуротларни қолдирганини таъкидлаган.

“Fresco” кинофестивали эса мен учун янги тажриба. Пандемия туфайли кўплаб кинофестиваллар бекор қилинди, аммо Ереван кинофестивали тўлиқ ташкил этилаётган бўлиб, томошабинлар ёзги кинотеатрлар экранларида фильмларни томоша қилиш имкониятига эга бўладилар”, – деди режиссёр.

“Рангсиз тушлар” фильмида инсон ўз “мен”ини ҳар қандай шароитда: қамоқхона деворларида, жамиятда ёки оилада ўзгартиришининг бир неча муҳим жиҳатлари илгари сурилган.

Фильм Бесцветные сны Аюба Шахобиддинова
Пресс-служба "Узбеккино"
Фильм "Бесцветные сны" Аюба Шахобиддинова

Кўп йиллик қамоқдан сўнг ўз қадрдон гўшасига қайтган фильм бош қаҳрамони Кашмира аста-секин оиласида, жамиятда ўз ўрнини топиш ҳуқуқига эга эканлигини исботлаши керак эди. Бунда у фақат қатъият ва ирода туфайли кучли шахсга айланиши мумкинлиги англаб етади. Фильмда жамиятда жазо муддатини ўтаб келган шахсларга нисбатан ноўрин муносабатнинг шаклланиши, “одамлар нима дейди” каби қарашлар ортидан пайдо бўладиган ижтимоий муаммолар кўтарилган.

Фильмда бош қаҳрамон ролини Феруза Саидова ижро этган. Шунингдек, киноасарда Карим Мирҳодиев, Шоҳида Исмоилова, Бекзод Абдумуҳитов ва Анвар Назаровлар суратга тушган. Сценарий муаллифи  Умид Ҳамдамов

Қозон мусулмон кинофильмлари халқаро фестивали Татаристон пойтахтида 2005 йилдан буён ўтказиб келинмоқда. Фестивалнинг таъсисчилари – Татаристон Маданият вазирлиги, Қозон шаҳри маъмурияти, Россия Муфтийлар кенгашидир.

“Fresco” бу Ереванда ҳар йили ўтказиладиган кинофестивалдир. Унинг асосий мақсади маданий мулоқот орқали инсонпарварлик қадриятлари, муҳаббат ва бағрикенглик фазилатларини янада мустаҳкамлашдан иборат.

94
Военнослужащие ВВС США

АҚШ ҳарбийлари Ўзбекистонда заҳарли моддаларга дуч келган бўлиши мумкин

0
(Янгиланган 15:24 10.07.2020)
Гап Ўзбекистон жанубидаги АҚШ ҳарбийлари томонидан террорчилик ташкилотларга қарши кампания вақтида фойдаланилган "Қарши-Хонобод" авиабазаси ҳақида бормоқда.

ТОШКЕНТ, 10 июл — Sputnik. Америка ҳарбий хизматчилари 2000-йилларда Ўзбекистондаги ҳарбий базада жойлашган вақтларида заҳарли моддалар таъсирига учраган бўлишлари мумкин. Бу ҳақда Пентагоннинг махфийликдан чиқарилган ҳужжатларига таянган ҳолда CNN хабар бермоқда.  

Бу ерда гап Ўзбекистон жанубидаги, америкалик ҳарбийлар томонидан 2001 йил 11 сентябрда юз берган террактлардан сўнг "Ал қоида" террористик ташкилоти ва "Толибон"* радикал ҳаракатига қарши кампанияда фойдаланилган "Қарши-Хонобод" авиабазаси ҳақида бормоқда.

Республикачилар қўмитаси аъзоси Марк Гриннинг айтишича, махфийликдан чиқарилган ҳужжатлар К2 авиабазасида (Қарши-Хонобод) хизмат қилган қўшинлар юқори токсик кимёвий моддалар ва радиоактив материаллар таъсирига дуч келганликлари ҳақида далиллар сонини оширмоқда.

“Саратон касаллиги К2 фахрийлари орасида бошқа жойларда хизмат қилган ҳарбийларга қараганда беш баравар юқори ва уларнинг кўплари касаллик бевосита хизмат билан боғлиқ эканлигига қарамай, нафақа олиш ҳуқуқига эга эмаслар. Конгресс кута олмайди. Ушбу ҳужжатларнинг жамоатчиликка ошкор этилиши - Пентагон ва Фахрийлар масалалари бўйича вазирликни жавобгарликка тортиш ва мамлакатимиз учун фидойилик кўрсатган фахрийлар учун адолатга эришиш йўлидаги катта қадамдир”, - деган Грин.

2001 йилдаги маълумотларга кўра, база атрофидаги тупроқ авиа-ёқилғи билан тўйинган, ердан чиққан буғлар инсон саломатлигига зарарли таъсир кўрсатган бўлиши мумкин. 2004 йилда авиабазадаги ҳарбийлар ҳар куни радиацияга дуч бўлган бўлиши мумкин эди.

XX асрнинг ўрталарида “Хонобод” авиабазаси ва ҳарбий аэродром қурилган. Улардан Афғонистонда амалга оширилган ҳарбий ҳаракатлар давомида 1980-1989 йилларда фаол фойдаланган. 11 сентябрь терактларидан кейин АҚШ террорчиликка қарши кураш халқаро коалициясини ташкил қилиб, Афғонистонда амалиётни бошлаганди.

Вашингтон ўз қўшинларини қўллаб-қувватлаш учун “Хонобод” базасини йилига 10 миллион долларга Ўзбекистондан ижарага олганди. Жанговар вертолётлар ва ҳарбий-юк самолётлари, шунингдек, 1500 нафаргача ҳарбий хизматчи аэропортда жойлашганди.

2005 йил Андижон воқеалари ва Вашингтоннинг уларга реакцияси туфайли Тошкент америкаликлардан Қарши яқинидаги авиабазани тарк этишини талаб қилди. АҚШ ҳарбий-ҳаво кучларининг сўнгги самолёти ўша йилнинг ноябр ойида аэродромни тарк этди. Америкаликлар Қирғизистондаги “Манас” аэродромига кўчиб ўтдилар.

Кейинчалик республиканинг биринчи президенти Ислом Каримов бир неча бор “бундан буён Ўзбекистон ҳудудида бирон бир хорижий база бўлмайди”, деб таъкидлаган эди.

* “Ислом давлати” (ИШИД, ИД) ва “Толибон” – Россия ва қатор давлатларда тақиқланган террорчилик ташкилотлар.

0