Ўзбекистон президенти Шавкат Мирзиёев, архив сурат

Мирзиёев бир гуруҳ давлат хизматчиларини мукофотлади

489
Ёшларни Ватанга садоқат руҳида тарбиялаш, юқори малакали кадрларни тайёрлаш, миллий хавфсизликни таъминлашда қўшаётган салмоқли ҳиссаси учун "Ўзбекистон Республикасида хизмат кўрсатган ёшлар мураббийси" унвони Ўзбекистон Республикаси Мудофаа вазирлиги Бош штаби бошқармаси бошлиғининг ўринбосари Маллабоев Абдусаттор Убайдуллаевичга топширилди

ТОШКЕНТ, 14 янв — Sputnik. Ўзбекистон президенти Ватан ҳимоячилари куни ва Ўзбекистон Республикаси Қуролли кучларининг 25 йиллиги муносабати билан ҳуқуқни муҳофаза қилиш органлари, Мудофаа ва Фавқулодда вазиятлар вазирликлари ходимларидан бир гуруҳини мукофотлаш тўғрисида фармонини имзолади. Фармон матни Президент матбуот-хизмати томонидан тақдим этилган.

"Ёшларни миллий истиқлол ғояси ва она Ватанга садоқат руҳида тарбиялаш, юқори малакали кадрларни тайёрлашдаги алоҳида хизматлари, давлатимизнинг мудофаа қудратини янада юксалтириш, миллий хавфсизликни таъминлаш ишига қўшаётган салмоқли ҳиссаси ҳамда ижтимоий-сиёсий ҳаётдаги фаол иштироки учун 

"Ўзбекистон Республикасида хизмат кўрсатган ёшлар мураббийси" фахрий унвони Ўзбекистон Республикаси Мудофаа вазирлиги Бош штаби бошқармаси бошлиғининг ўринбосари Маллабоев Абдусаттор Убайдуллаевичга берилсин", — дейилган хабарда.

Ўзбекистоннинг мудофаа қудратини янада юксалтириш, миллий хавфсизликни ва давлат чегаралари дахлсизлигини таъминлаш ишига қўшаётган катта ҳиссаси, миллий манфаатларимизни ҳимоя қилиш ҳамда тинчлик, барқарорлик ва жамоат тартибини таъминлаш борасидаги хизмат бурчини бажариш чоғида мардлик, жасорат ва фидойилик кўрсатгани учун қуйидагилар мукофотланган:

I даражали "Шон-шараф" ордени билан — Ҳамроев Абдулла Адҳамович — Ўзбекистон Республикаси Мудофаа вазирлиги ҳарбий қисм командири;

II даражали «Шон-шараф» ордени билан — Усмонов Лазизжон Собиржон ўғли — Ўзбекистон Республикаси Мудофаа вазирлиги ҳарбий қисм командири, Қодиров Дониёр Бахтиёрович — Ўзбекистон Республикаси Ички ишлар вазирлиги Жиноят қидирув ва терроризмга қарши курашиш бош бошқармаси бошқарма бошлиғининг ўринбосари

"Дўстлик" ордени билан — Аминов Одил Шодиевич — Ўзбекистон Республикаси Мудофаа вазирлиги ҳарбий округ қўшинлари қўмондонининг ўринбосари, Голубенко Алексей Юрьевич — Ўзбекистон Республикаси Ички ишлар вазирлиги Тошкент олий ҳарбий-техника билим юрти кафедраси катта ўқитувчиси, Нуржанов Бахитжан Муратжанович — Ўзбекистон Республикаси Миллий хавфсизлик хизмати ходими, Угай Алексей Платонович — Ўзбекистон Республикаси Мудофаа вазирлиги ҳарбий қисм командирининг ўринбосари. 

Фармоннинг тўлиқ матни билан Ўзбекистон президенти расмий сайтида танишишингиз мумкин.

489
Теглар:
буюк хизматлари учун, шуҳрат ордени, ўзбекистонда хизмат кўрсатган мураббий, мукофот

"Ҳақиқий жентельмен": леди Гули нега лордга турмушга чиққанини тушунтирди

3750
(Янгиланган 20:26 11.09.2020)
Гули хоним Шейх суҳбат давомида Самарқандда содир бўлган хунук воқеа - аёл кишининг эр томонидан аёвсиз калтакланиши ҳолати ҳақида тўхталар экан, ушбу ҳодисани қоралашини билдирди ва "Ўзбекистонда Гендер тенгликни ривожлантириш керак деб ўйлайман", дея қўшимча қилди.

ТОШКЕНТ, 11 сен - Sputnik. Буюк Британия парламенти аъзоси — лорд Муҳаммад Илтаф Шайхга турмушга чиққан ўзбекистонлик Гули Мурадова кўпчиликни қизиқтирган "нотенг никоҳ" масаласига тўхталиб ўтди. Гули хоним Шейх ушбу саволга Лондонга учиб кетиши олдидан Sputnik Ўзбекистон мухбири билан бўлган суҳбатда тўхталиб ўтган.

Гап шундаки, леди Гули суҳбат давомида яқиндагина Самарқандда содир бўлган хунук воқеа - аёл кишининг эр томонидан аёвсиз калтакланиши ҳолати ҳақида тўхталар экан, ушбу ҳодисани қоралашини билдирди ва "Ўзбекистонда Гендер тенгликни ривожлантириш керак деб ўйлайман", дея қўшимча қилди.

"Ҳанузгача эр-хотин ўртасидаги тенгсизлик, аёлларга нисбатан паст назар билан қараш, куч ишлатиш ёки зўравонликлар қулоғимизга чалиниб турибди. Англияда аёлларга нисбатан зўравонликлар содир бўлмайди, демоқчи эмасман. Лекин кам, жуда кам ҳолатларда аёлларга нисбатан зўравонликлар ёки куч ишлатиш ҳолатлари юз бериши, мумкин. У ҳам бўлса маст ҳолатда юз берган бўлиши мумкин. Буюк Британияда агар аёлни эр ҳимоя қила олмаса, уни ҳуқуқ ҳимоя қилади", - дейди Гули хоним Шейх.

У шу ўринда, барча учун бирдек қизиқ бўлган, нега ўзидан анча ёши катта инсонга - лордга турмушга чиққани ҳақида гапириб ўтди.

"Биласизми, мен ҳурмат, меҳр ва иззатни аввалдан шу турмуш ўртоғимдан топганман. Лорд нафақат мени, балки ер юзидаги барча аёлларни ҳурмат қиладиган ҳақиқий жентельмен. У киши кўчада садақа сўраб ўтирган аёлни кўрганида ҳам, "аёл, боласи бордир, ноилож кўчада юрибди", дея қўлига пул бериб келадилар", - дея лордга таъриф беради леди.

Шу боис "шахсий ҳаётимда тўғри танловни амалга оширганимга ишончим комил", дея қўшимча қилади.

Келажакдаги режалари билан ўртоқлашар экан, Гули хоним Шейх тез орада Ўзбекистонга қайтиб, Бухородан ҳовли сотиб олмоқчилигини айтади.

"Хабарингиз бўлса, яқинда Бухоронинг айрим ҳудудларида юз берган ноқулай об-ҳаво шароити туфайли аҳоли хонадонлари вайроналарга айланди. Камига пандемия ҳам айнан шу вақтларга тўғри келиб қолди. Кетма-кет юз берган бу синовлар ортидан халқ қийналиб қолди. Шу боис Бухоронинг Қоракўл, Жондор ва Олот туманларига бориб, оз бўлсада хайрия қилиб, уларга руҳан мадад бўлишга аҳд қилдим. Биласизми, бу халқнинг меҳмондўстлиги, очиқ чеҳралилигини кўриб уларга меҳрим тушди. Айниқса, Жондор тумани маҳалла ва оилани қўллаб-қувватлаш бўлими, хотин-қизлар масалалари бўйича ўринбосари, туман Кенгаши депутати Латофат Беҳбудова билан жуда иноқ бўлиб, дўстлашиб қолдик. Ўзим аслида ўн беш йил давомида Англияда яшаган бўлсам, катта-катта қиролликларда меҳмон бўлганман, аммо Бухоро халқидаги каби меҳмондўстликни, ҳокисорликни ҳеч қаерда учратмадим", - дейди у тўлқинланиб.

Гули хоним Шейх, шунингдек, Ўзбекистон аэропортлари, банклари, туризм соҳаси, ресторан дейсизми, касалхоналардан дорихоналаргача ҳамма соҳани қамраб олган, мижозга хизмат кўрсатиш бўйича этика маданиятини ривожлантириш лойиҳасини тузганлигини айтди.

" Биласизми, Буюк Британияда хоҳ туризм бўлсин, хоҳ бошқа соҳа, мижозни эътибор ва хушмуомалалик билан жалб этишга ҳаракат қилишади. Имкон қадар мижознинг диди ва у ҳақда кўпроқ маълумотга эга бўлиб, унинг кўнглини топишга, шу йўл орқали маҳсулотини ўтказишга уринади. Шунингдек, ўз иши ва мижознинг хизматига масъулият билан ёндашилади. Хизмат кўрсатиш шохобчаларидаги ходим ишчиларнинг муомаласи, тили ва этикаси бошқача. Бироқ афсуски, Ўзбекистонда мен мана шу томондан бир оз камчиликларни пайқагандек бўлдим. Шу боис айнан шу йўналишда лойиҳа яратиб, Ўзбекистондаги хизмат кўрсатиш соҳаларида Буюк Британия маданиятини тарғиб қилмоқчиман", - деди суҳбат якунида Гули Муродова.

3750

Ўзбекистондан етти нафар киночилар ВГИКда ўқийди

71
(Янгиланган 10:27 26.08.2020)
Ўзбекистонлик абитуриентларнинг 5 йиллик ўқиши учун тўловларни "Ўзбеккино" МА ва "Россотрудничества" маркази биргаликда амалга оширади.

ТОШКЕНТ, 26 авг - Sputnik. ВГИК (Умумроссия давлат кинематография институти) бу йил 7 нафар ўзбекистонлик киночиларни танлов асосида қабул қилади. Бу ҳақида "Ўзбеккино" МА билан имзоланган меморандумда айтиб ўтилган. 

Шунингдек, "Россотрудничество", "Ўзбеккино" ҳамда ВГИК орасида бўлиб ўтган музокараларда ўзекистонлик ёшларнинг 5 йиллик ўқиш пули биргаликда жамланган маблағлардан тўланиши ҳақида келишиб олинди. 

Эслатиб ўтамиз, август ойининг бошида "Ўзбеккино" миллий агентлигида ВГИКда ўқишни истаги бор абитуриентлар орасида онлайн-имтиҳон бўлиб ўтган эди. Шуниндек режиссура, драматургия, кинооператорлик ва продюсерлик мутахассисликлари бўйича ижодий имтиҳонлар ҳам топширилган эди. 

ВГИК, Всеросси́йский госуда́рственный институ́т кинематогра́фии и́мени С. А. Гера́симова, - кино, телевидение ва театр соҳасида мутахассислар тайёрловчи Россиянинг етакчи олийгоҳи ҳисоблади. Муассаса 1919 йилда ташкил қилинган ва айни дамда Россия миллий бойликлари рўйхатига киритилган. Олийгоҳда кино, телевидение, театр, мультипликаяи соҳаларида ишлаш учун режиссерлар, актёрлар, драматурглар, постановщиклар, овоз режиссерлари, костюмлар рассоми ва бошыа мутахассислар тайёрлайди. Совет даврининг ва ҳозирги замоннинг аксарият етакчи режиссерлари ушбу олийгоҳни якунлаган. 

71
Аллея на Ганге

Оқилов болалар орасида ҳам коронавирус билан касалланиш кўпаётганини маълум қилди

3
Коронавирусга қарши кураш штаби аъзосининг сўзларига кўра, ҳозирда педиатрик койкалар захираси тайёрланмоқда.

ТОШКЕНТ, 20 сен — Sputnik. Коронавирусга қарши кураш штаби аъзоси Ҳабибулла Оқилов Ўзбекистонда ҳам болалар орасида коронавирус билан касалланиш ортаётганини маълум қилди.

“Мана, мактаблар ишлашни бошлади. Табиийки, касалланиш сони бугунга келиб ошиб бормоқда. Минг афсус, Ўзбекистонда олдин болалар деярли касал бўлмаётганди, ҳозир болалар контингентининг ичида ҳам касалланиш бор. Шунинг учун биз педиатрик койкалар захирасини ҳам тайёрлаяпмиз ва педиатр кадрларни ҳам тайёрлаш режалаштирилган”, - деди у “Ўзбекистон 24” телеканалига берган интервьюсида.

Аввалроқ 17 сентябрь куни Ўзбекистонда коронавирус пандемияси бошланган буён биринчи марта 11 ёшли бола вафот этгани маълум бўлганди.

Бўстонлиқ тумани Ғазалкент шаҳрида истиқомат қилган 11 ёшли фуқаро 5 сентябрь куни туман тиббиёт бирлашмаси қабул бўлимига тез тиббий ёрдам машинасида олиб келинган. Болада ўша вақтда бурундан қон кетиши, тана ҳароратининг 38 даражага кўтарилиши, нафас сиқиши кузатилган. Кўкрак қафаси ренгени қилинганда 50 фоиз зарарланиш аниқланган.

Бола 2012 йилдан буён сурункали гломерулонефрит, нефротик шакли, сурункали буйрак етишмовчилиги, камқонлик ва семизликнинг учинчи даражаси ташхиси билан диспансер назоратида турган ва ногиронлик нафақаси олиб келган.

Кўрилган даво чораларига қарамасдан, бемор сурункалн гломерулонефрит, буйрак етишмовчилининг терминал босқичи, семизлик ва анемиянинг учинчи даражаси,  икки томонлама пневмониянинг оғир шакли натижасида вафот этган.

3
Теглар:
Ўзбекистон, коронавирус
Мавзу:
COVID-19 умумжаҳон пандемияси