Тошкентда Ўзбекистонга амалга оширилган эвакуацияга бағишланган анжуман ўтказилади

266
(Янгиланган 15:06 26.09.2019)
Уруш йилларида Ўзбекистон ҳудудига 1,5 миллионга яқин қочоқлар олиб келинган. Анжуман Буюк Ғалабанинг 75 йиллигига бағишланади

ТОШКЕНТ, 26 сен - Sputnik. 2019 йилнинг27 сентябр куни Тошкентда "Эшелонлар шарқга кетмоқда. Улуғ Ватан уруши йилларида Ўзбекистонга амалга оширилган эвакуация" мавзусида халқаро илмий анжуман ўтказилади. Бу ҳақда тадбир ташкилотчилари хабар қилмоқда.

Анжуман Буюк Ғалабанинг 75 йиллигига бағишланади.

Тадбир ташкилотчилари Низомий номидаги Тошкент давлат педагогика университети, Оренбург давлат университети Жанубий Урал тарих ва этнографиқ илмий-тадқиқот институти, Ўзбекистон ФА тарих институти, Ўзбекистон тарихчилар жамияти ва "Евроосиё халқлари ҳамдўстлиги" АНТ.

Ташкилотчиларнинг ёдга солишича, уруш йилларида Ўзбекистон ҳудудига 1,5 миллионга яқин қочоқлар олиб келинган. Эвакуация СССРга инсонлар, ресурслар, ишлаб-чиқариш қуввати, илмий ва ижодий салоҳиятини хавфдан сақлашга ёрдам берибгина қолмай, республика тараққиётига катта туртки бўлган.

Мутахассислар ўзбекистонлик ҳамкасблари, маҳаллий аҳоли билан биргаликда яқин ҳамкорликда республикада саноатнинг янги тармоқлари(авиация, электротехника, энергетика, кимёвий, қишлоқхўжалиги машинасозлиги)га, энергетика объектларига асос солишган ва 150дан ортиқ фойдали қазилмалар конини кашф қилишган. 1943 йилда Ўзбекистон ССР Фанлар академиясининг ташкил топишига асос солганлар.

266