Университетский бульвар в Самарканде

СамДУ 600 ёшни нишонлашга тайёрланмоқда

276
Самарқанд ДУ ёшини 600 йил этиб белгилаш уни университетлар жаҳон рейтинги рўйхатида муносиб ўрин эгаллашига ижобий таъсир кўрсатади.

ТОШКЕНТ, 19 авг - Sputnik. Самарқанд Давлат Университети 2020 йилнинг 21 сентябрида 600 йиллигини нишонлашга тайёрланмоқда. Бу ҳақида Sputnik мухбирига муассаса матбуот хизмати хабар қилган.

Хабарда айтилишига кўра, бундан 600 йил олдин 1420 йилда Самарқанлла Улуғбек мадрасаи олияси ташкил қилинган. Олимлар аниқлашига кўра Улуғбек мадрасасида университетларда ўтилаётган фанларнинг барчаси ўтилганини, билимлар ёзувларга асосланган бўлганини ва ҳаётнинг кўплаб соҳаларини қамраб олгани тасдиқланган.

Мирзо Улуғбек мадрасаси ўзининг кўлами, салоҳияти ва олий мақоми билан Шарқда жуда тез шуҳрат қозонди. Мадраса турли фан соҳаларини қамраб олиши, илмий ишлар кўламининг кенглиги ва оламшумуллиги, дунёвий илмларнинг ўқитилиш даражаси, олимларининг машҳурлиги билан тубдан фарқ қилар эди.

Мадрасавий билимлар тизими узулуксиз жараён сифатида 20 аср бошига қадар давом этди. Совет даврида Самарқандда олий таълим тизими бир неча босқичдан ўтиб 1933 йилнинг 30-январида Самарқанд Давлат университети ташкил этилди.

Ўзбекистон таълим тизими шаклланиши ва ривожланишини миллий маданиятимизнинг ўрта асрлардаги ютуқлари ва ўша даврлардаги мадраса – таълим муассасалари тарихи билан бевосита боғлиқ. Тарихийлик, манбавийлик, маданиятимиз тарихида мадраса – университет тизими даврлар кесимида олий таълимнинг Самарқанд заминида узулуксиз давомийлигига асос бўла олади. 

Ушбу омиллар Самарқанд давлат университети Мирзо Улуғбек асос солган мадрасаи олия давомчиси деб хулоса беришга имконият берди.

Университет ёшини 2020 йил 21 сентябрда 600 йиллигини нишонлаш таклифини юртимизнинг кўплаб мутахасис олимлари олийгохлари томонидан қўллаб қувватланди, - дейилган хабарда.

Шунингдек, Самарқанд ДУнинг ёшини 600 йил этиб белгилаш Ўзбекистон таълим тизимининг қадимий эканлигини эътироф этиш билан бир қаторда, уни университетлар жаҳон рейтинги рўйхатида муносиб ўрин эгаллашига ҳам ижобий таъсир кўрсатади.

 

276

"Ҳақиқий жентельмен": леди Гули нега лордга турмушга чиққанини тушунтирди

3717
(Янгиланган 20:26 11.09.2020)
Гули хоним Шейх суҳбат давомида Самарқандда содир бўлган хунук воқеа - аёл кишининг эр томонидан аёвсиз калтакланиши ҳолати ҳақида тўхталар экан, ушбу ҳодисани қоралашини билдирди ва "Ўзбекистонда Гендер тенгликни ривожлантириш керак деб ўйлайман", дея қўшимча қилди.

ТОШКЕНТ, 11 сен - Sputnik. Буюк Британия парламенти аъзоси — лорд Муҳаммад Илтаф Шайхга турмушга чиққан ўзбекистонлик Гули Мурадова кўпчиликни қизиқтирган "нотенг никоҳ" масаласига тўхталиб ўтди. Гули хоним Шейх ушбу саволга Лондонга учиб кетиши олдидан Sputnik Ўзбекистон мухбири билан бўлган суҳбатда тўхталиб ўтган.

Гап шундаки, леди Гули суҳбат давомида яқиндагина Самарқандда содир бўлган хунук воқеа - аёл кишининг эр томонидан аёвсиз калтакланиши ҳолати ҳақида тўхталар экан, ушбу ҳодисани қоралашини билдирди ва "Ўзбекистонда Гендер тенгликни ривожлантириш керак деб ўйлайман", дея қўшимча қилди.

"Ҳанузгача эр-хотин ўртасидаги тенгсизлик, аёлларга нисбатан паст назар билан қараш, куч ишлатиш ёки зўравонликлар қулоғимизга чалиниб турибди. Англияда аёлларга нисбатан зўравонликлар содир бўлмайди, демоқчи эмасман. Лекин кам, жуда кам ҳолатларда аёлларга нисбатан зўравонликлар ёки куч ишлатиш ҳолатлари юз бериши, мумкин. У ҳам бўлса маст ҳолатда юз берган бўлиши мумкин. Буюк Британияда агар аёлни эр ҳимоя қила олмаса, уни ҳуқуқ ҳимоя қилади", - дейди Гули хоним Шейх.

У шу ўринда, барча учун бирдек қизиқ бўлган, нега ўзидан анча ёши катта инсонга - лордга турмушга чиққани ҳақида гапириб ўтди.

"Биласизми, мен ҳурмат, меҳр ва иззатни аввалдан шу турмуш ўртоғимдан топганман. Лорд нафақат мени, балки ер юзидаги барча аёлларни ҳурмат қиладиган ҳақиқий жентельмен. У киши кўчада садақа сўраб ўтирган аёлни кўрганида ҳам, "аёл, боласи бордир, ноилож кўчада юрибди", дея қўлига пул бериб келадилар", - дея лордга таъриф беради леди.

Шу боис "шахсий ҳаётимда тўғри танловни амалга оширганимга ишончим комил", дея қўшимча қилади.

Келажакдаги режалари билан ўртоқлашар экан, Гули хоним Шейх тез орада Ўзбекистонга қайтиб, Бухородан ҳовли сотиб олмоқчилигини айтади.

"Хабарингиз бўлса, яқинда Бухоронинг айрим ҳудудларида юз берган ноқулай об-ҳаво шароити туфайли аҳоли хонадонлари вайроналарга айланди. Камига пандемия ҳам айнан шу вақтларга тўғри келиб қолди. Кетма-кет юз берган бу синовлар ортидан халқ қийналиб қолди. Шу боис Бухоронинг Қоракўл, Жондор ва Олот туманларига бориб, оз бўлсада хайрия қилиб, уларга руҳан мадад бўлишга аҳд қилдим. Биласизми, бу халқнинг меҳмондўстлиги, очиқ чеҳралилигини кўриб уларга меҳрим тушди. Айниқса, Жондор тумани маҳалла ва оилани қўллаб-қувватлаш бўлими, хотин-қизлар масалалари бўйича ўринбосари, туман Кенгаши депутати Латофат Беҳбудова билан жуда иноқ бўлиб, дўстлашиб қолдик. Ўзим аслида ўн беш йил давомида Англияда яшаган бўлсам, катта-катта қиролликларда меҳмон бўлганман, аммо Бухоро халқидаги каби меҳмондўстликни, ҳокисорликни ҳеч қаерда учратмадим", - дейди у тўлқинланиб.

Гули хоним Шейх, шунингдек, Ўзбекистон аэропортлари, банклари, туризм соҳаси, ресторан дейсизми, касалхоналардан дорихоналаргача ҳамма соҳани қамраб олган, мижозга хизмат кўрсатиш бўйича этика маданиятини ривожлантириш лойиҳасини тузганлигини айтди.

" Биласизми, Буюк Британияда хоҳ туризм бўлсин, хоҳ бошқа соҳа, мижозни эътибор ва хушмуомалалик билан жалб этишга ҳаракат қилишади. Имкон қадар мижознинг диди ва у ҳақда кўпроқ маълумотга эга бўлиб, унинг кўнглини топишга, шу йўл орқали маҳсулотини ўтказишга уринади. Шунингдек, ўз иши ва мижознинг хизматига масъулият билан ёндашилади. Хизмат кўрсатиш шохобчаларидаги ходим ишчиларнинг муомаласи, тили ва этикаси бошқача. Бироқ афсуски, Ўзбекистонда мен мана шу томондан бир оз камчиликларни пайқагандек бўлдим. Шу боис айнан шу йўналишда лойиҳа яратиб, Ўзбекистондаги хизмат кўрсатиш соҳаларида Буюк Британия маданиятини тарғиб қилмоқчиман", - деди суҳбат якунида Гули Муродова.

3717

Ўзбекистондан етти нафар киночилар ВГИКда ўқийди

71
(Янгиланган 10:27 26.08.2020)
Ўзбекистонлик абитуриентларнинг 5 йиллик ўқиши учун тўловларни "Ўзбеккино" МА ва "Россотрудничества" маркази биргаликда амалга оширади.

ТОШКЕНТ, 26 авг - Sputnik. ВГИК (Умумроссия давлат кинематография институти) бу йил 7 нафар ўзбекистонлик киночиларни танлов асосида қабул қилади. Бу ҳақида "Ўзбеккино" МА билан имзоланган меморандумда айтиб ўтилган. 

Шунингдек, "Россотрудничество", "Ўзбеккино" ҳамда ВГИК орасида бўлиб ўтган музокараларда ўзекистонлик ёшларнинг 5 йиллик ўқиш пули биргаликда жамланган маблағлардан тўланиши ҳақида келишиб олинди. 

Эслатиб ўтамиз, август ойининг бошида "Ўзбеккино" миллий агентлигида ВГИКда ўқишни истаги бор абитуриентлар орасида онлайн-имтиҳон бўлиб ўтган эди. Шуниндек режиссура, драматургия, кинооператорлик ва продюсерлик мутахассисликлари бўйича ижодий имтиҳонлар ҳам топширилган эди. 

ВГИК, Всеросси́йский госуда́рственный институ́т кинематогра́фии и́мени С. А. Гера́симова, - кино, телевидение ва театр соҳасида мутахассислар тайёрловчи Россиянинг етакчи олийгоҳи ҳисоблади. Муассаса 1919 йилда ташкил қилинган ва айни дамда Россия миллий бойликлари рўйхатига киритилган. Олийгоҳда кино, телевидение, театр, мультипликаяи соҳаларида ишлаш учун режиссерлар, актёрлар, драматурглар, постановщиклар, овоз режиссерлари, костюмлар рассоми ва бошыа мутахассислар тайёрлайди. Совет даврининг ва ҳозирги замоннинг аксарият етакчи режиссерлари ушбу олийгоҳни якунлаган. 

71
Узбекские милиционеры рядом с патрульной машиной

Қашқадарёда мактаб директори ўз жонига қасд қилди. У вафотидан олдин хат ёзиб қолдирган

518
Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган

ТОШКЕНТ, 18 сен - Sputnik. Бош прокуратура матбуот-хизмати ижтимоий тармоқларда тарқалган Қашқадарё вилоятида мактаб директори ўз жонига қасд қилганлиги, вафотидан олдин хат ёзиб қолдирганлиги ҳақидаги хабарлар юзасидан расмий баёнот эълон қилди.

Мактубда келтирилишича, директор суиқасд олдидан хат ёзган ва унда барча ҳамкасбларидан коррупцияга йўл қўймасликни ўтиниб сўраган.

"Ҳозирда мазкур ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда", - дейилади Бош прокуратура хабарида.

Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган.

Ҳозирда туман халқ таълими, ички ишлар бўлимлари ҳамда махалла ва оилани қўллаб-қувватлаш маркази туман бўлимининг мутасадди ходимлари ҳаракатлари юзасидан хизмат текширувлари тайинланган.

Текшириш ҳаракатлари давом этмоқда.

518