Концерт певицы Наргиз в Ереване

"Виски, орсиз гаплар ва хаос": Наргиз концертда ўз фанатларини шокка солди

738
(Янгиланган 08:46 30.10.2019)
Томошабинлардан яна бирининг айтишича, Наргиз саҳнада туриб ўз муаммолари ҳақида арз қилган, хит тароналар ўрнига эса томошабинларни уятсиз сўзлардан иборат рок қўшиқлар билан "сийлаган".

ТОШКЕНТ, 30 окт - Sputnik. Кеча кечга яқин ОАВларда томошабинлар Наргиз Зокированинг концертини унинг "маст ҳолатдаги ҳатти-ҳаракатлари" туфайли тарк этишгани ҳақида хабарлар тарқалди.

Хабарларга кўра, артист ўз чиқиши вақти сўкинган ва тинмай алкоголь истеъмол қилган.

"Тинимсиз сўкинишлар, бақир-чақир. Ваҳоланки, залда оилавий келганлар ҳам бор эди. Концерт тартибсиз ташкиллаштирилган, Наргиз тинимсиз виски ичар эди. Ихлосимиз қайтиб, чиқиб кетдик. Концерт тугашини кутиб ўтирмадик", - деб ҳикоя қилган МК нашрига концертга оиласи билан борган маҳаллий яшовчилардан бири.

Томошабинлардан яна бирининг айтишича, Наргиз саҳнада туриб ўз муаммолари ҳақида арз қилган, хит тароналар ўрнига эса томошабинларни уятсиз сўзлардан иборат рок қўшиқлар билан "сийлаган".

РИА Новости хабар беришича, сал ўтиб хонанданинг директори Владимир Корсунов Наргизнинг Уссурийскдаги концерти яхши ўтгани, хонанда ҳеч қачон ўз чиқишларини қолдирмаслигини ва тарқалган миш-мишларнинг барчаси ёлғонлигини таъкидлаган.

"Маст эди", дегани нимаси? Наргиз бирорта концертини кейинга қолдирмади, буларнинг ҳаммаси кўпиртирилган ёлғон: миш-мишларга кўра, гоҳ у қўшиқ куйлолмайди, гоҳ у гапиролмайди. Буларнинг барчаси фитнага йўғрилган мақолалар, умуман олганда нега бундай бўлаётгани шундоқ аён", - деб айтган Корсунов.

Шу кунларда Интернет тармоғида Наргиз билан юз берган можародан сўнг Максим Фадеевнинг юраги хуруж қилгани ҳақида хабарлар тарқалган эди.

Эслатиб ўтамиз, ўтган ҳафтада Максим Фадеев Наргизнинг охирги интервьюсига изоҳ берган эди.

Продюсер, ҳеч ким ҳеч кимдан кетмаганлигини, аксинча, унинг ўзи хонандани лейблдан ҳайдаб юборганига ойдинлик киритган.

Хонанда Наргиз Зокирова Алла Довлатова иштирокидаги кечки шоуда Максим Фадеев билан муносабатлари ҳақида гапирар экан, продюсер билан ҳамкорликда кечган беш йилга "гўё қамоқда ўтказилган йиллар", дея баҳо берган.

Наргизнинг сўзларига кўра, айни вақтда ҳаёти позитив ва ижодга лиммо-лим.

738
Съемка достопримечательностей Бухары с высоты птичьего полета

Бухородаги 7та маданий объект ЮНЕСКО умумжаҳон мероси рўйхатини тўлдириши кутилмоқда

139
ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида

ТОШКЕНТ, 8 авг - Sputnik. Бухоро вилоятидаги яна 7 та маданий мерос объектларини ЮНЕСКОнинг Умумжаҳон мероси рўйхатига киритиш бўйича номзодлик ҳужжатлари тайёрланди, деб хабар бермоқда Маданият вазирлиги матбуот-хизмати.

"Маданият вазирлиги, ЮНЕСКО ишлари бўйича миллий комиссия, Ўзбекистон Фанлар Академияси билан биргаликда Марказий Осиё халқаро тадқиқотлар институтини жалб қилган ҳолда "Ипак йўли: Зарафшон дарёси ва Қайроқум йўналиши" (Ўзбекистон, Тожикистон ва Туркманистон) чегералараро обидалари қаторида Бухоро вилоятида жойлашган Чор-Бакр ва Баҳоуддин Нақшбанд мажмуалари, Вобкент минораси ва Чашмаи Аюб мақбараси архитектура объектлари ҳамда қадимги Пойкент, Варахша ва Вардонзе шаҳар қолдиқларини ЮНЕСКОнинг Умумжахон мероси рўйхатига киритиш бўйича, халқаро мезонларга асосида номзодлик ҳужжатлари тайёрланмоқда", - дейилади хабарда. 

ЮНЕСКОнинг умумжаҳон мероси рўйхатига киритилган объектлар сонининг ортиши республикага ташриф буюрувчи сайёҳлар сонининг кўпайишига олиб келишига ишонамиз, дейилади маданият вазирлиги хабарида.

Ўзбекистон БМТнинг таълим, фан ва маданият масалалари бўйича ихтисослашган ташкилоти ЮНЕСКОга 1993 йилда аъзо бўлиб, Умумжаҳон маданий ва табиий меросни муҳофаза қилиш тўғрисидаги конвенция 1995 йилнинг 22 декабрида Ўзбекистон томонидан ратификация қилинган.

Конвенция доирасида Хива шаҳридаги "Ичан-қалъа", "Самарқанд – маданиятлар чорраҳаси" объекти, Бухоро ва Шаҳрисабз тарихий марказлари ҳамда Чотқол биосфераси (табиий мерос) Умумжаҳон мероси рўйхатига киритилган.

139
Дни культуры Узбекистана в Таджикистане

Анқара ва Истанбулда Ўзбекистон маданияти кунлари ўтказилади

129
Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалаштирилмоқда.

ТОШКЕНТ, 29 июл — Sputnik. Туркиянинг Анқара ва Истанбул шаҳарларида Ўзбекистон маданияти кунларини ўтказилади. Бу масала Ўзбекистон бош вазирининг ўринбосари - инвестициялар ва ташқи савдо вазири Сардор Умурзаков ва Туркия ташқи ишлар вазири Мевлют Чавушоғлу ўртасидаги учрашувда муҳокама қилинди.

Учрашувда сиёсий-дипломатик, парламентлараро, савдо-иқтисодий, маданий-гуманитар ва хавфсизлик соҳаларидаги икки томонлама шерикликнинг юқори даражаси, шунингдек, икки мамлакат манфаатларига мос келадиган барча йўналишлардаги ҳамкорлик қўлами юқори суръатлар билан ўсиб бораётганлиги таъкидланди.

Шунингдек, Маданий-гуманитар соҳасидаги ҳамкорликни ривожлантиришга алоҳида эътибор қаратилди.

“Туркия кенг жамоатчилигини Ўзбекистоннинг бой тарихий ва маданий мероси билан таништириш мақсадида Анқара ва Истанбул шаҳарларида Ўзбекистон маданияти кунларини ўтказиш режалари муҳокама қилинди”, - дейилган хабарда.

Жорий йилнинг 19-20 февраль кунлари юқори даражада бўлиб ўтган “Ўзбекистон – Туркия” стратегик ҳамкорлик Кенгашининг биринчи йиғилиши мамлакатлараро ҳамкорликнинг ривожланишида бошланган янги босқични ифода этганлиги ҳам таъкидланди.

Иккала давлатнинг умумий манфаатлари ва ташаббусларини илгари суриш мақсадида яқин вақтларда Стратегик режалаштириш гуруҳининг 2-йиғилишини ва икки мамлакат ташқи сиёсий идоралари ўртасида сиёсий маслаҳатлашувларнинг навбатдаги раундини ўтказиш имконияти кўриб чиқилди.

Туркия томонига пандемияга қарши курашда бир неча бор кўрсатган ёрдами учун миннатдорчилик билдирилган.

Эслатиб ўтамиз, аввалроқ Ўзбекистон ва Туркия пандемиянинг таъсирига қарамай, ўзаро савдо ҳажмини қисқа муддатда 5 млрд долларга етказишга келишиб олгани хабар қилинган эди.

129
Самолет Узбекских авиалиний Boeing 767 (300ER)

Ўзбекистон авиакомпанияси Қирғизистонга парвозларни тиклашни таклиф қилди

11
Қирғизистон аллақачон Туркия ва Бирлашган Араб Амирликлари билан мунтазам парвозларни қайта тиклаш борасида келишувга эришган.

ТОШКЕНТ, 10 авг — Sputnik. Ўзбекистон ва Қувайт авиакомпаниялари Қирғизистонга мунтазам авиақатновларни қайта тиклашни таклиф қилди. Бу ҳақда мамлакат Транспорт ва йўл вазирлиги ҳузуридаги Фуқаро авиацияси агентлигининг директори Курманбек Акишев маълум қилди.

“Бизга Қувайт ва Ўзбекистоннинг биттадан компанияси мунтазам рейсларни қайта тиклаш таклифи билан мурожаат қилди. Таклифлар Коронавирусга қарши кураш республика штаби томонидан кўриб чиқилмоқда”, - деди Акишев. Унинг сўзларидан Sputnik Қирғизистон нашри иқтибос келтирган.

Қирғизистон парвозларни қайта тиклаш борасида тўрт мамлакат билан музокаралар олиб борган. Натижада Туркия билан ҳафтасига еттита, БАА билан эса иккита рейсларни (15 августдан) амалга ошириш тўғрисида келишувга эришган.

Ҳозир мамлакат Россия ва Қозоғистон авиакомпаниялари билан музокаралар олиб борилмоқда.

Эслатиб ўтамиз, коронавирус пандемияси туфайли баҳорда икки мамлакат ўртасидаги мунтазам парвозлар вақтинча тўхтатиб қўйилган эди

11