Самарқанддаги трамвай

"Кутилмаган меҳмон", ёхуд Самарқандга трамвай керакми?

598
(Янгиланган 15:23 16.03.2017)
Дунёга донғи достон, "Шарқ марвариди" дея эъзозланмиш - қадим Самарқанд шаҳрида келаётган ҳафтада трамвай ҳаракатланиши ишга туширилиши режалаштирилган

ТОШКЕНТ, 16 мар — Sputnik. Ушбу лойиҳа муаллифлари ва ташаббускорлари режасига кўра, бу шаҳарга қўшимча сайёҳлар оқимини жалб этишга имкон беради, электр қуввати эвазига шаҳардаги экологик муҳитни яхшилашга хизмат қилади, бир сўз билан айтганда, трамвай — самарқандликлар ва меҳмонларга шаҳар бўйлаб ҳаракатланишни янада қулайлаштиради, деб хабар қилмоқда Sputnik Ўзбекистон мухбири.

Аммо бу ҳозирча қуруқ гап, холос. Ҳақиқат эса айни вақтда сал бошқачароқ кўриниш касб этиб турибди. Самарқандликларнинг ўзлари рўй бераётган ўзгаришлар ҳақида қандай фикрда? Нашр мухбирлари ана шу масалага ойдинлик киритишга ҳаракат қилдилар.

Трамваи в Самарканде
Фото стрингера
Трамваи в Самарканде

Шаҳар аҳолиси билан савол-жавоб қилар эканмиз, уларнинг аксариятининг юзларида "Шу трамвай етмай турувди ўзи" деган ифода акс этиб турар эди, дейди мухбир.

Бу ишдан кўпам даромад кутмаслик кераклиги шундоққина аён. Сабаби, биринчидан, трамвайлар шаҳар бўйлаб қатнови йўлга қўйилган Isuzu автобусларидан кўра, ҳаракатланиш маршрутида чегараланган, қолаверса уларнинг ҳаракат тезлиги ҳам автобус транспортига нисбатан анча паст.

Сўров

Самарқандга трамвай керакми?
  • Ҳа, бунинг натижасида шаҳар эколгияси яхшиланади
    41.8% (54)
  • Йўқ, трамвай транспорт тизимини фақат мушкуллаштириади
    26.4% (34)
  • Ҳа, трамвай керак, лекин бошқа йўналишларда
    6.2% (8)
  • Йўқ, трамвай эскирган, шаҳарга бошқа транспорт воситаси керак
    25.6% (33)
Овоз беришди: 2

Трамвай билан бирга келган яна бир муаммо бу — тирбандликлар масаласи. Мисол учун, Рудакий кўчасини оладиган бўлсак, у трамвайни ишга тушириш режасига қадар ҳам йўл трафигидан "азият чекар" эди, мана энди унинг каттагина қисми трамвай учун ажратилгач, автомобиллар оқимидан "зўрға нафас оладиган" даражага етди.

Самарқанд кўчаларида автомобиллар сони йилига фақатгина ошаётганини инобатга олсак, орадан икки-уч йил ўтгач, аҳвол не кечаркин?

Кўриниб турибдики, айни вақтда бу масала шаҳар маъмуриятини унчалик безовта қилмаётган кўринади.

Эски шаҳар, айнан Сиёб бозори атрофида вазият янада мураккаброқ. Бу ердаги тор кўчалар автотранспортларнинг улкан оқимига мослаштирилмагани аниқ, трамвай пайдо бўлгач эса фақатгина икки полоса автотранспорт учун ажратилади, холос.

Бу воқеани шаҳардаги такси ҳайдовчиларидан бири қуйидагича ифодалади:

"Трамвайлар аввалига Тошкентда ҳаракатланди ва кейин керак бўлмай қолди. Уларни арзон-гаровга сотишни хоҳлашмади, шунинг учун кимдир "келинглар трамвайни Самарқандга юборамиз, ўшаёқда ҳаракатлансин", деган таклифни билдирди. Қизиқ қарор, пойтахтда тирбандликлар туфайли трамвайлар фаолиятига нуқта қўйилди, Самарқандда эса худди шу муаммо янада чуқурлашди. Орадан 5-10 йил ўтиб "ўйиндан тўйгач", трамвайларни Бухороми, Хивами ёки яна бир жойга юборармиз", — деб таъкидлади суҳбатдош.

Айримлар эса, электр қувватидаги мунтазам узилишлар туфайли трамвай кунига тўрт соат ҳаракатланади, дея ҳазилнамо фикр билдиришмоқда.

"Трамвай ҳаракатини йўлга қўйиш учун катта маблағни сарф қилиш керакмиди? Ундан кўра автобусларни харид қилган яхшимасмиди — ҳам арзон, ҳам самарали. Йўлларни бузиш, трамвай линияларини қуришга ҳожат қолмасди. Энди эса бу хўжаликка хизмат кўрсатиш учун яна қанча маблағ керак бўлади? Бу транспорт ўзини оқламаслиги ҳам аниқ", — дейди Сарвар исмли суҳбатдош.

Эслатиб ўтамиз, илгарироқ Самарқанддаги биринчи трамвай тармоғи икки босқичда қурилади ва 21 март куни илк трамвай йўлга чиқади, деб хабар берган эдик.

Шаҳарни ривожлантириш бош режасига кўра, умумий узунлиги 34,8 километрли тўртта трамвай тармоғи қурилиши режалаштирилган. "Ўзбекистон темир йўллари" компаниясининг маълумот беришича, биринчи босқичда узунлиги 11,4 километрли трамвай йўли ётқизилади. Йўл иккита участкада — темир йўл вокзалидан Саттепо массивгача 6,4 километр ва темир йўл вокзалидан Сиёб бозоригача 5 километр узунликда қурилади.

Трамваи в Самарканде
Фото стрингера
Трамваи в Самарканде

"Қурилишнинг иккинчи босқичида 23,4 километр узунликдаги трамвай йўли ётқизилади. Узунлиги 12,4 километрли йўл темир йўл вокзалидан Спитамен кўчаси орқали Суперфосфат заводига қадар бўлади. Иккинчи йўналиш эса темир йўл вокзалидан Нарпай кўчаси орқали Суперфосфат кўчасига олиб боради. Бу йўлнинг узунлиги 11 километрни ташкил этади", — деб хабар берган эди компания матбуо-хизмати.

Эслатиб ўтамиз, илгарироқ Тошкент шаҳар ҳокимияти тирбандликлар сабабли барча трамвай йўналишларини ёпиш ва трамайларни Самарқанд шаҳрига тақдим этиш ҳақида қарор қабул қилганди.

598
Теглар:
трамвай, Самарқанд
Лепешка с изображением таджикского и узбекского флагов

Ўзбекистон ва Тожикистон савдо-саноат палаталари ҳамкорликни кучайтиришга келишди

317
Томонлар Ўзбекистон бош вазири Ариповнинг Тожикистонга расмий ташрифи арафасида бизнес-форумни ўтказиш ва тайёрлаш масалаларини муҳокама қилдилар, шунингдек, икки мамлакат тадбиркорлари ўртасида бизнес алоқаларни кучайтириш бўйича ишларни давом эттиришга келишдилар

ТОШКЕНТ, 19 сен - Sputnik. Тожикистон Савдо-саноат палатаси раҳбари Жамшед Жумахонзода Ўзбекистон Савдо-саноат палатаси раиси ўринбосари Фаризшох Усмонов бошчилигидаги делегация билан учрашув ўтказди. Томонлар ҳамкорликда Афғонистонга ва минтақанинг бошқа мамлакатларига маҳсулотлар савдосини йўлга қўйиш бўйича лойиҳаларни ҳам муҳокама қилдилар, деб хабар бермоқда Ўзбекистон ССП матбуот-хизмати.

Ўзбекистон делегацияси таркиби Тошкент, Бухоро, Наманган, Фарғона, Сурхондарё ва Хоразм вилоятлари ССП ҳудудий бошқармалари раҳбарларидан ташкил топди. Тожикистон томонидан учрашувда ССП раиси ўринбосари О.Сангов, М.Рустамовлар ҳамда Хатлон ва Сўғд вилоятлари ССП ҳудудий бошқармалари раҳбарлари иштирок этишди.

Учрашув давомида Ўзбекистон ССП раиси ўринбосари Усмонов Тожикистон томонига самимий ва илиқ меҳмондорчилик учун миннатдорлик билдирди.

Усмонов Ўзбекистон тадбиркорлари томонидан Тожикистон хусусий бизнеси билан иккиёқлама ҳамкорликни ривожлантиришга қизиқиш кучлилигини таъкидлаб, томонлар ўртасида ўзаро савдо ҳажмини ошириш имкониятлари ҳақида гапирди.

Ўз навбатида, Тожикистон ССП раиси Жумахонзода Ўзбекистон томонига савдо-иқтисодий ва инвестиция соҳаларида икки томонлама муносабатларни чуқурлаштиришга бўлган қизиқиш учун миннатдорлик билдирди.

Шунингдек, учрашув давомида Тожикистон ва Ўзбекистон ўртасида В2В форматида бизнес учрашув ўтказилиши иккиёқлама ҳамкорликда муҳим ўрин тутиши таъкидланди.

Икки мамлакат ҳудудий бўлинмалари ўртасида минтақалараро ҳамкорликни кенгайтириш истиқболлари кўриб чиқилди.

Хусусан, иккиёқлама бизнес алоқаларни янада ривожлантириш мақсадида Ўзбекистон ва Тожикистоннинг чегара олди ҳудудларидаги ССП бўлинмалари ўртасида ҳамкорлик битимини имзолаш бўйича келишувга эришилди.

Кенг кўламли тадбирлар Ўзбекистон бош вазири Абдулла Ариповнинг 28-30 сентябр кунлари Тожикистонга ташрифи арафасида ўтказилмоқда.

317
Автомобили во время снегопада

Бу йил қиш совуқ келиши кутилмоқда: мавсумга тайёргарлик бўйича қарор қабул қилинди

1234
Вазирлар Маҳкамасига туман ва шаҳарлардаги ҳақиқий ҳолатдан келиб чиқиб, куз-қишга тайёргарлик юзасидан Тошкент шаҳрининг 12 та тумани, Қорақалпоғистон ва ҳар бир вилоят бўйича алоҳида-алоҳида қарор қабул қилиш топширилди

ТОШКЕНТ, 19 сен - Sputnik. Бу йил қиш совуқ келиб, ҳаво ҳарорати олдинги йилларга нисбатан 2-5 даража паст бўлиши кутилмоқда. Шу муносабат билан  Вазирлар Маҳкамасига туман ва шаҳарлардаги ҳақиқий ҳолатдан келиб чиқиб, куз-қишга тайёргарлик юзасидан Тошкент шаҳрининг 12 та тумани, Қорақалпоғистон ва ҳар бир вилоят бўйича алоҳида-алоҳида қарор қабул қилиш топширилди, деб хабар бермоқда Ўзбекистон президенти матбуот-хизмати.

Ўзбекистон Бош вазири Тошкент шаҳри туманларига, Бош вазирнинг биринчи ўринбосари вилоятларга шу масалалар бўйича масъул этиб бириктирилди.

Тайёргарлик ишларини, энг аввало, бу борада аҳвол оғир бўлган 56 та туман ва шаҳардан бошлаш кераклиги таъкидланди.

1 ноябрга қадар 3 мингдан зиёд таъмирга муҳтож кўп қаватли уйни куз-қиш мавсумига тайёрлаш, 131 та ижтимоий соҳа объектини мукаммал ва 3 мингтасини жорий таъмирлаш вазифаси қўйилди. Тиббиёт ва таълим муассасаларининг тайёргарлик ҳолати кўриб чиқилди.

Бу йил куз-қиш мавсуми учун 6 миллион тонна кўмир маҳсулотлари зарурлиги қайд этилиб, уларни ғамлаш ва етказиб бериш бўйича чора-тадбирлар белгиланди. Кўмир арзон бўлиши учун уни импорт қилувчи тадбиркорларга темир йўлда ташиш бўйича чегирма бериш муҳимлиги таъкидланди.

Бош прокуратурага кўмир нархини асоссиз ошириб юбориш, тамагирлик ва талон-торож ҳолатларининг олдини олиш юзасидан кўрсатма берилди.

"Ҳудудгазтаъминот" акциядорлик жамиятига табиий газ танқис ҳудудларга 385 минг тонна суюлтирилган газ етказиб бериш вазифаси қўйилди.

Жорий мавсумда электр энергиясига талаб ўтган йилгига нисбатан 7,5 фоиз кўп бўлиши кутилмоқда. Бу соҳа барқарор ишлаши учун иссиқлик электр станцияларини табиий газ ва мазут билан таъминлаш, электр тармоқлари, подстанция ва трансформаторларни таъмирлаш муҳимлиги таъкидланди.

Видеоселектор йиғилишида ҳукумат аъзолари, тегишли тармоқ ва ҳудудлар раҳбарлари ахборот берди.

1234

ХТВ телевизион дарсдаги хатолик учун узр сўради

28
16 сентябрь куни эфирга узатилган инглиз тили фани видеодарсида Нью-Йорк АҚШнинг пойтахти деб айтилган эди. Аслида Вашингтон АҚШнинг пойтахти ҳисобланади.

ТОШКЕНТ, 20 сен — Sputnik. Халқ таълими вазирлиги мактаб ўқувчилари учун телевизион дарсда қўйилган хатолик учун узр сўради ва чет тили ўқитувчиларининг таркиби қайта кўриб чиқилганини маълум қилди.

Жорий йилнинг 14 сентябрь кунидан бошлаб мактаб ўқувчилари учун телевизион дарслар узатила бошланди.

Таъкидланишича, “Онлайн-мактаб” лойиҳаси доирасида ҳар куни 100 дан ортиқ (30-35 соат) дарслар тасвирга олинмоқда. Мазкур дарсларда имкон қадар хатолик ўтмаслигига ҳаракат қилинмоқда.

“Бироқ, 16 сентябрь куни эфирга узатилган чет тили фани видеодарсида айрим хатоликларга йўл қўйилди. Энг аввало, мазкур ҳолат учун барчадан узр сўрамоқчимиз. Халқ таълими вазирлиги томонидан дарсларда йўл қўйилган хато ва камчиликларни бартараф этиш мақсадида чет тили ўқитувчиларининг таркиби қайта кўриб чиқилди, дарс муҳаррири алмаштирилди ҳамда дарсларда тажрибали ўқитувчилар жамоасини янада кенгайтириш мақсадида маҳоратли педагоглар учун танлов эълон қилинди”, - дейилган хабарда.

Вазирлик кенг жамоатчилик ва ижтимоий тармоқ фаолларидан “Онлайн-мактаб” лойиҳасида иштирок этаётган ўқитувчиларни камситмасликни сўраб қолган.

“Ҳар биримиз хатоликка йўл қўйишимиз мумкин, иш бор жойда хатоликлар ҳам учраб туради. Лекин, бу хатоликларни олдини олиш ва келгусида йўл қўймаслик чоралари кўрилмоқда”, - дея қўшимча қилган вазирлик.

ХТВ бу вазият барчани ўз вазифаларини бажаришда эътиборлироқ бўлишга ва ишга профессионал ёндашишга ундашига умид билдирган.

Вазирлик ҳозирги шароитда ўз соғлиғини хавф остига қўйиб ҳам анъанавий ҳам масофавий шаклда фаолият олиб бораётган ҳамда видеодарсларни тасвирга олиш жараёнларига жалб қилинган ўқитувчиларга миннатдорчилик билдирган.

28