Великая Отечественная война 1941-1945 гг.

Амерсфортда қатл этилган ўзбекистонликлар ҳақида фильм суратга олинди

410
Совет аскарлари ушбу концлагерга Смоленск яқинида қўлга олингандан кейин тушишган. Учинчи Рейхнинг бош тарғиботчиси Геббелснинг шахсий буйруғига биноан улар нацистлар "ёввойи халқларга" қарши қандай курашаётгани ҳақида фильм суратга олиш учун тайёрланган.

ТОШКЕНТ, 4 май - Sputnik. Ўзбекистоннинг Бенилюкс мамлакатларидаги элчихонаси Голландиянинг Амерсфорт концлагерида қатл этилган ўзбекистонликларга бағишланган "101" фильмининг намойиш этилишини эълон қилди.

Тез орада мамлакатнинг барча экранларида уруш, яхшилик билан ёмонликнинг абадий қарама-қаршилиги, бир кечада авлиёга айланган оддий ўзбек аскарларининг фожиалари ва жасоратлари ҳақида таъсирли ҳикоя намойиш этилади, - дейилади элчихонанинг телеграм-каналида. – Ушбу май кунлари томошабинларга Гитлернинг айёр режаларини бузган қаҳрамонларнинг воқеликларига киришишига ноёб кинотасвирлаш, актёрлар моҳир ўйини ва режиссёр Ҳамидулла Ҳасановнинг режжисёрлик ғояси ёрдам беради".

Фильм Анвар Иргашев ва Юлия Медведовскаяларнинг романи асосида суратга олинган. Шунингдек, у режиссёрнинг ўз тадқиқотлари ва фикрлари, нидерландиялик журналист ва тадқиқотчи Ремко Рейдинг ва Бенилюкс мамлакатларидаги Ўзбекистон элчихонаси ёрдамида олинган маълумотларга асосланган.

101 аскар хотирасини абадийлаштириш лойиҳасини амалга оширишнинг бошланғич нуқтаси президент Шавкат Мирзиёевнинг ушбу йўналишдаги бир қатор тадбирларни белгилаб берган фармони бўлди.

Эслатиб ўтамиз, Амерсфортда ўзбек аскарлари отиб ташланганига 75 йил бўлди.

Улар ушбу концлагерга Смоленск яқинида қўлга олингандан кейин олиб келинган. Аскарлар Учинчи Рейхнинг бош тарғиботчиси Йозеф Геббелснинг шахсий буйруғига биноан нацистлар "ёввойи халқлар" билан қандай курашаётгани ҳақида фильм суратга олиши учун тайёрланаётган эди. Бундан ташқари, Адольф Гитлернинг Совет Иттифоқини тез фурсатда забт этиш режаси амалга ошмай қолганидан сўнг, фильм душманнинг ночорлигини кўрсатиши орқали немис аскарларининг тушкун руҳини кўтаришга мўлжалланган бўлган.

Фашистлар 101 аскарни танлаб, уларга овқат бермай қўйишди. Немис тасвирчилар гуруҳи таклиф қилинганида, очликдан толиққан ҳарбий асирлар олдидаги нонга ташланиб бир-бирлари билан уришади деган умидда олдига нон ташлашди. Бироқ, бутунлай акси содир бўлди.

Ўзбеклар нонни шарқона тарзда бўлиб, занжир бўйлаб майда бўлакларни бир-бирларига узатишни бошладилар. Немислар бундан ғазабга келди. Асирлар шафқатсиз калтакланиб, кейинчалик отиб ташланган.

410
Мавзу:
Ғалабанинг 75 йиллиги (49)
Инстаграм-поединок: Лола Астанова выступила с американским блогером - видео

Соҳибжамол Лола Астанова машҳур блогер билан ролик тайёрлади

278
Хонандалар роликни “Мусиқий беллашув” деб номлашди, унда "Тахт ўйинлари" сериали саундтрекини ижро этишди.

ТОШКЕНТ, 26 май — Sputnik. Ўзбекистонлик пианиночи Лола Астанова машҳур америкалик блогер Руди Манкусо билан видео ролик тасвирга олди.

Хонандалар роликни “Мусиқий беллашув” деб номлашди, унда "Тахт ўйинлари" саундтрекини ижро этишди.

Посмотреть эту публикацию в Instagram

Публикация от LOLA ASTANOVA (@lolaastanova)

Шунингдек, улар "Кариб денгизи қароқчилари" фильмига саундтрек ижро этишди.

Посмотреть эту публикацию в Instagram

Публикация от LOLA ASTANOVA (@lolaastanova)

Ўтган йили Лола Астанова "Тахт ўйинлари" сериали бош қўшиғини ижро этган эди. Ушбу видео 74 мингдан ортиқ лайк тўплади.

Руди Манкусо – YouTubeда ўзининг комик видеолари билан машҳур бўлган блогер ва мусиқачи. Унда YouTubeда 5 миллиондан ортиқ, Instagram’да 9 миллиондан зиёд обуначиларига эга.

278
Узбекская певица Лола Юлдашева

Лола Йўлдошева отаси билан бўлган сўнгги мулоқотни эсга олди

484
Лоланинг сўзларига кўра, отаси жуда яхши, иқтидорли ва ўта баланд дидли инсон бўлган. Уларнинг сўнгги сўзлашуви нима ҳақда кечганини - материалимизда ўқинг.

ТОШКЕНТ, 14 май - Sputnik. Ўзбекистонлик хонанда Лола Йўлдошева отаси билан бўлган сўнгги мулоқотни ёдга олди. Бу ҳақда хонанда Instagramда пост қолдирган.

Санъаткорнинг Инстаграмдаги кузатувчиларидан бири унга отаси ҳақида сўзлаб беришни сўраган.

"Дадам сочларининг учига қадар интеллигент инсон эдилар. У киши жуда ақлли эди. Жуда сахий ва ноёб иқтидор эгаси. Ўта босиқ, ҳамиша ёқимли майин овозда гапирардилар. Мени назаримда, дунёда у киши жавобини билмайдиган ва доно маслаҳат бера оладиган саволнинг ўзи йўқ эди. Мен шахсий ҳаётимда ҳам, ижодим масаласида ҳам у кишига маслаҳат олгани мурожаат қилар эдим. Дадам мен суянадиган тоғ эдилар. У киши ўзларини яхши кўрардилар, ҳамиша эътибор қаратардилар, ҳамиша яхши кийиниб юрардилар, дидлари жуда нозик ва баланд эди... Дадам кўз ёрадиган маҳалимда албатта ёнимда бўлишга ваъда бергандилар ва мен у кишининг келишларини интиқлик билан кутаётган эдим... Дадам билан охирги у кишининг вафотларидан бир кун олдин гаплашганман... Ҳеч биримиз ўшанда бу сўнгги суҳбатимиз эканлигини ҳатто хаёлимизга келтирмаганмиз", - деб ҳикоя қилган Лола.

Эслатиб ўтамиз, Лола Йўлошеванинг отаси Равшан Йўлдошев 2020 йил 30 март куни вафот этган эди. 

Йўлдошев афсонавий Tarona Records студияси асосчиси, шунингдек, хонанда Зилола Мусаева (Шахзода)нинг собиқ турмуш ўртоғи. 

484
Силуэт человека с ножом в руке

Бишкеклик одамҳўр қандай қўлга олинди - даҳшатли жиноят тарихи

78
Қирғизистон мустақилликка эришганидан бери тергови олиб борилган шов-шувли жиноий ишлар ҳақида қатор мақолаларни бошлаяпмиз - "Бишкек одамҳўри" Михаил Трутнев ишининг тафсилотлари ҳақида

Юрий Кузьминых. Қирғизистон мустақилликка эришганидан бери тергови олиб борилган шов-шувли жиноий ишлар ҳақида қатор мақолаларни бошлаяпмиз. Бугун биз "Бишкек одамҳўри" Михаил Трутнев ишининг тафсилотлари ҳақида гапириб берамиз.

2004 йил ёзида ушбу ишнинг терговига махсус маҳфий мақоми берилди - милиция шаҳар аҳолиси орасида ваҳима қўзғашни хоҳламади, шунинг учун бу юракни даҳшатга солувчи воқеа оммавий ахборот воситаларида ёритилмади. Ўн олти йил аввал, мен бу иш ҳақида бир маълумотларни томчилаб тўпладим ва маълумотларни тезкор ҳодимлардан базўр "суғуриб олдим".

Барчаси июл ойининг охирида, эрта тонгда нафақахўр 4-кичи даҳада ахлат контейнеридан даҳшатли топилмани топиб олганида бошланди.

"Мен ахлат тўккани чиққан эдим, ичкарига қараб кўзларимга ишонмадим: платик пакетда одамнинг куйган боши ётибди", - деди аёл милиционерларга.

Бир неча дақиқадан сўнг, кўп қаватли уй ҳовлиси безовталанган чумоли уясига ўхшаб қолди. Мутахассислар топилмани ўргангунича, терговчилар бутун кучларини яқин атрофдаги уйларни ўрганишга йўналтирди. Криминалистлар ўша жойнинг ўзида кўп ҳам маълумот олишолмади. "Ўлимдан атиги бир неча соат ўтди. Жабрланувчи боши жуда ўткир буюм билан кесилган", - дея хулоса қилишди экспертлар.

Кўп ўтмай, Октябрский тумани ИИБ оғир жиноятларни фош қилиш бўлими тезкор гурухи етакчисининг рацияси жонланиб кетди.

"Менинг йигитларим қизиқ нарса топдилар шекилли," – дея таҳмин қилди изқувар.

Тезкор ходимнинг таҳмини рост чиқди. Бутазор ичида унинг қўл остидагилари қўллари кафтларини топдилар. Қидирув доираси бир нечта уйларгача торайди. милиционерлар иккинчи топилма жойига энг яқин бўлган иккитасини ўрганиб чиқиши керак эди. Айнан шундан кейин хавф жиноий қидирув бўлими ҳодимларида биринчи ҳақиқий илмоқ пайдо бўлди.

Ушбу воқеалар иштирокчилари сўзларига кўра, жиноятчи ҳалокатли далиллардан қутулаётганда, эҳтимол, жуда маст бўлган ва жуда шошган бўлиши мумкин. У қолдиқларни олиб кетган қоплар эски ва йиртиқ бўлган. Тўрт қаватли бино яқинидаги ёўлакда терговчилар қонга ўхшаш жигарранг доғларни пайқашди. Бу доғлардан иборат сезиларсиз йўл бир подъездга олиб борди. Шубҳа қолмади: совуққон қотил шу уйда яшарди. Тезкор гуруҳ учинчи қаватга кўтарилди. Квартиралардан бирининг эшиги тутқичи қонга бўялган эди ...

Уй эгасини чақиришга қилинган барча уринишлар муваффақиятсиз бўлди. Квартира ичи тинч эди. Шов-шувга ёш қўшни қиз чиқди ва Миша амаки кеча меҳмонлари бўлганини айтди. Кечасигача базм қилишди, кейин ҳаммаси тинчланди.

"У кечаги базмдан кейин ухлаётгандир", - деди у.

Бироз маслаҳатлашгач, милиционерлар эшикни синдиришга қарор қилди. Яхшиямки, у бақувват йигитлар учун жиддий тўсиқ бўлмади. Нозик ёғоч эшикка тираниб уни қулатиб, милиционерлар квартирага кириб келишди. Хаммомда свет ёниб турарди. У ерда қонга бурканган плиткали полда, таҳминий жиноят қуроли - улкан болта ётар эди. Ваннанинг ўзида одам қолдиқлари ётарди. Аммо, маълум бўлишича, Америка даҳшат филмлари каби бундай кўриниш, фақат бошланиши эди ...

Ошхонада газ плитасида жуда катта кастрюля турган эди. Ундан, кейинчалик аниқланишича, одам гўшти пиширилган. Яқинида қовурилган жигар бўлаклари бўлган бир това турарди. Столда қўлбола сиҳда яқинда пиширилган кабоб ётарди. Эҳтимол, қотил ҳамтовоғини ўлдиргандан кейин базм уюштирган. Стол остида бир нечта арзон ароқ бўш шишаси бор эди.

Барча хоналар тартибсиз эди. Ўларча маст уй эгаси залда ифлос диван устида ухлаётган эди. Уйдаги ҳолат, у одам аллақачон хаётидан воз кечиб муаммолардан шишада таскин топганлигидан далолат берган. Бу даҳшат ичида ягона ёрқин нуқта бу ўйилиб кетган деворга осилган, вақтдан ранги ўчган рамкадаги ёш жуфтликнинг хира фотосурати эди.

Терговчилар маст одамни итариб юриб, уни машинага зўрға «юклаб» олиб кетишди.

- Эҳтимол, у кечга яқин ҳушига келади, шундан кейингина у билан гаплаша олишимиз мумкин. Ҳозир буни қилиш бефойда, дея мени огоҳлантиришди терговчилар. "Агар тафсилотларни билмоқчи бўлсангиз, еттига яқин келинг".

Белгиланган вақтда мен ўша ерга келдим ва терговчилар "Бишкек одамҳўри" деб ном берган Миша амаки ҳикояси интиқомини кутдим.

- Афтидан, "мижоз" ўзига кела бошлади ... Ҳозир соқчилар уни биринчи сўроққа олиб келади, ишонинг, у энг қийини. Сиз бурчакда ўтиринг ва кўп ҳам кўринманг", - деб мендан илтимос қилди терговчи.

Кўп ўтмай, шафқатсиз қотиллик ва каннибализмда гумон қилинган 48 ёшли Михаил Трутнев кабинетга қирди. У одамнинг юзи анча ғижимланган эди, кўринишидан қаердалигини ва ундан нимани хоҳлашаётганини англамас эди. Терговчилар, ҳеч қандай ошиқча гап-сўзсиз, барча қўлга олинган далилларни олдига қўйдилар.

-  Виталик менга 7000 доллар қарзи бор эди ва қарзларни эса қайтариш керак, - деди маҳбус зўрға. - Кеча у билан иккаламиз ичиб стол устида ўтирган эдик ... кейин кураш бошланди. Кейин нима бўлганини эслай олмайман.

Трутнев "кечки овқат" мавзусида гапиришдан қатъиян воз кечди. Изқуварлар уни бир неча бор очиқчасига гапиришга уриндилар, аммо гумондор нигоҳини олиб қочиб, вақтинча амнезия ва бош оғриғига ишора қилди.

Терговчилар марҳумнинг шахсини аниқладилар. Иккинчи гуруҳ ногирони, яқин атрофда яшовчи Виталий кўнгилчан ва ҳушмуомала эди. Феълининг бу ҳусусиятларидан унинг қотили кўпинча фойдаланар эди. Дўстининг пули пайдо бўлиши билан, Михаил бошини айлантирар эди.

Трутневнинг адвокати мижозининг ҳаётини сақлаб қолишига ишонган. Ҳисоб-китоб осон эди: судьялар уни руҳий касал деб тан олишади ва уни мажбурий даволанишга юборишади ва шу билан одамга нажот топишга имконият беришади. Суд-психиатрия экспертизаси натижалари кўпчиликни ҳайратда қолдирди: икки марта синовдан ўтган Михаил жиноятни маст, лекин ақли равшан ҳолатда қасддан содир этган деб тан олинди.

Трутнев психиатрлар ва терговчи билан одамҳўрлик мавзусини муҳокама қилишдан қатъиян бош тортди. "Бундай бўлмаган, эсимда йўқ", - деб такрорларди у. Суд унинг айбини енгиллаштирувчи ҳолатларни топа олмагани сабабли, айбланувчини ўлим жазосига ҳукм қилди. Қирғизистонда ўлим жазосига мораторий жорий қилинганлиги сабабли, у умрбод қамоққа жазоланганлар колониясига юборилди.

78