Город Ташекент. Узбекистан

Ўзбекистонда улкан валюта ислоҳотлари кутилмоқда

3560
(Янгиланган 12:08 01.12.2016)
Валюта соҳасини эркинлаштириш ҳақидаги қонун лойиҳаси ҳукумат порталида жамоатчилик муҳокамаси учун жойлаштирилган. 2016 йилнинг 14 декабригача ҳар бир фуқаро ушбу қонун лойиҳаси билан танишиб ўз фикрини билдириши мумкин.

ТОШКЕНТ, 29 ноя — Sputnik. Ўзбекистонда валюта соҳасини эркинлаштиришга қаратилган улкан  ислоҳотлар кутилмоқда. Ҳукумат порталида жойлаштирилган янги қонун лойиҳаси хўжалик субъектлари орасида пул-валюта муносабатларини эркинлаштириш, Ўзбекистон корхона ва банкларининг рақобатбардошлигини кучайтириш ва мамлакатда сармоялар учун қулай шароит яратишга қаратилган.     

Валюта сиёсати эркинлаштиришнинг устувор йўналишлари қуйидагича белгиланган:

— Барча давлат органлари томонидан қўлланилаётган чоралар назорат-чеклов туридан ҳимоя-рағбатлантириш  турига ўзгартирилиши керак. Хўжалик субъектлари хусусий валюта маблағларидан ўз хохиши бўйича фойдаланиш ҳуқуқига эга бўлиши керак. Сармоялар киритиш ва бизнес фаолияти олиб бориш учун қулай шароитлар яратилиши керак;

— Республика экспорт потенциалини кучайтириш, маҳаллий ишлаб чиқарувчиларнинг ички ва ташқи бозорда рақобатбардошлиги оширилиши керак;

— валюта операциялари амалга ошириш учун ташқи иқтисодий фаолиятнинг барча иштирокчиларига тенг шароитлар яратилиши керак. Алоҳида корхона ва соҳаларга имтиёзлар бериш таъқиқланиши керак;

— миллий валютанинг бошқа валюталарга нисбатан курси фақат бозор механизмлари ёрдамида белгиланиши керак;

— миллий валюта барқарорлигига таъсир қиладиган қонуний нормалар қабул қилинишига йўл қўймаслик керак;

Ушбу қонун лойиҳаси кучга кирган тақдирда, у қуйидаги тартибда амалга оширилади:

1. Ўзбекистон Республикаси ҳудудида сотилаётган барча маҳсулотлар ва кўрсатилаётган барча хизматлар, ҳамда  белгаланган устав капитали миқдори миллий валютада амалга оширилиши керак;

2. Ўзбекистон Республикаси ҳудудида чет эл валютасида маҳсулот ва хизматлар сотиш мутлақ таъқиқланиши керак. Фақат халқаро тўлов карталари бундан мустасно бўлиши керак. Халқаро тўлов карталари ёрдамида тўлов амалга оширилганда, маҳаллий корхона ҳисоб рақамига маблағ миллий валютада келиб тушиш механизмини ишлаб чиқиш керак.

3. Ўзбекистон Республикасида давлат солиқлари, ва барча мажбурий тўловлар миллий валютада амалга оширилиши керак. Фақат Ўзбекистон норезидентларидан эркин савдо зоналари ва эркин омборхоналарда олинаётган божхона солиқлари бундан мустасно бўлиши мумкин.

Янги қонун жисмоний ва юридик шахсларга хусусий валюта маблағларидан ўз хохиши бўйича фойдаланиш учун қуйидагиларни кўзда тутган:

— Юридик шахслар валютада олинган даромад ва дивидендларни акциядорлик жамиятлар қатнашчиларига валюта ҳисобда тўлаш ҳуқуқига эга бўлади;

— Республика ичида жисмоний шахслар орасида банк узатмалари, почта узатмалари ёки пул узатмалари тизимлари ёрдамида валюта узатмалари амалга ошириш мумкин бўлади;

— Юридик шахс ташкил қилмаган хусусий тадбиркорларга ўз ҳисоб рақамлари орқали маҳсулот ва хизматлар импорти учун валютада тўлов амалга ошириш имкони берилади;

— Экспорт ва импорт амалга оширувчи корхоналар ташқи иқтисодий шартномалар бўйича тўловларни ўзлари  истаган шаклда амалга оширишлари мумкин бўлади; 

— Умумий қиймати 10 000 АҚШ долларигача бўлган чет эл валютасини Ўзбекистондан олиб чиқишга  рухсат берилсин. 2000 АҚШ долларига бўлган валюта олиб кирилганда ва олиб чиқилганда уни божхона декларациясида кўрсатиш шарт бўлмайди;

— Марказий банк ва тижорат банклари томонидан чет эл валютасини олиб чиқиш учун бериладиган рухсатномалар бекор қилинади;

— Ўзбекистон Республикаси резиденти бўлмаган жисмоний ва юридик шахслар учун Ўзбекистон банкларида ҳисоб рақамлари очиш ва уз ҳисоб рақамларида бўлган маблағлардан, қонунда белгиланган тартибда, эркин фойдаланиш ҳуқуқига эга бўладилар;

— ва шу каби бошқа чоралар қабул қилинади;

Янги қонун лойиҳасига кўра, Ўзбекистон Республикаси Марказий банки барча хўжалик субъектлари учун валюта сотииб олиш ва сотишнинг, валюта ҳисобида операциялар амалга оширишнинг осонлаштирилган тартибини ишлаб чиқиши керак.

Қонун лоййиҳасида кўзда тутилган яна бир муҳим масала бу — чет эл валюталарига нисбатан миллий валюта курсини белгилаш тартибидир. Ушбу курса айни дамда валютага мавжуд бўлган талаб ва таклифни ҳисобга олиши керак. Банклар орасидаги валюта савдоси валюта биржасида амалга оширилиши керак.

Банклар фаолиятида ҳам мавжуд бўлган маъмурий тўсиқларни бартараф этиш режалаштирилган. Улар орасида чет эл валютасида кредит бериш тартибини ўзгартириш, банклар фаолияти устидан назорат қилиш тартибини ўзгартириш, банклар фаолиятини лицензиялаш тартибини ўзгартириш каби чоралар бор.

2017 йилнинг биринчи ярми якунларига кўра Ўзбекистон Марказий банки, Молия вазирлиги, Солиқ ва Божхона қўмиталари зиммасига ушбу қонун нормалари тадбиқ қилинишининг таҳлили ва Ўзбекистон Республикасининг "Валютани тартибга солиш тўғрисида"ги қонунининг янги таҳририни ишлаб чиқиш керак.

3560
Мавзу:
Ўзбекистонда валюта ислоҳоти амалга оширилмоқда (25)
Монеты России

Давлат бюджети харажатлари яна қисқартирилади

288
Жумладан, бюджет ташкилотларида 2021 йилнинг 1 январига қадар моддий рағбатлантириш жамғармаси, шу жумладан директор жамғармаси бўйича кўзда тутилган маблағлардан тўловлар тўхтатиб турилади

ТОШКЕНТ, 14 авг - Sputnik. Ҳукуматнинг коронавирус инфекциясига қарши курашиш учун заҳира яратиш мақсадида 2020 йилдаги Ўзбекистон Республикасининг давлат бюджети харажатларини мақбуллаштириш тўғрисидаги қарори лойиҳаси жамоатчилик муҳокамаси учун эълон қилинди.

Унга мувофиқ, республика бюджети қарийб 706 млрд сўмга оптималлаштирилади. Жумладан, бюджет ташкилотларида 2021 йилнинг 1 январига қадар моддий рағбатлантириш жамғармаси, шу жумладан директор жамғармаси бўйича кўзда тутилган маблағлардан тўловлар тўхтатиб турилади. Бунда 296 млрд сўм тежалади.

Иккинчидан, бюджет ташкилотларида асосий воситалар сотиб олиш учун 55,4 млрд, хизмат сафарлари учун 15,9 млрд ва бошқа харажатларни молиялаштириш тўхтатилади.

Учинчидан, маҳаллий бюджетларнинг 326 млрд сўмлик харажатлари оптималлаштирилади. Бундан ташқари, ижтимоий ва ишлаб чиқариш инфратузилмасини ривожлантириш дастурида кўзда тутилган харажатлар бўйича лимитлар ҳам қайта кўриб чиқилади. Натижада 130 млрд сўмча маблағ иқтисод қилинади.

Тўртинчидан, мақбуллаштирилган маблағлар келгусида коронавирус инфекциясига қарши курашиш чора-тадбирларига йўналтириш учун Инқирозга қарши курашиш жамғармасига йўналтирилади.

288

Мирзиёев Ўзбекистонда карантин талаблари юмшатилишини айтди

771
Барча ҳудудларда даволаш ўринлари ва тиббий ускуналар сони бир неча баробар кўпайтирилгани, тез тиббий ёрдам ва даволаш сифати яхшилангани натижасида охирги бир ҳафтада мамлакат бўйича коронавирусдан соғайиш кўрсаткичи ошгани қайд этилди.

ТОШКЕНТ, 11 авг - Sputnik. Ўзбекистон президенти Шавкат Мирзиёев атроф-муҳитни муҳофаза қилиш ва аҳоли саломатлигини сақлаш масалалари муҳокама қилиш мавзусида ўтказилган йиғилишда Мирзиёев карантин талабларини юмшатиш муҳимлигини таъкидлади. Бу ҳақда президент матбуот-хизмати хабар бермоқда.

"Видеоконференцалоқа шаклида ўтган тадбир бошида давлатимиз раҳбари коронавирус пандемияси билан боғлиқ вазиятга тўхталиб ўтди. Хусусан, барча ҳудудларда даволаш ўринлари ва тиббий ускуналар сони бир неча баробар кўпайтирилгани, тез тиббий ёрдам ва даволаш сифати яхшилангани натижасида охирги бир ҳафтада мамлакатимиз бўйича коронавирусдан соғайиш кўрсаткичи ошгани қайд этилди. Фуқаролар ҳаёти ва соғлиғи ҳимоясини янада кучайтирган ҳолда, пандемия шароитида яшаш ва ишлашда давом этиш, карантин талабларини босқичма-босқич юмшатиш муҳимлиги таъкидланди", - дейилади хабарда.

Йиғилиш давомида мамлакатда экологик хавфсизликни таъминлаш масалалари атрофлича кўриб чиқилди.

Хусусан, Орол денгизининг қуриган тубида ўрмонзорлар барпо этилиб, Оролбўйидаги шаҳар ва туманларни ривожлантиришга қаратилган дастурлар жадал амалга оширилаётгани, атроф-муҳитни ва аҳоли саломатлигини муҳофаза қилиш мақсадида чиқиндиларни йиғиш ва қайта ишлаш бўйича изчил ишлар олиб борилаётгани, айниқса, ҳозирги пандемия шароитида бу масалалар янада долзарб аҳамият касб этиши таъкидланди.

 

Муҳокамада экологик назоратни кучайтириш масаласига ҳам алоҳида эътибор қаратилди.

Айрим заводлар ҳавога меъёрдан ортиқча ташланма чиқариб, атроф-муҳитга салбий таъсир кўрсатмоқда. Бундай ҳолатлар фуқароларнинг ҳақли эътирозига сабаб бўлмоқда.

Шу боис Экология ва атроф-муҳитни муҳофаза қилиш давлат қўмитасига ҳаво ифлосланишини тезкор таҳлил қиладиган мобил лабораториялар билан ҳар бир ҳудудни таъминлаш топшириғи берилди. Бош вазир ўринбосарига атроф-муҳитга юқори ва ўрта хавфли 240 та йирик саноат корхонасида замонавий локал тозалаш иншоотларини ўрнатиш ва мавжудларини модернизация қилиш бўйича дастур ишлаб чиқиш вазифаси қўйилди.

771
“Талибан” снова наступает: в Афганистане произошла серия терактов

Толиблар Тожикистон чегараси яқинида ҳужум уюштирди

290
Толибларнинг Тожикистон чегараси яқинида Афғонистон армияси кучларига қуролли ҳужуми муваффақиятсизлик билан якун топди.

ТОШКЕНТ, 15 авг — Sputnik. Тожикистон билан чегарада афғон ҳарбийлари толиблар ҳужумини қайтарди, деб хабар қилди Sputnik Тожикистонга афғон миллий армиясининг 217-"Помир" корпуси матбуот-котиби.

Террорчилар 14 август куни 6.30да Бадахшон провинциясининг Куф-Аб уезди ҳудудида армия ва полиция кучларига ҳужум уюштирган.

Афғонистон ҳарбийлари ҳаракатлари натижасида 10 нафар жангари ўлдирилган, 6 нафари жароҳатланган, 4 нафари асир олинган.

Жангарилардан 1 та гранатомет, 1та Калашников автомати ва бошқа қуроллар олиб қўйилган.

Муваффақиятсиз ишғолдан сўнг, толиблар чекинган. Афғонистон армияси томонидан бўлган йўқотишлар ва/жароҳатланганлар ҳақида маълумотларга аниқлик киритилмаган.

290