Ўзбекистон ва Россия халқлари ўртасида халқ дипломатияси ривожланади

166
“Ўзбекистон ва Россия ўртасидаги ҳамкорликни ривожлантиришда ватандошлар ўрни” мавзусида онлайн мулоқот ўтказилди.

ТОШКЕНТ, 1 окт — Sputnik. Ўзбекистон ва Россия халқлари ўртасида халқ дипломатияси ривожланади. Бу ҳақда Ташқи меҳнат миграцияси агентлиги хабар қилмоқда.

Хабарда ёзилишича, Ўзбекистондаги Шанхай ҳамкорлик ташкилотининг халқ дипломатияси маркази томонидан Ташқи ишлар вазирлиги, агентлилик, Россиядаги ўзбек диаспоралари ва бошқа ташкилотлар ҳамкорлигида “Ўзбекистон ва Россия ўртасидаги ҳамкорликни ривожлантиришда ватандошлар ўрни” мавзусида онлайн мулоқот ўтказилди.

Учрашувда Ўзбекистонда иқтисодий-ижтимоий, таълим, маданият, спорт ва бошқа соҳаларни ривожлантириш, унинг обрўсини ошириш, ташқи дунё билан муносабатларни мустаҳкамлашда Россиядаги ватандошлар тажрибасидан фойдаланиш,  миллий урф-одатларимиз, ўзбек тилини, хусусан, маданиятимиз ва қадриятларимизни асраб-авайлаш каби масалалар муҳокама қилинди.

Президентнинг 2018 йил 25 октябрдаги “Хорижда истиқомат қилаётган ватандошлар билан ҳамкорлик соҳасида ўзбекистон республикаси давлат сиёсатини янада такомиллаштириш чора-тадбирлари тўғрисида”ги қарори ва бошқа меъёрий-ҳуқуқий ҳужжатлар ижроси юзасидан ташкил этилган тадбирда Ўзбекистон ва Россия халқлари ўртасида халқ дипломатиясини ривожлантириш, яқин қўшничилик ва ҳамжиҳатликни мустаҳкамлашда хориждаги ўзбек миллий-маданий марказларининг ўрни ва аҳамияти ҳақида сўз юритилди.

166

Тошкент яқинида "Мистер Нокаут" фильми тасвирга олиш ишлари бошланди

147
Картина сюжетида Чирчиқ ва Ангрен шаҳри ҳамда Чорвоқ сув омбори атрофида машҳур совет боксёри Валерий Попенченко ҳаёти ва фаолияти акс этган

ТОШКЕНТ, 30 окт - Sputnik. Россия Федерацияси "Кинодом" ижодий уюшмаси вакиллари навбатдаги фильмни суратга олиш мақсадида Тошкент вилоятига ташриф буюришди. Бу ҳақда Тошкент вилояти туризмни бошқариш департаменти хабар бермоқда.

"Айни пайтда, кино ижодкорлар Чирчиқ ва Ангрен шаҳри ҳамда Чорвоқ сув омбори атрофида машҳур Совет боксёри Валерий Попенченко ҳаёти ва фаолияти акс этган "Мистер Нокаут" фильмини тасвирга олиш ишларини бошлаган", - дейилади хабарда.

Айни вақтда, суратга олиш ишларини давом эттириш учун жойни танлаш ишлари олиб борилаётгани қўшимча қилинган.

Эслатиб ўтамиз, "Mr. Нокаут" фильми бош режиссёри Артем Михалков октябр ойи ўрталарида Ўзбекистонга келган эди. Бош қаҳрамонни Виктор Хориняк ижро этиши маълум. Мураббий ролига Сергей Безруковни таклиф этиш режалаштирилган эди. Бюджети 200 миллион рублни ташкил этадиган картинани жорий йилнинг ўзида прокатга чиқариш мўлжалланмоқда. Фильмнинг суратга олиш ишлари Россия, Ўзбекистон, Польша ва Японияда бўлиб ўтади.

147
Человек прислонился к стеклянной двери

Томошабинларнинг юрак уриши тезлашишига қараб энг қўрқинчли фильм аниқланди

263
(Янгиланган 13:37 22.10.2020)
Фильмнинг энг қўрқинчи саҳнасида томошабинлар шунчалик қўрқиб кетишганки, уларнинг юрак уриши дақиқасига 131 мартагача ошиб кетган.

ТОШКЕНТ, 22 окт — Sputnik. Олимлар Хэллоуин арафасида энг қўрқинчли фильмни аниқлашди.

“Forbes” журнали ўз сайтида маълум қилишича, бунинг учун Британиянинг “BroadbandChoices” компанияси мутахассислари кинотомошабинларининг юрак уришини ўлчашган.

Тадқиқотда 2020 йил 15 сентябридан 30 сентябригача ўтказилган. Унда  турли ёшдаги 50 киши иштирок этган. Олимлар фильмдаги хотиржам ва қўрқинчли саҳналар вақтида томошабинларнинг юрак уриши тезлашинини назорат қилишган.

Тадқиқот якунларига кўра “Синистер” (“Sinister”, 2012) фильми энг қўрқинчли деб топилган. Бу фильмни томоша қилиш вақтида томошабинлар юрак уриши дақиқасига 86 марта урган. Бу одатдагига қараганда 32 фоизга кўп дегани (дақиқасига 65 марта). Шу билан бирга фильмнинг энг қўрқинчи саҳнасида томошабинлар шунчалик қўрқиб кетишганки, уларнинг юрак уриши дақиқасига 131 мартагача ошиб кетган.

“BroadbandChoices” талқинига кўра энг хоррор фильм бешлигига қуйидагилар киритилган: “Маккор” (“Insidious”, 2010), “Тавба” (“The Conjuring”, 2013), “Реинкарнация” (Hereditary, 2018) ва “Ғалати ҳодисалар” ("Paranormal Activity", 2007).

263

Марказий Осиё ҳаётсиз чўлга айланиши мумкин - тадқиқот

503
Олимларнинг аниқлашларича, гарчи илгари ушбу минтақа доимо кўкаламзор бўлган, деб ҳисошган бўлсаларда, аммо миллионлаб йиллар олдин Марказий Осиё улкан саҳродан иборат бўлган.

ТОШКЕНТ, 31 окт — Sputnik. Олимлар Марказий Осиё (МО) жонсиз саҳрога айланиши мумкин, дея айтишмоқда, деб ёзади "Популярная механика" нашри.

Олимларнинг аниқлашларича, 34 миллион йил олдин иқлимнинг кескин ўзгариши минтақада экологик фалокатга олиб келган. Бу воқеа минтақанинг биологик хилма-хиллигини бир умрга ўзгартирган. Мўғулистон, Тибет ва Шимоли-Ғарбий Хитой озгина ўсимликлар ўсадиган кенг қурғоқ чўлларга айланган. Бу замин қарийб 20 миллион йил давомида шу ҳолатда бўлган. Тадқиқот муаллифларининг таъкидлашларича, худди шу сценарий тез орада такрорланиши мумкин.

Осиёдаги қазилма чангни ўрганиб чиққан олимлар, миллионлаб йиллар давомида Марказий Осиё саҳродан иборат бўлгани, бу ерда асосан майда кемирувчилар яшаган, деган хулосага келишди.

Илгари бу минтақа деярли ҳар доим ўрмонзор билан қопланган, ва фақат вақт ўтиши билан бу ерда бир нечта чўллар пайдо бўлган, дея ҳисобланар эди. Бироқ, янги тадқиқот муаллифларининг фикрича, минтақанинг ҳозирги ҳолати - бу акс-ҳаракатлар, яъни қурғоқ саҳролар ўсимлик билан қопланиши натижасидир.

Олинган натижалар минтақадаги биохилма-хиллик, қишлоқ хўжалиги ва инсон фаровонлиги келажаги учун жиддий оқибатлар тўғрисида маълумот бермоқда. Ўтмишдаги фактлар шуни кўрсатмоқдаки, агар чўллар кўпайишда давом этса, Марказий Осиё ҳеч қачон илк чўлланишдан олдин мавжуд бўлган ноёб биологик хилма-хиллигини тиклай олмайди", - дея изоҳ беради тадқиқот иши етакчи муаллифи Наташа Барболини.

Ушбу тадқиқотлар Иқлим ўзгариши бўйича ҳукуматлараро кенгашнинг Марказий Осиё тезда сайёрадаги энг иссиқ ва энг қуруқ жойларидан бирига айланиб бораётганлигини кўрсатадиган прогнозларига мос келади, дея таъкидланган "Популярная механика" нашрида.

Тадқиқот ҳаммуаллифи Карина Хорн дейдики, қачонлардир доминантлик қилган айрим ўсимликлар минтақада ҳали ҳам бор, аммо улар жуда камёбдир. Бу шундан далолат берадики, иқлимнинг тезликда ўзгариши популяциянинг ортга қайтмас ўзгаришига олиб келиши мумкинлигига ишора қилади, деб ҳисоблайди аёл.

503