ТОШКЕНТ, 28 ноя — Sputnik. Осиё тараққиёт банки директорлар кенгаши қишлоқ жойларда аҳолига тиббий-санитария ёрдам сифатини яхшилаш мақсадида 45 миллион доллар ажратишни тасдиқлади, деб хабар қилди Sputnik мухбири.
ОТБнинг 2004 йилдан бири соғлиқни сақлаш соҳасида биринчи лойиҳаси ҳисобланади. Унинг доирасида 793 янги оилавий поликлиникалардаги қишлоқ врачлик пунтлари замонавий тиббий жиҳозлар билан таъминланади. Мутахассисларнинг фикрига кўра, ушбу кўмак ёрдамида Ўзбекистонда соғлиқни сақлаш соҳасида мавжуд бўлган долзарб муаммоларни ҳал қилиш, юрак ҳасталикларини даволаш, бола туғишдан олдин кузатув ишларини яхшилашга имкони беради.
Бундан ташқари, республика тиббиёт ходимлари учун малака ошириш курсларини ўтказиш ҳам назарда тутилган.
"Ўзбекистон соғлиқни сақлаш тизими аҳоли саломатлигини яхшилашда ижобий натижаларга эришди. Лекин тиббий-санитария ёрдам сифатини яхшилаш зарурати мавжуд. Жумладан, республиканинг чекка туманларда. Биз тиббиёт муассасаларни замонавий жиҳозлар билан таъминлаш ва ходимларни малакасини ошириш борасида ҳукумат билан яқиндан ҳамкорлик қиламиз", — деди ОТБ Марказий ва Ғарбий Осиё соғлиқни сақлаш департаменти мутахассиси Меган Кунахан.
Эслатиб ўтамиз, ОТБ Ўзбекистонга 31,7 миллиард доллардан ортиқ маблағ ажратилди.
